Kjartan Henry þakkar konunum í lífinu sínu Tómas Þór Þórðarson skrifar 10. apríl 2015 07:45 Kjartan Henry er uppalinn KR-ingur og tryggði liðinu bikarmeistaratitilinn í fyrra áður en hann hélt í atvinnumennsku. Vísir/Daníel Knattspyrnuframherjinn Kjartan Henry Finnbogason sem leikur með danska 1. deildar liðinu Horsens hefur farið frábærlega af stað eftir langt vetrarfrí í deildinni og skorað fimm mörk í fimm fyrstu leikjum liðsins. Kjartan átti erfitt uppdráttar vegna meiðsla á fyrri hluta leiktíðar. Hann spilaði aðeins einu sinni 90 mínútur og í heildina ekki nema 192 mínútur í tólf fyrstu leikjum tímabilsins. „Þetta er búið að ganga vel núna,“ segir Kjartan Henry léttur í samtali við Fréttablaðið, en hann var að borða þegar blaðamaður sló á þráðinn til hans. „Það er alltaf nóg í boði hjá liðinu en maður borðar bara það hollasta. Allavega fimm daga vikunnar,“ segir hann og hlær. Það er augljóslega létt yfir Kjartani þessa dagana enda fer hann varla inn á fótboltavöll án þess að skora. „Ég var meiddur frá því ég kom til Horsens. Ég viðbeinsbrotnaði í fyrsta leik sem var bikarleikur og reif liðbönd í öxlinni. Ég gat ekkert beitt mér en reyndi alltaf að taka íslenska víkinginn á þetta og spila meiddur. Það var gert grín að manni og spurt hvort maður væri ekki í fótbolta, en maður notar öxlina í allt sem maður gerir á vellinum.“ Það gerði mikið fyrir hann að danski fótboltinn leggst í þriggja mánaða dvala á miðju tímabili yfir vetrartímann, en fríið á milli loka hvers tímabils og byrjunar þess næsta er ekki nema sex vikur. „Það er svolítið skrítið að taka svona undirbúningstímabil á miðju tímabili en það hentaði mér mjög vel að þessu sinni. Ég fékk tíma til að jafna mig almennilega. Það spilaði líka inn í að fjölskyldan bjó ekki hjá mér fyrir áramót. Það var erfitt að vera frá konu sinni og dóttur en nú eru stelpurnar mínar komnar. Dóttirin er komin á leikskóla og mér líður vel innan sem utan vallar. Þær eiga mikinn þátt í þessu,“ segir Kjartan Henry.Kýldi bara á þetta Það er ekki bara framherjanum sem gengur vel heldur er liðið að spila betur núna. Horsens tapaði fyrsta leik eftir fríið en er síðan búið að vinna þrjá og gera eitt jafntefli. Það situr í fimmta sæti dönsku 1. deildarinnar. „Við byrjuðum bara upp á nýtt. Þegar þeir vildu fá mig fyrst var planið að fara upp en svo lenti félagið í smá fjárhagsvandræðum þannig það var tekið til í klúbbnum. Nú erum við komnir með ágætan grunn og við erum byrjaðir að þekkja hver annan betur inni á vellinum. Þetta lítur ágætlega út og við erum ekkert að stressa okkur á að komast upp núna. Við viljum bara halda þessum hóp og byggja fyrir næsta tímabil,“ segir Kjartan Henry. Mikið var slúðrað í byrjun árs að Kjartan Henry væri á leiðinni heim enda virtust hlutirnir ekki vera að ganga upp í Danmörku. Uppeldisfélag hans, KR, fylgdist með gangi mála sem og önnur lið í Pepsi-deildinni. „Ég er náttúrlega samningsbundinn þannig að allar alvöru viðræður hefðu þurft að fara í gegnum Horsens. En ég var orðinn svolítið þungur, ég skal viðurkenna það. Það var erfitt að vera í burtu og svona meiddur. Þetta var hundleiðinlegur tími. Ég spjallaði við hina og þessa heima; umboðsmenn og vini, og fékk ráðgjöf. Ég var á báðum áttum en ákvað svo bara að kýla á þetta og vera áfram,“ segir Kjartan Henry.Ekkert að djamma Kjartan viðurkennir að það sé ljúft að komast í gegnum svona erfiða tíma og svara gagnrýnisröddum annarra og sjálfs sín með jafn góðri frammistöðu og raun ber vitni. „Það er ekki til betri tilfinning í fótboltanum en að sigrast á svona mótlæti. Maður veður samt að taka lífinu með ró og ekki fleygja sér upp í skýin þó maður skori nokkur mörk. Ég verð bara að halda þessu áfram en auðvitað fer ég alltaf inn á völlinn til þess að skora mörk,“ segir Kjartan Henry. Honum líður vel í Horsens þar sem allt er til alls innan vallar sem utan. Félagið er stærra en margir halda með glæsilegan heimavöll sem tekur 10.000 manns í sæti. Ríflega 55 þúsund manns búa í bænum og í heildina 85.000 með næstu smábæjum. „Þetta er mjög fínn bær. Við erum svona 20 mínútur til Árósa þannig þetta er mjög fínt. Hérna er rólegt sem er fínt því maður er á þeim aldri að maður er ekkert að pæla í einhverjum flottum búðum eða djammi. Stelpan er á fínum leikskóla og allar aðstæður hjá félaginu frábærar. Það eru ekki allir sem gera sér grein fyrir því hvað félagið er stórt. Ég er mjög ánægður að vera hérna,“ segir Kjartan Henry Finnbogason. Fótbolti á Norðurlöndum Mest lesið „Ég er mögulega búinn að spila minn síðasta leik“ Íslenski boltinn „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti Zirkzee hetjan í sínum fyrsta leik Enski boltinn „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn „Það sjá allir hve mikilvægir varamenn eru“ Enski boltinn „Gefur okkur bara meiri eld í það að taka stóra bikarinn“ Fótbolti Uppgjörið: Sanngjarnt þegar Valskonur tryggðu sér bikarinn Íslenski boltinn Dagskráin í dag: KR fer Vestur og Championship deildin heldur áfram Sport Fleiri fréttir „Ég er mögulega búinn að spila minn síðasta leik“ „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein Sjá meira
Knattspyrnuframherjinn Kjartan Henry Finnbogason sem leikur með danska 1. deildar liðinu Horsens hefur farið frábærlega af stað eftir langt vetrarfrí í deildinni og skorað fimm mörk í fimm fyrstu leikjum liðsins. Kjartan átti erfitt uppdráttar vegna meiðsla á fyrri hluta leiktíðar. Hann spilaði aðeins einu sinni 90 mínútur og í heildina ekki nema 192 mínútur í tólf fyrstu leikjum tímabilsins. „Þetta er búið að ganga vel núna,“ segir Kjartan Henry léttur í samtali við Fréttablaðið, en hann var að borða þegar blaðamaður sló á þráðinn til hans. „Það er alltaf nóg í boði hjá liðinu en maður borðar bara það hollasta. Allavega fimm daga vikunnar,“ segir hann og hlær. Það er augljóslega létt yfir Kjartani þessa dagana enda fer hann varla inn á fótboltavöll án þess að skora. „Ég var meiddur frá því ég kom til Horsens. Ég viðbeinsbrotnaði í fyrsta leik sem var bikarleikur og reif liðbönd í öxlinni. Ég gat ekkert beitt mér en reyndi alltaf að taka íslenska víkinginn á þetta og spila meiddur. Það var gert grín að manni og spurt hvort maður væri ekki í fótbolta, en maður notar öxlina í allt sem maður gerir á vellinum.“ Það gerði mikið fyrir hann að danski fótboltinn leggst í þriggja mánaða dvala á miðju tímabili yfir vetrartímann, en fríið á milli loka hvers tímabils og byrjunar þess næsta er ekki nema sex vikur. „Það er svolítið skrítið að taka svona undirbúningstímabil á miðju tímabili en það hentaði mér mjög vel að þessu sinni. Ég fékk tíma til að jafna mig almennilega. Það spilaði líka inn í að fjölskyldan bjó ekki hjá mér fyrir áramót. Það var erfitt að vera frá konu sinni og dóttur en nú eru stelpurnar mínar komnar. Dóttirin er komin á leikskóla og mér líður vel innan sem utan vallar. Þær eiga mikinn þátt í þessu,“ segir Kjartan Henry.Kýldi bara á þetta Það er ekki bara framherjanum sem gengur vel heldur er liðið að spila betur núna. Horsens tapaði fyrsta leik eftir fríið en er síðan búið að vinna þrjá og gera eitt jafntefli. Það situr í fimmta sæti dönsku 1. deildarinnar. „Við byrjuðum bara upp á nýtt. Þegar þeir vildu fá mig fyrst var planið að fara upp en svo lenti félagið í smá fjárhagsvandræðum þannig það var tekið til í klúbbnum. Nú erum við komnir með ágætan grunn og við erum byrjaðir að þekkja hver annan betur inni á vellinum. Þetta lítur ágætlega út og við erum ekkert að stressa okkur á að komast upp núna. Við viljum bara halda þessum hóp og byggja fyrir næsta tímabil,“ segir Kjartan Henry. Mikið var slúðrað í byrjun árs að Kjartan Henry væri á leiðinni heim enda virtust hlutirnir ekki vera að ganga upp í Danmörku. Uppeldisfélag hans, KR, fylgdist með gangi mála sem og önnur lið í Pepsi-deildinni. „Ég er náttúrlega samningsbundinn þannig að allar alvöru viðræður hefðu þurft að fara í gegnum Horsens. En ég var orðinn svolítið þungur, ég skal viðurkenna það. Það var erfitt að vera í burtu og svona meiddur. Þetta var hundleiðinlegur tími. Ég spjallaði við hina og þessa heima; umboðsmenn og vini, og fékk ráðgjöf. Ég var á báðum áttum en ákvað svo bara að kýla á þetta og vera áfram,“ segir Kjartan Henry.Ekkert að djamma Kjartan viðurkennir að það sé ljúft að komast í gegnum svona erfiða tíma og svara gagnrýnisröddum annarra og sjálfs sín með jafn góðri frammistöðu og raun ber vitni. „Það er ekki til betri tilfinning í fótboltanum en að sigrast á svona mótlæti. Maður veður samt að taka lífinu með ró og ekki fleygja sér upp í skýin þó maður skori nokkur mörk. Ég verð bara að halda þessu áfram en auðvitað fer ég alltaf inn á völlinn til þess að skora mörk,“ segir Kjartan Henry. Honum líður vel í Horsens þar sem allt er til alls innan vallar sem utan. Félagið er stærra en margir halda með glæsilegan heimavöll sem tekur 10.000 manns í sæti. Ríflega 55 þúsund manns búa í bænum og í heildina 85.000 með næstu smábæjum. „Þetta er mjög fínn bær. Við erum svona 20 mínútur til Árósa þannig þetta er mjög fínt. Hérna er rólegt sem er fínt því maður er á þeim aldri að maður er ekkert að pæla í einhverjum flottum búðum eða djammi. Stelpan er á fínum leikskóla og allar aðstæður hjá félaginu frábærar. Það eru ekki allir sem gera sér grein fyrir því hvað félagið er stórt. Ég er mjög ánægður að vera hérna,“ segir Kjartan Henry Finnbogason.
Fótbolti á Norðurlöndum Mest lesið „Ég er mögulega búinn að spila minn síðasta leik“ Íslenski boltinn „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti Zirkzee hetjan í sínum fyrsta leik Enski boltinn „Blikaleikir eru aldrei búnir fyrr en það er búið að flauta af“ Fótbolti KR kærir og segir KSÍ mismuna félögum Íslenski boltinn „Það sjá allir hve mikilvægir varamenn eru“ Enski boltinn „Gefur okkur bara meiri eld í það að taka stóra bikarinn“ Fótbolti Uppgjörið: Sanngjarnt þegar Valskonur tryggðu sér bikarinn Íslenski boltinn Dagskráin í dag: KR fer Vestur og Championship deildin heldur áfram Sport Fleiri fréttir „Ég er mögulega búinn að spila minn síðasta leik“ „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein Sjá meira