Ferðamennirnir sem lentu í umferðarslysi á brúnni yfir Hólá á hringvegi 1 í Öræfum á annan dag jóla voru frá Japan og Kína. Þetta kemur fram á vef lögreglunnar.
Ökumaðurinn sem lést var fæddur árið 1969 í Japan. Hann var á ferð með eiginkonu sinni og tveimur ungum börnum þeirra. Í hinni bifreiðinni voru karl og kona, bæði frá Kína.
Aðdragandi slyssins er til rannsóknar hjá lögreglunni á Suðurlandi.
