Umfjöllun og viðtöl: ÍBV - Stjarnan 31-25 | Fjórði sigur Eyjakvenna í röð Guðmundur Tómas Sigfússon skrifar 29. september 2015 20:15 Úr leik Stjörnunnar. Vísir/Anton Eyjastúlkur söltuðu Stjörnukonur með 31 marki gegn 25 í kvöld en vörn ÍBV var frábær allan leikinn og sóknin enn betri og áttu gestirnir úr Garðabænum aldrei séns. ÍBV hafði byrjað tímabilið mjög vel en Eyjakonur voru með þrjá sigra í fyrstu þremur leikjunum. Stjörnuliðið tapaði gegn Íslandsmeisturum Gróttu en unnu hina tvo leiki sína hingað til. Í upphafi leiks gáfu Eyjakonur tóninn og komust þremur mörkum yfir mjög snemma. Markvarslan var í fyrirrúmi í byrjun leiks en markverðir beggja liða áttu stórkostlegar fyrstu mínútur. Erla Rós Sigmarsdóttir, markvörður Eyjakvenna, átti frábæran leik á milli stanganna en hún varði 18 skot í dag, þar af eitt vítakast. Strax í fyrri hálfleik var hún komin með tíu varin skot en hún átti stóran þátt í sigri stelpnanna í dag. Florentina Stanciu átti ekki síðri leik í markinu hjá Stjörnunni en hún var að spila gegn sínum gömlu félögum. Hún varði tvö vítaköst og sautján önnur skot í leiknum en hún hélt sínum stelpum á floti mest allan leikinn. Góður kafli Eyjastúlkna um miðbik fyrri hálfleiks gerði mikið en þær röðuðu mörkunum á gestina. Þar sýndu þær allar sínar bestu hliðar en vörnin var óaðfinnanleg á þeim tíma. Þegar liðin gengu til búningsherbergja munaði sjö mörkum en þá var orðið ljóst að gestirnir myndu ekki koma til baka úr þessu. Helena Rut Örvarsdóttir hefur margoft átt betri leiki en í kvöld. Liðsfélagar hennar leituðu oft til hennar þegar þær þurftu að skjóta á markið en Helena átti fjórtán skot í leiknum en einungis fjögur þeirra fóru í netið. Í síðari hálfleik var aldrei útlit fyrir það að Stjarnan myndi komast aftur inn í leikinn, Eyjastúlkur röðuðu gjörsamlega mörkum á þær. Leikurinn var hraður og við þennan hraða réðu Stjörnustúlkur ekki. Hrafnhildur Skúladóttir spilaði allan leikinn á 8-9 leikmönnum sem eru algjör kjarni í liðinu. Fá lið í deildinni geta sagst vera með betri kjarna en þetta ÍBV-lið sem ætlar sér stóra hluti í vetur. Einungis fimm leikmenn skoruðu þessi mörk Eyjakvenna, Vera Lopes skoraði flest eða átta stykki. Fast á hæla hennar fylgdu Telma Amado og Ester Óskarsdóttir sem gerðu sjö. Greta Kavaliuskaite er nýr leikmaður ÍBV en hún hóf leikinn á bekknum í dag. Hún tekur mikið af skotum en er gríðarlega stór og spilar boltanum vel. Hjá Stjörnunni skoruðu þær Hanna Guðrún Stefánsdóttir og Stefanía Theodórsdóttir sex mörk hvor. Helena Rut náði sér eins og áður segir ekki á strik en hún gerði einungis fjögur mörk líkt og Þórhildur Gunnarsdóttir. Halldór: Vorum ekki tilbúnar„Við komum einfaldlega ekki tilbúnar í þennan leik, það er ekki hægt á móti ÍBV,“ sagði Halldór Ingólfsson, annar þjálfara Stjörnunnar eftir tap úti í Eyjum. Góður kafli um miðbik fyrri hálfleiks virtist gera útaf við Stjörnuna í dag. „Við vorum að missa leikmenn útaf í hrönnum á kafla í fyrri hálfleik. Á því tímabili náðu þær sex marka forystu, sem var erfitt að brúa.“ „Vandamálið hjá okkur var að við vorum ekki tilbúnar, komum ekki með baráttu og vilja.“ Stjarnan spilaði frábæran varnarleik gegn Val í síðustu umferð en hann var ekki sjáanlegur í dag. „Langt því frá, þetta er eitthvað sem við þurfum að laga. Það þýðir ekki að spila góðan varnarleik, í einn leik og vera síðan ekki á staðnum í næsta leik.“ Stjarnan hefur byrjað tímabilið á tveimur sigrum og tveimur töpum sem hafa komið gegn Stjörnunni og Gróttu. „Ég hefði viljað vera með tveimur stigum meira í dag en við verðum bara að vinna úr því.“ Hrafnhildur: Þetta er framar væntingum„Ég er alveg gríðarlega ánægð og það var virkilega mikilvægt að vinna,“ sagði Hrafnhildur Ósk Skúladóttir, þjálfari Eyjakvenna, í viðtali eftir leik gegn Stjörnunni í kvöld. „Við erum komnar fjórum stigum á undan Stjörnunni núna sem er frábært fyrir okkur. Við erum búnar með Fram og Stjörnuna og þetta er ótrúlega sterkt.“ „Ég átti samt von á þessu, þær eru búnar að vera hrikalega öflugar á æfingum undanfarið. Þetta er ógeðslega flottur hópur sem ég er með.“ Eyjastelpur byrjuðu leikinn mjög vel og héldu sama tempói út allan leikinn. „Þannig var planið, við byrjuðum eftir 30 mínútur síðast og við ákváðum að byrja frá fyrstu mínútu núna.“ Eyjastúlkur hafa byrjað tímabilið vel og eru með fullt hús stiga eftir fjóra leiki, þrátt fyrir að liðið sé búið að spila við Gróttu og Stjörnuna. „Ef satt skal segja, þá bjóst ég ekki við að vera með fullt hús stiga eftir þessar fjórar umferðir. Þetta er framar væntingum, alveg klárlega.“ Markvarslan og vörn ÍBV í leiknum var mjög góð, en þá fengu stelpurnar hraðaupphlaupin sem þær spila upp á. „Stórkostlegur varnarleikur og Erla frábær fyrir aftan, eins og ég segi kom þetta mér ekki á óvart. Þær eru búnar að vera svona á æfingum og þetta var það sem ég bjóst við.“ Olís-deild kvenna Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira
Eyjastúlkur söltuðu Stjörnukonur með 31 marki gegn 25 í kvöld en vörn ÍBV var frábær allan leikinn og sóknin enn betri og áttu gestirnir úr Garðabænum aldrei séns. ÍBV hafði byrjað tímabilið mjög vel en Eyjakonur voru með þrjá sigra í fyrstu þremur leikjunum. Stjörnuliðið tapaði gegn Íslandsmeisturum Gróttu en unnu hina tvo leiki sína hingað til. Í upphafi leiks gáfu Eyjakonur tóninn og komust þremur mörkum yfir mjög snemma. Markvarslan var í fyrirrúmi í byrjun leiks en markverðir beggja liða áttu stórkostlegar fyrstu mínútur. Erla Rós Sigmarsdóttir, markvörður Eyjakvenna, átti frábæran leik á milli stanganna en hún varði 18 skot í dag, þar af eitt vítakast. Strax í fyrri hálfleik var hún komin með tíu varin skot en hún átti stóran þátt í sigri stelpnanna í dag. Florentina Stanciu átti ekki síðri leik í markinu hjá Stjörnunni en hún var að spila gegn sínum gömlu félögum. Hún varði tvö vítaköst og sautján önnur skot í leiknum en hún hélt sínum stelpum á floti mest allan leikinn. Góður kafli Eyjastúlkna um miðbik fyrri hálfleiks gerði mikið en þær röðuðu mörkunum á gestina. Þar sýndu þær allar sínar bestu hliðar en vörnin var óaðfinnanleg á þeim tíma. Þegar liðin gengu til búningsherbergja munaði sjö mörkum en þá var orðið ljóst að gestirnir myndu ekki koma til baka úr þessu. Helena Rut Örvarsdóttir hefur margoft átt betri leiki en í kvöld. Liðsfélagar hennar leituðu oft til hennar þegar þær þurftu að skjóta á markið en Helena átti fjórtán skot í leiknum en einungis fjögur þeirra fóru í netið. Í síðari hálfleik var aldrei útlit fyrir það að Stjarnan myndi komast aftur inn í leikinn, Eyjastúlkur röðuðu gjörsamlega mörkum á þær. Leikurinn var hraður og við þennan hraða réðu Stjörnustúlkur ekki. Hrafnhildur Skúladóttir spilaði allan leikinn á 8-9 leikmönnum sem eru algjör kjarni í liðinu. Fá lið í deildinni geta sagst vera með betri kjarna en þetta ÍBV-lið sem ætlar sér stóra hluti í vetur. Einungis fimm leikmenn skoruðu þessi mörk Eyjakvenna, Vera Lopes skoraði flest eða átta stykki. Fast á hæla hennar fylgdu Telma Amado og Ester Óskarsdóttir sem gerðu sjö. Greta Kavaliuskaite er nýr leikmaður ÍBV en hún hóf leikinn á bekknum í dag. Hún tekur mikið af skotum en er gríðarlega stór og spilar boltanum vel. Hjá Stjörnunni skoruðu þær Hanna Guðrún Stefánsdóttir og Stefanía Theodórsdóttir sex mörk hvor. Helena Rut náði sér eins og áður segir ekki á strik en hún gerði einungis fjögur mörk líkt og Þórhildur Gunnarsdóttir. Halldór: Vorum ekki tilbúnar„Við komum einfaldlega ekki tilbúnar í þennan leik, það er ekki hægt á móti ÍBV,“ sagði Halldór Ingólfsson, annar þjálfara Stjörnunnar eftir tap úti í Eyjum. Góður kafli um miðbik fyrri hálfleiks virtist gera útaf við Stjörnuna í dag. „Við vorum að missa leikmenn útaf í hrönnum á kafla í fyrri hálfleik. Á því tímabili náðu þær sex marka forystu, sem var erfitt að brúa.“ „Vandamálið hjá okkur var að við vorum ekki tilbúnar, komum ekki með baráttu og vilja.“ Stjarnan spilaði frábæran varnarleik gegn Val í síðustu umferð en hann var ekki sjáanlegur í dag. „Langt því frá, þetta er eitthvað sem við þurfum að laga. Það þýðir ekki að spila góðan varnarleik, í einn leik og vera síðan ekki á staðnum í næsta leik.“ Stjarnan hefur byrjað tímabilið á tveimur sigrum og tveimur töpum sem hafa komið gegn Stjörnunni og Gróttu. „Ég hefði viljað vera með tveimur stigum meira í dag en við verðum bara að vinna úr því.“ Hrafnhildur: Þetta er framar væntingum„Ég er alveg gríðarlega ánægð og það var virkilega mikilvægt að vinna,“ sagði Hrafnhildur Ósk Skúladóttir, þjálfari Eyjakvenna, í viðtali eftir leik gegn Stjörnunni í kvöld. „Við erum komnar fjórum stigum á undan Stjörnunni núna sem er frábært fyrir okkur. Við erum búnar með Fram og Stjörnuna og þetta er ótrúlega sterkt.“ „Ég átti samt von á þessu, þær eru búnar að vera hrikalega öflugar á æfingum undanfarið. Þetta er ógeðslega flottur hópur sem ég er með.“ Eyjastelpur byrjuðu leikinn mjög vel og héldu sama tempói út allan leikinn. „Þannig var planið, við byrjuðum eftir 30 mínútur síðast og við ákváðum að byrja frá fyrstu mínútu núna.“ Eyjastúlkur hafa byrjað tímabilið vel og eru með fullt hús stiga eftir fjóra leiki, þrátt fyrir að liðið sé búið að spila við Gróttu og Stjörnuna. „Ef satt skal segja, þá bjóst ég ekki við að vera með fullt hús stiga eftir þessar fjórar umferðir. Þetta er framar væntingum, alveg klárlega.“ Markvarslan og vörn ÍBV í leiknum var mjög góð, en þá fengu stelpurnar hraðaupphlaupin sem þær spila upp á. „Stórkostlegur varnarleikur og Erla frábær fyrir aftan, eins og ég segi kom þetta mér ekki á óvart. Þær eru búnar að vera svona á æfingum og þetta var það sem ég bjóst við.“
Olís-deild kvenna Mest lesið Slot sammála Klopp varðandi hádegisleiki Enski boltinn „Engar áhyggjur, við hittumst aftur“ Enski boltinn Ronaldo á skotskónum en Al Nassr beið afhroð Fótbolti Lewandowksi sá til þess að Börsungar byrja á sigri Fótbolti Ótrúleg endurkoma Milan Fótbolti Hákon Arnar kom inn fyrir Angel Gomes sem meiddist illa Fótbolti „Kjaftshögg þegar þú færð á þig mark og ert búinn að vera sterkari aðilinn“ Íslenski boltinn „Ég er mögulega búinn að spila minn síðasta leik“ Íslenski boltinn Sjáðu þegar dómarinn vísaði ljósmyndara Víkings af velli Íslenski boltinn „Ansi mikið breytt“ með komu Slots Enski boltinn Fleiri fréttir Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Sjá meira