Eigendur Volkswagen dísilbíla í Bandaríkjunum vilja endurgreiðslu frá VW Finnur Thorlacius skrifar 22. september 2015 10:31 Volkswagen dísilbílar. Allt fór í háaloft í síðustu viku í Bandaríkjunum þegar uppgötvaðist að Volkswagen hafði sett hugbúnað í dísilbíla þá sem seldir eru þar vestra sem nam hvort verið væri að mæla útblástur þeirra og gat minnkað hann á meðan á mælingum stóð. Margir eigendur dísilbíla í Bandaríkjunum þóttust sviknir og vilja að Volkswagen kaupi aftur af þeim bíla sína. Alls seldi Volkswagen 482.000 dísilbíla á nokkrum árum með þessum svikahugbúnaði og ef Volkswagen væri gert að kaupa þá alla aftur yrði það fyrirtækinu dýrt. Við mælingar á þessum bílum kom í ljós að mengun bílanna var 10-40 sinnum meiri ef þessa hugbúnaðar naut ekki við og munar þar ansi miklu. Því eru margir eigendur þessara dísilbíla reiðir Volkswagen að þeir aki nú um á mikið mengandi bílum þvert á fullyrðingar Volkswagen um litla mengun þeirra. Volkswagen hefur verið gert að draga þær bílgerðir sínar úr sölu sem þetta á við um á meðan á rannsókn yfirvalda í Bandaríkjunum stendur. Því er hætt við því að sala Volkswagen í Bandaríkjunum muni minnka allverulega og það gæti reyndar einnig átt við aðrar bílgerðir Volkswagen þar sem vinsældir fyrirtækisins hefur ekki beint aukist við þessar fréttir. Núverandi eigendum þessara dísilbíla í Bandaríkjunum hefur verið ráðlagt að selja ekki bíla sína nú og bíða niðurstöðu í málinu og annaðhvort mega þeir vænta þess að Volkswagen verði gert að kaupa bílana aftur eða breyta þeim svo þeir verði innan lagaramma um mengun í Bandaríkjunum. Hvernig sem þetta endar er víst að þetta svindl verður Volkswagen dýrt. Skandall hjá Volkswagen Mest lesið Skákar Trump í skoðanakönnun Erlent Hraunflæði það hratt að ekki yrði hlaupið undan því Innlent Trump kvartar formlega vegna yfirtöku Harris á sjóðum Biden Erlent Sagði Harris vanhæfa sökum barnleysis Erlent Siggi Kristins gítarleikari og bílaspekúlant er allur Innlent Segir tímabært að Ísland stokki spilin upp á nýtt Innlent Fráleitt að vernda glæpamenn frá eigin nafni Innlent Kæra vararíkissaksóknara vegna ummæla um innflytjendur Innlent Man ekki eftir öðru eins í sinni búskapartíð Innlent Röng skilaboð að Yaris borgi það sama og stór jeppi Innlent Fleiri fréttir Banninu verður ekki flýtt „Óframkvæmanlegt“ að flýta útfösun bensín- og dísilbíla Rúntað um Reykjavík í Tesla Cybertruck Sjá meira
Allt fór í háaloft í síðustu viku í Bandaríkjunum þegar uppgötvaðist að Volkswagen hafði sett hugbúnað í dísilbíla þá sem seldir eru þar vestra sem nam hvort verið væri að mæla útblástur þeirra og gat minnkað hann á meðan á mælingum stóð. Margir eigendur dísilbíla í Bandaríkjunum þóttust sviknir og vilja að Volkswagen kaupi aftur af þeim bíla sína. Alls seldi Volkswagen 482.000 dísilbíla á nokkrum árum með þessum svikahugbúnaði og ef Volkswagen væri gert að kaupa þá alla aftur yrði það fyrirtækinu dýrt. Við mælingar á þessum bílum kom í ljós að mengun bílanna var 10-40 sinnum meiri ef þessa hugbúnaðar naut ekki við og munar þar ansi miklu. Því eru margir eigendur þessara dísilbíla reiðir Volkswagen að þeir aki nú um á mikið mengandi bílum þvert á fullyrðingar Volkswagen um litla mengun þeirra. Volkswagen hefur verið gert að draga þær bílgerðir sínar úr sölu sem þetta á við um á meðan á rannsókn yfirvalda í Bandaríkjunum stendur. Því er hætt við því að sala Volkswagen í Bandaríkjunum muni minnka allverulega og það gæti reyndar einnig átt við aðrar bílgerðir Volkswagen þar sem vinsældir fyrirtækisins hefur ekki beint aukist við þessar fréttir. Núverandi eigendum þessara dísilbíla í Bandaríkjunum hefur verið ráðlagt að selja ekki bíla sína nú og bíða niðurstöðu í málinu og annaðhvort mega þeir vænta þess að Volkswagen verði gert að kaupa bílana aftur eða breyta þeim svo þeir verði innan lagaramma um mengun í Bandaríkjunum. Hvernig sem þetta endar er víst að þetta svindl verður Volkswagen dýrt.
Skandall hjá Volkswagen Mest lesið Skákar Trump í skoðanakönnun Erlent Hraunflæði það hratt að ekki yrði hlaupið undan því Innlent Trump kvartar formlega vegna yfirtöku Harris á sjóðum Biden Erlent Sagði Harris vanhæfa sökum barnleysis Erlent Siggi Kristins gítarleikari og bílaspekúlant er allur Innlent Segir tímabært að Ísland stokki spilin upp á nýtt Innlent Fráleitt að vernda glæpamenn frá eigin nafni Innlent Kæra vararíkissaksóknara vegna ummæla um innflytjendur Innlent Man ekki eftir öðru eins í sinni búskapartíð Innlent Röng skilaboð að Yaris borgi það sama og stór jeppi Innlent Fleiri fréttir Banninu verður ekki flýtt „Óframkvæmanlegt“ að flýta útfösun bensín- og dísilbíla Rúntað um Reykjavík í Tesla Cybertruck Sjá meira