Ný plata frá Deftones í ár

Bandaríska rokksveitin Deftones hefur nú tilkynnt aðdáendum sínum að von er á nýrri plötu frá þeim þann 25. september næstkomandi. Ekki hefur verið opinberað hvað platan mun heita en hún mun verða þeirra fyrsta síðan að bassaleikari þeirra, Chi Cheng, lést árið 2013. Söngvari Deftones, Chino Moreno, segir að platan muni verða nokkuð frábrugðin fyrri verkum þeirra. Sagði hann að ef lögin hljómuðu of venjulega hafi þeir tekið U-beygju varðandi nálgun þeirra á laginu og reynt eitthvað alveg öfugt við það sem þeir höfðu áður gert, án þess þó að skemma lagið, heldur eingöngu til þess að takast á við áskorunina.

Nú virðist líða að lokum hljómsveitarinnar Black Sabbath en samkvæmt söngvaranum Ozzy Osbourne mun hljómsveitin gefa út nýja plötu 2016 og í kjölfarið fara í sína síðustu tónleikaferð. Hljómsveitin var þegar búin að auglýsa sína allra síðustu tónleika sem áttu að fara fram í Japan í nóvember en hljómsveitin hefur þegar aflýst þeim tónleikum. En Ozzy er á því að félagar hans í Black Sabbath séu komnir með leið á því að ferðast um heiminn og koma fram á tónleikum en þeir vilja hinsvegar kveðja með hvelli. Samkvæmt Ozzy mun han þó halda áfram að koma fram einn síns liðs þrátt fyrir að Black Sabbath nafnið verði lagt á hilluna. En hann neyðist til að halda áfram að starfa þar sem að eiginkona hans sé dugleg við að eyða öllum peningnum hans. 

Undarlegar fréttir bárust af tónlistarmanninum Noel Gallagher í gær þegar að hann birti bloggfærslu þess efnis að hann væri aldrei í nærbuxum á tónleikum. Sagðist Gallagher hafa verið að spila á tónleikum í Japan þar sem að einn tónleikagesturinn var með heimatilbúið skilti þar spurt hvernig nærbuxur Noel Gallagher væru á litin. Sagðist Gallagher hafa svarað að hann væri ekki í neinum nærbuxum. Gallagher tjáði sig einmitt um væntanlegar þingkosningar í Bretlandi og sagðist hann ekki hafa neinn áhuga á þeim.

Partýpinninn og tónlistarmaðurinn Andrew WK hyggst nú reyna fyrir sér á nýjum starfsvettvangi og mun hann byrja með nýjan útvarpsþátt á laugardaginn. Það sem vakti hvað mesta athygli við þær fréttir er að stöðin sem þátturinn verður á er í augu hins umdeilda Glenn Beck, en hann er hvað þekktastur fyrir að vera svo hægrisinnaður að Fox News sjónvarpsstöðin lét hann fara. En undanfarinn ár hefur hann rekið sína eigin útvarpsstöð við miklar vinsældir. Það verður því spennandi að sjá hvernig samstarf hans og Andrew WK muni ganga.