Quarashi kemur fram með Gísla Pálma 4. júní: „Gísli er að búa til framhaldslíf fyrir íslenskt hiphop“ Kjartan Atli Kjartansson skrifar 20. maí 2015 08:00 Hér má sjá Egil Ólaf Thorarensen, Gísla Pálma og Sölva Blöndal. Þeir eru allir miklir mátar og munu troða upp í Gamla bíói þann 4. júní. Vísir/Vilhelm „Ég man enn þegar ég heyrði fyrsta lagið með Gísla Pálma,“ segir Egill Ólafur Thorarensen, meðlimur Quarashi. Sveitin kemur fram á útgáfutónleikum Gísla Pálma enda tengjast meðlimir sveitarinnar og Gísli tryggðarböndum, eins og Egill heldur áfram að útskýra: „Fyrsta lagið sem ég heyrði með honum var Set mig í gang. Eftir að hafa hlustað á það einu sinni fór ég út í bíl og keyrði um með lagið í gangi. „Loft út um lúgur, kolsvartar rúður með borvél í skúrnum…“, þetta greip mig strax.“ Sölvi Blöndal, forsprakki Quarashi, tekur undir orð Egils og segir Gísla eiga sérstakan sess í íslensku rappi. „Þegar rappari eins og Gísli kemur fram, þá er ekki annað hægt en að leggja eyrun við. Svona gaur kemur fram hugsanlega á 15 ára fresti, og platan hans markar tímamót í íslensku hiphopi.“Hér má sjá Gísla Pálma árið 2011, í myndbandinu við lagið Set mig í gang. Lagið vakti mikla athygli og hefur Gísli Pálmi verið einn af forsprökkum íslenskrar rapptónlistar síðan. Myndbandið má sjá neðst í fréttinni.Framhaldslíf „Ég kynntist Gísla fyrir fjórum árum en þá spilaði hann fyrir mig nokkur lög sem hann hafði verið að vinna í. Ég var algerlega agndofa,“ útskýrir Sölvi og heldur áfram: „Í kjölfarið urðum við vinir. Og það er búið að vera magnað að fylgjast með honum vaxa sem tónlistarmaður.“ Sölvi hlakkar til útgáfutónleikanna og hvetur fólk að sjálfsögðu til að mæta. „Hér er gaur sem er ekki eins og neitt annað sem er í gangi og lögin eru frábær. Gísli er að búa til framhaldslíf fyrir íslenskt hiphop.“ Sjá einnig: Frumburður Gísla Pálma rauk út: Í flokki með Sigur Rós í sölu Egill grípur orð Sölva á lofti og segir að bræðralag hafi myndast í kjölfar þess að Gísli og meðlimir sveitarinnar hittust í fyrsta skiptið. „Gísli er sá eini sem hefur náð að draga mig inn í stúdíó til að taka rapp á íslensku,“ bætir Egill við. Hann rappar á plötu Gísla, í laginu 5AM, og er það í fyrsta sinn sem Egill rappar opinberlega á íslensku, hann hafði áður aðeins rappað á ensku. Góður rómur hefur verið gerður að laginu og lofaði gagnrýnandi Fréttablaðsins Egil í dómi sínum um plötu Gísla Pálma.Steinar Fjelsted til vinstri, Sölvi Blöndal fyrir miðju og Egill Ólafur Thorarensen til hægri. Hin goðsagnakennda sveit Quarashi hefur verið í framvarðasveit íslenskrar rapptónlistar um áratugaskeið.Búa til eitthvað minnisstætt „Við erum að koma þarna inn á fíling, skapa góða stemningu og búa til eitthvað minnisstætt,“ segir Egill um útgáfutónleikana. Sjálfur er Gísli í skýjunum að fá þá Egil, Sölva og Steinar Fjeldsted til að koma fram á tónleikunum, enda hefur Gísli lengi haldið upp á Quarashi. „Það er gríðarlega mikill heiður að fá þá til að koma fram þetta kvöld. Orð fá því ekki lýst. Þegar það kemur að rappi vill fólk oft mikið vera að metast og halda alls kyns hlutum fram. En ég get með sanni sagt að það er aðeins ein íslensk rapphljómsveit sem hefur haldið mér á tánum lag eftir lag, plötu eftir plötu. Og það er Quarashi.“Sjá einnig:Gísli Pálmi heldur útgáfutónleika Gísli bætir því við að eftir að hann kynntist meðlimum sveitarinnar hafi í raun myndast bræðralag á milli þeirra sem sé enn mjög sterkt. „Við urðum strax mjög nánir,“ útskýrir hann og Egill bætir við orð Gísla: „Þess vegna langaði mig svo að koma fram á tónleikunum hans Gísla á þessum forsendum; að við kæmum þarna fram því við höfum tengst svo lengi og á svo sterkan hátt.“Miðar á tónleika Gísla Pálma fara í sölu í hádeginu á morgun á vefsíðunni tix.is. Salan hefst klukkan 12. Tónlist Mest lesið Spjótin hætta ekki að beinast að Blake Lively Lífið Stórstjörnur og lúðrasveit í brúðkaupi Fanneyjar og Teits Lífið Vala Grand gengin út Lífið Jökull í Kaleo í Glæstar vonir Bíó og sjónvarp Eurovision 2025 verður haldið í Basel eða Genf Lífið „Þetta er enginn helvítis félagskvíði, það bara þolir mig enginn“ Áskorun Lil Curly og Brynja ekki lengur bara vinir Lífið Segist standa með Helga Magnúsi gegn hótunum Lífið Brad Pitt stoppaði í hamborgara í Dalakofanum Lífið Byrjaði í smábrotum en vatt svo upp á sig Lífið Fleiri fréttir Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Sjá meira
„Ég man enn þegar ég heyrði fyrsta lagið með Gísla Pálma,“ segir Egill Ólafur Thorarensen, meðlimur Quarashi. Sveitin kemur fram á útgáfutónleikum Gísla Pálma enda tengjast meðlimir sveitarinnar og Gísli tryggðarböndum, eins og Egill heldur áfram að útskýra: „Fyrsta lagið sem ég heyrði með honum var Set mig í gang. Eftir að hafa hlustað á það einu sinni fór ég út í bíl og keyrði um með lagið í gangi. „Loft út um lúgur, kolsvartar rúður með borvél í skúrnum…“, þetta greip mig strax.“ Sölvi Blöndal, forsprakki Quarashi, tekur undir orð Egils og segir Gísla eiga sérstakan sess í íslensku rappi. „Þegar rappari eins og Gísli kemur fram, þá er ekki annað hægt en að leggja eyrun við. Svona gaur kemur fram hugsanlega á 15 ára fresti, og platan hans markar tímamót í íslensku hiphopi.“Hér má sjá Gísla Pálma árið 2011, í myndbandinu við lagið Set mig í gang. Lagið vakti mikla athygli og hefur Gísli Pálmi verið einn af forsprökkum íslenskrar rapptónlistar síðan. Myndbandið má sjá neðst í fréttinni.Framhaldslíf „Ég kynntist Gísla fyrir fjórum árum en þá spilaði hann fyrir mig nokkur lög sem hann hafði verið að vinna í. Ég var algerlega agndofa,“ útskýrir Sölvi og heldur áfram: „Í kjölfarið urðum við vinir. Og það er búið að vera magnað að fylgjast með honum vaxa sem tónlistarmaður.“ Sölvi hlakkar til útgáfutónleikanna og hvetur fólk að sjálfsögðu til að mæta. „Hér er gaur sem er ekki eins og neitt annað sem er í gangi og lögin eru frábær. Gísli er að búa til framhaldslíf fyrir íslenskt hiphop.“ Sjá einnig: Frumburður Gísla Pálma rauk út: Í flokki með Sigur Rós í sölu Egill grípur orð Sölva á lofti og segir að bræðralag hafi myndast í kjölfar þess að Gísli og meðlimir sveitarinnar hittust í fyrsta skiptið. „Gísli er sá eini sem hefur náð að draga mig inn í stúdíó til að taka rapp á íslensku,“ bætir Egill við. Hann rappar á plötu Gísla, í laginu 5AM, og er það í fyrsta sinn sem Egill rappar opinberlega á íslensku, hann hafði áður aðeins rappað á ensku. Góður rómur hefur verið gerður að laginu og lofaði gagnrýnandi Fréttablaðsins Egil í dómi sínum um plötu Gísla Pálma.Steinar Fjelsted til vinstri, Sölvi Blöndal fyrir miðju og Egill Ólafur Thorarensen til hægri. Hin goðsagnakennda sveit Quarashi hefur verið í framvarðasveit íslenskrar rapptónlistar um áratugaskeið.Búa til eitthvað minnisstætt „Við erum að koma þarna inn á fíling, skapa góða stemningu og búa til eitthvað minnisstætt,“ segir Egill um útgáfutónleikana. Sjálfur er Gísli í skýjunum að fá þá Egil, Sölva og Steinar Fjeldsted til að koma fram á tónleikunum, enda hefur Gísli lengi haldið upp á Quarashi. „Það er gríðarlega mikill heiður að fá þá til að koma fram þetta kvöld. Orð fá því ekki lýst. Þegar það kemur að rappi vill fólk oft mikið vera að metast og halda alls kyns hlutum fram. En ég get með sanni sagt að það er aðeins ein íslensk rapphljómsveit sem hefur haldið mér á tánum lag eftir lag, plötu eftir plötu. Og það er Quarashi.“Sjá einnig:Gísli Pálmi heldur útgáfutónleika Gísli bætir því við að eftir að hann kynntist meðlimum sveitarinnar hafi í raun myndast bræðralag á milli þeirra sem sé enn mjög sterkt. „Við urðum strax mjög nánir,“ útskýrir hann og Egill bætir við orð Gísla: „Þess vegna langaði mig svo að koma fram á tónleikunum hans Gísla á þessum forsendum; að við kæmum þarna fram því við höfum tengst svo lengi og á svo sterkan hátt.“Miðar á tónleika Gísla Pálma fara í sölu í hádeginu á morgun á vefsíðunni tix.is. Salan hefst klukkan 12.
Tónlist Mest lesið Spjótin hætta ekki að beinast að Blake Lively Lífið Stórstjörnur og lúðrasveit í brúðkaupi Fanneyjar og Teits Lífið Vala Grand gengin út Lífið Jökull í Kaleo í Glæstar vonir Bíó og sjónvarp Eurovision 2025 verður haldið í Basel eða Genf Lífið „Þetta er enginn helvítis félagskvíði, það bara þolir mig enginn“ Áskorun Lil Curly og Brynja ekki lengur bara vinir Lífið Segist standa með Helga Magnúsi gegn hótunum Lífið Brad Pitt stoppaði í hamborgara í Dalakofanum Lífið Byrjaði í smábrotum en vatt svo upp á sig Lífið Fleiri fréttir Nýdönsk og ADHD fá hvorar tvær milljónirnar „Ég á mjög auðvelt með að standa með þessu öllu saman“ Pétur Jökull er Pj Glaze Tileinkar lagið trans fólki: „Hefur verið mikill tilfinningarússíbani“ Ingi Bauer, VÆB og Stefán Berg bjóða upp á Stemningu Frumsýning á Vísi: „Þetta er alveg ný hlið á mér“ Börn og sjálfstæðismenn velkomin í fylgd með forráðamönnum Ghostigital þruma út nýju lagi eftir níu ár Frumsýning á Vísi: Nýdönsk á slóðum Peter Gabriel og fleiri goðsagna „Ísland er í algjöru uppáhaldi hjá okkur“ FM Belfast fékk blessun Greifanna fyrir síðsumarsmelli Lalli töframaður sér börnunum fyrir brekkusöng „Næst á svið er Mammaðín!“ Segir lúsmýið ekki biðja um of mikið Hass, rokk og hóstasaft Nýtur lífsins áhyggjulaus í áhrifavaldaferð í Króatíu Björk með besta atriði í sögu Ólympíuleikanna Fyrsta lagið sem Nýdönsk gefur út í þrjú ár Ógleymanleg gleðivíma að koma út Four Tops söngvarinn Abdul „Duke“ Fakir látinn Óvænt að heyra að fólkið á LungA hafi alist upp við Hjaltalín Iceguys snúa aftur í sturluðu tónlistarmyndbandi Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Sjá meira