Íslendingaliðin Start og Vålerenga unnu stórsigra í norska bikarnum í dag.
Start vann 0-5 sigur á Vigör en Vålerenga vann 0-8 sigur á Lokomotiv Oslo.
Ingvar Jónsson var í marki Start í dag og Guðmundur Kristjánsson var á miðjunni. Matthías Vilhjálmsson fékk að sitja á bekknum í dag.
Elías Már Ómarsson fékk sitt fyrsta tækifæri í byrjunarliði Vålerenga í dag og skoraði eitt marka liðsins. Hann skoraði sjötta mark liðsins í sigrinum stóra.
Elías Már skoraði sitt fyrsta mark í norska boltanum
