Umfjöllun, viðtöl og myndir: Valur - Haukar 24-32 | Burst í Vodafone-höllinni Ingvi Þór Sæmundsson í Vodafone-höllinni skrifar 16. apríl 2015 18:30 Haukamenn fagna. Vísir/stefán Haukar tóku forystuna í einvíginu við Val eftir stórsigur í fyrsta leik liðanna í undanúrslitum Olís-deildar karla í handbolta. Lokatölur 24-32, Hafnfirðingum í vil. Haukarnir höfðu mikla yfirburði og spiluðu líklega sinn besta leik í vetur.Stefán Karlsson, ljósmyndari Fréttablaðsins og Vísis, var í Vodafone-höllinni og tók myndirnar sem fylgja umfjölluninni. Sóknarleikurinn, sem hefur verið akkilesarhæll Hauka á undanförnum árum, gekk frábærlega, líkt og í einvíginu gegn FH. Árni Steinn Steinþórsson hélt uppteknum hætti frá því í FH-seríunni og skoraði fjögur af fyrstu sex mörkum Hauka sem komust í 1-6 eftir níu mínútna leik. Valsvörnin var heillum horfin og Haukarnir skoruðu hver markið á fætur öðru með skotum meðfram síðum varnarmanna Valsmanna. Stephen Nielsen átti erfitt uppdráttar í markinu og fyrir vikið hrönnuðust Haukamörkin upp. Varnarleikur Hauka var einnig mjög sterkur og dró tennurnar úr sóknarmönnum Vals, að frátöldum Elvari Friðrikssyni sem skoraði fimm af 10 mörkum Vals í fyrri hálfleik. Síðustu sekúndur fyrri hálfleiks voru lýsandi fyrir vandræði Vals. Eftir að Kári Kristján Kristjánsson minnkaði muninn í 10-18 af vítalínunni fékk Guðmundur Hólmar Helgason, fyrirliði Vals, að líta rauða spjaldið fyrir brot á Janusi Daða Smárasyni. Og til að bæta gráu ofan á svart skoraði Adam Haukur Baumruk með skoti beint úr aukakastinu sem dæmt var. Haukar leiddu því með níu mörkum í hálfleik gegn deildarmeisturunum, 10-19. Seinni hálfleikurinn var aldrei spennandi og í raun bara spurning hversu mikill munurinn á liðunum yrði. Haukarnir voru duglegir að láta reka sig út af í byrjun seinni hálfleiks en Valsmönnum tókst ekki að nýta sér það sem skyldi. Gestirnir frá Hafnarfirði hleyptu Valsmönnum nær en sjö mörk og svo fór að þeir hrósuðu sigri, 24-32. Janus var markahæstur í liði Hauka með níu mörk en hann átti auk þess fjölda stoðsendinga. Árni Steinn kom næstur með sjö mörk en fjórir leikmenn Hauka gerðu þrjú mörk. Elvar var atkvæðamestur í liði Vals með sex mörk. Bjartur Guðmundsson nýtti sínar mínútur vel og skoraði fjögur mörk, líkt og Ómar Ingi Magnússon sem átti auk þess glæsilegar stoðsendingar á félaga sína.vísir/stefánPatrekur: Besti leikur okkar í vetur Patrekur Jóhannesson, þjálfari Hauka, sagði að frammistaðan gegn Val hefði verið sú besta hjá sínu liði í vetur. „Já, ég held það. Ég var ánægður með hvernig við komum inn í leikinn, hvernig hugarfarið og hvernig við nálguðumst þetta erfiða verkefni,“ sagði Patrekur. „Við vorum mjög þéttir og það var mikil samstaða í liðinu. Sóknarleikurinn var fjölbreyttur og það var frábært að skora 19 mörk í fyrri hálfleik gegn jafn öflugu liði og Val. „Það skiluðu allir frábærri vinnu og liðsheildin var sterk,“ sagði Patrekur en sóknarleikur Hauka var flottur í kvöld líkt og í seríunni gegn FH. „Það eru reyndar ekki bara þessir FH-leikir. Við höfum bætt okkur mikið eftir áramót eftir að hafa verið slakir fyrri hluta móts,“ sagði Patrekur sem var ánægður með hvernig Haukaliðið spilaði í seinni hálfleik en Hafnfirðingar gáfu ekkert eftir þrátt fyrir að leiða með níu mörkum í hálfleik. „Við erum að spila í úrslitakeppni og á móti toppliði sem er með frábæra leikmenn svo það þýðir ekkert að slaka á. Ég lagði áherslu á það og það er það sem maður er alltaf að reyna sem þjálfari, að einbeita sér að því sem maður getur stjórnað.“ Þrátt fyrir öruggan og sannfærandi sigur í kvöld er Patrekur á jörðinni en Haukar og Valur mætast öðru sinni í Schenker-höllinni á laugardaginn. „Við erum bara 1-0 yfir og undirbúningurinn verður sá sami. Við greinum þennan leik og höldum áfram að bera virðingu fyrir andstæðingnum. Við mætum með heilbrigt sjálfstraust í næsta leik og vitum að við getum spilað góðan handbolta. „En það er ekkert sjálfgefið og menn þurfa alltaf að sanna sig upp á nýtt,“ sagði Patrekur að endingu.vísir/stefánJanus Daði: Skytturnar voru heitar Janus Daði Smárason átti afbragðs leik í liði Hauka í kvöld, skoraði níu mörk og átti auk þess fjölda stoðsendinga á samherja sína. Hann var að vonum sáttur eftir leikinn. „Við höfum verið að spila okkur í gang í vetur. Við spiluðum líka gríðarlega vel gegn FH í átta-liða úrslitunum,“ sagði Janus og bætti við: „Við komum einbeittir til leiks í kvöld og kláruðum þetta í fyrri hálfleik. „Þetta gekk voða vel hjá okkur í fyrri hálfleik og skytturnar voru heitar. Árni (Steinn Steinþórsson) setti boltann alltaf í skeytin, það var sama hvar hann stóð,“ sagði Janus sem átti sjálfur frábæran leik eins og áður sagði. „Ég klikkaði reyndar á víti eins og við höfum verið að gera í vetur. Við klikkuðum reyndar bara á einu í kvöld sem er jákvætt. „En þetta spilaðist nokkuð vel fyrir okkur í kvöld,“ sagði Janus en við hverju býst hann á laugardaginn? „Bara hörkuleik. Þeir koma örugglega grimmari til leiks en við verðum á heimavelli og þurfum að berjast fyrir sigrinum.“vísir/stefánFinnur Ingi: Þurfum að laga allt fyrir næsta leik „Það fór allt úrskeiðis,“ sagði Finnur Ingi Stefánsson, hornamaður Vals, aðspurður um hvað hafi orðið Valsmönnum að falli gegn Haukum í kvöld. „Við vorum lélegir í vörn og fengum þar af leiðandi ekki markvörslu og hraðaupphlaup. „Við vorum líka að ströggla í sóknarleiknum og þurftum að hafa mikið fyrir öllu,“ sagði Finnur en Valsliðinu tókst aldrei að minnka muninn að neinu ráði í seinni hálfleik, þrátt fyrir að Haukar væru mikið einum færri. „Við spiluðum illa í yfirtölunni. Það er ekkert hægt að minnka muninn ef maður nýtir ekki svona kafla. Það er bara þannig.“ Þrátt fyrir útreiðina í kvöld hefur Finnur trú á að Valsmönnum takist að snúa dæminu sér í vil á laugardaginn. „Það fór allt úrskeiðis í kvöld svo við þurfum að laga allt fyrir laugardaginn. Við þurfum að fá miklu meiri grimmd í vörnina og það þarf að vera betra flæði í sóknarleiknum. Þetta var gríðarlega erfitt í kvöld. „Við getum snúið þessu við. Það þarf enn að vinna þrjá leiki. Við erum alveg í sömu stöðu og áður,“ sagði Finnur að lokum. Olís-deild karla Mest lesið Söngurinn um Haaland kom í bakið á honum: „Fyndinn náungi“ Enski boltinn Vill eignast lið í hverri heimsálfu Fótbolti Rúnar Páll skýtur á KR: Svona vinna „snillingarnir í Vesturbænum“ Íslenski boltinn Dagur Árni í liði mótsins á EM Handbolti „Árbærinn er vaknaður“ Íslenski boltinn Vonbrigði í fyrsta leik Mbappé á Spáni Fótbolti HK - Fylkir 0-2 | Manni færri með afar mikilvægan sigur Íslenski boltinn „Þetta var svolítið skrýtið og óþægilegt“ Íslenski boltinn Mikael Egill lagði upp gegn Lazio Fótbolti Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira
Haukar tóku forystuna í einvíginu við Val eftir stórsigur í fyrsta leik liðanna í undanúrslitum Olís-deildar karla í handbolta. Lokatölur 24-32, Hafnfirðingum í vil. Haukarnir höfðu mikla yfirburði og spiluðu líklega sinn besta leik í vetur.Stefán Karlsson, ljósmyndari Fréttablaðsins og Vísis, var í Vodafone-höllinni og tók myndirnar sem fylgja umfjölluninni. Sóknarleikurinn, sem hefur verið akkilesarhæll Hauka á undanförnum árum, gekk frábærlega, líkt og í einvíginu gegn FH. Árni Steinn Steinþórsson hélt uppteknum hætti frá því í FH-seríunni og skoraði fjögur af fyrstu sex mörkum Hauka sem komust í 1-6 eftir níu mínútna leik. Valsvörnin var heillum horfin og Haukarnir skoruðu hver markið á fætur öðru með skotum meðfram síðum varnarmanna Valsmanna. Stephen Nielsen átti erfitt uppdráttar í markinu og fyrir vikið hrönnuðust Haukamörkin upp. Varnarleikur Hauka var einnig mjög sterkur og dró tennurnar úr sóknarmönnum Vals, að frátöldum Elvari Friðrikssyni sem skoraði fimm af 10 mörkum Vals í fyrri hálfleik. Síðustu sekúndur fyrri hálfleiks voru lýsandi fyrir vandræði Vals. Eftir að Kári Kristján Kristjánsson minnkaði muninn í 10-18 af vítalínunni fékk Guðmundur Hólmar Helgason, fyrirliði Vals, að líta rauða spjaldið fyrir brot á Janusi Daða Smárasyni. Og til að bæta gráu ofan á svart skoraði Adam Haukur Baumruk með skoti beint úr aukakastinu sem dæmt var. Haukar leiddu því með níu mörkum í hálfleik gegn deildarmeisturunum, 10-19. Seinni hálfleikurinn var aldrei spennandi og í raun bara spurning hversu mikill munurinn á liðunum yrði. Haukarnir voru duglegir að láta reka sig út af í byrjun seinni hálfleiks en Valsmönnum tókst ekki að nýta sér það sem skyldi. Gestirnir frá Hafnarfirði hleyptu Valsmönnum nær en sjö mörk og svo fór að þeir hrósuðu sigri, 24-32. Janus var markahæstur í liði Hauka með níu mörk en hann átti auk þess fjölda stoðsendinga. Árni Steinn kom næstur með sjö mörk en fjórir leikmenn Hauka gerðu þrjú mörk. Elvar var atkvæðamestur í liði Vals með sex mörk. Bjartur Guðmundsson nýtti sínar mínútur vel og skoraði fjögur mörk, líkt og Ómar Ingi Magnússon sem átti auk þess glæsilegar stoðsendingar á félaga sína.vísir/stefánPatrekur: Besti leikur okkar í vetur Patrekur Jóhannesson, þjálfari Hauka, sagði að frammistaðan gegn Val hefði verið sú besta hjá sínu liði í vetur. „Já, ég held það. Ég var ánægður með hvernig við komum inn í leikinn, hvernig hugarfarið og hvernig við nálguðumst þetta erfiða verkefni,“ sagði Patrekur. „Við vorum mjög þéttir og það var mikil samstaða í liðinu. Sóknarleikurinn var fjölbreyttur og það var frábært að skora 19 mörk í fyrri hálfleik gegn jafn öflugu liði og Val. „Það skiluðu allir frábærri vinnu og liðsheildin var sterk,“ sagði Patrekur en sóknarleikur Hauka var flottur í kvöld líkt og í seríunni gegn FH. „Það eru reyndar ekki bara þessir FH-leikir. Við höfum bætt okkur mikið eftir áramót eftir að hafa verið slakir fyrri hluta móts,“ sagði Patrekur sem var ánægður með hvernig Haukaliðið spilaði í seinni hálfleik en Hafnfirðingar gáfu ekkert eftir þrátt fyrir að leiða með níu mörkum í hálfleik. „Við erum að spila í úrslitakeppni og á móti toppliði sem er með frábæra leikmenn svo það þýðir ekkert að slaka á. Ég lagði áherslu á það og það er það sem maður er alltaf að reyna sem þjálfari, að einbeita sér að því sem maður getur stjórnað.“ Þrátt fyrir öruggan og sannfærandi sigur í kvöld er Patrekur á jörðinni en Haukar og Valur mætast öðru sinni í Schenker-höllinni á laugardaginn. „Við erum bara 1-0 yfir og undirbúningurinn verður sá sami. Við greinum þennan leik og höldum áfram að bera virðingu fyrir andstæðingnum. Við mætum með heilbrigt sjálfstraust í næsta leik og vitum að við getum spilað góðan handbolta. „En það er ekkert sjálfgefið og menn þurfa alltaf að sanna sig upp á nýtt,“ sagði Patrekur að endingu.vísir/stefánJanus Daði: Skytturnar voru heitar Janus Daði Smárason átti afbragðs leik í liði Hauka í kvöld, skoraði níu mörk og átti auk þess fjölda stoðsendinga á samherja sína. Hann var að vonum sáttur eftir leikinn. „Við höfum verið að spila okkur í gang í vetur. Við spiluðum líka gríðarlega vel gegn FH í átta-liða úrslitunum,“ sagði Janus og bætti við: „Við komum einbeittir til leiks í kvöld og kláruðum þetta í fyrri hálfleik. „Þetta gekk voða vel hjá okkur í fyrri hálfleik og skytturnar voru heitar. Árni (Steinn Steinþórsson) setti boltann alltaf í skeytin, það var sama hvar hann stóð,“ sagði Janus sem átti sjálfur frábæran leik eins og áður sagði. „Ég klikkaði reyndar á víti eins og við höfum verið að gera í vetur. Við klikkuðum reyndar bara á einu í kvöld sem er jákvætt. „En þetta spilaðist nokkuð vel fyrir okkur í kvöld,“ sagði Janus en við hverju býst hann á laugardaginn? „Bara hörkuleik. Þeir koma örugglega grimmari til leiks en við verðum á heimavelli og þurfum að berjast fyrir sigrinum.“vísir/stefánFinnur Ingi: Þurfum að laga allt fyrir næsta leik „Það fór allt úrskeiðis,“ sagði Finnur Ingi Stefánsson, hornamaður Vals, aðspurður um hvað hafi orðið Valsmönnum að falli gegn Haukum í kvöld. „Við vorum lélegir í vörn og fengum þar af leiðandi ekki markvörslu og hraðaupphlaup. „Við vorum líka að ströggla í sóknarleiknum og þurftum að hafa mikið fyrir öllu,“ sagði Finnur en Valsliðinu tókst aldrei að minnka muninn að neinu ráði í seinni hálfleik, þrátt fyrir að Haukar væru mikið einum færri. „Við spiluðum illa í yfirtölunni. Það er ekkert hægt að minnka muninn ef maður nýtir ekki svona kafla. Það er bara þannig.“ Þrátt fyrir útreiðina í kvöld hefur Finnur trú á að Valsmönnum takist að snúa dæminu sér í vil á laugardaginn. „Það fór allt úrskeiðis í kvöld svo við þurfum að laga allt fyrir laugardaginn. Við þurfum að fá miklu meiri grimmd í vörnina og það þarf að vera betra flæði í sóknarleiknum. Þetta var gríðarlega erfitt í kvöld. „Við getum snúið þessu við. Það þarf enn að vinna þrjá leiki. Við erum alveg í sömu stöðu og áður,“ sagði Finnur að lokum.
Olís-deild karla Mest lesið Söngurinn um Haaland kom í bakið á honum: „Fyndinn náungi“ Enski boltinn Vill eignast lið í hverri heimsálfu Fótbolti Rúnar Páll skýtur á KR: Svona vinna „snillingarnir í Vesturbænum“ Íslenski boltinn Dagur Árni í liði mótsins á EM Handbolti „Árbærinn er vaknaður“ Íslenski boltinn Vonbrigði í fyrsta leik Mbappé á Spáni Fótbolti HK - Fylkir 0-2 | Manni færri með afar mikilvægan sigur Íslenski boltinn „Þetta var svolítið skrýtið og óþægilegt“ Íslenski boltinn Mikael Egill lagði upp gegn Lazio Fótbolti Uppgjör: KA - Stjarnan 1-1 | Stigum deilt eftir skalla í stöng í blálokin Íslenski boltinn Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira