Þorrablót Stjörnunnar fór fram í gærkvöldi með pompi og prakt. Miðar á skemmtunina seldust hraðar upp en gert var ráð fyrir, eða á tæpum þrjátíu mínútum. Um ellefu hundruð miðar voru gefnir út og um átta hundruð voru seldir í almennri sölu.
Því var þorrablótið skiljanlega vel sótt og virtust veislugestir skemmta sér afar vel. Ljósmyndari Fréttablaðsins, Stefán Karlsson, náði fjörinu á mynd. Myndirnar má sjá í myndaalbúminu hér fyrir neðan.
