„Lúppan” í SPRON-málinu: Milljarðar frá VÍS til SPRON og þaðan til Exista Sunna Kristín Hilmarsdóttir skrifar 1. júní 2015 21:17 Lán SPRON til Exista var framlengt fjórum sinnum og var seinasti gjalddagi þess 16. mars 2008. Það var aldrei greitt til baka. Vísir/GVA Símtal sem spilað var í dómsal í SPRON-málinu í dag varpar ljósi á þann snúning sem fjallað er um í ákæru sérstaks saksóknara á hendur fyrrum forstjóra sjóðsins og fjórum stjórnarmönnum hans vegna tveggja milljarða króna lánveitingar SPRON til Exista þann 30. september 2008. Umræddur snúningur snýr að því að VÍS lánaði 4 milljarða til Exista þann 18. september 2008. Fjórum dögum síðar var það lán framlengt til 29. september og svo aftur framlengt þá um einn dag. Þann 30. september endurgreiðir Exista svo lánið til VÍS en sama dag koma 2 milljarðar frá VÍS inn í SPRON. Sparisjóðurinn á svo að hafa lánað þá milljarða til Exista.„Smá lúppa í gangi hérna”Í símtalinu ræðir Valgeir Baldursson, þáverandi framkvæmdastjóri fjármálasviðs SPRON, við starfsmann í fjárstýringu sjóðsins. Valgeir bar vitni í málinu í dag og var símtalið borið undir hann. Valgeir segir starfsmanninum að það sé „smá lúppa í gangi hérna.” VÍS vilji leggja þrjá milljarða inn hjá SPRON sem að SPRON þurfi svo að lána Exista aftur út. Valgeir spyr hvort að það sé einhver vandi við það að lána Exista milljarðana þrjá og segir starfsmaðurinn að þetta sé bara spurning um hvaða heimildir Guðmundur Hauksson, forstjóri sparisjóðsins, hafi án þess að fá kvittun stjórnar. Birgir Jónasson, aðstoðarsaksóknari, spurði Valgeir hver hefði upphaflega komið að máli við hann vegna lánsins til Exista. Sagði hann það hafa verið Harald Þórðarson, framkvæmdastjóra fjárstýringar félagsins.Einn aðili að koma með innlán, annar vildi fá útlánSpurður út í hvað hann ætti við með orðinu “lúppa” sagði Valgeir: „Það er svo sem engin sérstök meining. Þetta er bara orðalag sem ég valdi. Þarna er bara aðili sem er að koma með innlán og annar aðili sem vildi fá útlán. Í sjálfu sér er engin dýpri merking þarna.” Valgeir sagði að forstjórinn, Guðmundur Hauksson, hefði verið upplýstur um gang mála varðandi lánið til Exista og „lúppuna” með VÍS en fyrir dómi kvaðst Guðmundur ekki hafa vitað um innlán tryggingafélagsins. Í öðru símtali sem spilað var fyrir dómi og átti sér stað degi áður en lánið til Exista var samþykkt ræðir Valgeir við annan starfsmann SPRON um lánið. Segir hann að VÍS ætli að leggja inn tvo milljarða til SPRON „og við ætlum að lána Exista þá út í viku.”Ræddi lánið ekki við stjórnarmenn SPRONValgeir leggur mikla áherslu á það í símtalinu að ekki megi greiða lánið út fyrr en daginn eftir þegar stjórn sjóðsins kemur saman á fundi og lánveitingin verður samþykkt. Skúli Magnússon, einn af dómurunum í málinu, spurði Valgeir hvers vegna VÍS hefði ekki bara lánað Exista milljarðana tvo milliliðalaust í staðinn fyrir að fara í gegnum SPRON. Valgeir sagðist ekki geta svarað því. Valgeir sagðist ekki hafa rætt um lánið við stjórnarmenn SPRON fyrir fundinn þar sem það var samþykkt. Þá kvaðst hann ekki muna hvernig lánið hefði verið kynnt á stjórnarfundinum og sagðist heldur ekki muna sérstaklega eftir umræðum um það. Fram hafði þá komið hjá ákærðu í málinu að Valgeir hefði séð um að kynna lánið fyrir þeim á fundinum.Exista ekki aðili á millibankamarkaði en gat samt fengið peningamarkaðslánÍ fyrra símtalinu sem spilað var í dag ræða Valgeir og starfsmaður fjárstýringar um það hvort að það sé einhverjum vandkvæðum bundið að veita Exista peningamarkaðslán þar sem félagið sé ekki aðili að millibankamarkaði. Aðspurður hvort að hann sjálfur hefði getað veitt peningamarkaðslán án samþykkis stjórnar hefði Exista verið aðili á millibankamarkaði sagði Valgeir svo ekki vera. Hann var þá spurður að því hverjir gátu fengið peningamarkaðslán. Svaraði hann því til að það væru aðilar á millibankamarkaði og svo stærri aðilar á markaðnum sem væru að taka til sín fé og láta frá sér. Í þeim tilvikum hefði hvert og eitt lán verið metið fyrir sig. Lán SPRON til Exista var framlengt fjórum sinnum og var seinasti gjalddagi þess 16. mars 2008. Það var aldrei greitt til baka. Tengdar fréttir SPRON-Málið: „Maður hélt að botninum væri náð“ „Ég er bara venjulegur maður og treysti orðum starfsmanna sjóðsins, sem voru mjög færir, um að lánið væri hagstætt,“ segir Ari Bergmann Einarsson, einn fyrrverandi stjórnarmanna SPRON. 1. júní 2015 15:32 SPRON-málið: Allrar varúðar gætt við lánveitinguna til Exista Guðmundur Hauksson, fyrrverandi forstjóri SPRON, kom fyrstur í vitnastúkuna í morgun þegar aðalmeðferð í máli sérstaks saksóknara gegn honum og fjórum fyrrverandi stjórnarmönnum sparisjóðsins hófst. 1. júní 2015 13:04 Rannveig og félagar tekin fyrir í dómssal Aðalmeðferð í máli sérstaks saksóknara gegn fyrrverandi forstjóra og stjórnarmönnum SPRON hófst í Héraðsdómi Reykjavíkur í morgun. 1. júní 2015 10:27 SPRON-málið:„Þetta virkaði allt saman gríðarlega sterkt og öflugt” Engin gögn bentu til annars en að Exista væri öruggur lántaki þegar stjórn SPRON samþykkti að veita félaginu tveggja milljarða króna lán skömmu fyrir hrunið 2008. 1. júní 2015 20:45 Mest lesið Ósáttur með sætin og fær milljón endurgreidda Neytendur Ferðatryggingar og val á kreditkorti Viðskipti Gera margvíslegar athugasemdir við starfshætti Kviku Viðskipti innlent Gjaldþrot Jötunn véla upp á 1,7 milljarða Viðskipti innlent Reitir hrista upp í skipuritinu Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Helmingaði kostnaðinn við matarinnkaup Neytendur Í áfalli yfir dýrari dekkjum og Hlöllabát Neytendur Einn glæsilegasti golfvöllur landsins í Kiðjabergi Samstarf Matvöruverslun rís á nýjum reit við Keflavíkurflugvöll Viðskipti innlent Fleiri fréttir Gera margvíslegar athugasemdir við starfshætti Kviku Gjaldþrot Jötunn véla upp á 1,7 milljarða Reitir hrista upp í skipuritinu Matvöruverslun rís á nýjum reit við Keflavíkurflugvöll Gefa út afkomuspá eftir allt saman 96 sagt upp í hópuppsögnum í júní Tekur við fjármálunum hjá Securitas Selja fyrsta bjórinn ekki fyrr en í ágúst Karen Ýr ráðin gæðastjóri Biðin eftir vaxtalækkun gæti lengst enn frekar Minna nú á skoðun ökutækja á Ísland.is Alvotech reiknar með tíföldum tekjum Útflutningsverðmæti eldislaxins meiri en loðnunnar Opna baðstað í Kerlingarfjöllum um helgina Svekkjandi uppgjör og aðstoðarforstjórinn látinn róa Arion banki greiði Seðlabankanum 585 milljónir Rannveig hættir í Seðlabankanum Íslensk hugbúnaðarlausn greinir kolefnisspor innkaupa fyrirtækja Flýta ekki vaxtaákvörðun þrátt fyrir áköll Flestar íbúðir seljist undir eða á auglýstu verði Ýmir Örn fer frá N1 Verðbólga nú 5,8 prósent Icelandair kaupir Airbus flughermi Í maí voru 5800 atvinnulausir Snúa vörn í sókn og kynna eldfjallaleið fyrir ferðamenn Andri Þór Viðskiptafræðingur ársins 2024 Hafa ekki nokkrar áhyggjur af fækkun ferða Seldu til rannsóknarrisa: „Maður þarf að vera draumóramaður“ Gugga í Gatsby kveður: „Margar konur búnar að skæla hérna inni“ Wok on-veldið falt Sjá meira
Símtal sem spilað var í dómsal í SPRON-málinu í dag varpar ljósi á þann snúning sem fjallað er um í ákæru sérstaks saksóknara á hendur fyrrum forstjóra sjóðsins og fjórum stjórnarmönnum hans vegna tveggja milljarða króna lánveitingar SPRON til Exista þann 30. september 2008. Umræddur snúningur snýr að því að VÍS lánaði 4 milljarða til Exista þann 18. september 2008. Fjórum dögum síðar var það lán framlengt til 29. september og svo aftur framlengt þá um einn dag. Þann 30. september endurgreiðir Exista svo lánið til VÍS en sama dag koma 2 milljarðar frá VÍS inn í SPRON. Sparisjóðurinn á svo að hafa lánað þá milljarða til Exista.„Smá lúppa í gangi hérna”Í símtalinu ræðir Valgeir Baldursson, þáverandi framkvæmdastjóri fjármálasviðs SPRON, við starfsmann í fjárstýringu sjóðsins. Valgeir bar vitni í málinu í dag og var símtalið borið undir hann. Valgeir segir starfsmanninum að það sé „smá lúppa í gangi hérna.” VÍS vilji leggja þrjá milljarða inn hjá SPRON sem að SPRON þurfi svo að lána Exista aftur út. Valgeir spyr hvort að það sé einhver vandi við það að lána Exista milljarðana þrjá og segir starfsmaðurinn að þetta sé bara spurning um hvaða heimildir Guðmundur Hauksson, forstjóri sparisjóðsins, hafi án þess að fá kvittun stjórnar. Birgir Jónasson, aðstoðarsaksóknari, spurði Valgeir hver hefði upphaflega komið að máli við hann vegna lánsins til Exista. Sagði hann það hafa verið Harald Þórðarson, framkvæmdastjóra fjárstýringar félagsins.Einn aðili að koma með innlán, annar vildi fá útlánSpurður út í hvað hann ætti við með orðinu “lúppa” sagði Valgeir: „Það er svo sem engin sérstök meining. Þetta er bara orðalag sem ég valdi. Þarna er bara aðili sem er að koma með innlán og annar aðili sem vildi fá útlán. Í sjálfu sér er engin dýpri merking þarna.” Valgeir sagði að forstjórinn, Guðmundur Hauksson, hefði verið upplýstur um gang mála varðandi lánið til Exista og „lúppuna” með VÍS en fyrir dómi kvaðst Guðmundur ekki hafa vitað um innlán tryggingafélagsins. Í öðru símtali sem spilað var fyrir dómi og átti sér stað degi áður en lánið til Exista var samþykkt ræðir Valgeir við annan starfsmann SPRON um lánið. Segir hann að VÍS ætli að leggja inn tvo milljarða til SPRON „og við ætlum að lána Exista þá út í viku.”Ræddi lánið ekki við stjórnarmenn SPRONValgeir leggur mikla áherslu á það í símtalinu að ekki megi greiða lánið út fyrr en daginn eftir þegar stjórn sjóðsins kemur saman á fundi og lánveitingin verður samþykkt. Skúli Magnússon, einn af dómurunum í málinu, spurði Valgeir hvers vegna VÍS hefði ekki bara lánað Exista milljarðana tvo milliliðalaust í staðinn fyrir að fara í gegnum SPRON. Valgeir sagðist ekki geta svarað því. Valgeir sagðist ekki hafa rætt um lánið við stjórnarmenn SPRON fyrir fundinn þar sem það var samþykkt. Þá kvaðst hann ekki muna hvernig lánið hefði verið kynnt á stjórnarfundinum og sagðist heldur ekki muna sérstaklega eftir umræðum um það. Fram hafði þá komið hjá ákærðu í málinu að Valgeir hefði séð um að kynna lánið fyrir þeim á fundinum.Exista ekki aðili á millibankamarkaði en gat samt fengið peningamarkaðslánÍ fyrra símtalinu sem spilað var í dag ræða Valgeir og starfsmaður fjárstýringar um það hvort að það sé einhverjum vandkvæðum bundið að veita Exista peningamarkaðslán þar sem félagið sé ekki aðili að millibankamarkaði. Aðspurður hvort að hann sjálfur hefði getað veitt peningamarkaðslán án samþykkis stjórnar hefði Exista verið aðili á millibankamarkaði sagði Valgeir svo ekki vera. Hann var þá spurður að því hverjir gátu fengið peningamarkaðslán. Svaraði hann því til að það væru aðilar á millibankamarkaði og svo stærri aðilar á markaðnum sem væru að taka til sín fé og láta frá sér. Í þeim tilvikum hefði hvert og eitt lán verið metið fyrir sig. Lán SPRON til Exista var framlengt fjórum sinnum og var seinasti gjalddagi þess 16. mars 2008. Það var aldrei greitt til baka.
Tengdar fréttir SPRON-Málið: „Maður hélt að botninum væri náð“ „Ég er bara venjulegur maður og treysti orðum starfsmanna sjóðsins, sem voru mjög færir, um að lánið væri hagstætt,“ segir Ari Bergmann Einarsson, einn fyrrverandi stjórnarmanna SPRON. 1. júní 2015 15:32 SPRON-málið: Allrar varúðar gætt við lánveitinguna til Exista Guðmundur Hauksson, fyrrverandi forstjóri SPRON, kom fyrstur í vitnastúkuna í morgun þegar aðalmeðferð í máli sérstaks saksóknara gegn honum og fjórum fyrrverandi stjórnarmönnum sparisjóðsins hófst. 1. júní 2015 13:04 Rannveig og félagar tekin fyrir í dómssal Aðalmeðferð í máli sérstaks saksóknara gegn fyrrverandi forstjóra og stjórnarmönnum SPRON hófst í Héraðsdómi Reykjavíkur í morgun. 1. júní 2015 10:27 SPRON-málið:„Þetta virkaði allt saman gríðarlega sterkt og öflugt” Engin gögn bentu til annars en að Exista væri öruggur lántaki þegar stjórn SPRON samþykkti að veita félaginu tveggja milljarða króna lán skömmu fyrir hrunið 2008. 1. júní 2015 20:45 Mest lesið Ósáttur með sætin og fær milljón endurgreidda Neytendur Ferðatryggingar og val á kreditkorti Viðskipti Gera margvíslegar athugasemdir við starfshætti Kviku Viðskipti innlent Gjaldþrot Jötunn véla upp á 1,7 milljarða Viðskipti innlent Reitir hrista upp í skipuritinu Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Helmingaði kostnaðinn við matarinnkaup Neytendur Í áfalli yfir dýrari dekkjum og Hlöllabát Neytendur Einn glæsilegasti golfvöllur landsins í Kiðjabergi Samstarf Matvöruverslun rís á nýjum reit við Keflavíkurflugvöll Viðskipti innlent Fleiri fréttir Gera margvíslegar athugasemdir við starfshætti Kviku Gjaldþrot Jötunn véla upp á 1,7 milljarða Reitir hrista upp í skipuritinu Matvöruverslun rís á nýjum reit við Keflavíkurflugvöll Gefa út afkomuspá eftir allt saman 96 sagt upp í hópuppsögnum í júní Tekur við fjármálunum hjá Securitas Selja fyrsta bjórinn ekki fyrr en í ágúst Karen Ýr ráðin gæðastjóri Biðin eftir vaxtalækkun gæti lengst enn frekar Minna nú á skoðun ökutækja á Ísland.is Alvotech reiknar með tíföldum tekjum Útflutningsverðmæti eldislaxins meiri en loðnunnar Opna baðstað í Kerlingarfjöllum um helgina Svekkjandi uppgjör og aðstoðarforstjórinn látinn róa Arion banki greiði Seðlabankanum 585 milljónir Rannveig hættir í Seðlabankanum Íslensk hugbúnaðarlausn greinir kolefnisspor innkaupa fyrirtækja Flýta ekki vaxtaákvörðun þrátt fyrir áköll Flestar íbúðir seljist undir eða á auglýstu verði Ýmir Örn fer frá N1 Verðbólga nú 5,8 prósent Icelandair kaupir Airbus flughermi Í maí voru 5800 atvinnulausir Snúa vörn í sókn og kynna eldfjallaleið fyrir ferðamenn Andri Þór Viðskiptafræðingur ársins 2024 Hafa ekki nokkrar áhyggjur af fækkun ferða Seldu til rannsóknarrisa: „Maður þarf að vera draumóramaður“ Gugga í Gatsby kveður: „Margar konur búnar að skæla hérna inni“ Wok on-veldið falt Sjá meira
SPRON-Málið: „Maður hélt að botninum væri náð“ „Ég er bara venjulegur maður og treysti orðum starfsmanna sjóðsins, sem voru mjög færir, um að lánið væri hagstætt,“ segir Ari Bergmann Einarsson, einn fyrrverandi stjórnarmanna SPRON. 1. júní 2015 15:32
SPRON-málið: Allrar varúðar gætt við lánveitinguna til Exista Guðmundur Hauksson, fyrrverandi forstjóri SPRON, kom fyrstur í vitnastúkuna í morgun þegar aðalmeðferð í máli sérstaks saksóknara gegn honum og fjórum fyrrverandi stjórnarmönnum sparisjóðsins hófst. 1. júní 2015 13:04
Rannveig og félagar tekin fyrir í dómssal Aðalmeðferð í máli sérstaks saksóknara gegn fyrrverandi forstjóra og stjórnarmönnum SPRON hófst í Héraðsdómi Reykjavíkur í morgun. 1. júní 2015 10:27
SPRON-málið:„Þetta virkaði allt saman gríðarlega sterkt og öflugt” Engin gögn bentu til annars en að Exista væri öruggur lántaki þegar stjórn SPRON samþykkti að veita félaginu tveggja milljarða króna lán skömmu fyrir hrunið 2008. 1. júní 2015 20:45