Umfjöllun: Tyrkland - Ísland 1-0 | Strákarnir töpuðu í Tyrklandi og enda í 2. sæti Eiríkur Stefán Ásgeirsson skrifar 13. október 2015 20:30 Ragnar Sigurðsson í baráttunni gegn Tyrklandi í kvöld. Vísir/AFP Ísland tapaði fyrir Tyrklandi, 1-0, í lokaleik A-riðils undankeppni EM 2016 í leik sem fram fór í Konya í kvöld. Eina markið skoruðu heimamenn beint úr aukaspyrnu á 89. mínútu. Þetta er aðeins annað tap strákanna okkar í riðlinum, en þeir töpuðust síðast fyrir Tékkum í október í fyrra á útivelli. Það var afskaplega lítið sem gerðist fyrstu 20 mínútur leiksins. Það var hálfpartinn eins og Tyrkir væru að bíða eftir að heyra einhver tíðindi frá Amsterdam þar sem Holland var að spila við Tékkland. Oguzhan Özyakup kveikti svolítið neistann hjá báðum liðum með skoti sem fór framhjá á 18. mínútu, en það fékk hann í D-boganum eftir góða sókn Tyrkja. Eftir það sóttu Tyrkir mun meira og stýrðu spilinu. Þeir komust þó lítt áleiðis gegn íslensku vörninni sem leið mun betur en í síðasta leik með Aron Einar Gunnarsson fyrir framan sig. Það mátti greina örlítið stress á Ögmundi Kristinssyni en hann óx með hverri mínútunni og handsamaði alla þá bolta sem komu inn á teiginn. Hann þurfti ekki að verja skot í fyrri hálfleik en gerði það sem hann þurfti að gera mjög vel. Fyrir utan Ögmund var liðsuppstillingin í dag hefðbundin og leið strákunum mjög vel saman eins og hefur einkennt liðið í þessari undankeppni. Aron Einar batt saman miðju og vörn en Gylfi Þór var ekki mjög áberandi í fyrri hálfleiknum. Eftir að Tyrkirnir voru búnir að banka á dyrnar í smástund komst Ísland í dauðafæri þegar Birkir Bjarnason átti frábæra 30 metra sendingu yfir vörn heimamanna og beint á Jón Daða sem missti þó boltann frá sér einn á móti markverði. Birkir var mjög öflugur í fyrri hálfleik; fór vel með boltann, átti góðar sendingar og sýndi sömu vinnslu og hann gerir alltaf. Hann komst einnig í ágætis skotfæri eftir fyrirgjöf Ara Freys en náði ekki að nýta það. Staðan var markalaus í hálfleik og virtist sem svo að bæði lið voru nokkuð sátt við þá stöðu í seinni hálfleiknum. Sérstaklega eftir að Kasakstan komst yfir gegn Lettlandi. Tyrkir þurftu samt mark til að tryggja sig beint á EM. Íslenska liðið sótti ekki mikið og var sátt við stöðuna. Kolbeinn Sigþórsson fékk eina færið framan af fyrri hálfleiknum sem hann bjó sér eiginlega til sjálfur með því að stökkva langhæst í teignum og skalla háa fyrirgjöf Birkis Más rétt framhjá. Lars og Heimir voru ekki búnir að gera skiptingu þegar Terim, þjálfari Tyrklands, kláraði sínar. Hann lenti þó í smá veseni þegar Gökhan Töre fékk beint rautt spjald fyrir ljóta tæklingu á Jón Daða á 77. mínútu. Manni færri voru Tyrkirnir hættulegri og þeir tryggðu sér líka sigurinn með frábæru marki Selcuk Inan beint úr aukaspyrnu á 89. mínútu. Með því vissu Tyrkir að þeir væru á leið beint á EM og ætlaði allt um koll að keyra á vellinum. Ísland fór beint í sókn og fiskaði Gylfi Þór aukaspyrnu rétt fyrir utan teig. Hann var þó ekki jafn öflugur og Inan og skaut beint í varnarveginn. Lokatölur, 0-1 tap í Konya. Strákarnir okkar ljúka keppni í öðru sæti riðilsins og eru komnir, eins og allir vita, beint á EM. Þar verða þeir þó nær örugglega í fjórða styrkleikaflokki. Glæsilegri undankeppni lauk því miður með tapi, en strákarnir söfnuðu 20 stigum, unnu Holland tvisvar, Tékka einu sinni og Tyrki einu sinni. Jafnteflin gegn Kasakstan og Lettlandi heima fóru illa með okkur þegar uppi var staðið. EM 2016 í Frakklandi Mest lesið Átján ára skíðakona lést á æfingu Sport Sjáðu vélina sem „saumar saman“ Laugardalsvöllinn Íslenski boltinn Sara ætlar að komast á heimsleikana í gegnum Afríku Sport Frederik Schram aftur til Vals: „Enginn svekktari en Ömmi sjálfur“ Íslenski boltinn „Hér verður enginn í hættu, það er loforð“ Íslenski boltinn Læknir Maradona í réttarsalnum: Hann var mjög erfiður sjúklingur Fótbolti Aldrei selst fleiri miðar á heimaleik hjá Álftanesi Körfubolti Magnús býður sig fram til forseta ÍSÍ Sport Ósáttur Ólafur á förum Íslenski boltinn Hópur Snorra fyrir síðustu leikina: Reynir að verða einn af strákunum okkar Handbolti Fleiri fréttir Þýskt Íslendingalið gjaldþrota Cecilía örugg um silfrið eftir sigur í borgarslagnum Ancelotti skammaði Endrick fyrir trúðslæti inn á vellinum Læknir Maradona í réttarsalnum: Hann var mjög erfiður sjúklingur Fótboltafélagið inn á borð hjá dýraeftilitinu og matvælastofnun Frederik Schram aftur til Vals: „Enginn svekktari en Ömmi sjálfur“ Sjáðu vélina sem „saumar saman“ Laugardalsvöllinn Rikki G mjög forvitinn um dularfullu dolluna hjá Mosfellingum „Hér verður enginn í hættu, það er loforð“ Mörkin úr Bestu deildinni: Vítið sem felldi Víkinga og markaveisla Eyjamanna Frestað vegna andláts sjúkraþjálfarans Kidd kominn í eigendahóp Everton „Beindu þeim inn á miðju og átu þær þar“ „Menn voru að spila af gleði og þá gerast góðir hlutir“ Ósáttur Ólafur á förum Kostulegt viðtal bræðranna eftir sigurinn Uppgjörið: Afturelding - Víkingur 1-0 | Fyrsti sigur Mosfellinga kominn í hús Hlynur Freyr tryggði Brommapojkarna stig Kolbeinn vildi rautt á Arnór Ingva í dramatískum sigri Stuðningsmenn Vestra úti í horni vegna kröfu um aðskilnað Uppgjörið: ÍBV - Fram 3-1 | Verðskuldaður sigur Eyjamanna Pjakkarnir erlendis þegar KR mætir Blikum „Skil bara ekki að KSÍ leyfi þetta“ Sjáðu hetjumark Höskuldar, kvartettinn í Kaplakrika og öll hin frá því í gær Hættir eftir langan tíma og Orri fær nýjan þjálfara Leicester kveður „geitina“ sem félagið sótti í utandeildina Snýr aftur eftir lungnabólguna Liverpool getur tryggt sér titilinn á sunnudaginn Fór út í dulargervi eftir að Barton byrjaði að bauna á hana Andri Rafn fimmti í þrjú hundruð leikja klúbbinn Sjá meira
Ísland tapaði fyrir Tyrklandi, 1-0, í lokaleik A-riðils undankeppni EM 2016 í leik sem fram fór í Konya í kvöld. Eina markið skoruðu heimamenn beint úr aukaspyrnu á 89. mínútu. Þetta er aðeins annað tap strákanna okkar í riðlinum, en þeir töpuðust síðast fyrir Tékkum í október í fyrra á útivelli. Það var afskaplega lítið sem gerðist fyrstu 20 mínútur leiksins. Það var hálfpartinn eins og Tyrkir væru að bíða eftir að heyra einhver tíðindi frá Amsterdam þar sem Holland var að spila við Tékkland. Oguzhan Özyakup kveikti svolítið neistann hjá báðum liðum með skoti sem fór framhjá á 18. mínútu, en það fékk hann í D-boganum eftir góða sókn Tyrkja. Eftir það sóttu Tyrkir mun meira og stýrðu spilinu. Þeir komust þó lítt áleiðis gegn íslensku vörninni sem leið mun betur en í síðasta leik með Aron Einar Gunnarsson fyrir framan sig. Það mátti greina örlítið stress á Ögmundi Kristinssyni en hann óx með hverri mínútunni og handsamaði alla þá bolta sem komu inn á teiginn. Hann þurfti ekki að verja skot í fyrri hálfleik en gerði það sem hann þurfti að gera mjög vel. Fyrir utan Ögmund var liðsuppstillingin í dag hefðbundin og leið strákunum mjög vel saman eins og hefur einkennt liðið í þessari undankeppni. Aron Einar batt saman miðju og vörn en Gylfi Þór var ekki mjög áberandi í fyrri hálfleiknum. Eftir að Tyrkirnir voru búnir að banka á dyrnar í smástund komst Ísland í dauðafæri þegar Birkir Bjarnason átti frábæra 30 metra sendingu yfir vörn heimamanna og beint á Jón Daða sem missti þó boltann frá sér einn á móti markverði. Birkir var mjög öflugur í fyrri hálfleik; fór vel með boltann, átti góðar sendingar og sýndi sömu vinnslu og hann gerir alltaf. Hann komst einnig í ágætis skotfæri eftir fyrirgjöf Ara Freys en náði ekki að nýta það. Staðan var markalaus í hálfleik og virtist sem svo að bæði lið voru nokkuð sátt við þá stöðu í seinni hálfleiknum. Sérstaklega eftir að Kasakstan komst yfir gegn Lettlandi. Tyrkir þurftu samt mark til að tryggja sig beint á EM. Íslenska liðið sótti ekki mikið og var sátt við stöðuna. Kolbeinn Sigþórsson fékk eina færið framan af fyrri hálfleiknum sem hann bjó sér eiginlega til sjálfur með því að stökkva langhæst í teignum og skalla háa fyrirgjöf Birkis Más rétt framhjá. Lars og Heimir voru ekki búnir að gera skiptingu þegar Terim, þjálfari Tyrklands, kláraði sínar. Hann lenti þó í smá veseni þegar Gökhan Töre fékk beint rautt spjald fyrir ljóta tæklingu á Jón Daða á 77. mínútu. Manni færri voru Tyrkirnir hættulegri og þeir tryggðu sér líka sigurinn með frábæru marki Selcuk Inan beint úr aukaspyrnu á 89. mínútu. Með því vissu Tyrkir að þeir væru á leið beint á EM og ætlaði allt um koll að keyra á vellinum. Ísland fór beint í sókn og fiskaði Gylfi Þór aukaspyrnu rétt fyrir utan teig. Hann var þó ekki jafn öflugur og Inan og skaut beint í varnarveginn. Lokatölur, 0-1 tap í Konya. Strákarnir okkar ljúka keppni í öðru sæti riðilsins og eru komnir, eins og allir vita, beint á EM. Þar verða þeir þó nær örugglega í fjórða styrkleikaflokki. Glæsilegri undankeppni lauk því miður með tapi, en strákarnir söfnuðu 20 stigum, unnu Holland tvisvar, Tékka einu sinni og Tyrki einu sinni. Jafnteflin gegn Kasakstan og Lettlandi heima fóru illa með okkur þegar uppi var staðið.
EM 2016 í Frakklandi Mest lesið Átján ára skíðakona lést á æfingu Sport Sjáðu vélina sem „saumar saman“ Laugardalsvöllinn Íslenski boltinn Sara ætlar að komast á heimsleikana í gegnum Afríku Sport Frederik Schram aftur til Vals: „Enginn svekktari en Ömmi sjálfur“ Íslenski boltinn „Hér verður enginn í hættu, það er loforð“ Íslenski boltinn Læknir Maradona í réttarsalnum: Hann var mjög erfiður sjúklingur Fótbolti Aldrei selst fleiri miðar á heimaleik hjá Álftanesi Körfubolti Magnús býður sig fram til forseta ÍSÍ Sport Ósáttur Ólafur á förum Íslenski boltinn Hópur Snorra fyrir síðustu leikina: Reynir að verða einn af strákunum okkar Handbolti Fleiri fréttir Þýskt Íslendingalið gjaldþrota Cecilía örugg um silfrið eftir sigur í borgarslagnum Ancelotti skammaði Endrick fyrir trúðslæti inn á vellinum Læknir Maradona í réttarsalnum: Hann var mjög erfiður sjúklingur Fótboltafélagið inn á borð hjá dýraeftilitinu og matvælastofnun Frederik Schram aftur til Vals: „Enginn svekktari en Ömmi sjálfur“ Sjáðu vélina sem „saumar saman“ Laugardalsvöllinn Rikki G mjög forvitinn um dularfullu dolluna hjá Mosfellingum „Hér verður enginn í hættu, það er loforð“ Mörkin úr Bestu deildinni: Vítið sem felldi Víkinga og markaveisla Eyjamanna Frestað vegna andláts sjúkraþjálfarans Kidd kominn í eigendahóp Everton „Beindu þeim inn á miðju og átu þær þar“ „Menn voru að spila af gleði og þá gerast góðir hlutir“ Ósáttur Ólafur á förum Kostulegt viðtal bræðranna eftir sigurinn Uppgjörið: Afturelding - Víkingur 1-0 | Fyrsti sigur Mosfellinga kominn í hús Hlynur Freyr tryggði Brommapojkarna stig Kolbeinn vildi rautt á Arnór Ingva í dramatískum sigri Stuðningsmenn Vestra úti í horni vegna kröfu um aðskilnað Uppgjörið: ÍBV - Fram 3-1 | Verðskuldaður sigur Eyjamanna Pjakkarnir erlendis þegar KR mætir Blikum „Skil bara ekki að KSÍ leyfi þetta“ Sjáðu hetjumark Höskuldar, kvartettinn í Kaplakrika og öll hin frá því í gær Hættir eftir langan tíma og Orri fær nýjan þjálfara Leicester kveður „geitina“ sem félagið sótti í utandeildina Snýr aftur eftir lungnabólguna Liverpool getur tryggt sér titilinn á sunnudaginn Fór út í dulargervi eftir að Barton byrjaði að bauna á hana Andri Rafn fimmti í þrjú hundruð leikja klúbbinn Sjá meira