Pökkuðu húsi inn í vetrarmyrkur Gunnar Leó Pálsson skrifar 23. júlí 2015 09:30 Búið er að setja svartar drapperingar fyrir hluta hússins til að fá fram alvöru vetrarmyrkur inni í húsinu. Leikarinn Þröstur Leó hefur búið í húsinu ásamt fjölskyldu sinni undanfarin ári. vísir/stefán Tökur eru hafnar á nýjustu kvikmynd Óskars Jónassonar sem heitir Fyrir framan annað fólk. Myndin er jafnframt fyrsta íslenska kvikmyndin sem Truenorth framleiðir og með helstu hlutverk fara Snorri Engilbertsson, Hafdís Helga Helgadóttir, Svandís Dóra Einarsdóttir og Hilmir Snær Guðnason. „Myndin spannar heilt ár, við byrjuðum tökur í mars og skutum þá nokkra vetrartökudaga og svo tókum við nokkra tökudaga í vor. Nú eru samt aðaltökudagarnir, það er sumarblær yfir myndinni. Við munum svo skjóta aftur í október,“ segir Óskar, leikstjóri myndarinnar. Hann er jafnframt höfundur hennar ásamt Kristjáni Þórði Hrafnssyni leikskáldi. Tökurnar fara að mestu leyti fram í Reykjavík og fær borgin að njóta sín. Þá hafa aðstandendur myndarinnar lagt undir sig hús eitt í Vesturbænum og klætt það í svart. „Um þessar mundir höfum við pakkað einu húsi inn í svarta „drapperingu“ til að fá vetrarmyrkur og nótt. Þessa dagana vinnum við alla daga í myrkrinu, það er pínu spes,“ segir Óskar léttur í lundu. Óskar Jónasson leikstjóri og höfundur einbeittur á tökustað.Leikarinn Þröstur Leó Gunnarsson hefur búið í húsinu umrædda undanfarin ár ásamt fjölskyldu sinni. Hann býr þar þó ekki um þessar mundir þannig að kvikmyndatakan truflar ekki íbúa hússins of mikið. „Það býr fólk á neðri hæðinni og við vinnum á efri. Við ætluðum að smíða þessa íbúð í stúdíói en svo fundum við allt í einu hús sem leit út að utan eins og við vildum hafa það. Þegar við bönkuðum upp á til að biðja um leyfi fyrir því að nota það kom í ljós að við vildum nota íbúðina á efri hæðinni líka. Hún var tóm en með búslóð, þannig að við vorum heppin, því það er heljarinnar handleggur að byggja svona leikmyndir,“ útskýrir Óskar. Kvikmyndin er rómantísk kómedía sem fjallar um feiminn náunga sem reynir að sjarmera konu. „Hún fjallar um Húbert, grafískan auglýsingateiknara sem er pínulítið félagsfælinn, og hann lendir í því í að verða yfir sig ástfanginn af stúlku, í fyrsta sinn. Hann áttar sig á því að hann kann ekkert í þeim fræðum að nálgast hitt kynið. Yfirmaður hans er hins vegar kvennabósi og reynir Húbert að herma eftir honum og það virkar og þau fara að deita. Húbert er svo himinlifandi með að hafa fattað sinn nýja hæfileika, að herma eftir fólki, að hann fer að færa sig upp á skaftið í eftirhermunum og fer að kryfja þennan hæfileika,“ segir Óskar um myndina.Snorri Engilbertsson og Hafdís Helga Helgadóttir.Hann hefur að undanförnu lítið unnið að myndum sem þessum. „Þetta er annað andrúmsloft en í öðru sem ég hef verið að gera, eins og Pressu, Svörtum englum og Reykjavík Rotterdam til dæmis. Það var komin mikil þrá hjá mér til að fjalla um fólk sem er manni næst. Það kveikir í manni að fá að kljást við þetta, þessar daglegu litlu uppákomur, það sem maður þekkir. Maður skynjar svo mikið hvað fólki gengur til. Það er ekki eins og dramatíkin sé bara á Litla-Hrauni eða á lögreglustöðinni, hún getur líka verið innan veggja heimilisins.“ Kristinn Þórðarson og Leifur B. Dagfinnsson hjá Truenorth framleiða myndina en fyrirtækið hefur undanfarin ár mikið unnið í erlendum verkefnum. „Það er frábært að vinna með þeim. Flest þessi stóru erlendu verkefni hafa farið í gegnum þá. Samstarfið hefur gengið mjög vel,“ segir Óskar spurður út í samstarfið. Hann gerir ráð fyrir að tökum á myndinni ljúki í október og að hún verði frumsýnd í febrúar. Hér má sjá nokkrar myndir af tökustað. Bíó og sjónvarp Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Maggie Smith er látin Lífið Í hnapphelduna með krókódílamanninum Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Hvað gerði Diddy? Mansal, ofbeldi og samsæriskenningar um Justin Bieber Lífið Umdeilt uppáhald arkitekts við Austurvöll Lífið Fleiri fréttir Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Tökur eru hafnar á nýjustu kvikmynd Óskars Jónassonar sem heitir Fyrir framan annað fólk. Myndin er jafnframt fyrsta íslenska kvikmyndin sem Truenorth framleiðir og með helstu hlutverk fara Snorri Engilbertsson, Hafdís Helga Helgadóttir, Svandís Dóra Einarsdóttir og Hilmir Snær Guðnason. „Myndin spannar heilt ár, við byrjuðum tökur í mars og skutum þá nokkra vetrartökudaga og svo tókum við nokkra tökudaga í vor. Nú eru samt aðaltökudagarnir, það er sumarblær yfir myndinni. Við munum svo skjóta aftur í október,“ segir Óskar, leikstjóri myndarinnar. Hann er jafnframt höfundur hennar ásamt Kristjáni Þórði Hrafnssyni leikskáldi. Tökurnar fara að mestu leyti fram í Reykjavík og fær borgin að njóta sín. Þá hafa aðstandendur myndarinnar lagt undir sig hús eitt í Vesturbænum og klætt það í svart. „Um þessar mundir höfum við pakkað einu húsi inn í svarta „drapperingu“ til að fá vetrarmyrkur og nótt. Þessa dagana vinnum við alla daga í myrkrinu, það er pínu spes,“ segir Óskar léttur í lundu. Óskar Jónasson leikstjóri og höfundur einbeittur á tökustað.Leikarinn Þröstur Leó Gunnarsson hefur búið í húsinu umrædda undanfarin ár ásamt fjölskyldu sinni. Hann býr þar þó ekki um þessar mundir þannig að kvikmyndatakan truflar ekki íbúa hússins of mikið. „Það býr fólk á neðri hæðinni og við vinnum á efri. Við ætluðum að smíða þessa íbúð í stúdíói en svo fundum við allt í einu hús sem leit út að utan eins og við vildum hafa það. Þegar við bönkuðum upp á til að biðja um leyfi fyrir því að nota það kom í ljós að við vildum nota íbúðina á efri hæðinni líka. Hún var tóm en með búslóð, þannig að við vorum heppin, því það er heljarinnar handleggur að byggja svona leikmyndir,“ útskýrir Óskar. Kvikmyndin er rómantísk kómedía sem fjallar um feiminn náunga sem reynir að sjarmera konu. „Hún fjallar um Húbert, grafískan auglýsingateiknara sem er pínulítið félagsfælinn, og hann lendir í því í að verða yfir sig ástfanginn af stúlku, í fyrsta sinn. Hann áttar sig á því að hann kann ekkert í þeim fræðum að nálgast hitt kynið. Yfirmaður hans er hins vegar kvennabósi og reynir Húbert að herma eftir honum og það virkar og þau fara að deita. Húbert er svo himinlifandi með að hafa fattað sinn nýja hæfileika, að herma eftir fólki, að hann fer að færa sig upp á skaftið í eftirhermunum og fer að kryfja þennan hæfileika,“ segir Óskar um myndina.Snorri Engilbertsson og Hafdís Helga Helgadóttir.Hann hefur að undanförnu lítið unnið að myndum sem þessum. „Þetta er annað andrúmsloft en í öðru sem ég hef verið að gera, eins og Pressu, Svörtum englum og Reykjavík Rotterdam til dæmis. Það var komin mikil þrá hjá mér til að fjalla um fólk sem er manni næst. Það kveikir í manni að fá að kljást við þetta, þessar daglegu litlu uppákomur, það sem maður þekkir. Maður skynjar svo mikið hvað fólki gengur til. Það er ekki eins og dramatíkin sé bara á Litla-Hrauni eða á lögreglustöðinni, hún getur líka verið innan veggja heimilisins.“ Kristinn Þórðarson og Leifur B. Dagfinnsson hjá Truenorth framleiða myndina en fyrirtækið hefur undanfarin ár mikið unnið í erlendum verkefnum. „Það er frábært að vinna með þeim. Flest þessi stóru erlendu verkefni hafa farið í gegnum þá. Samstarfið hefur gengið mjög vel,“ segir Óskar spurður út í samstarfið. Hann gerir ráð fyrir að tökum á myndinni ljúki í október og að hún verði frumsýnd í febrúar. Hér má sjá nokkrar myndir af tökustað.
Bíó og sjónvarp Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Maggie Smith er látin Lífið Í hnapphelduna með krókódílamanninum Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Hvað gerði Diddy? Mansal, ofbeldi og samsæriskenningar um Justin Bieber Lífið Umdeilt uppáhald arkitekts við Austurvöll Lífið Fleiri fréttir Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira