Berra er einn allra besti leikmaðurinn í sögu hafnaboltans, en hann spilaði nánast allan sinn 19 ára feril með New York Yankees.
Hann spilaði sem grípari og var þrisvar sinnum kjörinn besti leikmaður deildarinnar og varð þrettán sinnum meistari með Yankees.
Berra var einn litríkasti karakterinn í bandarísku íþróttalífi um langt skeið og lét út úr sér margar frægar setningar á borð við: „Þetta er ekki búið fyrr en það er búið“ og „Þetta er eins og Déjà vu aftur“.
We are deeply saddened by the loss of a Yankees legend and American hero, Yogi Berra. pic.twitter.com/Bf8uXxUPzR
— New York Yankees (@Yankees) September 23, 2015
„Það er ekki hitinn sem er að trufla okkur heldur hógværðin (e. It ain't the heat; it's the humility).
„Hafnabolti snýst 90 prósent um hausinn á mönnum og hinn helmingurinn er líkamlegur.“
„Þú gefur þig 100 prósent í fyrri helming leiksins og ef það er ekki nóg gefurðu það sem eftir er í seinni hálfleik.“
„Ég sagði aldrei megnið af því sem ég sagði. Takið öllu með fyrirvara.“
„Ég veit ekki hvert þú ert að fara. Þú gætir endað einhversstaðar annars staðar.“
„Ég var alveg viss um að metið myndi standa þar til það yrði bætt.“
„Ef heimurinn væri ekki fullkominn væri hann það ekki.“
„Farið alltaf í jarðafarir annars fólks því annars kemur það ekki í þína.“
We have lost an icon: https://t.co/bqLwILR1bbpic.twitter.com/h0SDSvUzkw
— New York Yankees (@Yankees) September 23, 2015
Berra kærði þá félagana sem sögðu nafnið og stælana í skógarbirninum vinsæla vera hreina tilviljun. Það er samt talið nokkuð öruggt að Jógi Björn hafi verið skapaður í ímynd Berra.
Hann féll frá kærunni og málið fór aldrei fyrir dómstóla.