Umfjöllun og viðtöl: Akureyri - FH 26-27 | FH-ingar áfram í bikarnum Arnar Geir Halldórsson í KA-heimilinu skrifar 5. desember 2016 15:09 Sverre Jakobsson, þjálfari Akureyrar. vísir/anton FH er komið í 8-liða úrslit Coca-Cola bikars karla eftir eins marks sigur á Akureyri í KA-heimilinu í kvöld. Lokatölur 26-27 eftir æsispennandi lokamínútur. Akureyringar hófu leikinn af miklum krafti enda mætti liðið fullt sjálfstrausts til leiks eftir gott gengi að undanförnu. Gestirnir úr Hafnarfirði náðu þó yfirhöndinni fljótt og leiddu leikinn lengstum. Staðan í leikhléi 14-17 fyrir FH. Síðari hálfleikurinn byrjaði á svipuðum nótum. FH-ingar voru að spila betur og héldu Akureyringum í hæfilegri fjarlægð framan af. Um miðjan seinni hálfleik smellur hinsvegar vörn heimamanna í gang og ná þeir með mikilli eljusemi að koma sér inn í leikinn. FH-ingar skora ekki mark í tæpar tíu mínútur og Akureyringar ganga á lagið og minnka muninn í eitt mark. Nær komust þeir þó ekki þrátt fyrir að vera með boltann síðustu mínútu leiksins. Svekkjandi niðurstaða fyrir heimamenn en úrslitin verða að teljast sanngjörn ef litið er yfir leikinn í heild sinni. Það er mikil ábyrgð á herðum ungra leikmanna hjá Akureyri þessa dagana en þeir Patrekur Stefánsson og Róbert Sigurðarson báru sóknarleikinn uppi í kvöld og stóðu sig nokkuð vel. Arnar Þór Fylkisson átti frábæra innkomu í markið og á stóran þátt í því að Akureyri tókst næstum því að koma til baka. FH vörnin var öflug í kvöld og vann marga bolta sem enduðu jafnan í höndum Óðins Þórs Ríkharðssonar en hann var markahæstur FH-inga með sex mörk, flest þeirra úr hraðaupphlaupum. Ásbjörn Friðriksson er að koma til baka eftir meiðsli en hann sat stærstan hluta leiksins á varamannabekknum. Hann kom hinsvegar inn undir lokin og stýrði sóknarleiknum af festu þegar mest var undir.Sverre: Fullt af bikarævintýrum á Akureyri í vetur Sverre Jakobsson, þjálfari Akureyrar, bar höfuðið hátt þrátt fyrir tapið og kveðst stoltur af frammistöðu síns liðs í kvöld. „Þetta var svekkjandi. Ég er svekktur með fyrri hálfleikinn. Það vantaði uppá þar að gera það sem við ætluðum okkur. Við náum að koma öflugir til baka í seinni og erum í raun bara óheppnir í lokin. Við fengum tækifæri til að jafna en áttum kannski að nýta það betur. Ég er ánægður með frammistöðuna og að koma svona til baka en við gerðum okkur bara erfitt fyrir með spilamennskunni í fyrri hálfleik," segir Sverre. Þegar fimmtán mínútur lifðu leiks leit ekkert út fyrir að Akureyri ætti einhvern möguleika á úrslitum en öflug endurkoma skilaði því að þeir áttu möguleika á að jafna undir lokin. Hvers vegna byrjuðu þeir ekki fyrr? „Ég veit það ekki. Kannski er það bara af því að við höfum alltaf trú á því að við getum komið til baka. Við trúum, treystum, viljum og ætlum og svo bara smellur það hjá okkur. Það sýnir bara karakterinn í liðinu. Það er auðvitað svekkjandi en ég ætla ekkert að dvelja lengur við þetta. Stöðu okkar vegna í deildinni munum við spila fullt af fleiri bikarleikjum í vetur, það verða því fullt af bikarævintýrum á Akureyri í vetur," sagði Sverre, léttur. Akureyri tefldi fram mjög ungu liði í dag vegna meiðsla reyndari leikmann en Sverre lítur á það jákvæða við meiðslavandræði liðsins. Hann segir ekki von á lykilmönnum úr meiðslum á næstunni. „Nei, nei það er lítið að frétta af því. Við höfum stóran hóp af strákum sem hafa verið í kringum okkur og ekki. Þeir fá bara sénsinn og það er gaman að geta veitt þeim þetta tækifæri. Þeir græða helling á þessu og sumir af þeim sáu til þess að við komum næstum því til baka hérna í kvöld. Ég er mjög ánægður með þeirra frammistöðu," segir Sverre.Halldór Jóhann: Hefði viljað vinna á öruggari hátt Halldór Jóhann Sigfússon, þjálfari FH, var sigurreifur eftir leik en viðurkenndi að hann hefði viljað klára leikinn fyrr í ljósi stöðunnar um miðbik síðari hálfleiks. „Ég er virkilega ánægður með sigurinn og að við skulum hafa haldið þetta út en við gerðum okkur þetta virkilega erfitt fyrir. Við lentum í mótlæti í síðari hálfleik og þeir setja mikla pressu á okkur. Við klikkum svolítið og förum að gera mistök. Það tilheyrir því að vera með ungt lið. Ég hefði viljað vinna þetta á öruggari hátt en við tökum þetta og erum komnir áfram í næstu umferð sem er mikið gleðiefni. Það er hluti af okkar áformum að fara alla leið í bikarnum," segir Halldór Jóhann. En hvernig útskýrir hann spilamennsku síns liðs á lokamínútunum? „Arnar (Þór Fylkisson, markvörður Akureyrar) kom inn í markið og við förum að skjóta í hann. Við tókum slæmar ákvarðanir og það er svo stutt á milli í þessu. Við erum á erfiðum útivelli og áhorfendur setja mikla pressu á útiliðið. Þetta er bara hluti af þessu og hluti af lærdómi fyrir mína leikmenn. Akureyrarliðið er þannig lið að það gefst aldrei upp, sérstaklega á heimavelli." Halldór Jóhann þekkir KA-heimilið betur en margir aðrir enda lék hann um árabil fyrir KA við góðan orðstír. Hann hvetur leikmenn sína til að læra af þeirri frábæru reynslu sem það er að spila í KA-heimilinu. „Ég held að það sé erfitt fyrir öll útilið að koma hingað og spila. Þetta er frábært hús og hefur mikla sál. Þetta hús hefur aukamörk og aukavarnir sem maður á inni þegar maður spilar hérna á heimavelli, ég þekki það vel sjálfur. Þetta er gríðarlegur skóli fyrir mína leikmenn. Það eru ekkert margir svona leikir á ári, fyrr en þú ert kominn í úrslitakeppnina; þar sem er svona mikil pressa frá áhorfendum og það er gaman að koma í svona hús að spila. Þetta á í raun að ýta undir getuna hjá hverjum manni." Olís-deild karla Mest lesið Hafþór Júlíus annar sterkasti maður jarðar: Setti tvö heimsmet Sport Fékk rautt spjald fyrir að pissa Fótbolti Vill eignast lið í hverri heimsálfu Fótbolti Undirbýr sig fyrir NBA tímabilið á bólakafi Körfubolti Níræð tugþrautarkona með 35 heimsmet Sport Fyrstur til að skora fjögurra stiga körfu Körfubolti Jákvætt að aðstoðarþjálfarinn sé ekki á bekknum Íslenski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Söngurinn um Haaland kom í bakið á honum: „Fyndinn náungi“ Enski boltinn „Við erum með YouTube-gaur að berjast við besta boxara sögunnar“ Sport Fleiri fréttir Fóru illa að ráði sínu gegn Egyptum Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Sjá meira
FH er komið í 8-liða úrslit Coca-Cola bikars karla eftir eins marks sigur á Akureyri í KA-heimilinu í kvöld. Lokatölur 26-27 eftir æsispennandi lokamínútur. Akureyringar hófu leikinn af miklum krafti enda mætti liðið fullt sjálfstrausts til leiks eftir gott gengi að undanförnu. Gestirnir úr Hafnarfirði náðu þó yfirhöndinni fljótt og leiddu leikinn lengstum. Staðan í leikhléi 14-17 fyrir FH. Síðari hálfleikurinn byrjaði á svipuðum nótum. FH-ingar voru að spila betur og héldu Akureyringum í hæfilegri fjarlægð framan af. Um miðjan seinni hálfleik smellur hinsvegar vörn heimamanna í gang og ná þeir með mikilli eljusemi að koma sér inn í leikinn. FH-ingar skora ekki mark í tæpar tíu mínútur og Akureyringar ganga á lagið og minnka muninn í eitt mark. Nær komust þeir þó ekki þrátt fyrir að vera með boltann síðustu mínútu leiksins. Svekkjandi niðurstaða fyrir heimamenn en úrslitin verða að teljast sanngjörn ef litið er yfir leikinn í heild sinni. Það er mikil ábyrgð á herðum ungra leikmanna hjá Akureyri þessa dagana en þeir Patrekur Stefánsson og Róbert Sigurðarson báru sóknarleikinn uppi í kvöld og stóðu sig nokkuð vel. Arnar Þór Fylkisson átti frábæra innkomu í markið og á stóran þátt í því að Akureyri tókst næstum því að koma til baka. FH vörnin var öflug í kvöld og vann marga bolta sem enduðu jafnan í höndum Óðins Þórs Ríkharðssonar en hann var markahæstur FH-inga með sex mörk, flest þeirra úr hraðaupphlaupum. Ásbjörn Friðriksson er að koma til baka eftir meiðsli en hann sat stærstan hluta leiksins á varamannabekknum. Hann kom hinsvegar inn undir lokin og stýrði sóknarleiknum af festu þegar mest var undir.Sverre: Fullt af bikarævintýrum á Akureyri í vetur Sverre Jakobsson, þjálfari Akureyrar, bar höfuðið hátt þrátt fyrir tapið og kveðst stoltur af frammistöðu síns liðs í kvöld. „Þetta var svekkjandi. Ég er svekktur með fyrri hálfleikinn. Það vantaði uppá þar að gera það sem við ætluðum okkur. Við náum að koma öflugir til baka í seinni og erum í raun bara óheppnir í lokin. Við fengum tækifæri til að jafna en áttum kannski að nýta það betur. Ég er ánægður með frammistöðuna og að koma svona til baka en við gerðum okkur bara erfitt fyrir með spilamennskunni í fyrri hálfleik," segir Sverre. Þegar fimmtán mínútur lifðu leiks leit ekkert út fyrir að Akureyri ætti einhvern möguleika á úrslitum en öflug endurkoma skilaði því að þeir áttu möguleika á að jafna undir lokin. Hvers vegna byrjuðu þeir ekki fyrr? „Ég veit það ekki. Kannski er það bara af því að við höfum alltaf trú á því að við getum komið til baka. Við trúum, treystum, viljum og ætlum og svo bara smellur það hjá okkur. Það sýnir bara karakterinn í liðinu. Það er auðvitað svekkjandi en ég ætla ekkert að dvelja lengur við þetta. Stöðu okkar vegna í deildinni munum við spila fullt af fleiri bikarleikjum í vetur, það verða því fullt af bikarævintýrum á Akureyri í vetur," sagði Sverre, léttur. Akureyri tefldi fram mjög ungu liði í dag vegna meiðsla reyndari leikmann en Sverre lítur á það jákvæða við meiðslavandræði liðsins. Hann segir ekki von á lykilmönnum úr meiðslum á næstunni. „Nei, nei það er lítið að frétta af því. Við höfum stóran hóp af strákum sem hafa verið í kringum okkur og ekki. Þeir fá bara sénsinn og það er gaman að geta veitt þeim þetta tækifæri. Þeir græða helling á þessu og sumir af þeim sáu til þess að við komum næstum því til baka hérna í kvöld. Ég er mjög ánægður með þeirra frammistöðu," segir Sverre.Halldór Jóhann: Hefði viljað vinna á öruggari hátt Halldór Jóhann Sigfússon, þjálfari FH, var sigurreifur eftir leik en viðurkenndi að hann hefði viljað klára leikinn fyrr í ljósi stöðunnar um miðbik síðari hálfleiks. „Ég er virkilega ánægður með sigurinn og að við skulum hafa haldið þetta út en við gerðum okkur þetta virkilega erfitt fyrir. Við lentum í mótlæti í síðari hálfleik og þeir setja mikla pressu á okkur. Við klikkum svolítið og förum að gera mistök. Það tilheyrir því að vera með ungt lið. Ég hefði viljað vinna þetta á öruggari hátt en við tökum þetta og erum komnir áfram í næstu umferð sem er mikið gleðiefni. Það er hluti af okkar áformum að fara alla leið í bikarnum," segir Halldór Jóhann. En hvernig útskýrir hann spilamennsku síns liðs á lokamínútunum? „Arnar (Þór Fylkisson, markvörður Akureyrar) kom inn í markið og við förum að skjóta í hann. Við tókum slæmar ákvarðanir og það er svo stutt á milli í þessu. Við erum á erfiðum útivelli og áhorfendur setja mikla pressu á útiliðið. Þetta er bara hluti af þessu og hluti af lærdómi fyrir mína leikmenn. Akureyrarliðið er þannig lið að það gefst aldrei upp, sérstaklega á heimavelli." Halldór Jóhann þekkir KA-heimilið betur en margir aðrir enda lék hann um árabil fyrir KA við góðan orðstír. Hann hvetur leikmenn sína til að læra af þeirri frábæru reynslu sem það er að spila í KA-heimilinu. „Ég held að það sé erfitt fyrir öll útilið að koma hingað og spila. Þetta er frábært hús og hefur mikla sál. Þetta hús hefur aukamörk og aukavarnir sem maður á inni þegar maður spilar hérna á heimavelli, ég þekki það vel sjálfur. Þetta er gríðarlegur skóli fyrir mína leikmenn. Það eru ekkert margir svona leikir á ári, fyrr en þú ert kominn í úrslitakeppnina; þar sem er svona mikil pressa frá áhorfendum og það er gaman að koma í svona hús að spila. Þetta á í raun að ýta undir getuna hjá hverjum manni."
Olís-deild karla Mest lesið Hafþór Júlíus annar sterkasti maður jarðar: Setti tvö heimsmet Sport Fékk rautt spjald fyrir að pissa Fótbolti Vill eignast lið í hverri heimsálfu Fótbolti Undirbýr sig fyrir NBA tímabilið á bólakafi Körfubolti Níræð tugþrautarkona með 35 heimsmet Sport Fyrstur til að skora fjögurra stiga körfu Körfubolti Jákvætt að aðstoðarþjálfarinn sé ekki á bekknum Íslenski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Söngurinn um Haaland kom í bakið á honum: „Fyndinn náungi“ Enski boltinn „Við erum með YouTube-gaur að berjast við besta boxara sögunnar“ Sport Fleiri fréttir Fóru illa að ráði sínu gegn Egyptum Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Sjá meira