Ég fer í (vel skipulagt) fríið Sara McMahon skrifar 3. febrúar 2015 07:00 Í upphafi hvers nýs árs fer eitthvað að gerjast innra með mér; Einhver þörf fyrir því að skipuleggja frí og ferðalög í þaula – alveg niður í minnstu smáeindir. Uppkast að sumarfríinu 2015 situr svo gott sem tilbúið á skrifborðinu heima og Word-skjöl með upplýsingum, umsögnum og heimilisföngum gistiheimila og veitingastaða má finna í möppu í tölvunni minni. Að auki hef ég punktað hjá mér hvers kyns afþreyingu sem í boði eru á hverjum stað. Mér nægir ekki að gera bara áætlun um allt sem viðkemur gistingu og skemmtun áður en ég held af stað í fríið – mér liggur líka á að hafa samband við fólk sem ég þekki svo við getum sammælst um stefnumót. Það er næsta víst að maður nái fólki ef maður skipuleggur fundinn marga mánuði fram í tímann. Þið þekkið þetta öll, það á að grípa gæsina á meðan hún gefst! Ferðafélagarnir taka misvel í þessa áráttu mína. Sumum álíka vel skipulögðum einstaklingum þykir þetta hið besta mál á meðan öðrum finnst ég setja þeim helst til of miklar skorður í fríinu. Þeir einstaklingar hafa engan skilning á þeim mörgu kostum sem fylgja því að vera búinn að ganga frá borðapöntun sex mánuði fram í tímann. Ég viðurkenni þó fúslega að ég skil röksemdafærslu þeirra. Það er vissulega lítið svigrúm fyrir hvatvísi þegar maður þarf að halda ströngu prógrammi. Einmitt þess vegna hef ákveðið að leyfa hvatvísinni að vera hluti af „programmet“ í sumar og hef tekið frá nokkra daga þar sem framhleypnin fær að vera við völd. Við sjáum svo hvernig það fer. Viltu birta grein á Vísi? Sendu okkur póst. Senda grein Sara McMahon Mest lesið Glútenlaust gull á grillið Anna Gunndís Guðmundsdóttir Skoðun Heilræði fyrir Nýhaldið Sigmundur Davíð Gunnlaugsson Skoðun Evrópa og myrkrið framundan Hilmar Þór Hilmarsson Skoðun Ferðatryggingar og val á kreditkorti Svandís Edda Hólm Jónudóttir Skoðun Lokunaruppboð í Kauphöllinni Baldur Thorlacius Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun Ert þú í góðu netsambandi? Áslaug Arna Sigurbjörnsdóttir Skoðun Af hverju að byggja Coda Terminal? Ólafur Elínarson,Sandra Ósk Snæbjörnsdóttir Skoðun Stundum hefur Gunnar Smári rétt fyrir sér Magnús Árni Skjöld Magnússon Skoðun
Í upphafi hvers nýs árs fer eitthvað að gerjast innra með mér; Einhver þörf fyrir því að skipuleggja frí og ferðalög í þaula – alveg niður í minnstu smáeindir. Uppkast að sumarfríinu 2015 situr svo gott sem tilbúið á skrifborðinu heima og Word-skjöl með upplýsingum, umsögnum og heimilisföngum gistiheimila og veitingastaða má finna í möppu í tölvunni minni. Að auki hef ég punktað hjá mér hvers kyns afþreyingu sem í boði eru á hverjum stað. Mér nægir ekki að gera bara áætlun um allt sem viðkemur gistingu og skemmtun áður en ég held af stað í fríið – mér liggur líka á að hafa samband við fólk sem ég þekki svo við getum sammælst um stefnumót. Það er næsta víst að maður nái fólki ef maður skipuleggur fundinn marga mánuði fram í tímann. Þið þekkið þetta öll, það á að grípa gæsina á meðan hún gefst! Ferðafélagarnir taka misvel í þessa áráttu mína. Sumum álíka vel skipulögðum einstaklingum þykir þetta hið besta mál á meðan öðrum finnst ég setja þeim helst til of miklar skorður í fríinu. Þeir einstaklingar hafa engan skilning á þeim mörgu kostum sem fylgja því að vera búinn að ganga frá borðapöntun sex mánuði fram í tímann. Ég viðurkenni þó fúslega að ég skil röksemdafærslu þeirra. Það er vissulega lítið svigrúm fyrir hvatvísi þegar maður þarf að halda ströngu prógrammi. Einmitt þess vegna hef ákveðið að leyfa hvatvísinni að vera hluti af „programmet“ í sumar og hef tekið frá nokkra daga þar sem framhleypnin fær að vera við völd. Við sjáum svo hvernig það fer.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson Skoðun