Apple kveður iPhoto

Myndvinnsluforritið iPhoto mun á næstu misserum hverfa úr tölvum Apple-notenda. Tæknirisinn kynnti í vikunni nýtt forrit, Photos, sem er arftaki iPhoto. Photos er algjörlega endurhönnuð útgáfa af iPhoto þar sem áhersla er að lögð á þægilegt og straumlínulagað viðmót.

Í yfirlýsingu frá Apple segir að markmiðið með Photos sé algjör samþætting við iCloud – með forritinu geta eigendur iPad og iPhone nálgast allar ljósmyndir sínar, hvar sem er og hvenær sem er.