Með Páli Óskari í þættinum var Jakob Frímann Magnýsson, stuðmaður og miðborgarstjóri, sem var kynnir í útsendingu Sjónvarpsins frá Eurovisionkeppninni 1997, þegar Páll Óskar keppti með eftirminnilegt atriði. Hann rifjaði upp gamla takta í þættinum og kynnti lagið inn.
Hægt er að hlusta á glæsilegan flutning Páls Óskars á laginu Minn hinsti dans í spilaranum hér fyrir neðan en þátturinn í heild sinni, þar sem Páll Óskar upplýsir meðal annars að laginu Allt fyrir ástina hafi verið hafnað í undankeppni Eurovision árið 2007, er hægt að hlusta á í spilaranum að ofan.
Eurovísir er nýtt vikulegt hlaðvarp á Vísi þar sem hitað verður upp fyrir Eurovision sem fram fer í Vínarborg í maí. Umsjónarmenn þáttarins eru Aðalsteinn Kjartansson og Sunna Karen Sigurþórsdóttir.
