Game of Thrones í IMAX

Game of Thrones verða fyrstu sjónvarpsþættirnir sem verða sýndir í IMAX-kvikmyndahúsum.

Sjónvarpsstöðin HBO og IMAX hafa náð samkomulagi um að frá og með 23. janúar verði tveir síðustu þættirnir í fjórðu seríu sýndir í eina viku í 150 bandarískum bíóum, auk þess sem sýnishorn verður sýnt úr fimmtu þáttaröðinni.

Þættirnir verða endurunnir stafrænt svo að þeir passi inn í IMAX-kerfið, sem þýðir að þeir verða enn flottari útlits en á sjónvarpsskjánum í fyrra.