Ítalskar kjötbollur í tómat- og basilíkusósu
Tómat- og basilíkusósa
1 laukur, smátt skorinn
2 hvítlauksrif, marin
500 ml tómatapassata
½ kjúklingateningur
1 msk. fersk steinselja, smátt söxuð
1 msk. fersk basilíka, smátt söxuð
skvetta af hunangi eða smá sykur
salt og pipar, magn eftir smekk
Hitið olíu við vægan hita í potti, steikið lauk og hvítlauk í olíunni í 1-2 mínútur.
Bætið öllu hinu í pottinn og leyfið sósunni að malla á meðan þið búið til kjötbollurnar.

Kjötbollurnar
500 g nautahakk
500 g svínahakk
1 dl brauðrasp
1 laukur, smátt skorinn
3 hvítlauksrif, marin
3 msk. fersk steinselja, smátt söxuð
1 msk. fersk basilíka, smátt söxuð
2 msk. rifinn parmesanostur
1 egg, létt pískað
salt og pipar, magn eftir smekk
smá hveiti
góð ólífuolía
Blandið öllum hráefnum saman með höndunum og búið til jafn stórar bollur úr deiginu.
Veltið bollunum upp úr smá hveiti og leggið þær í eldfast mót.
Sáldrið olíu yfir bollurnar og setjið inn í ofn við 180°C í 10-15 mínútur.
Þegar bollurnar eru tilbúnar þá hellið þið sósunni varlega ofan í eldfasta mótið og eldið áfram í 20 mínútur. Sjóðið pasta samkvæmt leiðbeiningum á pakkanum, ég mæli með að þið notið spagettí eða linguini.
Berið réttinn fram með rifnum parmesan og mikið af honum.

Tíramísú
4 egg
100 g sykur
400 g mascarpone-ostur, við stofuhita
½ tsk. vanilluduft eða vanillusykur
4 dl þeyttur rjómi
250 g kökufingur(Lady fingers)
6-7 dl sterkt uppáhellt kaffi
kakó eftir þörfum
smátt saxað súkkulaði
Stífþeytið egg og sykur saman þar til þykk froða myndast.
Blandið mascarpone-ostinum saman við eggjablönduna og hrærið vel.
Bætið vanillu og rjómanum varlega saman við með sleif.
Hellið upp á sterkt kaffi og setjið kaffið í skál. Veltið kökufingrunum upp úr kaffinu og raðið þeim í há glös.
Setjið 2-3 matskeiðar af ostablöndunni ofan á og sigtið vel af góðu kakói yfir. Það er fullkomið að saxa niður dökkt súkkulaði og sáldra yfir réttinn í lokin.
Þessi eftirréttur þarf að fá að standa í kæli í lágmark þrjár klukkustundir (helst yfir nótt) áður en hann er borinn fram.