Héraðsdómur gefur lítið sem ekkert fyrir málsvörn Lárusar í Stím-málinu Sunna Kristín Hilmarsdóttir skrifar 23. desember 2015 14:25 Lárus Welding, fyrrverandi forstjóri Glitnis. vísir/anton brink Fjölskipaður héraðsdómur í Stím-málinu svokallaða gefur vægast sagt lítið fyrir málsvörn Lárusar Welding, fyrrverandi forstjóra Glitnis, sem dæmdur var í fimm ára fangelsi fyrir umboðssvik síðastliðinn mánudag. Lárus var dæmdur fyrir tvær lánveitingar til eignarhaldsfélagsins Stím (áður FS37) sem samtals námu rúmum 20 milljörðum króna. Stím-málið snerist því um gríðarlegar fjárhæðir en til samanburðar þá nam lán Kaupþings vegna hlutabréfakaupa Al Thani tæpum 26 milljörðum króna.Lánið frá Glitni notað til að kaupa hlutabréf af bankanum sjálfum Annað lánið sem Glitnir veitti Stími var greitt út í nóvember 2007. Var það notað til að fjármagna kaup Stím á 4,1 prósenta hlut í FL Group og 4,3 prósenta hlut í Glitni en félagið keypti hlutabréfin af sjálfum bankanum. Hitt lánið var veitt í janúar 2008 og var veitt svo Stím gæti staðið við skuldbindingar sínar í hlutafjárútboði FL Group. Óumdeilt er í málinu að bæði lánin sem Stím fékk voru utan þeirra lánamarka sem áhættunefnd bankans mátti samþykkja að greiða út. Stjórn bankans hefði þurft að samþykkja hærri lánamörk fyrir félagið en það var ekki gert.Sagði að nefndarmönnum hefði yfirsést að lán voru utan marka Fyrri lánveitingin til Stím var samþykkt á fundi áhættunefndar Glitnis fjórum dögum áður en lánið var greitt út. Seinna lánið samþykkti áhættunefnd einnig en þá með millifundarsamþykkt sama dag og lánið var veitt. Fyrir dómi sagði Lárus að í báðum tilfellum hefði verið um hreina yfirsjón að ræða hjá þeim nefndarmönnum í áhættunefnd sem samþykktu lánin að þau væru utan heimilda. Sex manns voru á fundinum í nóvember en enginn þeirra gerði athugasemd við lánveitinguna eða hafði orð á því að lánið væri utan heimilda nefndarinnar. Það sama hefði einnig verið upp á teningnum í seinna skiptið. Þessari málsvörn Lárusar er hreinlega sópað út af borðinu í dómi héraðsdóms sem telur hana ekki standast skoðun. Að mati dómsins mátti Lárusi vera það ljóst að lánið væri utan heimilda, ekki síst vegna þess að innri reglur bankans um lán og markaðsáhættu höfðu nýverið, í umboði forstjórans, verið endurskoðaðar. Orðrétt segir í dómnum: „Ekki kemur að haldi málsvörn ákærða um að yfirsjón megi um kenna.“Mátti vita að bréfin í FL Group myndu lækka hratt Að auki telur dómurinn að Lárusi hafi mátt vera ljóst að takmarkaðar tryggingar voru fyrir lánunum. Hann hafi þannig skapað Glitni fjártjónshættu með þeim. Tryggingarnar fyrir fyrra láninu voru annars vegar allt hlutaféð í Stím og svo hlutabréf félagsins í FL Group. Í dómnum er það tekið fram að í þeim dómsmálum sem rekin hafa verið eftir hrunið hefur því verið slegið föstu að gengi hlutabréfa hafi byrjað að lækka upp úr miðju ári 2007. Sú þróun átti einnig við um gengi hlutabréfa Glitnis og FL Group enda var kreppa á alþjóðlegum fjármálamörkuðum. Lárus hafi því mátt vita að afar líklegt væri að gengi hlutabréfanna í FL sem voru trygging fyrir láninu myndi lækka hratt.Ekki betra að selja bréfin heldur en að hafa þau áfram hjá bankanum Þá gefur dómurinn heldur ekkert fyrir þá málsvörn Lárusar að betra hafi verið fyrir bankann að veita Stím lán, fá í leiðinni pening inn í bankann, sem nam ríflega 2 milljörðum króna, og losa sig þannig við hlutabréfin í FL Group og Glitnir sem síðar urðu verðlaus. Vísar dómurinn í að við mat á fjártjónshættu skuli líta til verðgildis hlutabréfanna þegar þau voru keypt en ekki til verðgildis síðari tíma: „Mikil verðmæti voru fólgin í hlutabréfum í Glitni banka hf. og FL Group haf sem Glitnir banki hf. seldi Stími ehf., 19. nóvember 2007. Hefði verið unnt fyrir Glitni banka hf. að selja hlutabréfin öðrum á markaði eftir gangverði þeirra. Af þessu leiðir að ekki er unnt að líta til síðara tímamarks, eins og markaðsvirði hlutabréfanna þróuðust og urðu að lokum verðlaus. Út frá þessu verður ekki séð að betra hefði verið fyrir Glitni banka hf. að selja eigin hlutabréf og hlutabréf í FL Group hf. en að hafa þau áfram í eigin eignasafni þar sem gengi bréfanna hafi verið á hraðri niðurleið,“ eins og segir orðrétt í dómnum. Dómurinn taldi því sannað að Lárus hefði gerst sekur um umboðssvik þar sem hann hafði misnotað aðstöðu sína með því að fara út fyrir heimildir sínar til lánveitinga og stefna fjármunum bankans í verulega hættu. Stím málið Tengdar fréttir Lárus Welding og Jóhannes Baldursson á meðal sakborninga í markaðsmisnotkunarmáli Glitnis Rannsókn sérstaks saksóknara á málinu er lokið en ekki hefur verið tekin ákvörðun um hvort ákæra verði gefin út eða ekki. 16. desember 2015 14:02 „Ef ég væri Lalli liði mér djöfulli illa með mína stærstu hluthafa í svona skítamálum“ Fyrrverandi forstjóri Sögu Capital skildi það sem svo að Hannes Smárason hafi verið búinn að panta hlutabréf í FL Group og Glitni en síðan "gengið úr skaftinu vegna fjárhagsörðugleika.“ Þess vegna hafi verið stofnað til Stím-viðskiptanna. 17. nóvember 2015 12:00 Stím-málið: Forstjórinn vissi ekki að 20 milljarða króna lán var utan heimilda Lárus Welding, fyrrverandi forstjóri Glitnis, sagði fyrir Héraðsdómi Reykjavíkur telja að hugmyndin að STÍM-viðskiptunum hafi kviknað hjá markaðsviðskiptum bankans þar sem þar hafi verið viðskiptavinir sem vildu fjárfesta í bankanum. 16. nóvember 2015 20:52 Stím-málið: Lárus Welding dæmdur í fimm ára fangelsi Jóhannes Baldursson fékk tveggja ára dóm og Þorvaldur Lúðvík Sigurjónsson átján mánaða dóm. 21. desember 2015 14:00 Segja 20 milljarða króna lán til Stím mistök eða yfirsjón Nefndarmenn í áhættunefnd Glitnis fyrir hrun hafa komið fyrir Héraðsdóm Reykjavíkur og gefið skýrslu í Stím-málinu bæði í gær og í dag. 20. nóvember 2015 10:30 Mest lesið Einn stærsti vinnustaður Akraness gjaldþrota Viðskipti innlent Gera margvíslegar athugasemdir við starfshætti Kviku Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Gjaldþrot Jötunn véla upp á 1,7 milljarða Viðskipti innlent Mikið áfall fyrir íslenskan sjávarútveg Viðskipti innlent Ósáttur með sætin og fær milljón endurgreidda Neytendur Gefa út afkomuspá eftir allt saman Viðskipti innlent Reitir hrista upp í skipuritinu Viðskipti innlent Matvöruverslun rís á nýjum reit við Keflavíkurflugvöll Viðskipti innlent Stærsti Hiab krani í heimi á sumarsýningu Veltis Samstarf Fleiri fréttir Mikið áfall fyrir íslenskan sjávarútveg Einn stærsti vinnustaður Akraness gjaldþrota Syndis ræður reyndan tölvuþrjót Gera margvíslegar athugasemdir við starfshætti Kviku Gjaldþrot Jötunn véla upp á 1,7 milljarða Reitir hrista upp í skipuritinu Matvöruverslun rís á nýjum reit við Keflavíkurflugvöll Gefa út afkomuspá eftir allt saman 96 sagt upp í hópuppsögnum í júní Tekur við fjármálunum hjá Securitas Selja fyrsta bjórinn ekki fyrr en í ágúst Karen Ýr ráðin gæðastjóri Biðin eftir vaxtalækkun gæti lengst enn frekar Minna nú á skoðun ökutækja á Ísland.is Alvotech reiknar með tíföldum tekjum Útflutningsverðmæti eldislaxins meiri en loðnunnar Opna baðstað í Kerlingarfjöllum um helgina Svekkjandi uppgjör og aðstoðarforstjórinn látinn róa Arion banki greiði Seðlabankanum 585 milljónir Rannveig hættir í Seðlabankanum Íslensk hugbúnaðarlausn greinir kolefnisspor innkaupa fyrirtækja Flýta ekki vaxtaákvörðun þrátt fyrir áköll Flestar íbúðir seljist undir eða á auglýstu verði Ýmir Örn fer frá N1 Verðbólga nú 5,8 prósent Icelandair kaupir Airbus flughermi Í maí voru 5800 atvinnulausir Snúa vörn í sókn og kynna eldfjallaleið fyrir ferðamenn Andri Þór Viðskiptafræðingur ársins 2024 Hafa ekki nokkrar áhyggjur af fækkun ferða Sjá meira
Fjölskipaður héraðsdómur í Stím-málinu svokallaða gefur vægast sagt lítið fyrir málsvörn Lárusar Welding, fyrrverandi forstjóra Glitnis, sem dæmdur var í fimm ára fangelsi fyrir umboðssvik síðastliðinn mánudag. Lárus var dæmdur fyrir tvær lánveitingar til eignarhaldsfélagsins Stím (áður FS37) sem samtals námu rúmum 20 milljörðum króna. Stím-málið snerist því um gríðarlegar fjárhæðir en til samanburðar þá nam lán Kaupþings vegna hlutabréfakaupa Al Thani tæpum 26 milljörðum króna.Lánið frá Glitni notað til að kaupa hlutabréf af bankanum sjálfum Annað lánið sem Glitnir veitti Stími var greitt út í nóvember 2007. Var það notað til að fjármagna kaup Stím á 4,1 prósenta hlut í FL Group og 4,3 prósenta hlut í Glitni en félagið keypti hlutabréfin af sjálfum bankanum. Hitt lánið var veitt í janúar 2008 og var veitt svo Stím gæti staðið við skuldbindingar sínar í hlutafjárútboði FL Group. Óumdeilt er í málinu að bæði lánin sem Stím fékk voru utan þeirra lánamarka sem áhættunefnd bankans mátti samþykkja að greiða út. Stjórn bankans hefði þurft að samþykkja hærri lánamörk fyrir félagið en það var ekki gert.Sagði að nefndarmönnum hefði yfirsést að lán voru utan marka Fyrri lánveitingin til Stím var samþykkt á fundi áhættunefndar Glitnis fjórum dögum áður en lánið var greitt út. Seinna lánið samþykkti áhættunefnd einnig en þá með millifundarsamþykkt sama dag og lánið var veitt. Fyrir dómi sagði Lárus að í báðum tilfellum hefði verið um hreina yfirsjón að ræða hjá þeim nefndarmönnum í áhættunefnd sem samþykktu lánin að þau væru utan heimilda. Sex manns voru á fundinum í nóvember en enginn þeirra gerði athugasemd við lánveitinguna eða hafði orð á því að lánið væri utan heimilda nefndarinnar. Það sama hefði einnig verið upp á teningnum í seinna skiptið. Þessari málsvörn Lárusar er hreinlega sópað út af borðinu í dómi héraðsdóms sem telur hana ekki standast skoðun. Að mati dómsins mátti Lárusi vera það ljóst að lánið væri utan heimilda, ekki síst vegna þess að innri reglur bankans um lán og markaðsáhættu höfðu nýverið, í umboði forstjórans, verið endurskoðaðar. Orðrétt segir í dómnum: „Ekki kemur að haldi málsvörn ákærða um að yfirsjón megi um kenna.“Mátti vita að bréfin í FL Group myndu lækka hratt Að auki telur dómurinn að Lárusi hafi mátt vera ljóst að takmarkaðar tryggingar voru fyrir lánunum. Hann hafi þannig skapað Glitni fjártjónshættu með þeim. Tryggingarnar fyrir fyrra láninu voru annars vegar allt hlutaféð í Stím og svo hlutabréf félagsins í FL Group. Í dómnum er það tekið fram að í þeim dómsmálum sem rekin hafa verið eftir hrunið hefur því verið slegið föstu að gengi hlutabréfa hafi byrjað að lækka upp úr miðju ári 2007. Sú þróun átti einnig við um gengi hlutabréfa Glitnis og FL Group enda var kreppa á alþjóðlegum fjármálamörkuðum. Lárus hafi því mátt vita að afar líklegt væri að gengi hlutabréfanna í FL sem voru trygging fyrir láninu myndi lækka hratt.Ekki betra að selja bréfin heldur en að hafa þau áfram hjá bankanum Þá gefur dómurinn heldur ekkert fyrir þá málsvörn Lárusar að betra hafi verið fyrir bankann að veita Stím lán, fá í leiðinni pening inn í bankann, sem nam ríflega 2 milljörðum króna, og losa sig þannig við hlutabréfin í FL Group og Glitnir sem síðar urðu verðlaus. Vísar dómurinn í að við mat á fjártjónshættu skuli líta til verðgildis hlutabréfanna þegar þau voru keypt en ekki til verðgildis síðari tíma: „Mikil verðmæti voru fólgin í hlutabréfum í Glitni banka hf. og FL Group haf sem Glitnir banki hf. seldi Stími ehf., 19. nóvember 2007. Hefði verið unnt fyrir Glitni banka hf. að selja hlutabréfin öðrum á markaði eftir gangverði þeirra. Af þessu leiðir að ekki er unnt að líta til síðara tímamarks, eins og markaðsvirði hlutabréfanna þróuðust og urðu að lokum verðlaus. Út frá þessu verður ekki séð að betra hefði verið fyrir Glitni banka hf. að selja eigin hlutabréf og hlutabréf í FL Group hf. en að hafa þau áfram í eigin eignasafni þar sem gengi bréfanna hafi verið á hraðri niðurleið,“ eins og segir orðrétt í dómnum. Dómurinn taldi því sannað að Lárus hefði gerst sekur um umboðssvik þar sem hann hafði misnotað aðstöðu sína með því að fara út fyrir heimildir sínar til lánveitinga og stefna fjármunum bankans í verulega hættu.
Stím málið Tengdar fréttir Lárus Welding og Jóhannes Baldursson á meðal sakborninga í markaðsmisnotkunarmáli Glitnis Rannsókn sérstaks saksóknara á málinu er lokið en ekki hefur verið tekin ákvörðun um hvort ákæra verði gefin út eða ekki. 16. desember 2015 14:02 „Ef ég væri Lalli liði mér djöfulli illa með mína stærstu hluthafa í svona skítamálum“ Fyrrverandi forstjóri Sögu Capital skildi það sem svo að Hannes Smárason hafi verið búinn að panta hlutabréf í FL Group og Glitni en síðan "gengið úr skaftinu vegna fjárhagsörðugleika.“ Þess vegna hafi verið stofnað til Stím-viðskiptanna. 17. nóvember 2015 12:00 Stím-málið: Forstjórinn vissi ekki að 20 milljarða króna lán var utan heimilda Lárus Welding, fyrrverandi forstjóri Glitnis, sagði fyrir Héraðsdómi Reykjavíkur telja að hugmyndin að STÍM-viðskiptunum hafi kviknað hjá markaðsviðskiptum bankans þar sem þar hafi verið viðskiptavinir sem vildu fjárfesta í bankanum. 16. nóvember 2015 20:52 Stím-málið: Lárus Welding dæmdur í fimm ára fangelsi Jóhannes Baldursson fékk tveggja ára dóm og Þorvaldur Lúðvík Sigurjónsson átján mánaða dóm. 21. desember 2015 14:00 Segja 20 milljarða króna lán til Stím mistök eða yfirsjón Nefndarmenn í áhættunefnd Glitnis fyrir hrun hafa komið fyrir Héraðsdóm Reykjavíkur og gefið skýrslu í Stím-málinu bæði í gær og í dag. 20. nóvember 2015 10:30 Mest lesið Einn stærsti vinnustaður Akraness gjaldþrota Viðskipti innlent Gera margvíslegar athugasemdir við starfshætti Kviku Viðskipti innlent Nýr 40/40 listi: „Spenntur að sjá hvað þetta fólk gerir í framtíðinni“ Atvinnulíf Gjaldþrot Jötunn véla upp á 1,7 milljarða Viðskipti innlent Mikið áfall fyrir íslenskan sjávarútveg Viðskipti innlent Ósáttur með sætin og fær milljón endurgreidda Neytendur Gefa út afkomuspá eftir allt saman Viðskipti innlent Reitir hrista upp í skipuritinu Viðskipti innlent Matvöruverslun rís á nýjum reit við Keflavíkurflugvöll Viðskipti innlent Stærsti Hiab krani í heimi á sumarsýningu Veltis Samstarf Fleiri fréttir Mikið áfall fyrir íslenskan sjávarútveg Einn stærsti vinnustaður Akraness gjaldþrota Syndis ræður reyndan tölvuþrjót Gera margvíslegar athugasemdir við starfshætti Kviku Gjaldþrot Jötunn véla upp á 1,7 milljarða Reitir hrista upp í skipuritinu Matvöruverslun rís á nýjum reit við Keflavíkurflugvöll Gefa út afkomuspá eftir allt saman 96 sagt upp í hópuppsögnum í júní Tekur við fjármálunum hjá Securitas Selja fyrsta bjórinn ekki fyrr en í ágúst Karen Ýr ráðin gæðastjóri Biðin eftir vaxtalækkun gæti lengst enn frekar Minna nú á skoðun ökutækja á Ísland.is Alvotech reiknar með tíföldum tekjum Útflutningsverðmæti eldislaxins meiri en loðnunnar Opna baðstað í Kerlingarfjöllum um helgina Svekkjandi uppgjör og aðstoðarforstjórinn látinn róa Arion banki greiði Seðlabankanum 585 milljónir Rannveig hættir í Seðlabankanum Íslensk hugbúnaðarlausn greinir kolefnisspor innkaupa fyrirtækja Flýta ekki vaxtaákvörðun þrátt fyrir áköll Flestar íbúðir seljist undir eða á auglýstu verði Ýmir Örn fer frá N1 Verðbólga nú 5,8 prósent Icelandair kaupir Airbus flughermi Í maí voru 5800 atvinnulausir Snúa vörn í sókn og kynna eldfjallaleið fyrir ferðamenn Andri Þór Viðskiptafræðingur ársins 2024 Hafa ekki nokkrar áhyggjur af fækkun ferða Sjá meira
Lárus Welding og Jóhannes Baldursson á meðal sakborninga í markaðsmisnotkunarmáli Glitnis Rannsókn sérstaks saksóknara á málinu er lokið en ekki hefur verið tekin ákvörðun um hvort ákæra verði gefin út eða ekki. 16. desember 2015 14:02
„Ef ég væri Lalli liði mér djöfulli illa með mína stærstu hluthafa í svona skítamálum“ Fyrrverandi forstjóri Sögu Capital skildi það sem svo að Hannes Smárason hafi verið búinn að panta hlutabréf í FL Group og Glitni en síðan "gengið úr skaftinu vegna fjárhagsörðugleika.“ Þess vegna hafi verið stofnað til Stím-viðskiptanna. 17. nóvember 2015 12:00
Stím-málið: Forstjórinn vissi ekki að 20 milljarða króna lán var utan heimilda Lárus Welding, fyrrverandi forstjóri Glitnis, sagði fyrir Héraðsdómi Reykjavíkur telja að hugmyndin að STÍM-viðskiptunum hafi kviknað hjá markaðsviðskiptum bankans þar sem þar hafi verið viðskiptavinir sem vildu fjárfesta í bankanum. 16. nóvember 2015 20:52
Stím-málið: Lárus Welding dæmdur í fimm ára fangelsi Jóhannes Baldursson fékk tveggja ára dóm og Þorvaldur Lúðvík Sigurjónsson átján mánaða dóm. 21. desember 2015 14:00
Segja 20 milljarða króna lán til Stím mistök eða yfirsjón Nefndarmenn í áhættunefnd Glitnis fyrir hrun hafa komið fyrir Héraðsdóm Reykjavíkur og gefið skýrslu í Stím-málinu bæði í gær og í dag. 20. nóvember 2015 10:30