Morteza ekki fluttur úr landi á morgun: Fékk símtal frá lögreglu fyrr í kvöld nína hjördís þorkelsdóttir skrifar 18. desember 2016 21:24 Morteza á Austurvelli í ágúst síðastliðnum þegar Íslenska þjóðfylkingin stóð þar fyrir mótmælum. vísir/stefán „Ég fékk símtal rétt í þessu frá lögreglunni þar sem mér var tjáð að brottvísuninni hefði verið aflýst,“ segir Morteza Songal Zadeh, hælisleitandi frá Íran sem senda átti úr landi í fyrramálið, í samtali við fréttastofu Vísis. Hans bíður dauðadómur í heimalandi sínu Íran fyrir að hafa tekið kristna trú. Greint var frá brottvísun hans í kvöldfréttum Stöðvar 2. Morteza segist óviss um hvort brottvísun sinni hafi verið aflýst eða hvort henni hafi aðeins verið frestað. „Því miður hafði lögreglan ekki upplýsingar um það hvort brottvísuninni hafi verið frestað eða henni aflýst. Ég var sjálfur óviss og spurði í tvígang en fékk aðeins þau svör að ég yrði ekki fluttur úr landi í fyrramálið og ekkert meira,“ segir hann. Vísa átti Morteza úr landi í september en Útlendingastofnun frestaði aðgerðinni tímabundið. Er þetta því í annað skiptið sem Morteza ferðbýr sig fyrir brottflutning frá Íslandi. „Nú var ég aftur í sömu sporum og var búinn að pakka niður í töskur. Það var mjög erfið stund.“Óvissan er erfið Þegar vísa átti Morteza úr landi í september var hann upplýstur um að brottvísuninni yrði aflýst kvöldið fyrir brottför. Viku síðar fékk hann upplýsingar þess efnis að brottvísuninni hefði ekki verið aflýst varanlega heldur aðeins verið frestað tímabundið. Svo fékk hann upplýsingar um það í síðustu viku að hann ætti að vera fluttur til Frakklands á morgun á grundvelli Dyflinarreglugerðarinnar. Morteza hefur búið hér á landi í átján mánuði. Honum líður vel hérna og á marga vini en þrátt fyrir það er óvissan erfið. „Þetta óvissuástand hefur verið erfitt fyrir mig en ekki síst fyrir vini mína. Ég á mikið af vinum hér á landi, bæði íslenska og erlenda. Það var mjög átakanlegt að hafa undirbúið jól á Íslandi með vinum mínum og fá svo tilkynningu um að mér yrði vísað úr landi. Þetta kom illa við okkur öll, ekki bara mig,“ segir Morteza og þakkar guði fyrir að ekkert hafi orðið af brottvísuninni. „Ég veit ekki hvort þetta sé tímabundin frestun eða ekki en lögfræðingurinn minn mun fara fram á nánari upplýsingar á morgun.“ Hann segist óttast það að honum verði gert að fara úr landi aftur. „Ég er ekki fullkomlega hamingjusamur með ákvörðun yfirvalda sem mér barst í dag vegna óvissunnar. Ég er að vissu leyti hangandi í lausu lofti og ég veit ekki hvað bíður mín,“ segir hann. „Í þetta skipti vona ég innilega að mér verði leyft að vera og að ég verði ekki fluttur héðan.“Hrærður yfir stuðningi Íslendinga Morteza á gott stuðningsnet hér heima en á engan að í Frakklandi. „Vinir mínir hér voru sem betur fer búnir að redda mér gistingu í Frakklandi í nokkrar nætur,“ segir Morteza. Hann segist afar þakklátur vinum sínum á Íslandi og er hrærður yfir stuðningnum sem stór hópur Íslendinga hefur sýnt honum. „Íslendingar hafa verið ofboðslega vingjarnlegir við mig. Þú getur ekki ímyndað þér hversu mikið af skilaboðum hafa borist mér frá alls konar Íslendingum sem ég þekki ekki neitt.“ Hann er að sama skapi þakklátur í garð kirkjunnar en Morteza hefur verið virkur í starfi Hjallakirkju frá því að hann fluttist til landsins. Morteza segir að erfitt væri að færa gleði sína og þakklæti í garð Íslendinga í orð. „Það er stundum erfitt að orða tilfinningar sínar en mig langar bara að segja hversu glaður ég er og þakklátur Íslendingum fyrir að hjálpa mér.“ Morteza vakti landsathygli fyrr á árinu þegar hann bauð mótmælendum úr röðum Íslensku þjóðfylkingarinnar upp á kaffi á Austurvelli. Syngur í kór um jólin Jólin eru á næsta leyti og Morteza segist ánægður með að fá að eyða þeim hér. Hann hefur varið síðustu mánuðum í undirbúning ásamt vinum sínum og félögum úr kór Hjallakirkju. „Ég syng í kór Hjallakirkju og við erum búin að vera að æfa alls konar íslensk lög. Kórinn hér í Hjallakirkju er góður og við ætlum að fagna jólunum með söng.“ Morteza ætlar sér að eyða jólunum með öðrum hælisleitendum frá ýmsum löndum. „Við fáum tækifæri til þess að fagna saman, guði sé lof.“ Tengdar fréttir Útlendingastofnun frestar brottflutningi Morteza frá Íslandi Átti að flytja hann til Frakklands á morgun. 21. september 2016 22:34 Hælisleitandi gaf meðlimum Íslensku þjóðfylkingarinnar kaffisopa Morteza var dæmdur til dauða í Íran. Honum hefur verið synjað um hæli á Íslandi af Útlendingastofnun og þá staðfesti kærunefnd útlendingamála úrskurðinn. Hann gaf mótmælendum í Íslensku þjóðfylkingunni kaffisopa á Austurvelli í gær. 16. ágúst 2016 08:36 Morteza sendur úr landi í fyrramálið: Segir stjórnvöld senda saklausan mann út í opinn dauðann Íranskur hælisleitandi sem hefur verið hér á landi í 18 mánuði verður fluttur úr landi snemma í fyrramálið en hans bíður dauðadómur í heimalandinu. Hann er áhyggjufullur og þykir ómannúðlegt að framkvæma brottflutninginn nokkrum dögum fyrir jól. 18. desember 2016 19:00 Mest lesið Farið yfir dóminn: Albert metinn trúverðugri en konan Innlent Íslendingar eiga ekki að aðlaga sig innflytjendum heldur öfugt Innlent „Innbrotsboð“ frá banka og angistarhljóð unglinga Innlent Uppgjör á sögulegri heimsókn: Klæðaburður forsetamanns og umdeild ræða Innlent Tveir slasaðir í alvarlegu umferðarslysi Innlent Peskov staðfestir að Rússar hafi fengið Covid-próf frá Bandaríkjunum Erlent Fær mun minni fjárstuðning frá almenningi Erlent „Við þolum ekki þetta ástand mikið lengur“ Innlent Þriggja bíla árekstur á Miklubraut Innlent Ethel Kennedy er látin Erlent Fleiri fréttir Kæru Skeiða- og Gnúpverjahrepps vegna Búrfellslundar vísað frá „Innbrotsboð“ frá banka og angistarhljóð unglinga Íslendingar eiga ekki að aðlaga sig innflytjendum heldur öfugt Skæð fuglaflensa í hröfnum og hettumáfum Þriggja bíla árekstur á Miklubraut Engin afsökun lengur fyrir því að mæta ekki í brjóstaskimun Tveir slasaðir í alvarlegu umferðarslysi Ekki allir sem geta leitað í bakland eftir barnapössun Farið yfir dóminn: Albert metinn trúverðugri en konan Uppgjör á sögulegri heimsókn: Klæðaburður forsetamanns og umdeild ræða „Við þolum ekki þetta ástand mikið lengur“ Ekki útilokað að fleiri skólar bætist í hópinn Verkfallsnemendur með áhyggjur af náminu og tendrun jólageitarinnar Skýrist á mánudag hvort læknar fari í verkfall Misspennt fyrir verkfalli: „Þetta er fínt, meira frí“ Fjármálaráðherra búinn að endurskoða þjóðlendukröfur Hægir á landrisi Samið um flug til Eyja næstu þrjá vetur Sigmundur komst á forsíðuna en ekki Messi Rannsaka tengsl sköpunargáfu og ADHD Verkfall samþykkt með 100 prósent atkvæða í leik- og grunnskólum Reyna aftur að leggja niður Ríkisútvarpið ohf. Kæra ferðaþjónustufyrirtæki fyrir framkvæmdir í íshellum Efast um að málinu verði áfrýjað Ekki síst erfitt þegar menn eru fjölskylduvinir til margra áratuga Starfsmenn þessara skóla fara í verkfall Óeðlilegt að Guðmundur Ingi hafi hringt í ríkislögreglustjóra Albert sýknaður Komugjald í brjóstaskimun lækkar gríðarlega Þú finnur Íslendinga út um allan heim í fluginu Sjá meira
„Ég fékk símtal rétt í þessu frá lögreglunni þar sem mér var tjáð að brottvísuninni hefði verið aflýst,“ segir Morteza Songal Zadeh, hælisleitandi frá Íran sem senda átti úr landi í fyrramálið, í samtali við fréttastofu Vísis. Hans bíður dauðadómur í heimalandi sínu Íran fyrir að hafa tekið kristna trú. Greint var frá brottvísun hans í kvöldfréttum Stöðvar 2. Morteza segist óviss um hvort brottvísun sinni hafi verið aflýst eða hvort henni hafi aðeins verið frestað. „Því miður hafði lögreglan ekki upplýsingar um það hvort brottvísuninni hafi verið frestað eða henni aflýst. Ég var sjálfur óviss og spurði í tvígang en fékk aðeins þau svör að ég yrði ekki fluttur úr landi í fyrramálið og ekkert meira,“ segir hann. Vísa átti Morteza úr landi í september en Útlendingastofnun frestaði aðgerðinni tímabundið. Er þetta því í annað skiptið sem Morteza ferðbýr sig fyrir brottflutning frá Íslandi. „Nú var ég aftur í sömu sporum og var búinn að pakka niður í töskur. Það var mjög erfið stund.“Óvissan er erfið Þegar vísa átti Morteza úr landi í september var hann upplýstur um að brottvísuninni yrði aflýst kvöldið fyrir brottför. Viku síðar fékk hann upplýsingar þess efnis að brottvísuninni hefði ekki verið aflýst varanlega heldur aðeins verið frestað tímabundið. Svo fékk hann upplýsingar um það í síðustu viku að hann ætti að vera fluttur til Frakklands á morgun á grundvelli Dyflinarreglugerðarinnar. Morteza hefur búið hér á landi í átján mánuði. Honum líður vel hérna og á marga vini en þrátt fyrir það er óvissan erfið. „Þetta óvissuástand hefur verið erfitt fyrir mig en ekki síst fyrir vini mína. Ég á mikið af vinum hér á landi, bæði íslenska og erlenda. Það var mjög átakanlegt að hafa undirbúið jól á Íslandi með vinum mínum og fá svo tilkynningu um að mér yrði vísað úr landi. Þetta kom illa við okkur öll, ekki bara mig,“ segir Morteza og þakkar guði fyrir að ekkert hafi orðið af brottvísuninni. „Ég veit ekki hvort þetta sé tímabundin frestun eða ekki en lögfræðingurinn minn mun fara fram á nánari upplýsingar á morgun.“ Hann segist óttast það að honum verði gert að fara úr landi aftur. „Ég er ekki fullkomlega hamingjusamur með ákvörðun yfirvalda sem mér barst í dag vegna óvissunnar. Ég er að vissu leyti hangandi í lausu lofti og ég veit ekki hvað bíður mín,“ segir hann. „Í þetta skipti vona ég innilega að mér verði leyft að vera og að ég verði ekki fluttur héðan.“Hrærður yfir stuðningi Íslendinga Morteza á gott stuðningsnet hér heima en á engan að í Frakklandi. „Vinir mínir hér voru sem betur fer búnir að redda mér gistingu í Frakklandi í nokkrar nætur,“ segir Morteza. Hann segist afar þakklátur vinum sínum á Íslandi og er hrærður yfir stuðningnum sem stór hópur Íslendinga hefur sýnt honum. „Íslendingar hafa verið ofboðslega vingjarnlegir við mig. Þú getur ekki ímyndað þér hversu mikið af skilaboðum hafa borist mér frá alls konar Íslendingum sem ég þekki ekki neitt.“ Hann er að sama skapi þakklátur í garð kirkjunnar en Morteza hefur verið virkur í starfi Hjallakirkju frá því að hann fluttist til landsins. Morteza segir að erfitt væri að færa gleði sína og þakklæti í garð Íslendinga í orð. „Það er stundum erfitt að orða tilfinningar sínar en mig langar bara að segja hversu glaður ég er og þakklátur Íslendingum fyrir að hjálpa mér.“ Morteza vakti landsathygli fyrr á árinu þegar hann bauð mótmælendum úr röðum Íslensku þjóðfylkingarinnar upp á kaffi á Austurvelli. Syngur í kór um jólin Jólin eru á næsta leyti og Morteza segist ánægður með að fá að eyða þeim hér. Hann hefur varið síðustu mánuðum í undirbúning ásamt vinum sínum og félögum úr kór Hjallakirkju. „Ég syng í kór Hjallakirkju og við erum búin að vera að æfa alls konar íslensk lög. Kórinn hér í Hjallakirkju er góður og við ætlum að fagna jólunum með söng.“ Morteza ætlar sér að eyða jólunum með öðrum hælisleitendum frá ýmsum löndum. „Við fáum tækifæri til þess að fagna saman, guði sé lof.“
Tengdar fréttir Útlendingastofnun frestar brottflutningi Morteza frá Íslandi Átti að flytja hann til Frakklands á morgun. 21. september 2016 22:34 Hælisleitandi gaf meðlimum Íslensku þjóðfylkingarinnar kaffisopa Morteza var dæmdur til dauða í Íran. Honum hefur verið synjað um hæli á Íslandi af Útlendingastofnun og þá staðfesti kærunefnd útlendingamála úrskurðinn. Hann gaf mótmælendum í Íslensku þjóðfylkingunni kaffisopa á Austurvelli í gær. 16. ágúst 2016 08:36 Morteza sendur úr landi í fyrramálið: Segir stjórnvöld senda saklausan mann út í opinn dauðann Íranskur hælisleitandi sem hefur verið hér á landi í 18 mánuði verður fluttur úr landi snemma í fyrramálið en hans bíður dauðadómur í heimalandinu. Hann er áhyggjufullur og þykir ómannúðlegt að framkvæma brottflutninginn nokkrum dögum fyrir jól. 18. desember 2016 19:00 Mest lesið Farið yfir dóminn: Albert metinn trúverðugri en konan Innlent Íslendingar eiga ekki að aðlaga sig innflytjendum heldur öfugt Innlent „Innbrotsboð“ frá banka og angistarhljóð unglinga Innlent Uppgjör á sögulegri heimsókn: Klæðaburður forsetamanns og umdeild ræða Innlent Tveir slasaðir í alvarlegu umferðarslysi Innlent Peskov staðfestir að Rússar hafi fengið Covid-próf frá Bandaríkjunum Erlent Fær mun minni fjárstuðning frá almenningi Erlent „Við þolum ekki þetta ástand mikið lengur“ Innlent Þriggja bíla árekstur á Miklubraut Innlent Ethel Kennedy er látin Erlent Fleiri fréttir Kæru Skeiða- og Gnúpverjahrepps vegna Búrfellslundar vísað frá „Innbrotsboð“ frá banka og angistarhljóð unglinga Íslendingar eiga ekki að aðlaga sig innflytjendum heldur öfugt Skæð fuglaflensa í hröfnum og hettumáfum Þriggja bíla árekstur á Miklubraut Engin afsökun lengur fyrir því að mæta ekki í brjóstaskimun Tveir slasaðir í alvarlegu umferðarslysi Ekki allir sem geta leitað í bakland eftir barnapössun Farið yfir dóminn: Albert metinn trúverðugri en konan Uppgjör á sögulegri heimsókn: Klæðaburður forsetamanns og umdeild ræða „Við þolum ekki þetta ástand mikið lengur“ Ekki útilokað að fleiri skólar bætist í hópinn Verkfallsnemendur með áhyggjur af náminu og tendrun jólageitarinnar Skýrist á mánudag hvort læknar fari í verkfall Misspennt fyrir verkfalli: „Þetta er fínt, meira frí“ Fjármálaráðherra búinn að endurskoða þjóðlendukröfur Hægir á landrisi Samið um flug til Eyja næstu þrjá vetur Sigmundur komst á forsíðuna en ekki Messi Rannsaka tengsl sköpunargáfu og ADHD Verkfall samþykkt með 100 prósent atkvæða í leik- og grunnskólum Reyna aftur að leggja niður Ríkisútvarpið ohf. Kæra ferðaþjónustufyrirtæki fyrir framkvæmdir í íshellum Efast um að málinu verði áfrýjað Ekki síst erfitt þegar menn eru fjölskylduvinir til margra áratuga Starfsmenn þessara skóla fara í verkfall Óeðlilegt að Guðmundur Ingi hafi hringt í ríkislögreglustjóra Albert sýknaður Komugjald í brjóstaskimun lækkar gríðarlega Þú finnur Íslendinga út um allan heim í fluginu Sjá meira
Útlendingastofnun frestar brottflutningi Morteza frá Íslandi Átti að flytja hann til Frakklands á morgun. 21. september 2016 22:34
Hælisleitandi gaf meðlimum Íslensku þjóðfylkingarinnar kaffisopa Morteza var dæmdur til dauða í Íran. Honum hefur verið synjað um hæli á Íslandi af Útlendingastofnun og þá staðfesti kærunefnd útlendingamála úrskurðinn. Hann gaf mótmælendum í Íslensku þjóðfylkingunni kaffisopa á Austurvelli í gær. 16. ágúst 2016 08:36
Morteza sendur úr landi í fyrramálið: Segir stjórnvöld senda saklausan mann út í opinn dauðann Íranskur hælisleitandi sem hefur verið hér á landi í 18 mánuði verður fluttur úr landi snemma í fyrramálið en hans bíður dauðadómur í heimalandinu. Hann er áhyggjufullur og þykir ómannúðlegt að framkvæma brottflutninginn nokkrum dögum fyrir jól. 18. desember 2016 19:00