Ferðasumarið á Seyðisfirði: Fólk smælar framan í heiminn og nýtur þrátt fyrir veðrið Atli Ísleifsson skrifar 16. júlí 2015 21:00 Sigfríð Hallgrímsdóttir, bókunarstjóri á Hótel Öldunni á Seyðisfirði, segir bæinn vel í stakk búinn að taka við fleiri ferðamönnum. Myndir/Andrea Harris „Þetta er orðinn svo samheldinn og sjóaður bær að við höfum getað tekið við öllu,“ segir Sigfríð Hallgrímsdóttir, bókunarstjóri á Hótel Öldunni á Seyðisfirði, aðspurð hvernig ferðamannasumarið hefur verið það sem af er. „Það er helst veðrið sem hefur verið að stríða okkur. Það breytir því þó ekki að fólk smælar framan í heiminn með kaffibollann sinn og nýtur.“ Sigfríð segir að nóg hafi verið að gera í bænum og að það sé enginn sem kvarti. „Nú er LungA-gleði, skemmtiferðaskip inni og svo kemur ferjan í dag þannig að það er sneisafullur bær af fólki. Sumarið er búið að vera veðurfarslega leiðinlegt en það hefur ekki áhrif á gistinguna hjá okkur. Við erum mjög vel bókuð og nýtingin er góð. Við erum í fullri nýtingu nánast allt sumarið í ár, líkt og við vorum í fyrra.“ Mynd/Andrea Harris Fjölgun ferðamanna frá Ísrael og Suður-KóreuSigfríð segir að á Seyðisfirði sé starfrækt eitt hótel, auk þess að boðið sé upp á fjölda annarra gistirýma út um allan bæ. „Bæði farfuglaheimili, heimagisting og minni gistingar. Það hefur verið nóg að gera hjá okkur öllum og við erum dugleg að hjálpast að. Þegar er fullbókað hjá okkur þá heyrum við í hinum og öfugt. Það er búið að vera erfitt að fá gistingu.“ Hún segir að þrátt fyrir að Seyðisfjörður sé lítill bær geti hann vel tekið við fleiri ferðamönnum. „Síðustu árin hafa ferðamenn fyrst og fremst verið að koma frá Þýskalandi og Spáni. Nú hafa ferðamenn frá Ísrael, Suður-Kóreu og fleiri Asíuríkjum verið mjög áberandi. Það poppa upp mikið af bókunum þaðan.“ Veitingahúsið Aldan á Seyðisfirði.Mynd/Andrea Harris Mikið líf í bænum á miðvikudögumSigfríð segir jafnan mikið líf vera í bænum á miðvikudögum, daginn áður en Norræna leggst til hafnar. „Fólk kemur með Norrænu á fimmtudagsmorgnum og keyrir yfirleitt út úr bænum strax. Svo kemur fólkið aftur og ver miðvikudeginum hérna, deginum áður en þeir fara af landi brott með Norrænu. Fólk gistir ýmist á tjaldsvæðinu eða leigir sér gistingu. Það er allur gangur á því. Það er því mjög mikið að gera hjá okkur á miðvikudagskvöldum – á öllum veitingastöðum bæjarins og svo er bláa kirkjan með tónleika á miðvikudögum. Mesta lífið í kringum ferjuna er því á miðvikudagskvöldinu.“ Leggja leið sína yfir FjarðarheiðinaSigfríð segir að aðrir ferðamenn leggi einnig leið sína til bæjarins. „Fólk sem er til að mynda á hringferð um landið fer alveg yfir Fjarðarheiðina til að heimsækja Seyðisfjörð. Við erum mjög vel auglýst, líkt og á TripAdvisor og Lonely Planet og svo framvegis. Fólk gerir sér alveg ferð yfir. Fólk er yfirleitt mjög ánægt og margir mjög hissa á hvað svona lítill bær eins og Seyðisfjörður hefur upp á margt að bjóða.“ Mikill listabærSigfríð segir ferðamennina vera mjög spennta fyrir veitingastöðunum bæjarins. „Þeir eru fyrsta flokks í þessum bæ. Það er nýopnaður sushi-staður sem kemur mjög sterkur inn. Svo er Skaftfell Bistro með léttan matseðil og svo er flottur a la carte veitingastaður á hótelinu hjá okkur. Auk þess er vertinn í bænum, sem er með barinn, líka farinn að grilla. Það er því margt í borði og allir geta fundið sér eitthvað við sitt hæfi. Þetta er líka mjög mikill listabær þannig að það eru því alltaf einhverjar listasýningar í gangi. Svo er líka mjög vinsælt að fara í göngutúra hérna, til að mynda upp að Tvísöng, sem er hljóðskúlptúr sem listamaður bjó til hérna í fjallshlíðinni.“ Frá Seyðisfirði.Mynd/Andrea Harris LungA-vikan í fullum gangiSigfríð segir að þegar skemmtiferðaskipin komi inn fjörðinn séu hótelið og veitingastaðirnir hálfgerð upplýsingamiðstöð þar sem ferðamennirnir spyrja hvað hægt sé að gera í bænum. „Við erum með sundlaug líka svo það er alltaf hægt að finna eitthvað fyrir alla. Þetta er dásamlegur bær og það skiptir gríðarlegu máli að fá allt þetta unga fólk til að vinna að list sinni í LungA-vikunni sem nú stendur sem hæst. Það er „attraction“, bæði fyrir Íslendinga og erlenda ferðamenn. Hátíðin er þannig að allir geta notið.“ Vísir mun í sumar fjalla um ferðamennsku á Íslandi og taka púlsinn á helstu ferðamannastöðum. Allar ábendingar og fréttaskot er snerta ferðamennsku á Íslandi með einum eða öðrum hætti eru vel þegnar á ritstjorn@visir.is. Fullum trúnaði er heitið. Ferðamennska á Íslandi LungA Mest lesið „Mér líður eins og þeir hafi kúkað á leiðið“ Innlent Gekk fram á sofandi ferðamann á heilsugæslunni Innlent Kourani þurfti undanþágu til að heita Jóhannesson Innlent Geta ekki selt hús því ókunnugt fólk er með skráð lögheimili í því Innlent Lögreglumaður skaut konu í höfuðið á heimili hennar Erlent Bráðabirgðamælingar sýna heitasta dag jarðar frá upphafi mælinga Erlent Aukin hætta á eldgosi innan bæjarmarka Grindavíkur Innlent Kári vandar um við heimsfrægan rithöfundinn Innlent Það getur skipt máli fyrir heilsuna hvar þú situr í flugvél Innlent Man ekki eftir öðru eins í sinni búskapartíð Innlent Fleiri fréttir Fráleitt að vernda glæpamenn frá eigin nafni Ekki æskilegt að hafa fólk í bænum Röng skilaboð að Yaris borgi það sama og stór jeppi Man ekki eftir öðru eins í sinni búskapartíð Gríðarlegir hagsmunir í húfi fyrir sjávarútveg að Skaginn 3X lifi Mikil hætta á gosi í Grindavík og óvissa í flugrekstri Geta ekki selt hús því ókunnugt fólk er með skráð lögheimili í því Aukin hætta á eldgosi innan bæjarmarka Grindavíkur Slapp með skrámur eftir veltu á Reykjanesbraut Gekk fram á sofandi ferðamann á heilsugæslunni Hlutfall nýnema sem útskrifast aldrei verið hærra Sóttu veikan göngumann á Hornstrandir „Þetta eru ekki bara viðvörunarbjöllur heldur rauð ljós“ Áskorun fyrir konu úti á landi að tjá sig um menntamál „Mér líður eins og þeir hafi kúkað á leiðið“ Borgi sig ekki að reisa nýja varnargarða nær Grindavík Kourani þurfti undanþágu til að heita Jóhannesson Hættumat og nafnabreytingar brotamanna Margt enn á huldu um sprenginguna á flugvellinum Kári vandar um við heimsfrægan rithöfundinn Þurftu ekki að greiða í Strætó vegna bilunar Umboðsmaður Alþingis áminnir ríkislögreglustjóra Handtökur í tengslum við slagsmál og líkamsárás Það getur skipt máli fyrir heilsuna hvar þú situr í flugvél Skólabílstjóri og hestamálari úr Hvalfjarðarsveit Þróunin sé merki um að afleiðingar Covid séu betur að koma í ljós Jákvæðar hliðar færri ferðamanna og vendingar í bandarískum stjórnmálum Fínn hvítur salli gerir íbúum Laugarneshverfis lífið leitt Kourani tekur upp íslenskt nafn Lenti í ofbeldissambandi með frönskum bíl Sjá meira
„Þetta er orðinn svo samheldinn og sjóaður bær að við höfum getað tekið við öllu,“ segir Sigfríð Hallgrímsdóttir, bókunarstjóri á Hótel Öldunni á Seyðisfirði, aðspurð hvernig ferðamannasumarið hefur verið það sem af er. „Það er helst veðrið sem hefur verið að stríða okkur. Það breytir því þó ekki að fólk smælar framan í heiminn með kaffibollann sinn og nýtur.“ Sigfríð segir að nóg hafi verið að gera í bænum og að það sé enginn sem kvarti. „Nú er LungA-gleði, skemmtiferðaskip inni og svo kemur ferjan í dag þannig að það er sneisafullur bær af fólki. Sumarið er búið að vera veðurfarslega leiðinlegt en það hefur ekki áhrif á gistinguna hjá okkur. Við erum mjög vel bókuð og nýtingin er góð. Við erum í fullri nýtingu nánast allt sumarið í ár, líkt og við vorum í fyrra.“ Mynd/Andrea Harris Fjölgun ferðamanna frá Ísrael og Suður-KóreuSigfríð segir að á Seyðisfirði sé starfrækt eitt hótel, auk þess að boðið sé upp á fjölda annarra gistirýma út um allan bæ. „Bæði farfuglaheimili, heimagisting og minni gistingar. Það hefur verið nóg að gera hjá okkur öllum og við erum dugleg að hjálpast að. Þegar er fullbókað hjá okkur þá heyrum við í hinum og öfugt. Það er búið að vera erfitt að fá gistingu.“ Hún segir að þrátt fyrir að Seyðisfjörður sé lítill bær geti hann vel tekið við fleiri ferðamönnum. „Síðustu árin hafa ferðamenn fyrst og fremst verið að koma frá Þýskalandi og Spáni. Nú hafa ferðamenn frá Ísrael, Suður-Kóreu og fleiri Asíuríkjum verið mjög áberandi. Það poppa upp mikið af bókunum þaðan.“ Veitingahúsið Aldan á Seyðisfirði.Mynd/Andrea Harris Mikið líf í bænum á miðvikudögumSigfríð segir jafnan mikið líf vera í bænum á miðvikudögum, daginn áður en Norræna leggst til hafnar. „Fólk kemur með Norrænu á fimmtudagsmorgnum og keyrir yfirleitt út úr bænum strax. Svo kemur fólkið aftur og ver miðvikudeginum hérna, deginum áður en þeir fara af landi brott með Norrænu. Fólk gistir ýmist á tjaldsvæðinu eða leigir sér gistingu. Það er allur gangur á því. Það er því mjög mikið að gera hjá okkur á miðvikudagskvöldum – á öllum veitingastöðum bæjarins og svo er bláa kirkjan með tónleika á miðvikudögum. Mesta lífið í kringum ferjuna er því á miðvikudagskvöldinu.“ Leggja leið sína yfir FjarðarheiðinaSigfríð segir að aðrir ferðamenn leggi einnig leið sína til bæjarins. „Fólk sem er til að mynda á hringferð um landið fer alveg yfir Fjarðarheiðina til að heimsækja Seyðisfjörð. Við erum mjög vel auglýst, líkt og á TripAdvisor og Lonely Planet og svo framvegis. Fólk gerir sér alveg ferð yfir. Fólk er yfirleitt mjög ánægt og margir mjög hissa á hvað svona lítill bær eins og Seyðisfjörður hefur upp á margt að bjóða.“ Mikill listabærSigfríð segir ferðamennina vera mjög spennta fyrir veitingastöðunum bæjarins. „Þeir eru fyrsta flokks í þessum bæ. Það er nýopnaður sushi-staður sem kemur mjög sterkur inn. Svo er Skaftfell Bistro með léttan matseðil og svo er flottur a la carte veitingastaður á hótelinu hjá okkur. Auk þess er vertinn í bænum, sem er með barinn, líka farinn að grilla. Það er því margt í borði og allir geta fundið sér eitthvað við sitt hæfi. Þetta er líka mjög mikill listabær þannig að það eru því alltaf einhverjar listasýningar í gangi. Svo er líka mjög vinsælt að fara í göngutúra hérna, til að mynda upp að Tvísöng, sem er hljóðskúlptúr sem listamaður bjó til hérna í fjallshlíðinni.“ Frá Seyðisfirði.Mynd/Andrea Harris LungA-vikan í fullum gangiSigfríð segir að þegar skemmtiferðaskipin komi inn fjörðinn séu hótelið og veitingastaðirnir hálfgerð upplýsingamiðstöð þar sem ferðamennirnir spyrja hvað hægt sé að gera í bænum. „Við erum með sundlaug líka svo það er alltaf hægt að finna eitthvað fyrir alla. Þetta er dásamlegur bær og það skiptir gríðarlegu máli að fá allt þetta unga fólk til að vinna að list sinni í LungA-vikunni sem nú stendur sem hæst. Það er „attraction“, bæði fyrir Íslendinga og erlenda ferðamenn. Hátíðin er þannig að allir geta notið.“ Vísir mun í sumar fjalla um ferðamennsku á Íslandi og taka púlsinn á helstu ferðamannastöðum. Allar ábendingar og fréttaskot er snerta ferðamennsku á Íslandi með einum eða öðrum hætti eru vel þegnar á ritstjorn@visir.is. Fullum trúnaði er heitið.
Ferðamennska á Íslandi LungA Mest lesið „Mér líður eins og þeir hafi kúkað á leiðið“ Innlent Gekk fram á sofandi ferðamann á heilsugæslunni Innlent Kourani þurfti undanþágu til að heita Jóhannesson Innlent Geta ekki selt hús því ókunnugt fólk er með skráð lögheimili í því Innlent Lögreglumaður skaut konu í höfuðið á heimili hennar Erlent Bráðabirgðamælingar sýna heitasta dag jarðar frá upphafi mælinga Erlent Aukin hætta á eldgosi innan bæjarmarka Grindavíkur Innlent Kári vandar um við heimsfrægan rithöfundinn Innlent Það getur skipt máli fyrir heilsuna hvar þú situr í flugvél Innlent Man ekki eftir öðru eins í sinni búskapartíð Innlent Fleiri fréttir Fráleitt að vernda glæpamenn frá eigin nafni Ekki æskilegt að hafa fólk í bænum Röng skilaboð að Yaris borgi það sama og stór jeppi Man ekki eftir öðru eins í sinni búskapartíð Gríðarlegir hagsmunir í húfi fyrir sjávarútveg að Skaginn 3X lifi Mikil hætta á gosi í Grindavík og óvissa í flugrekstri Geta ekki selt hús því ókunnugt fólk er með skráð lögheimili í því Aukin hætta á eldgosi innan bæjarmarka Grindavíkur Slapp með skrámur eftir veltu á Reykjanesbraut Gekk fram á sofandi ferðamann á heilsugæslunni Hlutfall nýnema sem útskrifast aldrei verið hærra Sóttu veikan göngumann á Hornstrandir „Þetta eru ekki bara viðvörunarbjöllur heldur rauð ljós“ Áskorun fyrir konu úti á landi að tjá sig um menntamál „Mér líður eins og þeir hafi kúkað á leiðið“ Borgi sig ekki að reisa nýja varnargarða nær Grindavík Kourani þurfti undanþágu til að heita Jóhannesson Hættumat og nafnabreytingar brotamanna Margt enn á huldu um sprenginguna á flugvellinum Kári vandar um við heimsfrægan rithöfundinn Þurftu ekki að greiða í Strætó vegna bilunar Umboðsmaður Alþingis áminnir ríkislögreglustjóra Handtökur í tengslum við slagsmál og líkamsárás Það getur skipt máli fyrir heilsuna hvar þú situr í flugvél Skólabílstjóri og hestamálari úr Hvalfjarðarsveit Þróunin sé merki um að afleiðingar Covid séu betur að koma í ljós Jákvæðar hliðar færri ferðamanna og vendingar í bandarískum stjórnmálum Fínn hvítur salli gerir íbúum Laugarneshverfis lífið leitt Kourani tekur upp íslenskt nafn Lenti í ofbeldissambandi með frönskum bíl Sjá meira