Frumsýnt á Vísi: Arnar Dan túlkar hálfnafnann Arnór Dan Gyða Lóa Ólafsdóttir skrifar 22. maí 2015 08:30 Nöfnum Arnars Dan og Arnórs Dan hefur oft verið ruglað saman enda aðeins einn stafur sem skilur þau að. Vísir/Vilhelm Hljómsveitin Agent Fresco gefur út sína þriðju breiðskífu þann 7. ágúst næstkomandi og ber hún nafnið Destrier. Um hádegisbil í dag verður tónlistarmyndband við lagið See Hell frumsýnt á Vísi en þetta er önnur smáskífan af væntanlegri plötu. Leikarinn Arnar Dan túlkar í myndbandinu texta söngvarans Arnórs Dan, sem segir að við val á aðalleikara myndbandsins hafi það heillað sig hversu lík nöfn þeirra eru. „Ég verð að viðurkenna að nafnið heillaði mig frekar mikið, mér finnst þetta flott nafn,“ segir Arnór hlæjandi og bætir við: „Ég hef líka bara oft pælt í því að það væri mjög gaman að við gerðum eitthvað saman og ég er mjög sáttur.“ Arnar er einnig ánægður með útkomuna en þetta er fyrsta tónlistarmyndbandið sem hann leikur í. „Fyrir mig persónulega að vinna með þeim er líka alveg geggjað, af því ég er Agent Fresco-aðdáandi og hef verið lengi,“ segir hann hress. Nöfn þeirra félaga eru fremur lík, mætti kalla þá hálfnafna, og hefur það nokkrum sinnum valdið misskilningi sem Arnór og Arnar hafa gaman af. „Þegar ég var að segja fólki frá því að Arnar Dan væri að leika aðalhlutverkið í myndbandinu hélt fólk að ég væri að tala um mig í þriðju persónu. Las bara vitlaust, það var ekki Arnór Dan heldur Arnar Dan,“ segir Arnór og þeir hlæja báðir.Umslag Destrier er hannað af Dóra Andréssyni.Myndbandið er unnið af fyrirtækinu Tjarnargötunni og leikstýrt af Frey Árnasyni og Gísla Þór Brynjólfssyni. Tökur á myndbandinu tóku rúma sextán tíma og var það tekið upp í JL húsinu sem Arnór og Arnar segja báðir að hafi verið fullkominn vettvangur, hrátt en samt fallegt. Það var Arnóri mikilvægt að lagið, textinn og myndbandið segðu sömu söguna og kæmu henni vel til skila. „Okkur í Agent Fresco langaði til þess að fylgja textanum frekar vel með þessi nýju lög, taka eitthvað úr textanum og gera það myndrænt,“ segir Arnór en hann segir plötuna túlka ákveðið tímabil í lífi hans. „Þetta byrjaði þegar ég varð fyrir líkamsárás fyrir þremur árum, það opnaðist heimur af kvíða og reiði. Ég ætlaði að búa til mjög jákvæða plötu en það breyttist mjög hratt.“ Agent Fresco gefur út breiðskífuna Destrier þann 7. ágúst.Agent Fresco er með þriggja platna samning við þýska útgáfufyrirtækið Long Branch Records. Destrier tók nokkuð langan tíma í undirbúningi en líkt og áður sagði er nú kominn staðfestur útgáfudagur, 7. ágúst næstkomandi. „Núna kemur hitt dýrið að fylgja þessu eftir. Líkamlega að vera upp á sviði og tjá sig.“ Einnig hyggst hljómsveitin halda á Evróputúr næsta haust og Arnór leggur áherslu á að þá langi til þess að spila í grunn- og menntaskólum þar sem sá aldurshópur á oft ekki kost á að fara á tónleika sem iðulega fara fram á skemmtistöðum. „Unga fólkið, sem er aðal aðdáendurnir, gleymist oft. Hvar væri ég ef ég hefði ekki mátt fara á Slipknot-tónleika þegar ég var fimmtán ára? Þetta veitir svo mikinn innblástur,“ segir Arnór að lokum.Hér má sjá myndbandið við See Hell sem frumsýnt er á Vísi: Tónlist Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir „Hugleikið hver fær að stunda kynlíf og hver ekki“ „Þetta er saga af villigötum“ „Enginn að fara að hringja í mig að fyrra bragði“ Kemur frá Sýrlandi og syngur á íslensku Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira
Hljómsveitin Agent Fresco gefur út sína þriðju breiðskífu þann 7. ágúst næstkomandi og ber hún nafnið Destrier. Um hádegisbil í dag verður tónlistarmyndband við lagið See Hell frumsýnt á Vísi en þetta er önnur smáskífan af væntanlegri plötu. Leikarinn Arnar Dan túlkar í myndbandinu texta söngvarans Arnórs Dan, sem segir að við val á aðalleikara myndbandsins hafi það heillað sig hversu lík nöfn þeirra eru. „Ég verð að viðurkenna að nafnið heillaði mig frekar mikið, mér finnst þetta flott nafn,“ segir Arnór hlæjandi og bætir við: „Ég hef líka bara oft pælt í því að það væri mjög gaman að við gerðum eitthvað saman og ég er mjög sáttur.“ Arnar er einnig ánægður með útkomuna en þetta er fyrsta tónlistarmyndbandið sem hann leikur í. „Fyrir mig persónulega að vinna með þeim er líka alveg geggjað, af því ég er Agent Fresco-aðdáandi og hef verið lengi,“ segir hann hress. Nöfn þeirra félaga eru fremur lík, mætti kalla þá hálfnafna, og hefur það nokkrum sinnum valdið misskilningi sem Arnór og Arnar hafa gaman af. „Þegar ég var að segja fólki frá því að Arnar Dan væri að leika aðalhlutverkið í myndbandinu hélt fólk að ég væri að tala um mig í þriðju persónu. Las bara vitlaust, það var ekki Arnór Dan heldur Arnar Dan,“ segir Arnór og þeir hlæja báðir.Umslag Destrier er hannað af Dóra Andréssyni.Myndbandið er unnið af fyrirtækinu Tjarnargötunni og leikstýrt af Frey Árnasyni og Gísla Þór Brynjólfssyni. Tökur á myndbandinu tóku rúma sextán tíma og var það tekið upp í JL húsinu sem Arnór og Arnar segja báðir að hafi verið fullkominn vettvangur, hrátt en samt fallegt. Það var Arnóri mikilvægt að lagið, textinn og myndbandið segðu sömu söguna og kæmu henni vel til skila. „Okkur í Agent Fresco langaði til þess að fylgja textanum frekar vel með þessi nýju lög, taka eitthvað úr textanum og gera það myndrænt,“ segir Arnór en hann segir plötuna túlka ákveðið tímabil í lífi hans. „Þetta byrjaði þegar ég varð fyrir líkamsárás fyrir þremur árum, það opnaðist heimur af kvíða og reiði. Ég ætlaði að búa til mjög jákvæða plötu en það breyttist mjög hratt.“ Agent Fresco gefur út breiðskífuna Destrier þann 7. ágúst.Agent Fresco er með þriggja platna samning við þýska útgáfufyrirtækið Long Branch Records. Destrier tók nokkuð langan tíma í undirbúningi en líkt og áður sagði er nú kominn staðfestur útgáfudagur, 7. ágúst næstkomandi. „Núna kemur hitt dýrið að fylgja þessu eftir. Líkamlega að vera upp á sviði og tjá sig.“ Einnig hyggst hljómsveitin halda á Evróputúr næsta haust og Arnór leggur áherslu á að þá langi til þess að spila í grunn- og menntaskólum þar sem sá aldurshópur á oft ekki kost á að fara á tónleika sem iðulega fara fram á skemmtistöðum. „Unga fólkið, sem er aðal aðdáendurnir, gleymist oft. Hvar væri ég ef ég hefði ekki mátt fara á Slipknot-tónleika þegar ég var fimmtán ára? Þetta veitir svo mikinn innblástur,“ segir Arnór að lokum.Hér má sjá myndbandið við See Hell sem frumsýnt er á Vísi:
Tónlist Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir „Hugleikið hver fær að stunda kynlíf og hver ekki“ „Þetta er saga af villigötum“ „Enginn að fara að hringja í mig að fyrra bragði“ Kemur frá Sýrlandi og syngur á íslensku Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira