Lexus NX300h í boði með framhjóladrifi Finnur Thorlacius skrifar 3. júní 2015 15:53 Lexus NX300h. Lexus Það færist sífellt í aukana hjá bílaframleiðendum að jepplingar þeirra séu í boði aðeins með framhjóladrifi, en ekki fjórhjóladrifi. Þeim fer enda fjölgandi kaupendunum sem velja jepplinga sína þannig, enda eru þeir flestir miklu ódýrari þannig. Mjög margir jepplingarnir sjá aldrei malarvegi eða ófærð þar sem kaupendur þeirra eru að sækjast eftir hárri sætisstöðu og miklu plássi, fremur en drifgetu. Einn þessara jepplinga er Lexus NX300h sem Lexus á Íslandi hefur nýlega hafið að bjóða með framhjóladrifi. Hann fæst á 8.290.000 krónur og sparast með því 400.000 kr. frá ódýrustu fjórhjóladrifgerð bílsins. Vélbúnaður bílsins er sá sami, þ.e. 200 hestafla 2,5 lítra bensínvél og rafmótorar sem endurheimta hemlunarorku bílsins (Hybrid).Sneggri og eyðslugrennri með framhjóladrifi Þessi aflrás skilar fjórhjóladrifsbílnum í 100 km hraða á 9,2 sekúndum en þar sem sá framhjóladrifni er nokkru léttari gerist þetta á 8,4 sekúndum. Eyðsla framdrifna bílsins er örlítið minni, eða 5,0 lítrar á móti 5,1 í fjórhjóladrifsbílnum. Í reynsluakstri bílsins með framhjóladrifinu sýndi hann oftast um 7,5 lítra svo ekki nær hann uppgefinni eyðslu fremur en í flestum öðrum bílum, enda var aksturinn oft frísklegur. Í raun er 7,5 lítra eyðsla á þetta stórum bíl nokkuð viðunandi. Lexusinn er mjög ljúfur í akstri en hann á nokkuð í land með fimi bestu lúxusjepplinganna við átök. Ávallt er lagt er af stað á bílnum notar hann eingöngu rafmagnið og aksturinn því hljóðlátur í fyrstu, en það stendur ekki lengi og þarf bílinn yfirleitt að notast við brunavélinu mjög fljótlega. Enda er ekki mikið rafmagn til staðar þar sem ekki er hægt að stinga honum í samband og hlaða rafhlöður hans. Afl rafmótoranna nýtist samt oftar en í upphafi aksturs því afl þeirra bætist oft skemmtilega við ef rafhlöðurnar hafa endurheimt næga hemlunarorku.Mjög góð framsæti og snotur innrétting Eins og í öðrum gerðum þessa snotra bíls er innréttingin ríkuleg að hætti Lexus. Framsæti hans eru frábær og aftursætin góð. Allur frágangur að innan er til fyrirmyndar og efnisnotkunin hugguleg. Farangursrýmið er ári stórt og hentugt til ferðalaga. Með Lexus NX er kominn frumlega hannaður bíll sem stendur útúr fjöldanum, er afar þægilegur í umgengni og státar eins og aðrir Lexus bílar af fádæma áreiðanleika og lágri bilanatíðni. En þeir sem eru að leita eftir jepplingum með meiri aksturshæfni ættu einnig að skoða aðra lúxusjepplinga. Mest lesið Kom að heimilinu í ljósum logum Innlent „Algjörlega ósammála“ samráðherra sínum Innlent Rafbílaeigendur með sínar leiðir til að svindla Innlent Rúmlega 20 slasaðir eftir eld í parísarhjóli Erlent „Ekki sést á þessari öld“ Veður Stærra svæði aldrei orðið heitavatnslaust Innlent Ekki lengur hægt að valta yfir lítil sveitarfélög úti á landi Innlent Starfsemi skert í tíu leik- eða grunnskólum í Reykjavík í vetur Innlent Reykjanesbær endurgeldur greiðann og býður frítt í sund Innlent Reykur í hrauni ekki eldgos Innlent
Það færist sífellt í aukana hjá bílaframleiðendum að jepplingar þeirra séu í boði aðeins með framhjóladrifi, en ekki fjórhjóladrifi. Þeim fer enda fjölgandi kaupendunum sem velja jepplinga sína þannig, enda eru þeir flestir miklu ódýrari þannig. Mjög margir jepplingarnir sjá aldrei malarvegi eða ófærð þar sem kaupendur þeirra eru að sækjast eftir hárri sætisstöðu og miklu plássi, fremur en drifgetu. Einn þessara jepplinga er Lexus NX300h sem Lexus á Íslandi hefur nýlega hafið að bjóða með framhjóladrifi. Hann fæst á 8.290.000 krónur og sparast með því 400.000 kr. frá ódýrustu fjórhjóladrifgerð bílsins. Vélbúnaður bílsins er sá sami, þ.e. 200 hestafla 2,5 lítra bensínvél og rafmótorar sem endurheimta hemlunarorku bílsins (Hybrid).Sneggri og eyðslugrennri með framhjóladrifi Þessi aflrás skilar fjórhjóladrifsbílnum í 100 km hraða á 9,2 sekúndum en þar sem sá framhjóladrifni er nokkru léttari gerist þetta á 8,4 sekúndum. Eyðsla framdrifna bílsins er örlítið minni, eða 5,0 lítrar á móti 5,1 í fjórhjóladrifsbílnum. Í reynsluakstri bílsins með framhjóladrifinu sýndi hann oftast um 7,5 lítra svo ekki nær hann uppgefinni eyðslu fremur en í flestum öðrum bílum, enda var aksturinn oft frísklegur. Í raun er 7,5 lítra eyðsla á þetta stórum bíl nokkuð viðunandi. Lexusinn er mjög ljúfur í akstri en hann á nokkuð í land með fimi bestu lúxusjepplinganna við átök. Ávallt er lagt er af stað á bílnum notar hann eingöngu rafmagnið og aksturinn því hljóðlátur í fyrstu, en það stendur ekki lengi og þarf bílinn yfirleitt að notast við brunavélinu mjög fljótlega. Enda er ekki mikið rafmagn til staðar þar sem ekki er hægt að stinga honum í samband og hlaða rafhlöður hans. Afl rafmótoranna nýtist samt oftar en í upphafi aksturs því afl þeirra bætist oft skemmtilega við ef rafhlöðurnar hafa endurheimt næga hemlunarorku.Mjög góð framsæti og snotur innrétting Eins og í öðrum gerðum þessa snotra bíls er innréttingin ríkuleg að hætti Lexus. Framsæti hans eru frábær og aftursætin góð. Allur frágangur að innan er til fyrirmyndar og efnisnotkunin hugguleg. Farangursrýmið er ári stórt og hentugt til ferðalaga. Með Lexus NX er kominn frumlega hannaður bíll sem stendur útúr fjöldanum, er afar þægilegur í umgengni og státar eins og aðrir Lexus bílar af fádæma áreiðanleika og lágri bilanatíðni. En þeir sem eru að leita eftir jepplingum með meiri aksturshæfni ættu einnig að skoða aðra lúxusjepplinga.
Mest lesið Kom að heimilinu í ljósum logum Innlent „Algjörlega ósammála“ samráðherra sínum Innlent Rafbílaeigendur með sínar leiðir til að svindla Innlent Rúmlega 20 slasaðir eftir eld í parísarhjóli Erlent „Ekki sést á þessari öld“ Veður Stærra svæði aldrei orðið heitavatnslaust Innlent Ekki lengur hægt að valta yfir lítil sveitarfélög úti á landi Innlent Starfsemi skert í tíu leik- eða grunnskólum í Reykjavík í vetur Innlent Reykjanesbær endurgeldur greiðann og býður frítt í sund Innlent Reykur í hrauni ekki eldgos Innlent