Umfjöllun og viðtöl: Þór Þ. - Grindavík 74-84 | Langþráður Grindavíkursigur Ingvi Þór Sæmundsson skrifar 20. nóvember 2015 21:30 Grindvíkingar gátu fagnað í kvöld. Vísir/Ernir Grindavík bar sigurorð af Þór, 74-84, í lokaleik 7. umferðar Domino's deildar karla í körfubolta. Grindvíkingar bundu þar með enda á fjögurra leikja sigurgöngu Þórsara og unnu um leið sinn fyrsta sigur í fjórum leikjum. Liðin eru nú með jafnmörg stig (fjögur) þegar sjö umferðum er lokið. Leikurinn var kaflaskiptur en góður kaflarnir hjá Grindavík voru fleiri og betri og þeir unnu sanngjarnan sigur sem gefur þeim væntanlega byr undir báða vængi fyrir framhaldið. Stigunum var ójafnt skipt hjá Þór í fyrri hálfleik. Ragnar Nathanaelsson var frábær með 16 stig og níu fráköst og Halldór Garðar Hermannsson skoraði níu stig af bekknum en aðrir voru talsvert frá sínu besta. Vance Hall, sá öflugi leikmaður, var í villuvandræðum og komst í lítinn takt við leikinn og þeir Emil Karel Einarsson, Davíð Arnar Ágústsson, Þorsteinn Már Ragnarsson og Ragnar Örn Bragason skiluðu aðeins samtals sex stigum í fyrri hálfleik. Grindvíkingar byrjaði leikinn miklu betur, hittu vel og eftir rúmar fimm mínútur var staðan orðin 4-16, gestunum í vil. Það var lítið að frétta í sóknarleik heimamanna ef frá er talið framlag Ragnars sem skoraði fyrstu sjö stig Þórs. En Þórsarar náðu áttum um miðjan 1. leikhluta, ekki síst fyrir tilstilli Halldórs Garðars sem skilaði sjö stigum af bekknum. Á sama tíma hrundi sóknarleikur gestanna sem skoruðu ekki körfu síðustu fimm mínútur leikhlutans. Þórsarar luku fyrri hálfleiknum á 15-1 spretti og leiddu með tveimur stigum, 19-17, eftir 1. leikhluta. Þeir héldu áfram að spila vel í 2. leikhluta og náðu mest 11 stiga forskoti, 36-25. Grindvíkingar voru í vandræðum í sókninni á þessum kafla og þurftu að sætta sig við miserfið stökkskot enda enginn hægðarleikur að sækja inn í teiginn þar sem Ragnar réði ríkjum. En þrátt fyrir erfiðleikana héldu Grindvíkingar haus og þeir koma með sterkt áhlaup undir lok fyrri hálfleiks þegar Hall var utan vallar vegna villuvandræða. Gestirnir settu niður þrjá þrista í röð og náðu svo forystunni, 38-39, rétt fyrir lok fyrri hálfleiks. Grindvíkingar byrjuðu seinni hálfleikinn eins og þeir enduðu þann fyrri og hreinlega áttu 3. leikhlutann með húð og hári. Gestirnir spiluðu ljómandi vel á báðum endum vallarins og fengu framlag úr öllum áttum. Þórsarar voru hins vegar í tómu tjóni en sá eini sem var með lífsmarki í 3. leikhluta var Þorsteinn Már sem skoraði þá 10 af 12 stigum sínum í leiknum. Eins góður og Ragnar var í fyrri hálfleik, þá náði hann sér ekki á strik í seinni hálfleik þar sem hann skoraði aðeins tvö stig sem komu bæði af vítalínunni. Reyndar var vítanýting Þórsara í leiknum skelfileg, eða 53%, sem reyndist þeim dýrt. En þrátt fyrir erfiðan 3. leikhluta voru heimamenn ekki tilbúnir að gefast upp og þeir komu með áhlaup í 4. leikhluta. Þórsarar komust snemma í bónus í lokaleikhlutanum en náðu ekki að nýta sér það sem skildi sökum slakrar vítanýtingar. Heimamenn sóttu hart að gestunum sem áttu þó alltaf svar. Miklu munaði um framlag Eric Wise sem skoraði mikilvægar körfur undir lok leiks þegar Þórsarar voru farnir að nálgast Grindvíkinga ískyggilega mikið. Þór náði að minnka muninn í tvö stig en nær komust þeir ekki. Grindvíkingar sýndu styrk, kláruðu vítin sín og fögnuðu að lokum 10 stiga sigri, 74-84. Wise var atkvæðamestur í liði Grindavíkur með 30 stig og átta fráköst. Jón Axel Guðmundsson skoraði 18 stig og gaf átta stoðsendingar og Jóhann Árni Ólafsson átti sömuleiðis flottan leik með 14 stig og sjö fráköst. Hjá Þór var Hall stigahæstur með 23 stig en Ragnar kom næstur með 18 stig og 14 fráköst.Bein lýsing: Þór Þ. - GrindavíkEinar Árni: Vorum alltof oft litlir kallar Einar Árni Jóhannsson, þjálfari Þórs, var langt frá því að vera sáttur með sína menn eftir tapleikinn gegn Grindavík í kvöld. "Ég ætla nú ekki að tefja þig lengi í kvöld, það var svo margt sem fór úrskeiðis," sagði Einar aðspurður hvað hefði gerst hjá Þórsurum sem voru búnir að vinna fjóra leiki í röð fyrir leikinn í kvöld. "Það vantaði einbeitingu, við vorum að tapa óþarflega mörgum boltum illa og svo lentum við í alls konar vandræðum. "Ég verð að hrósa Grindvíkingum, þeir voru mjög ákveðnir í vörninni og við vorum alltof oft litlir kallar í staðinn fyrir að taka fast á móti þeim. Við áttum í vandræðum með að stoppa Kanann þeirra (Eric Wise) og það var af mörgu að taka. "Ég held að þetta sé það daprasta sem við höfum sýnt í vetur," sagði Einar. Þórsarar áttu ágætis kafla í fyrri hálfleik en misstu tökin undir lok hans. Einar sagði að fjarvera Vance Hall hafi skipt sköpum en hann sat á bekknum á þessum kafla sökum villuvandræða. "Vance er lykilmaður í þessu liði og hann fær þrjár villur snemma í leiknum. Þessar mínútur sem hann er utan vallar voru einfaldlega mjög daprar. "Við vorum að ég held 10 stigum yfir þegar hann fær þriðju villuna og við köstuðum þeirri forystu frá okkur með lélegri spilamennsku. Við vorum óagaðir og skotvalið lélegt," sagði Einar sem vill sjá betri leik hjá sínum mönnum gegn Haukum í næstu umferð. "Það þýðir ekkert að dvelja við þetta, það er bara næsti leikur og áfram gakk."Jóhann: Héldum haus þegar þeir komu með áhlaup Jóhann Ólafsson, þjálfari Grindavíkur, var að vonum sáttur með stigin tvö sem hans menn sóttu til Þorlákshafnar í kvöld. "Heildin, held ég," sagði Jóhann þegar hann var spurður hvað hefði skilað sigrinum í kvöld sem var sá fyrsti hjá Grindavík síðan í 3. umferð. "Við spiluðum vel saman í sókn þegar á reyndi og varnarleikurinn hélt ágætlega. Þetta var svolítið skrítinn leikur, hátt spennustig og ekki fallegur körfubolti en við unnum og ég er sáttur með það." Grindvíkingar fengu framlag frá mörgum leikmönnum í kvöld sem hafði mikið að segja um úrslit leiksins. "Við leggjum upp úr því að liðsheildin virki vel og þegar hún er til staðar erum við miklu betri. Og sú var raunin í dag," sagði Jóhann og bætti við: "Við höfum einblínt á hlutina sem við getum stjórnað og halda okkur í núinu og pæla ekki of mikið í því sem er búið. Mér fannst við gera það vel í dag. "Þeir komu með áhlaup en við héldum haus í staðinn fyrir að tvístrast eins og í síðustu leikjum," sagði Jóhann að lokum.Tweets by @VisirKarfa2 Dominos-deild karla Mest lesið Bein útsending: Íslenska ofurfólkið keppir við þau bestu í heimi Sport Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn „Gæti verið minn síðasti leikur á laugardaginn“ Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Uppgjörið : FH - Valur 1-1 | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Fannst Inter besti kosturinn: „Ekkert að því að búa í Mílanó“ Fótbolti Íslenskur ökumaður fagnaði sigri í Le Mans keppninni Sport Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira
Grindavík bar sigurorð af Þór, 74-84, í lokaleik 7. umferðar Domino's deildar karla í körfubolta. Grindvíkingar bundu þar með enda á fjögurra leikja sigurgöngu Þórsara og unnu um leið sinn fyrsta sigur í fjórum leikjum. Liðin eru nú með jafnmörg stig (fjögur) þegar sjö umferðum er lokið. Leikurinn var kaflaskiptur en góður kaflarnir hjá Grindavík voru fleiri og betri og þeir unnu sanngjarnan sigur sem gefur þeim væntanlega byr undir báða vængi fyrir framhaldið. Stigunum var ójafnt skipt hjá Þór í fyrri hálfleik. Ragnar Nathanaelsson var frábær með 16 stig og níu fráköst og Halldór Garðar Hermannsson skoraði níu stig af bekknum en aðrir voru talsvert frá sínu besta. Vance Hall, sá öflugi leikmaður, var í villuvandræðum og komst í lítinn takt við leikinn og þeir Emil Karel Einarsson, Davíð Arnar Ágústsson, Þorsteinn Már Ragnarsson og Ragnar Örn Bragason skiluðu aðeins samtals sex stigum í fyrri hálfleik. Grindvíkingar byrjaði leikinn miklu betur, hittu vel og eftir rúmar fimm mínútur var staðan orðin 4-16, gestunum í vil. Það var lítið að frétta í sóknarleik heimamanna ef frá er talið framlag Ragnars sem skoraði fyrstu sjö stig Þórs. En Þórsarar náðu áttum um miðjan 1. leikhluta, ekki síst fyrir tilstilli Halldórs Garðars sem skilaði sjö stigum af bekknum. Á sama tíma hrundi sóknarleikur gestanna sem skoruðu ekki körfu síðustu fimm mínútur leikhlutans. Þórsarar luku fyrri hálfleiknum á 15-1 spretti og leiddu með tveimur stigum, 19-17, eftir 1. leikhluta. Þeir héldu áfram að spila vel í 2. leikhluta og náðu mest 11 stiga forskoti, 36-25. Grindvíkingar voru í vandræðum í sókninni á þessum kafla og þurftu að sætta sig við miserfið stökkskot enda enginn hægðarleikur að sækja inn í teiginn þar sem Ragnar réði ríkjum. En þrátt fyrir erfiðleikana héldu Grindvíkingar haus og þeir koma með sterkt áhlaup undir lok fyrri hálfleiks þegar Hall var utan vallar vegna villuvandræða. Gestirnir settu niður þrjá þrista í röð og náðu svo forystunni, 38-39, rétt fyrir lok fyrri hálfleiks. Grindvíkingar byrjuðu seinni hálfleikinn eins og þeir enduðu þann fyrri og hreinlega áttu 3. leikhlutann með húð og hári. Gestirnir spiluðu ljómandi vel á báðum endum vallarins og fengu framlag úr öllum áttum. Þórsarar voru hins vegar í tómu tjóni en sá eini sem var með lífsmarki í 3. leikhluta var Þorsteinn Már sem skoraði þá 10 af 12 stigum sínum í leiknum. Eins góður og Ragnar var í fyrri hálfleik, þá náði hann sér ekki á strik í seinni hálfleik þar sem hann skoraði aðeins tvö stig sem komu bæði af vítalínunni. Reyndar var vítanýting Þórsara í leiknum skelfileg, eða 53%, sem reyndist þeim dýrt. En þrátt fyrir erfiðan 3. leikhluta voru heimamenn ekki tilbúnir að gefast upp og þeir komu með áhlaup í 4. leikhluta. Þórsarar komust snemma í bónus í lokaleikhlutanum en náðu ekki að nýta sér það sem skildi sökum slakrar vítanýtingar. Heimamenn sóttu hart að gestunum sem áttu þó alltaf svar. Miklu munaði um framlag Eric Wise sem skoraði mikilvægar körfur undir lok leiks þegar Þórsarar voru farnir að nálgast Grindvíkinga ískyggilega mikið. Þór náði að minnka muninn í tvö stig en nær komust þeir ekki. Grindvíkingar sýndu styrk, kláruðu vítin sín og fögnuðu að lokum 10 stiga sigri, 74-84. Wise var atkvæðamestur í liði Grindavíkur með 30 stig og átta fráköst. Jón Axel Guðmundsson skoraði 18 stig og gaf átta stoðsendingar og Jóhann Árni Ólafsson átti sömuleiðis flottan leik með 14 stig og sjö fráköst. Hjá Þór var Hall stigahæstur með 23 stig en Ragnar kom næstur með 18 stig og 14 fráköst.Bein lýsing: Þór Þ. - GrindavíkEinar Árni: Vorum alltof oft litlir kallar Einar Árni Jóhannsson, þjálfari Þórs, var langt frá því að vera sáttur með sína menn eftir tapleikinn gegn Grindavík í kvöld. "Ég ætla nú ekki að tefja þig lengi í kvöld, það var svo margt sem fór úrskeiðis," sagði Einar aðspurður hvað hefði gerst hjá Þórsurum sem voru búnir að vinna fjóra leiki í röð fyrir leikinn í kvöld. "Það vantaði einbeitingu, við vorum að tapa óþarflega mörgum boltum illa og svo lentum við í alls konar vandræðum. "Ég verð að hrósa Grindvíkingum, þeir voru mjög ákveðnir í vörninni og við vorum alltof oft litlir kallar í staðinn fyrir að taka fast á móti þeim. Við áttum í vandræðum með að stoppa Kanann þeirra (Eric Wise) og það var af mörgu að taka. "Ég held að þetta sé það daprasta sem við höfum sýnt í vetur," sagði Einar. Þórsarar áttu ágætis kafla í fyrri hálfleik en misstu tökin undir lok hans. Einar sagði að fjarvera Vance Hall hafi skipt sköpum en hann sat á bekknum á þessum kafla sökum villuvandræða. "Vance er lykilmaður í þessu liði og hann fær þrjár villur snemma í leiknum. Þessar mínútur sem hann er utan vallar voru einfaldlega mjög daprar. "Við vorum að ég held 10 stigum yfir þegar hann fær þriðju villuna og við köstuðum þeirri forystu frá okkur með lélegri spilamennsku. Við vorum óagaðir og skotvalið lélegt," sagði Einar sem vill sjá betri leik hjá sínum mönnum gegn Haukum í næstu umferð. "Það þýðir ekkert að dvelja við þetta, það er bara næsti leikur og áfram gakk."Jóhann: Héldum haus þegar þeir komu með áhlaup Jóhann Ólafsson, þjálfari Grindavíkur, var að vonum sáttur með stigin tvö sem hans menn sóttu til Þorlákshafnar í kvöld. "Heildin, held ég," sagði Jóhann þegar hann var spurður hvað hefði skilað sigrinum í kvöld sem var sá fyrsti hjá Grindavík síðan í 3. umferð. "Við spiluðum vel saman í sókn þegar á reyndi og varnarleikurinn hélt ágætlega. Þetta var svolítið skrítinn leikur, hátt spennustig og ekki fallegur körfubolti en við unnum og ég er sáttur með það." Grindvíkingar fengu framlag frá mörgum leikmönnum í kvöld sem hafði mikið að segja um úrslit leiksins. "Við leggjum upp úr því að liðsheildin virki vel og þegar hún er til staðar erum við miklu betri. Og sú var raunin í dag," sagði Jóhann og bætti við: "Við höfum einblínt á hlutina sem við getum stjórnað og halda okkur í núinu og pæla ekki of mikið í því sem er búið. Mér fannst við gera það vel í dag. "Þeir komu með áhlaup en við héldum haus í staðinn fyrir að tvístrast eins og í síðustu leikjum," sagði Jóhann að lokum.Tweets by @VisirKarfa2
Dominos-deild karla Mest lesið Bein útsending: Íslenska ofurfólkið keppir við þau bestu í heimi Sport Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn „Gæti verið minn síðasti leikur á laugardaginn“ Íslenski boltinn Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Uppgjörið : FH - Valur 1-1 | Gylfi klúðraði víti og FH stal stigi í uppbótartíma Íslenski boltinn Langþráð og laglegt mark Höjlund tryggði Man. Utd sigurinn Enski boltinn Fannst Inter besti kosturinn: „Ekkert að því að búa í Mílanó“ Fótbolti Íslenskur ökumaður fagnaði sigri í Le Mans keppninni Sport Fleiri fréttir „Getur skorað en þetta er enginn Remy Martin“ Ármenningar enn ósigraðir og einir á toppnum Körfuboltakvöld um Kane: „Finnst hann ekki hafa gert neitt hrikalegt“ Hreinn úrslitaleikur um titilinn „Stóðum upp sterkari og svöruðum með sigri“ Lárus: Það er best að hitta þá ekki eftir svona leik Styrmir reif til sín flest fráköst Uppgjörið: Keflavík - Njarðvík 88-89 | Háspenna í grannaslagnum Uppgjör og viðtöl: Þór Þ. - KR 92-97 | Þrususlag í Þorlákshöfn lauk með sigri KR Hörður Axel búinn að ná Loga í þristum Fyrirliði Hauka sleit krossband Fékk öskurskilaboð frá Steph Curry Lætin í Kópavogi til skoðunar hjá KKÍ Sjáðu höggið og lætin í Kópavogi Dagskráin í dag: Stórleikur og öll lætin gerð upp í Körfuboltakvöldi „Hann var eitthvað að tala og svo lét hann höggin tala“ „Hann kýldi mig“ Uppgjörið: Álftanes - Valur 100-103 | Álftanes kastaði frá sér fyrsta sigri til Vals „Það er löngu kominn tími á að það sé tekið á þessum gæja“ Myndir: Allt brjálað í Smáranum eftir höggið frá Kane Töfrar Martins vöktu athygli Uppgjörið: Grindavík - Höttur 113-84 | Grindavík enn með fullt hús stiga eftir stórsigur Uppgjör og viðtöl: Stjarnan - ÍR 117-88 | Miskunnarlausir Stjörnumenn Uppgjörið: Tindastóll - Haukar 106-78 | Haukar áfram fallbyssufóður Helena segir að Þóra sé að uppskera: Þarf þessa ábyrgð Pavel: Þetta er verkefni fyrir Ægi sjálfan Pavel um bestu liðin í deildinni: Ég sé tækifæri fyrir KR New York einum leik frá því að eignast aftur meistara „Alltaf í einhverjum skotgröfum“ Gaz-leikur Pavels: „Þeir geta hætt að vera litli Höttur frá Egilsstöðum“ Sjá meira
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn
Uppgjörið og viðtöl: ÍA - Víkingur 3-4 | Danijel Dejan Djuric tryggði Víkingi dramatískan sigur Íslenski boltinn