Ísland komst nær sæti á lokakeppni EM með 1-0 sigri á Hollandi í Amsterdam í kvöld en eftir sigurinn dugar íslenska liðinu aðeins eitt stig í síðustu þremur leikjum riðilsins til þess að tryggja sætið á EM.
Hollenska liðið varð fyrir áfalli í fyrri hálfleik þegar Bruno Martins Indi fékk beint rautt spjald fyrir að slá til Kolbeins Sigþórssonar.
Serbneski dómari leiksins dæmdi vítaspyrnu á Gregory Van der Wiel í upphafi seinni hálfleiks eftir að bakvörðurinn braut á Birki Bjarnasyni innan vítateigs Hollands. Steig Gylfi Þór Sigurðsson á vítapunktinn og skoraði af miklu öryggi.
Liðin skiptust á færum það sem eftir er leiks og komst Jóhann Berg Guðmundsson ansi nálægt því að bæta við marki þegar skot hans hafnaði í stönginni.
Það mátti sjá léttinn á andliti strákanna þegar Milorad Masic, dómari leiksins, flautaði leikinn af.
Sjáðu það helsta úr Amsterdam-ævintýrinu | Myndband
Tengdar fréttir
Jafntefli gegn Kasakstan tryggir sæti á lokakeppni EM
Íslenska landsliðið þarf þrjú stig úr síðustu þremur leikjum sínum í undankeppni EM til þess að gulltryggja sætið á lokakeppni mótsins sem fer fram í Frakklandi næsta sumar.
Umfjöllun: Holland - Ísland 0-1 | Strákarnir okkar einu stigi frá EM
Gylfi Þór Sigurðsson skoraði sigurmarkið úr vítaspyrnu þegar Ísland vann Holland öðru sinni í undankeppni EM.
