Pabbi og Guð eru með mér Gunnþóra Gunnarsdóttir skrifar 9. ágúst 2015 10:00 "Bátnum get ég treyst en vélinni ekki,“ segir Hilmar. Vísir/Stefán Karlsson Það er heppni og hamingja að hafa heilsu til að stunda sjóinn. Það eru ekkert margir á mínum aldri sem standa í því, þó þeir séu í mörgu öðru,“ segir hinn sjötíu og fimm ára Hilmar F. Thorarensen, fyrrverandi bankastarfsmaður, þegar hringt er í hann norður í Árneshrepp á Ströndum. Hann gerir út frá Norðurfirði á bátnum Hönnu sem smíðaður var fyrir aldamótin 1900 og er skráður 2,2 tonn. Hanna er elsti bátur á Íslandi með fiskveiðiheimild og líklega sá minnsti. Gæftir hafa verið afleitar í sumar því norðanáttin hefur verið stíf. Spurður hvort það sé ekki hættuspil að vera á svona bátskríli í brælu svarar Hilmar: „Ekki þegar pabbi og Guð eru með mér. Þeir sjá um mig en auðvitað verð ég líka að hugsa eitthvað sjálfur.“Hanna er elsti bátur Íslands með fiskveiðiheimild, smíðuð fyrir aldamótin 1900, og að líkindum er hún líka sá minnsti.Mikið streðað í uppvextinum Hilmar er ættaður frá Gjögri í föðurætt og ólst þar upp við sjósókn og landbúnað, sonur Karls F. og Regínu Thorarensen sem margir muna eftir sem fréttaritara Morgunblaðsins og DV og fastagesti hjá Eiríki Jóns á Bylgjunni. „Mamma var dugleg að rífa kjaft og pabbi var duglegur að vinna,“ segir Hilmar glettnislega og heldur áfram á sömu nótum: „Axel á Gjögri, sem Ómar Ragnarsson gerði frægan, var föðurbróðir minn. Svo fann Ómar Gísla á Uppsölum og þá gleymdu allir Axel. Nú eru bæði Axel og Gísli farnir þannig að þá er ég pikkaður upp!“Hilmar er alinn upp við sjómennsku frá blautu barnsbeini. "Ég var ekki nema fjögurra eða fimm ára þegar ég veiddi fyrstu fiskana. Fór oft á sjóinn með pabba. Streðið hér á Ströndum snerist um sjóinn og rollurnar,“ segir hann.Vísir/StefánHilmar fæddist í Reykjavík 1940 og kom fyrst að Gjögri 1941. „Þá var stríð og hvatt til þess að konur og börn væru sem minnst í borginni, vegna hættu á loftárásum, þannig að ég átti mín fyrstu spor hér, ársgamall,“ lýsir hann. „Svo fluttu foreldrar mínir hingað 1942 og byggðu sér hús tveimur árum seinna. Pabbi var ketil- og plötusmiður og fékk vinnu við síldarverksmiðjuna á Djúpavík en reri líka til fiskjar. Við vorum með fáeinar ær og eina kú og þó bústofninn væri ekki stærri þá fylgdi honum mikið streð. Við þurftum til dæmis að sækja heyskap yfir Reykjarfjörðinn og inn í botn hans. Þar var slegið með orfi og ljá, rakað með hrífum og heyið sett í fangahnappa, bundið í bagga og borið niður í bát og siglt með það heim þar sem það var borið upp á land og þurrkað.“ Eftir að Hilmar fór í héraðsskóla 15 ára kveðst hann lítið hafa verið á Gjögri nema á vorin að sinna sauðburði og grásleppu.Rær á nítjándu aldar bát Hilmar segir ekki vitað hvenær báturinn hans var smíðaður en sannanlega hafi hann verið til árið 1899 og þá í eigu Guðmundar Jónssonar, sem kenndur var við Helgastaði í Reykjavík. „Vorið 1959 var báturinn úti í Örfirisey, illa farinn en keyptur norður að Gjögri til að nýta úr honum vélina í annan bát, Víganes. Pabbi var fenginn til að færa vélina milli báta og fékk að hirða þennan að launum, gerði hann upp og hækkaði um eitt borð og var kominn á sjó á honum um haustið,“ lýsir Hilmar sem hefur róið á Hönnu í sumarfríum síðustu 30-40 ár. Á Gjögri 1959. Ragnar Ásgeirsson ráðunautur á tali við Karl sem er að gera upp bátinn. Regína fylgist með og leggur eflaust orð í belg.Mynd/Tryggvi SamúelssonHann fékk Hafliða Aðalsteinsson frá Hvallátrum á Breiðafirði til að smíða hana nánast upp á nýtt árið 2010 og hrósar Hafliða í hástert, segir hann hörkuduglegan, verklaginn, úrræðagóðan og alltaf í góðu skapi. Nýja vélin hafi hins vegar bilað og ekki staðið undir væntingum og samskiptin við seljandann valdið honum vonbrigðum. „Bátnum get ég treyst en vélinni ekki,“ segir hann.Sjálfur hefur Hilmar verið mammonsþjónn mest af sinni starfsævi, að eigin sögn, og eftir nám við Samvinnuskólann unnið við bankastofnanir, lengst í Landsbankanum á Eskifirði. En í sumar er hann á strandveiðum og hefur landað 12.818 kílóum af fiski í 27 róðrum. Nú heyrist kallað í Hilmar að heiman, það er eiginkonan, Ingigerður Þorsteinsdóttir, sem hann kveðst hafa verið kvæntur í 44 ár. „Það telst góð ending eins og á Hönnu,“ segir hann hlæjandi. „Ingigerður er ættuð héðan úr hreppnum, dóttir séra Þorsteins Björnssonar fríkirkjuprests og Sigurrósar Torfadóttur, þau áttu sjö stráka og eina stelpu og gerðu það ábyggilega bara fyrir mig að eignast stelpuna.“ Mest lesið Skilnaður handan við hornið hjá Kanye og Biöncu Lífið Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Eins og þruma úr heiðskíru lofti Lífið Bergrún Íris og Kolbrún keyptu í Hafnarfirði Lífið Kúltúrkettir landsins létu sig ekki vanta í Portið Menning Náði að sættast við bróður sinn fyrir andlátið Lífið Stjörnulífið: Skvísustælar við bakkann og áminning um óöryggi Lífið Fylgst með tímaskeiði í lífi konu sem greinist með krabbamein Lífið Fleiri fréttir Stofnar eigin útgáfu og byrjar í ruslinu Skilnaður handan við hornið hjá Kanye og Biöncu Vann til verðlauna fyrir götubitann Bergrún Íris og Kolbrún keyptu í Hafnarfirði Fylgst með tímaskeiði í lífi konu sem greinist með krabbamein Gátu ekki talað saman fyrir syngjandi þjónum „Fólk í kringum þessa einstaklinga er á nálum“ Fanney Dóra og Aron gáfu syninum nafn Náði að sættast við bróður sinn fyrir andlátið Stjörnulífið: Skvísustælar við bakkann og áminning um óöryggi Eins og þruma úr heiðskíru lofti Sláturgerð, Sherry og súkkulaði á Hellu Myndaveisla: Eliza Reid og Ásdís Spanó létu sig ekki vanta í Núllið Covidsmitaður Al Pacino var nær dauða en lífi Dolly gefur 135 milljónir vegna Helenu Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Sjá meira
Það er heppni og hamingja að hafa heilsu til að stunda sjóinn. Það eru ekkert margir á mínum aldri sem standa í því, þó þeir séu í mörgu öðru,“ segir hinn sjötíu og fimm ára Hilmar F. Thorarensen, fyrrverandi bankastarfsmaður, þegar hringt er í hann norður í Árneshrepp á Ströndum. Hann gerir út frá Norðurfirði á bátnum Hönnu sem smíðaður var fyrir aldamótin 1900 og er skráður 2,2 tonn. Hanna er elsti bátur á Íslandi með fiskveiðiheimild og líklega sá minnsti. Gæftir hafa verið afleitar í sumar því norðanáttin hefur verið stíf. Spurður hvort það sé ekki hættuspil að vera á svona bátskríli í brælu svarar Hilmar: „Ekki þegar pabbi og Guð eru með mér. Þeir sjá um mig en auðvitað verð ég líka að hugsa eitthvað sjálfur.“Hanna er elsti bátur Íslands með fiskveiðiheimild, smíðuð fyrir aldamótin 1900, og að líkindum er hún líka sá minnsti.Mikið streðað í uppvextinum Hilmar er ættaður frá Gjögri í föðurætt og ólst þar upp við sjósókn og landbúnað, sonur Karls F. og Regínu Thorarensen sem margir muna eftir sem fréttaritara Morgunblaðsins og DV og fastagesti hjá Eiríki Jóns á Bylgjunni. „Mamma var dugleg að rífa kjaft og pabbi var duglegur að vinna,“ segir Hilmar glettnislega og heldur áfram á sömu nótum: „Axel á Gjögri, sem Ómar Ragnarsson gerði frægan, var föðurbróðir minn. Svo fann Ómar Gísla á Uppsölum og þá gleymdu allir Axel. Nú eru bæði Axel og Gísli farnir þannig að þá er ég pikkaður upp!“Hilmar er alinn upp við sjómennsku frá blautu barnsbeini. "Ég var ekki nema fjögurra eða fimm ára þegar ég veiddi fyrstu fiskana. Fór oft á sjóinn með pabba. Streðið hér á Ströndum snerist um sjóinn og rollurnar,“ segir hann.Vísir/StefánHilmar fæddist í Reykjavík 1940 og kom fyrst að Gjögri 1941. „Þá var stríð og hvatt til þess að konur og börn væru sem minnst í borginni, vegna hættu á loftárásum, þannig að ég átti mín fyrstu spor hér, ársgamall,“ lýsir hann. „Svo fluttu foreldrar mínir hingað 1942 og byggðu sér hús tveimur árum seinna. Pabbi var ketil- og plötusmiður og fékk vinnu við síldarverksmiðjuna á Djúpavík en reri líka til fiskjar. Við vorum með fáeinar ær og eina kú og þó bústofninn væri ekki stærri þá fylgdi honum mikið streð. Við þurftum til dæmis að sækja heyskap yfir Reykjarfjörðinn og inn í botn hans. Þar var slegið með orfi og ljá, rakað með hrífum og heyið sett í fangahnappa, bundið í bagga og borið niður í bát og siglt með það heim þar sem það var borið upp á land og þurrkað.“ Eftir að Hilmar fór í héraðsskóla 15 ára kveðst hann lítið hafa verið á Gjögri nema á vorin að sinna sauðburði og grásleppu.Rær á nítjándu aldar bát Hilmar segir ekki vitað hvenær báturinn hans var smíðaður en sannanlega hafi hann verið til árið 1899 og þá í eigu Guðmundar Jónssonar, sem kenndur var við Helgastaði í Reykjavík. „Vorið 1959 var báturinn úti í Örfirisey, illa farinn en keyptur norður að Gjögri til að nýta úr honum vélina í annan bát, Víganes. Pabbi var fenginn til að færa vélina milli báta og fékk að hirða þennan að launum, gerði hann upp og hækkaði um eitt borð og var kominn á sjó á honum um haustið,“ lýsir Hilmar sem hefur róið á Hönnu í sumarfríum síðustu 30-40 ár. Á Gjögri 1959. Ragnar Ásgeirsson ráðunautur á tali við Karl sem er að gera upp bátinn. Regína fylgist með og leggur eflaust orð í belg.Mynd/Tryggvi SamúelssonHann fékk Hafliða Aðalsteinsson frá Hvallátrum á Breiðafirði til að smíða hana nánast upp á nýtt árið 2010 og hrósar Hafliða í hástert, segir hann hörkuduglegan, verklaginn, úrræðagóðan og alltaf í góðu skapi. Nýja vélin hafi hins vegar bilað og ekki staðið undir væntingum og samskiptin við seljandann valdið honum vonbrigðum. „Bátnum get ég treyst en vélinni ekki,“ segir hann.Sjálfur hefur Hilmar verið mammonsþjónn mest af sinni starfsævi, að eigin sögn, og eftir nám við Samvinnuskólann unnið við bankastofnanir, lengst í Landsbankanum á Eskifirði. En í sumar er hann á strandveiðum og hefur landað 12.818 kílóum af fiski í 27 róðrum. Nú heyrist kallað í Hilmar að heiman, það er eiginkonan, Ingigerður Þorsteinsdóttir, sem hann kveðst hafa verið kvæntur í 44 ár. „Það telst góð ending eins og á Hönnu,“ segir hann hlæjandi. „Ingigerður er ættuð héðan úr hreppnum, dóttir séra Þorsteins Björnssonar fríkirkjuprests og Sigurrósar Torfadóttur, þau áttu sjö stráka og eina stelpu og gerðu það ábyggilega bara fyrir mig að eignast stelpuna.“
Mest lesið Skilnaður handan við hornið hjá Kanye og Biöncu Lífið Stofnar eigin útgáfu og byrjar í ruslinu Lífið „Fólk í kringum þessa einstaklinga er á nálum“ Lífið Kim vandræðaleg á tónleikum með nýrri eiginkonu Kanye Lífið Eins og þruma úr heiðskíru lofti Lífið Bergrún Íris og Kolbrún keyptu í Hafnarfirði Lífið Kúltúrkettir landsins létu sig ekki vanta í Portið Menning Náði að sættast við bróður sinn fyrir andlátið Lífið Stjörnulífið: Skvísustælar við bakkann og áminning um óöryggi Lífið Fylgst með tímaskeiði í lífi konu sem greinist með krabbamein Lífið Fleiri fréttir Stofnar eigin útgáfu og byrjar í ruslinu Skilnaður handan við hornið hjá Kanye og Biöncu Vann til verðlauna fyrir götubitann Bergrún Íris og Kolbrún keyptu í Hafnarfirði Fylgst með tímaskeiði í lífi konu sem greinist með krabbamein Gátu ekki talað saman fyrir syngjandi þjónum „Fólk í kringum þessa einstaklinga er á nálum“ Fanney Dóra og Aron gáfu syninum nafn Náði að sættast við bróður sinn fyrir andlátið Stjörnulífið: Skvísustælar við bakkann og áminning um óöryggi Eins og þruma úr heiðskíru lofti Sláturgerð, Sherry og súkkulaði á Hellu Myndaveisla: Eliza Reid og Ásdís Spanó létu sig ekki vanta í Núllið Covidsmitaður Al Pacino var nær dauða en lífi Dolly gefur 135 milljónir vegna Helenu Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Sjá meira