Áætlað er að liðsmenn hryðjuverkasamtakanna Boko Haram hafi rænt milli sextíu og áttatíu manns um helgina og er talið að flest þeirra séu börn.
Árásirnar áttu sér stað í nokkrum bæjum í norðurhluta Kamerún snemma á sunnudaginn, en að sögn talsmanna kamerúnskra yfirvalda létust þrír þegar árásarmennirnir héldu yfir landamærin frá Nígeríu.
Heimildarmaður Reuters segir að um fimmtíu af þeim sem var rænt séu á aldrinum tíu til fimmtán ára.
Fyrr um helgina fórust fjórir þegar maður sprengdi sjálfan sig í loft upp á strætóstoppistöð í bænum Potiskum í norðausturhluta Nígeríu.
Uppfært kl. 12:25:
Í frétt BBC kemur fram að tuttugu af þeim áttatíu sem var rænt um helgina hafi nú verið sleppt.
Boko Haram rændi fleiri tugum barna
Tengdar fréttir
Óttast að yfir 2.000 hafi fallið í vikunni
Landsvæði á stærð við Belgíu í norðaustur Nígeríu er nú undir yfirráðum Boko Haram. Nýjar árásaraðferðir hafa vakið mikinn óhug víða um veröldina.
Óttast að tvö þúsund hafi látist í árásum Boko Haram í vikunni
Yfirvöld í Borno-héraði í Nígeríu óttast að um tvö þúsund hafi látist í árásum Boko Haram á bæinn Baga í norð-austur Nígeríu.
Boko Haram: Skutu konu sem var í miðjum hríðum
Amnesty International segir að hryðjuverkasamtökin hafi framið fjölmörg ódæði í Nígeríu síðustu vikuna.
Nítján látnir í sprengjuárás á markað í Nígeríu
Aðeins vika síðan 2.000 féllu í árásum Boko Haram.
Boko Haram ekki aðeins svæðisbundin ógn
Óttast er að allt að tvö þúsund hafi fallið í árásum Boko Haram í Nígeríu fyrr í mánuðinum. John Kerry segir þau ein mest ógnvekjandi hryðjuverkasamtök veraldar.
