Gunnar keppir um titil innan árs Henry Birgir Gunnarsson skrifar 18. apríl 2015 08:00 Gunnar og Kavanagh eru hér á góðri stund í æfingasal Kavanaghs í Dublin þar sem Gunnar hefur æft lengi. fréttablaðið/friðrik þór „Þetta verður risastórt kvöld fyrir okkur alla,“ segir írski MMA-þjálfarinn John Kavanagh en hann verður heldur betur í sviðsljósinu í Las Vegas þann 11. júlí er stærsta bardagakvöld ársins í UFC fer fram. Þetta er líklega þess utan stærsta kvöld í sögu UFC. „Þetta kvöld er þegar búið að setja met í aðgangseyri hjá UFC og ég er ekki í nokkrum vafa um að aldrei eigi fleiri eftir að kaupa aðgang að þessu bardagakvöldi í gegnum sjónvarp. Þetta er alvöru.“ Kavanagh er þjálfari Gunnars Nelson og einnig Írans Conors McGregor sem er í aðalbardaga kvöldsins. Kavanagh er búinn að þjálfa þá lengi og er heldur betur að uppskera þessa dagana.Árangurinn kemur ekki á óvart „Mér finnst við vera búnir að vera í þessu lengi. Bæði Conor og Gunni hafa æft hjá mér í að verða tíu ár. Ég er ekki hissa á því að þeir hafi skotist upp á stjörnuhimininn því við höfum æft mikið og strákarnir lagt gríðarlega mikið á sig. Þeir voru báðir vel tilbúnir er þeir fóru í UFC og ég vissi að þess yrði ekki langt að bíða að það yrði talað um titilbardaga hjá þeim báðum þar.“VísirAð æfa og æfa vel er nákvæmlega það sem þeir ætla að gera fyrir kvöldið stóra í Vegas. „Við förum snemma í maí. Gunnar fer beint til Mexíkó með nokkrum af mínum strákum og mun æfa þar í sex vikur. Meðal annars með Cathal Pendred og fleiri þungum strákum sem hann hefur ekki gert um tíma. Það ætti að undirbúa hann betur. Við förum svo til Las Vegas fjórum vikum fyrir bardagann og æfum þar með Conor McGregor,“ segir Kavanagh en hann mun vera með Gunnari seinni þrjár vikurnar í Mexíkó og svo að sjálfsögðu allan tímann í Las Vegas.Gunni hluti af nýrri kynslóð Kavanagh er handviss um að Conor McGregor vinni heimsmeistaratitil í Las Vegas og hann spáir því einnig að Gunnar muni sýna Bandaríkjamönnum og UFC-heiminum hvað í hann sé spunnið. „Ég trúi því að Gunni muni sanna í þessum bardaga af hverju talað er um hann sem hluta af nýrri kynslóð bardagamanna í UFC.“ Maðurinn sem Gunnar mun berjast við í Las Vegas er 27 ára gamall Englendingur sem heitir John Hathaway. Það hefur ekki farið mikið fyrir honum síðustu ár þar sem hann var að glíma við veikindi.Vísir„Ég er ekki viss um að margir nýir aðdáendur UFC þekki mikið til hans. Ég geri það samt og hann er ótrúlega sterkur andstæðingur sem hefur haft betur gegn stórum nöfnum,“ segir Kavanagh en Hathaway hefur meðal annars unnið Rick Story sem varð fyrstur til þess að vinna Gunnar í fyrra. Tom Egan er fyrsti lærisveinn Kavanaghs sem tók þátt í UFC en það var árið 2009. Egan mætti þá Hathaway og Hathaway hafði betur. Kavanagh þekkir því vel til Englendingsins og hefur ekki gleymt honum. „Þetta er stór og sterkur strákur og ég held að Gunni verði upp á sitt besta gegn honum. Ég tel að Gunni sé sterkari bardagamaður og eigi að geta náð sér aftur á strik í þessum bardaga. Náð Hathaway í gólfið, sem hann gerir manna best, og klárað hann.“ Þetta verður í fyrsta skipti sem Gunnar keppir í Bandaríkjunum og ótrúlegt tækifæri sem hann fær að vera með á þessu kvöldi.Með Haraldi Nelson, föður Gunnars og umboðsmanni.Vísir„Það er stórkostlegt og ég trúi varla að þetta sé hans fyrsti bardagi í Vegas. Ég trúi því að Gunni eigi eftir að verða stórstjarna í Bandaríkjunum og berjast um heimsmeistaratitil innan tólf mánaða,“ segir Kavanagh bjartsýnn fyrir hönd okkar manns.Sér fyrir sér leið Gunnars „Hvað er betri auglýsingagluggi fyrir hann en bardagi á stærsta bardagakvöldi ársins með stærsta titilbardaga ársins? Gunni er að fara að horfa á Conor félaga sinn ná í heimsmeistarabelti og það mun bara gera hann hungraðri í að ná í sitt belti.“ Það er mikil yfirlýsing hjá Kavanagh að Gunnar berjist um titil innan eins árs. Hvernig sér hann það gerast? „Það verður þessi bardagi, tveir í viðbót og svo titilbardagi. Þannig sé ég þetta fyrir mér. Ég held að þetta verði frábær bardagi hjá Gunna þar sem hann sýnir sínar bestu hliðar. Svo kemur annar bardagi við mann á topp tuttugu og eftir það bardagi við mann á topp tíu þar sem hann mun sýna að hann eigi skilið að keppa um heimsmeistaratitil. Ég trúi því að Rory MacDonald verði heimsmeistari en hann er af nýju kynslóðinni eins og Gunni. Ég sé því fyrir mér titilbardaga á milli Gunna og Rory MacDonald eftir svona ár.“ MMA Mest lesið Jóhann lenti óvænt í flugi með formanninum og fer ekki fet Enski boltinn Íþróttahjón opna apótek saman: „Þetta var búið að blunda í okkur í einhvern tíma“ Sport Þessi ömurlega sápuópera haldi áfram þar til Ronaldo segi stopp Fótbolti Búast við gullregni með sölu á Stefáni til Englands Fótbolti „Líður eins og ég hafi svikið þjóð mína“ Fótbolti Öll vítin inn og England í undanúrslit Fótbolti Hollendingar lentu undir en mæta Englandi Fótbolti Uppgjörið og viðtöl: Víkingur R. - Valur 0-2 | Ragnheiður heldur áfram að skora Íslenski boltinn Sjáðu fernu og dans Viktors, Valsara í stuði og tæpt jöfnunarmark KR Íslenski boltinn Frakkar sluppu inn í undanúrslit Fótbolti Fleiri fréttir Stólarnir missa lykilmann en fá Spánverja í staðin Thiago leggur skóna á hilluna Sló heimsmet sem var sett fjórtán árum áður en hún fæddist Bayern staðfestir komu Olise Ásta Eir: Ég er allavegana ekkert að pæla í því Sædís lagði upp tvö í stórsigri Uppgjör: FH - Breiðablik 0-4 | Stórsigur skaut Blikum aftur á toppinn Uppgjörið og viðtöl: Víkingur R. - Valur 0-2 | Ragnheiður heldur áfram að skora „Leiðinlegt að kveðja liðið sem maður hefur verið í frá því maður var fjögurra ára“ Keflavík fagnaði sigri í botnslag Bestu deildarinnar Hamilton fyrstur í fyrsta sinn í langan tíma Uppgjörið og viðtöl: Þróttur R. - Þór/KA 2-4 | Sandra María Jessen með þrennu í sigri Donny van de Beek snýr við blaðinu og fer til Spánar Caitlin Clark varð fyrsti nýliðinn til að ná þrefaldri tvennu Michael Olise mættur til læknisskoðunar hjá Bayern München Tækling Toni Kroos eyðilagði Evrópumótið fyrir Pedri Nýliði Minnesota Vikings lést í bílslysi Mótmælti sama brotinu tvisvar og var rekinn af velli Íþróttahjón opna apótek saman: „Þetta var búið að blunda í okkur í einhvern tíma“ Úrúgvæ sló Brasilíu út í vítaspyrnukeppni „Klikkaðir“ FH-ingar á grasi reyna að þyngja það með lóðum Jóhann lenti óvænt í flugi með formanninum og fer ekki fet Dagskráin í dag: Hörð titilbarátta í Bestu deild og Verstappen berst við Bretana Vistaskipti Kilman gætu breytt framtíð E-deildarliðs Maidenhead Búast við gullregni með sölu á Stefáni til Englands Sjáðu fernu og dans Viktors, Valsara í stuði og tæpt jöfnunarmark KR „Líður eins og ég hafi svikið þjóð mína“ Fyrsta mark Bryndísar skipti sköpum FHL jók forskotið og dýrmætur sigur Þróttar Hollendingar lentu undir en mæta Englandi Sjá meira
„Þetta verður risastórt kvöld fyrir okkur alla,“ segir írski MMA-þjálfarinn John Kavanagh en hann verður heldur betur í sviðsljósinu í Las Vegas þann 11. júlí er stærsta bardagakvöld ársins í UFC fer fram. Þetta er líklega þess utan stærsta kvöld í sögu UFC. „Þetta kvöld er þegar búið að setja met í aðgangseyri hjá UFC og ég er ekki í nokkrum vafa um að aldrei eigi fleiri eftir að kaupa aðgang að þessu bardagakvöldi í gegnum sjónvarp. Þetta er alvöru.“ Kavanagh er þjálfari Gunnars Nelson og einnig Írans Conors McGregor sem er í aðalbardaga kvöldsins. Kavanagh er búinn að þjálfa þá lengi og er heldur betur að uppskera þessa dagana.Árangurinn kemur ekki á óvart „Mér finnst við vera búnir að vera í þessu lengi. Bæði Conor og Gunni hafa æft hjá mér í að verða tíu ár. Ég er ekki hissa á því að þeir hafi skotist upp á stjörnuhimininn því við höfum æft mikið og strákarnir lagt gríðarlega mikið á sig. Þeir voru báðir vel tilbúnir er þeir fóru í UFC og ég vissi að þess yrði ekki langt að bíða að það yrði talað um titilbardaga hjá þeim báðum þar.“VísirAð æfa og æfa vel er nákvæmlega það sem þeir ætla að gera fyrir kvöldið stóra í Vegas. „Við förum snemma í maí. Gunnar fer beint til Mexíkó með nokkrum af mínum strákum og mun æfa þar í sex vikur. Meðal annars með Cathal Pendred og fleiri þungum strákum sem hann hefur ekki gert um tíma. Það ætti að undirbúa hann betur. Við förum svo til Las Vegas fjórum vikum fyrir bardagann og æfum þar með Conor McGregor,“ segir Kavanagh en hann mun vera með Gunnari seinni þrjár vikurnar í Mexíkó og svo að sjálfsögðu allan tímann í Las Vegas.Gunni hluti af nýrri kynslóð Kavanagh er handviss um að Conor McGregor vinni heimsmeistaratitil í Las Vegas og hann spáir því einnig að Gunnar muni sýna Bandaríkjamönnum og UFC-heiminum hvað í hann sé spunnið. „Ég trúi því að Gunni muni sanna í þessum bardaga af hverju talað er um hann sem hluta af nýrri kynslóð bardagamanna í UFC.“ Maðurinn sem Gunnar mun berjast við í Las Vegas er 27 ára gamall Englendingur sem heitir John Hathaway. Það hefur ekki farið mikið fyrir honum síðustu ár þar sem hann var að glíma við veikindi.Vísir„Ég er ekki viss um að margir nýir aðdáendur UFC þekki mikið til hans. Ég geri það samt og hann er ótrúlega sterkur andstæðingur sem hefur haft betur gegn stórum nöfnum,“ segir Kavanagh en Hathaway hefur meðal annars unnið Rick Story sem varð fyrstur til þess að vinna Gunnar í fyrra. Tom Egan er fyrsti lærisveinn Kavanaghs sem tók þátt í UFC en það var árið 2009. Egan mætti þá Hathaway og Hathaway hafði betur. Kavanagh þekkir því vel til Englendingsins og hefur ekki gleymt honum. „Þetta er stór og sterkur strákur og ég held að Gunni verði upp á sitt besta gegn honum. Ég tel að Gunni sé sterkari bardagamaður og eigi að geta náð sér aftur á strik í þessum bardaga. Náð Hathaway í gólfið, sem hann gerir manna best, og klárað hann.“ Þetta verður í fyrsta skipti sem Gunnar keppir í Bandaríkjunum og ótrúlegt tækifæri sem hann fær að vera með á þessu kvöldi.Með Haraldi Nelson, föður Gunnars og umboðsmanni.Vísir„Það er stórkostlegt og ég trúi varla að þetta sé hans fyrsti bardagi í Vegas. Ég trúi því að Gunni eigi eftir að verða stórstjarna í Bandaríkjunum og berjast um heimsmeistaratitil innan tólf mánaða,“ segir Kavanagh bjartsýnn fyrir hönd okkar manns.Sér fyrir sér leið Gunnars „Hvað er betri auglýsingagluggi fyrir hann en bardagi á stærsta bardagakvöldi ársins með stærsta titilbardaga ársins? Gunni er að fara að horfa á Conor félaga sinn ná í heimsmeistarabelti og það mun bara gera hann hungraðri í að ná í sitt belti.“ Það er mikil yfirlýsing hjá Kavanagh að Gunnar berjist um titil innan eins árs. Hvernig sér hann það gerast? „Það verður þessi bardagi, tveir í viðbót og svo titilbardagi. Þannig sé ég þetta fyrir mér. Ég held að þetta verði frábær bardagi hjá Gunna þar sem hann sýnir sínar bestu hliðar. Svo kemur annar bardagi við mann á topp tuttugu og eftir það bardagi við mann á topp tíu þar sem hann mun sýna að hann eigi skilið að keppa um heimsmeistaratitil. Ég trúi því að Rory MacDonald verði heimsmeistari en hann er af nýju kynslóðinni eins og Gunni. Ég sé því fyrir mér titilbardaga á milli Gunna og Rory MacDonald eftir svona ár.“
MMA Mest lesið Jóhann lenti óvænt í flugi með formanninum og fer ekki fet Enski boltinn Íþróttahjón opna apótek saman: „Þetta var búið að blunda í okkur í einhvern tíma“ Sport Þessi ömurlega sápuópera haldi áfram þar til Ronaldo segi stopp Fótbolti Búast við gullregni með sölu á Stefáni til Englands Fótbolti „Líður eins og ég hafi svikið þjóð mína“ Fótbolti Öll vítin inn og England í undanúrslit Fótbolti Hollendingar lentu undir en mæta Englandi Fótbolti Uppgjörið og viðtöl: Víkingur R. - Valur 0-2 | Ragnheiður heldur áfram að skora Íslenski boltinn Sjáðu fernu og dans Viktors, Valsara í stuði og tæpt jöfnunarmark KR Íslenski boltinn Frakkar sluppu inn í undanúrslit Fótbolti Fleiri fréttir Stólarnir missa lykilmann en fá Spánverja í staðin Thiago leggur skóna á hilluna Sló heimsmet sem var sett fjórtán árum áður en hún fæddist Bayern staðfestir komu Olise Ásta Eir: Ég er allavegana ekkert að pæla í því Sædís lagði upp tvö í stórsigri Uppgjör: FH - Breiðablik 0-4 | Stórsigur skaut Blikum aftur á toppinn Uppgjörið og viðtöl: Víkingur R. - Valur 0-2 | Ragnheiður heldur áfram að skora „Leiðinlegt að kveðja liðið sem maður hefur verið í frá því maður var fjögurra ára“ Keflavík fagnaði sigri í botnslag Bestu deildarinnar Hamilton fyrstur í fyrsta sinn í langan tíma Uppgjörið og viðtöl: Þróttur R. - Þór/KA 2-4 | Sandra María Jessen með þrennu í sigri Donny van de Beek snýr við blaðinu og fer til Spánar Caitlin Clark varð fyrsti nýliðinn til að ná þrefaldri tvennu Michael Olise mættur til læknisskoðunar hjá Bayern München Tækling Toni Kroos eyðilagði Evrópumótið fyrir Pedri Nýliði Minnesota Vikings lést í bílslysi Mótmælti sama brotinu tvisvar og var rekinn af velli Íþróttahjón opna apótek saman: „Þetta var búið að blunda í okkur í einhvern tíma“ Úrúgvæ sló Brasilíu út í vítaspyrnukeppni „Klikkaðir“ FH-ingar á grasi reyna að þyngja það með lóðum Jóhann lenti óvænt í flugi með formanninum og fer ekki fet Dagskráin í dag: Hörð titilbarátta í Bestu deild og Verstappen berst við Bretana Vistaskipti Kilman gætu breytt framtíð E-deildarliðs Maidenhead Búast við gullregni með sölu á Stefáni til Englands Sjáðu fernu og dans Viktors, Valsara í stuði og tæpt jöfnunarmark KR „Líður eins og ég hafi svikið þjóð mína“ Fyrsta mark Bryndísar skipti sköpum FHL jók forskotið og dýrmætur sigur Þróttar Hollendingar lentu undir en mæta Englandi Sjá meira