Flugriti vélarinnar sem innihélt hljóðupptökur úr flugstjórnarklefanum fannst fljótlega, líkt og skel seinni flugritans, en seinni flugritinn sjálfur er nú loks fundinn.
Rannsakendur vonast til að flugritinn sé ekki svo skemmdur að ekki sé hægt að sækja úr honum gögn um flughraða vélarinnar, stefnu, hæð og þau skilaboð sem send voru sem myndu öll hjálpa til við rannsókn málsins.
Hljóðupptökur bentu til þess að flugmaðurinn Andreas Lubitz hafi grandað vélinni viljandi, en 150 manns fórust.
Í frétt BBC kemur fram að þýskir saksóknarar hafi nú greint frá því að Lubitz hafi rannsakað á netinu leiðir til að fyrirfara sér og öryggismál sem snúa að dyrum inn í flugstjórnarklefa. Rannsakendur hafi fundið spjaldtölvu á heimili Lubitz og skoðað hvaða netsíður hann hafi heimsótt.
Þá hefur verið greint frá því að hann hafi leitað aðstoðar fimm mismunandi lækna síðustu mánuði.
BREAKING: Second flight data recorder from #Germanwings Flight 9525 has been found, French prosecutor says. http://t.co/GozGqORc57
— CNN International (@cnni) April 2, 2015#Germanwings co-pilot Andreas Lubitz sought help from at least 5 doctors before crash, law enforcement source says. http://t.co/GozGqP8MWF
— CNN International (@cnni) April 2, 2015
