Umfjöllun og viðtöl: Akureyri - Fram 31-24 | Fyrsti sigur Norðanmanna Stefán Guðnason í KA-heimilinu skrifar 1. október 2015 21:15 Hreiðar Levý Guðmundsson stendur vaktina í marki Akureyrar. vísir/stefán Akureyri vann loksins leik í sjöttu umferð Olís-deild karla í kvöld í 31-24 sigri á Fram á heimavelli í dag. Norðanmenn náðu forskotinu um miðbik fyrri hálfleiks og unnu að lokum sannfærandi sigur. Leikurinn fór hratt af stað og mikið skorað fyrstu mínúturnar en Akureyringar voru þó alltaf skrefinu á undan. Það sem áður hafði einkennt leik heimamanna, stemmingsleysi og þunglamalegt viðhorf var hvergi sjáanlegt og léku þeir hreinlega á als oddi í kvöld. Fyrir vikið misstu Akureyringar aldrei móðinn, sama hvað á bjátaði. Fram lék vel framan af en átti fá svör við mikilli grimmd heimamanna þegar líða fór á leikinn. Akureyringar héldu forystunni út hálfleikinn þrátt fyrir góðan leik Framara á köflum og höfðu heimamenn sanngjarna forystu þegar gengið var til búningsklefanna í hálfleik, staðan 15-11. Framarar hófu seinni hálfleikinn á því að klippa alveg á Bergvin Þór til að freista þess að riðla leik heimamanna. Það virtist ætla að takast vel og virkuðu Akureyringar hálf ráðalausir í upphafi seinni hálfleiks. Þegar tók að líða á seinni hálfleik náðu Akureyringar að finna taktinn að nýju og breytti það engu hvort þeir voru manni eða jafnvel tveimur mönnum færri, alltaf fundu þeir svör gegn leik Framara. Þjálfarateymi Fram gerði ýmsar breytingar á liðskipan og uppstillingu en allt kom fyrir ekki. Smátt og smátt juku heimamenn forskot sitt og unnu að lokum verðskuldaðan sjö marka sigur, 31-24. Í liði heimamanna var Bergvin Þór Gíslason allt að því óstöðvandi og minnti all rækilega á sig. Kristján Orri og Heiðar Þór áttu frábæran leik í vörn og sókn og Hreiðar Levý var drjúgur þegar á reyndi. Annars er hálf ósanngjarnt að taka einhvern út úr liði heimamanna. Hver einn og einasti lét að sér kveða á einn hátt eða annan. Ef Akureyri heldur áfram að berja sig áfram með stemmingu og leikgleði geta þeir stolið ansi mörgum stigum í vetur. Það Akureyrarlið sem sást hér í kvöld er lið sem vonandi er komið til að vera. Framarar áttu erfitt uppdráttar í þessum leik. Hvort það var stemmingin í húsinu, stemmingin í heimamönnum eða vanstilling verður ekki dæmt um hér. Þeir fá þó prik fyrir að hætta aldrei þrátt fyrir að fátt virtist ætla að ganga upp hjá þeim á köflum. Þorgrímur Smári fór fyrir sínu liði í markaskorun með 6 mörk ásamt því að fiska tvö víti. Garðar B. Sigurjónsson skoraði einnig 6 mörk í kvöld, öll af vítapunktinum. Drengurinn er það öruggur á punktinum að það er nánast formsatriði fyrir hann að taka þessi víti. Bergvin: Frábær leikur af okkar hálfu„Þetta var frábær leikur af okkar hálfu. Við ákváðum það í hálfleik á móti FH að brjóta okkur aðeins út úr skelinni, gefa af okkur og fara að hafa gaman af þessu,” sagði Bergvin Þór Gíslason, alsæll er blaðamaður Vísis hitti á hann eftir leik. „Uppleggið fyrir þennan leik var einfaldlega að halda áfram því sem við vorum að gera þar. Stemmingin var frábær í kvöld og virkilega gaman að spila þennan leik. Allir strákarnir voru hrikalega flottir”. Bergvin sagði að öxlin væri að verða betri en hann hefur átt í vandræðum með hana. „Það er dagamunur á henni en hún var frábær í kvöld, ég skoraði meira að segja nokkur með langskoti. Það er fínt að troða smá sokk upp í þá sem töldu mig vera búinn sem leikmann.” Næsti leikur liðsins er gegn Gróttu og Bergvin vonast eftir áframhaldi á þessari spilamennsku. „Já ekki spurning. Grótta er með hörkulið, svipað okkur að getu. Það verður erfiður leikur á erfiðum útivelli en ef við sýnum þessa baráttu og gleði þá verður ekkert gaman að mæta okkur.” Guðlaugur: Strákarnir þurfa að þroskast andlegaÞað var þungt yfir Guðlaugi Arnarssyni, þjálfara Fram, þegar blaðamaður Vísis náði loksins tali af honum eftir leik. „Ég get ekki sagt að ég sé ánægður með mína menn í kvöld. Ég hefði viljað sjá meiri grimmd og sjá okkur höndla aðstæðurnar betur.” Guðlaugur var vonsvikinn yfir viðbrögðum leikmanna sinna í kvöld. „Vissulega er ég með ungt lið í höndunum, meðalaldurinn í kringum 20 ár en megin þorrinn í þessum hóp er búinn að vera að bera uppi meistaraflokkinn síðustu þrjú ár. Þessir strákar eru virkilega góðir í handbolta en þeir þurfa að þroskast andlega og það hratt til að stíga það sem skref sem þeir geta stigið og eiga að stíga.” Guðlaugur segir að leikmenn liðsins hafi nægan tíma en Fram hefur nú tapað þremur leikjum í röð. „Mótið er þó bara nýbyrjað og engin ástæða til að örvænta, við höfum verið að spila vel heilt yfir. Við erum núna búnir að eiga tvo slæma leiki í röð og það er bara hlutverk okkar sem að liðinu standa og strákanna að rífa sig upp að nýju og mæta dýrvitlausir í næsta leik og sýna okkar rétta andlit og gera það allan leikinn.” Olís-deild karla Mest lesið Fékk rautt spjald fyrir að pissa Fótbolti Vill eignast lið í hverri heimsálfu Fótbolti Hafþór Júlíus annar sterkasti maður jarðar: Setti tvö heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Bronshetja Svía í bann fyrir mótmælin Sport Segir Sterling hafa brugðist liðsfélögum sínum Enski boltinn Dagur Árni í liði mótsins á EM Handbolti Níræð tugþrautarkona með 35 heimsmet Sport Vonbrigði í fyrsta leik Mbappé á Spáni Fótbolti Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira
Akureyri vann loksins leik í sjöttu umferð Olís-deild karla í kvöld í 31-24 sigri á Fram á heimavelli í dag. Norðanmenn náðu forskotinu um miðbik fyrri hálfleiks og unnu að lokum sannfærandi sigur. Leikurinn fór hratt af stað og mikið skorað fyrstu mínúturnar en Akureyringar voru þó alltaf skrefinu á undan. Það sem áður hafði einkennt leik heimamanna, stemmingsleysi og þunglamalegt viðhorf var hvergi sjáanlegt og léku þeir hreinlega á als oddi í kvöld. Fyrir vikið misstu Akureyringar aldrei móðinn, sama hvað á bjátaði. Fram lék vel framan af en átti fá svör við mikilli grimmd heimamanna þegar líða fór á leikinn. Akureyringar héldu forystunni út hálfleikinn þrátt fyrir góðan leik Framara á köflum og höfðu heimamenn sanngjarna forystu þegar gengið var til búningsklefanna í hálfleik, staðan 15-11. Framarar hófu seinni hálfleikinn á því að klippa alveg á Bergvin Þór til að freista þess að riðla leik heimamanna. Það virtist ætla að takast vel og virkuðu Akureyringar hálf ráðalausir í upphafi seinni hálfleiks. Þegar tók að líða á seinni hálfleik náðu Akureyringar að finna taktinn að nýju og breytti það engu hvort þeir voru manni eða jafnvel tveimur mönnum færri, alltaf fundu þeir svör gegn leik Framara. Þjálfarateymi Fram gerði ýmsar breytingar á liðskipan og uppstillingu en allt kom fyrir ekki. Smátt og smátt juku heimamenn forskot sitt og unnu að lokum verðskuldaðan sjö marka sigur, 31-24. Í liði heimamanna var Bergvin Þór Gíslason allt að því óstöðvandi og minnti all rækilega á sig. Kristján Orri og Heiðar Þór áttu frábæran leik í vörn og sókn og Hreiðar Levý var drjúgur þegar á reyndi. Annars er hálf ósanngjarnt að taka einhvern út úr liði heimamanna. Hver einn og einasti lét að sér kveða á einn hátt eða annan. Ef Akureyri heldur áfram að berja sig áfram með stemmingu og leikgleði geta þeir stolið ansi mörgum stigum í vetur. Það Akureyrarlið sem sást hér í kvöld er lið sem vonandi er komið til að vera. Framarar áttu erfitt uppdráttar í þessum leik. Hvort það var stemmingin í húsinu, stemmingin í heimamönnum eða vanstilling verður ekki dæmt um hér. Þeir fá þó prik fyrir að hætta aldrei þrátt fyrir að fátt virtist ætla að ganga upp hjá þeim á köflum. Þorgrímur Smári fór fyrir sínu liði í markaskorun með 6 mörk ásamt því að fiska tvö víti. Garðar B. Sigurjónsson skoraði einnig 6 mörk í kvöld, öll af vítapunktinum. Drengurinn er það öruggur á punktinum að það er nánast formsatriði fyrir hann að taka þessi víti. Bergvin: Frábær leikur af okkar hálfu„Þetta var frábær leikur af okkar hálfu. Við ákváðum það í hálfleik á móti FH að brjóta okkur aðeins út úr skelinni, gefa af okkur og fara að hafa gaman af þessu,” sagði Bergvin Þór Gíslason, alsæll er blaðamaður Vísis hitti á hann eftir leik. „Uppleggið fyrir þennan leik var einfaldlega að halda áfram því sem við vorum að gera þar. Stemmingin var frábær í kvöld og virkilega gaman að spila þennan leik. Allir strákarnir voru hrikalega flottir”. Bergvin sagði að öxlin væri að verða betri en hann hefur átt í vandræðum með hana. „Það er dagamunur á henni en hún var frábær í kvöld, ég skoraði meira að segja nokkur með langskoti. Það er fínt að troða smá sokk upp í þá sem töldu mig vera búinn sem leikmann.” Næsti leikur liðsins er gegn Gróttu og Bergvin vonast eftir áframhaldi á þessari spilamennsku. „Já ekki spurning. Grótta er með hörkulið, svipað okkur að getu. Það verður erfiður leikur á erfiðum útivelli en ef við sýnum þessa baráttu og gleði þá verður ekkert gaman að mæta okkur.” Guðlaugur: Strákarnir þurfa að þroskast andlegaÞað var þungt yfir Guðlaugi Arnarssyni, þjálfara Fram, þegar blaðamaður Vísis náði loksins tali af honum eftir leik. „Ég get ekki sagt að ég sé ánægður með mína menn í kvöld. Ég hefði viljað sjá meiri grimmd og sjá okkur höndla aðstæðurnar betur.” Guðlaugur var vonsvikinn yfir viðbrögðum leikmanna sinna í kvöld. „Vissulega er ég með ungt lið í höndunum, meðalaldurinn í kringum 20 ár en megin þorrinn í þessum hóp er búinn að vera að bera uppi meistaraflokkinn síðustu þrjú ár. Þessir strákar eru virkilega góðir í handbolta en þeir þurfa að þroskast andlega og það hratt til að stíga það sem skref sem þeir geta stigið og eiga að stíga.” Guðlaugur segir að leikmenn liðsins hafi nægan tíma en Fram hefur nú tapað þremur leikjum í röð. „Mótið er þó bara nýbyrjað og engin ástæða til að örvænta, við höfum verið að spila vel heilt yfir. Við erum núna búnir að eiga tvo slæma leiki í röð og það er bara hlutverk okkar sem að liðinu standa og strákanna að rífa sig upp að nýju og mæta dýrvitlausir í næsta leik og sýna okkar rétta andlit og gera það allan leikinn.”
Olís-deild karla Mest lesið Fékk rautt spjald fyrir að pissa Fótbolti Vill eignast lið í hverri heimsálfu Fótbolti Hafþór Júlíus annar sterkasti maður jarðar: Setti tvö heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Bronshetja Svía í bann fyrir mótmælin Sport Segir Sterling hafa brugðist liðsfélögum sínum Enski boltinn Dagur Árni í liði mótsins á EM Handbolti Níræð tugþrautarkona með 35 heimsmet Sport Vonbrigði í fyrsta leik Mbappé á Spáni Fótbolti Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira