Moses tekur upp nýja plötu

Moses Hightower er þessa dagana í hljóðveri við upptökur á nýrri plötu og í gær hafði hún lokið fimm upptökudögum.

Hljómsveitin gaf síðast út Aðra Mósebók sem kom út árið 2012 við mjög góðar undirtektir. Hún seldist vel, auk þess sem hún var kjörin plata ársins af gagnrýnendum Fréttablaðsins.

Að auki hlutu forsprakkarnir Andri Ólafsson og Steingrímur Teague Íslensku tónlistarverðlaunin sem textahöfundar ársins. Hljómsveitin var einnig kjörin lagahöfundur ársins.