Eins og önnur fjölskylda fyrir hana Óskar Ófeigur Jónsson skrifar 23. mars 2015 07:00 Thelma Rut Hermannsdóttir mun örugglega eiga metið yfir flesta titla næstu árin. Vísir/Ernir „Það er rosalega góð tilfinning að koma til baka og vinna Íslandsmeistaratitilinn. Það kom smá klúður hjá mér í fyrra en í ár var ég bara sterkari,“ sagði Thelma Rut Hermannsdóttir sem varð um helgina Íslandsmeistari í fimleikum í sjötta sinn. Thelma Rut átti möguleika á því að vinna titilinn fimmta árið í röð fyrir ári en gerði stór mistök á slá sem kostuðu hana titilinn. Nú gerði hún hins vegar engin mistök. Thelma náði metinu af Berglindi Pétursdóttur og Sif Pálsdóttur sem áður deildu metinu með henni. „Ég held að ég eigi örugglega eftir að eiga þetta met svolítið lengi. Það verður ekkert auðveldlega leikið eftir að vinna þennan titil svona oft,“ segir Thelma Rut og það er vel hægt að taka undir þau orð. Hún vann fyrsta titilinn 2008 og hefur síðan unnið hann á hverju ári fyrir utan 2009 og 2014. Thelma Rut varð líka Íslandsmeistari á gólfi og hún var í miklum ham í gólfæfingunum um helgina. En hvað rekur hana áfram? „Mér finnst þetta bara ótrúlega skemmtileg íþrótt og mér finnst alltaf gaman að mæta á æfingu. Ef manni gengur vel að æfa sig þá langar mann að keppa og sýna hvað maður getur,“ segir Thelma Rut. En fórnar hún öllu fyrir fimleikana?Vill ekki kalla þetta fórnir „Ég vil ekki kalla það fórnir. Fimleikarnir eru að leyfa mér að gera svo marga hluti sem aðrir geta ekki ímyndað sér að gera. Ég er sem dæmi búin að fara til bæði Tókýó og Kína og rosalega víða. Það eru ekki allir sem eiga kost á því,“ segir Thelma Rut. Það fór vel á með henni að stelpunum sem börðust hvað harðast við hana um titilinn. „Þetta er rosaleg samkeppni en við erum samt rosalega góðar vinkonur,“ segir hún en líkt og áður er það Gerplufólk sem stendur uppi sem sigurvegarar á Íslandsmótinu. „Við hjá Gerplu þekkjumst vel og þetta er eins og fjölskylda númer tvö. Þetta er fjölskyldan manns því við erum eins og systkini,“ sagði Thelma Rut að lokum.Amma og afi geyma alla bikarana Valgarð Reinhardsson sigraði með yfirburðum hjá körlunum og varð Íslandsmeistari í fyrsta sinn. Valgarð sem er átján ára býr og æfir í Kanada en kom til Íslands til að taka þátt í mótinu. „Það er stefnan að ná langt. Ég er ennþá bara átján ára þannig að ég á nokkur ár inni,“ sagði Valgarð. Gerpla missti karlatitilinn til Ármanns í fyrra en endurheimti hann í ár. „Ég fann fyrir smá pressu en eftir fyrsta áhaldið þá var hún bara farin. Eftir fyrsta áhaldið sem var örugglega besta gólfæfing sem ég hef gert á ævinni þá vissi ég að dagurinn yrði góður,“ sagði Valgarð. „Það er að reynast mjög vel að æfa úti í Kanada. Ég er búinn að eiga heima þar í tvö og hálft ár og hef bætt mig helling þar. Ég reyni allavega að koma einu sinni á ári og keppa á móti á Íslandi til að sýna það hvað maður er að gera,“ sagði Valgarð. Hann kom bara í stutta heimsókn til Íslands. „Það er verst að maður getur ekki tekið bikarinn með til Kanada en hann fer bara til ömmu og afa. Þar eru allir bikararnir sem ég er búinn að vinna síðustu ár. Það er farið að vera frekar fullt hjá þeim og ég held að þau þurfi jafnvel að fara að stækka við bikarherbergið,“ segir Valgarð í léttum tón og hann er ekki hættur. „Þetta er bara annað árið mitt í fullorðinsflokki og það er sagt að fimleikamenn toppi 23 ára. Vonandi á ég eftir góð fimm ár þangað til að ég toppa mig. Næstu ár verða vonandi mjög skemmtileg,“ sagði Valgarð að lokum. Valgarð, Norma Dögg Róbertsdóttir úr Gerplu, Jón Sigurður Gunnarsson úr Ármanni og Bjarki Ásgeirsson úr Ármanni unnu öll gullverðlaun á tveimur áhöldum þegar keppt var til úrslita á þeim í gær. Fimleikar Mest lesið Raygun á rúðuþurrkunni og brettakappinn í klósettinu Sport Hafði gott af of löngu banni Íslenski boltinn Stúkan ræddi kæru KR-inga: „Mér finnst hún skandall og ekkert annað“ Íslenski boltinn Amazon kóngurinn sagður vilja kaupa NBA meistarana Körfubolti Fyrrum NFL-leikmaður handtekinn fyrir að pissa á sessunaut í flugi til Dyflinnar Sport Sara sýndi sína upplifun af martröð heimsleikanna Sport Sjáðu Blikana nýta sér hjálp Skagamanna og ná í skottið á toppliði Víkings Íslenski boltinn Telur sig geta bætt elsta heimsmetið í frjálsum íþróttum Sport Jóhann Berg á leið til Sádi-Arabíu Fótbolti Uppgjörið: Víkingur R. - ÍA 1-2 | Skagamenn fyrstir til að vinna í Víkinni Íslenski boltinn Fleiri fréttir Kallaði Kevin Durant veikgeðja Willum hlustaði á hálftíma ræðu frá Tom Brady fyrir fyrsta leik Lítil hamingja á heimavelli hamingjunnar Telur sig geta bætt elsta heimsmetið í frjálsum íþróttum Stúkan ræddi kæru KR-inga: „Mér finnst hún skandall og ekkert annað“ Búið að safna 69 milljónum fyrir Dukic fjölskylduna Sjáðu Blikana nýta sér hjálp Skagamanna og ná í skottið á toppliði Víkings Lykilmenn Íslandsmeistaranna framlengja samninga sína Sara sýndi sína upplifun af martröð heimsleikanna Hafði gott af of löngu banni Amazon kóngurinn sagður vilja kaupa NBA meistarana Fyrrum NFL-leikmaður handtekinn fyrir að pissa á sessunaut í flugi til Dyflinnar Raygun á rúðuþurrkunni og brettakappinn í klósettinu Dagskráin í dag: Besta kvenna, Hákon Arnar og félagar ásamt Bestu mörkunum Fulham tekur Berge fram yfir McTominay Atli Barkar spenntur fyrir næsta kafla „Ég ætla rétt að vona að menn hafi ekki verið að spara sig“ Ísak Snær: Held að það sé alltaf einhvers staðar þarna aftast í hausnum „Við vorum tilbúnir að þjást“ Juventus og Atalanta byrja á stórsigrum Uppgjörið: Víkingur R. - ÍA 1-2 | Skagamenn fyrstir til að vinna í Víkinni Síungur Vardy tryggði nýliðunum stig Heimir: Valsmenn fengu tvö færi og skoruðu tvö mörk Jóhann Berg á leið til Sádi-Arabíu Uppgjörið og viðöl: FH - Valur 2-2 | Ótrúleg dramatík í Kaplakrika Mikael skoraði í stórsigri AGF Uppgjörið: Breiðablik - Fram 3-1 | Jafna Víking að stigum á toppnum Félix á leið til Chelsea á meðan Gallagher fer í hina áttina Caitlin Clark þakkaði dómaranum fyrir tæknivilluna sína Hafa unnið alla leiki á móti Fram í heilan áratug Sjá meira
„Það er rosalega góð tilfinning að koma til baka og vinna Íslandsmeistaratitilinn. Það kom smá klúður hjá mér í fyrra en í ár var ég bara sterkari,“ sagði Thelma Rut Hermannsdóttir sem varð um helgina Íslandsmeistari í fimleikum í sjötta sinn. Thelma Rut átti möguleika á því að vinna titilinn fimmta árið í röð fyrir ári en gerði stór mistök á slá sem kostuðu hana titilinn. Nú gerði hún hins vegar engin mistök. Thelma náði metinu af Berglindi Pétursdóttur og Sif Pálsdóttur sem áður deildu metinu með henni. „Ég held að ég eigi örugglega eftir að eiga þetta met svolítið lengi. Það verður ekkert auðveldlega leikið eftir að vinna þennan titil svona oft,“ segir Thelma Rut og það er vel hægt að taka undir þau orð. Hún vann fyrsta titilinn 2008 og hefur síðan unnið hann á hverju ári fyrir utan 2009 og 2014. Thelma Rut varð líka Íslandsmeistari á gólfi og hún var í miklum ham í gólfæfingunum um helgina. En hvað rekur hana áfram? „Mér finnst þetta bara ótrúlega skemmtileg íþrótt og mér finnst alltaf gaman að mæta á æfingu. Ef manni gengur vel að æfa sig þá langar mann að keppa og sýna hvað maður getur,“ segir Thelma Rut. En fórnar hún öllu fyrir fimleikana?Vill ekki kalla þetta fórnir „Ég vil ekki kalla það fórnir. Fimleikarnir eru að leyfa mér að gera svo marga hluti sem aðrir geta ekki ímyndað sér að gera. Ég er sem dæmi búin að fara til bæði Tókýó og Kína og rosalega víða. Það eru ekki allir sem eiga kost á því,“ segir Thelma Rut. Það fór vel á með henni að stelpunum sem börðust hvað harðast við hana um titilinn. „Þetta er rosaleg samkeppni en við erum samt rosalega góðar vinkonur,“ segir hún en líkt og áður er það Gerplufólk sem stendur uppi sem sigurvegarar á Íslandsmótinu. „Við hjá Gerplu þekkjumst vel og þetta er eins og fjölskylda númer tvö. Þetta er fjölskyldan manns því við erum eins og systkini,“ sagði Thelma Rut að lokum.Amma og afi geyma alla bikarana Valgarð Reinhardsson sigraði með yfirburðum hjá körlunum og varð Íslandsmeistari í fyrsta sinn. Valgarð sem er átján ára býr og æfir í Kanada en kom til Íslands til að taka þátt í mótinu. „Það er stefnan að ná langt. Ég er ennþá bara átján ára þannig að ég á nokkur ár inni,“ sagði Valgarð. Gerpla missti karlatitilinn til Ármanns í fyrra en endurheimti hann í ár. „Ég fann fyrir smá pressu en eftir fyrsta áhaldið þá var hún bara farin. Eftir fyrsta áhaldið sem var örugglega besta gólfæfing sem ég hef gert á ævinni þá vissi ég að dagurinn yrði góður,“ sagði Valgarð. „Það er að reynast mjög vel að æfa úti í Kanada. Ég er búinn að eiga heima þar í tvö og hálft ár og hef bætt mig helling þar. Ég reyni allavega að koma einu sinni á ári og keppa á móti á Íslandi til að sýna það hvað maður er að gera,“ sagði Valgarð. Hann kom bara í stutta heimsókn til Íslands. „Það er verst að maður getur ekki tekið bikarinn með til Kanada en hann fer bara til ömmu og afa. Þar eru allir bikararnir sem ég er búinn að vinna síðustu ár. Það er farið að vera frekar fullt hjá þeim og ég held að þau þurfi jafnvel að fara að stækka við bikarherbergið,“ segir Valgarð í léttum tón og hann er ekki hættur. „Þetta er bara annað árið mitt í fullorðinsflokki og það er sagt að fimleikamenn toppi 23 ára. Vonandi á ég eftir góð fimm ár þangað til að ég toppa mig. Næstu ár verða vonandi mjög skemmtileg,“ sagði Valgarð að lokum. Valgarð, Norma Dögg Róbertsdóttir úr Gerplu, Jón Sigurður Gunnarsson úr Ármanni og Bjarki Ásgeirsson úr Ármanni unnu öll gullverðlaun á tveimur áhöldum þegar keppt var til úrslita á þeim í gær.
Fimleikar Mest lesið Raygun á rúðuþurrkunni og brettakappinn í klósettinu Sport Hafði gott af of löngu banni Íslenski boltinn Stúkan ræddi kæru KR-inga: „Mér finnst hún skandall og ekkert annað“ Íslenski boltinn Amazon kóngurinn sagður vilja kaupa NBA meistarana Körfubolti Fyrrum NFL-leikmaður handtekinn fyrir að pissa á sessunaut í flugi til Dyflinnar Sport Sara sýndi sína upplifun af martröð heimsleikanna Sport Sjáðu Blikana nýta sér hjálp Skagamanna og ná í skottið á toppliði Víkings Íslenski boltinn Telur sig geta bætt elsta heimsmetið í frjálsum íþróttum Sport Jóhann Berg á leið til Sádi-Arabíu Fótbolti Uppgjörið: Víkingur R. - ÍA 1-2 | Skagamenn fyrstir til að vinna í Víkinni Íslenski boltinn Fleiri fréttir Kallaði Kevin Durant veikgeðja Willum hlustaði á hálftíma ræðu frá Tom Brady fyrir fyrsta leik Lítil hamingja á heimavelli hamingjunnar Telur sig geta bætt elsta heimsmetið í frjálsum íþróttum Stúkan ræddi kæru KR-inga: „Mér finnst hún skandall og ekkert annað“ Búið að safna 69 milljónum fyrir Dukic fjölskylduna Sjáðu Blikana nýta sér hjálp Skagamanna og ná í skottið á toppliði Víkings Lykilmenn Íslandsmeistaranna framlengja samninga sína Sara sýndi sína upplifun af martröð heimsleikanna Hafði gott af of löngu banni Amazon kóngurinn sagður vilja kaupa NBA meistarana Fyrrum NFL-leikmaður handtekinn fyrir að pissa á sessunaut í flugi til Dyflinnar Raygun á rúðuþurrkunni og brettakappinn í klósettinu Dagskráin í dag: Besta kvenna, Hákon Arnar og félagar ásamt Bestu mörkunum Fulham tekur Berge fram yfir McTominay Atli Barkar spenntur fyrir næsta kafla „Ég ætla rétt að vona að menn hafi ekki verið að spara sig“ Ísak Snær: Held að það sé alltaf einhvers staðar þarna aftast í hausnum „Við vorum tilbúnir að þjást“ Juventus og Atalanta byrja á stórsigrum Uppgjörið: Víkingur R. - ÍA 1-2 | Skagamenn fyrstir til að vinna í Víkinni Síungur Vardy tryggði nýliðunum stig Heimir: Valsmenn fengu tvö færi og skoruðu tvö mörk Jóhann Berg á leið til Sádi-Arabíu Uppgjörið og viðöl: FH - Valur 2-2 | Ótrúleg dramatík í Kaplakrika Mikael skoraði í stórsigri AGF Uppgjörið: Breiðablik - Fram 3-1 | Jafna Víking að stigum á toppnum Félix á leið til Chelsea á meðan Gallagher fer í hina áttina Caitlin Clark þakkaði dómaranum fyrir tæknivilluna sína Hafa unnið alla leiki á móti Fram í heilan áratug Sjá meira