Ferlið var rússíbani Guðrún Jóna Stefánsdóttir skrifar 2. júní 2016 10:00 Elliott Crosset Hove prýðir fyrstu stilluna úr myndinni Vetrarbræður. Mynd/Maria Von Hausswolff. „Ferlið var rússíbani, aðalleikarinn minn slasaðist illa í tökum og við vorum útataðir í kalki og leðju mestallan tímann. En þetta var spennandi og áhugavert ferli og erum við mjög ánægð með útkomuna og hlökkum til að senda Vetrarbræður út í heiminn,“ segir Hlynur Pálmason, leikstjóri og handritshöfundur, spurður út í kvikmyndina Vetrarbræður sem væntanleg er í kvikmyndahús snemma næsta árs. Á bak við myndina er sterkt og samheldið teymi sem einnig hefur unnið saman að fyrri myndum Hlyns. Myndin er framleidd af Julie Waltersdorph Hansen hjá Masterplan Pictures í Danmörku í meðframleiðslu með Antoni Mána Svanssyni fyrir Join Motion Pictures á Íslandi. Kvikmyndin Vetrarbræður er fyrsta mynd Hlyns í fullri lengd og er hún öll tekin upp í verkamannabyggð á köldum vetri með dönskum leikurum. Tökum er lokið og er stefnt á að klára eftirvinnsluna í haust svo mögulegt sé að frumsýna seint á árinu eða snemma á næsta ári. Meðal leikara í myndinni er stórleikarinn Lars Mikkelsen en hann er þekktur fyrir hlutverk sitt í hinum geysivinsælu þáttaröðum House of Cards og Borgen.Hlynur útskrifaðist frá Danska kvikmyndaskólanum árið 2013.„Vetrarbræður gerist í einangraðri verkamannabyggð á köldum vetri, myndin segir frá bræðrunum Emil og Johan og þeirra venjum og við verðum vitni að því er ofbeldisfullar deilur brjótast út milli bræðranna og annarrar fjölskyldu á vinnustaðnum. Fókusinn er á yngri bróðurnum, Emil, og þörf hans fyrir að vera elskaður og þráður,“ segir Hlynur. Þrátt fyrir að Hlynur hafi ekki verið áberandi á Íslandi upp á síðkastið er hann talinn vera einn efnilegasti ungi leikstjórinn í Danmörku en hann útskrifaðist frá Danska kvikmyndaskólanum árið 2013. Útskriftarverkefni hans var stuttmyndin Málarinn, með Ingvari E. Sigurðssyni í aðalhlutverki. Myndin hlaut einróma lof og var til að mynda valin besta stuttmyndin á RIFF sem og besta danska stuttmyndin á alþjóðlegri kvikmyndahátíð í Óðinsvéum en þannig komst hún í forval fyrir Óskarsverðlaunin. Þá hefur stuttmynd Hlyns, Sjö bátar, einnig vakið mikla athygli og hlotið nokkrar alþjóðlegar viðurkenningar síðan hún var heimsfrumsýnd á hinni virtu alþjóðlegu kvikmyndahátíð TIFF í Toronto. Fram undan er nóg um að vera hjá Hlyni en hann er meðal annars að fara af stað með nýja íslenska mynd sem hann kemur til með að taka alfarið upp á Íslandi með íslenskum leikurum. „Næsta verkefni okkar er íslensk kvikmynd í fullri lengd sem heitir Hvítur, hvítur dagur en það verður nútíma „mystery thriller“. Því miður get ég ekki sagt meira á þessum tímapunkti,“ segir Hlynur spenntur fyrir komandi tímum. Bíó og sjónvarp Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir Lá beinast við að gera mynd um Laugavegshlaupið Lýsir augnablikinu þegar hann náði Örnu á sitt band Man ekki eftir öðru eins: Aldrei séð jafn marga falla í yfirlið yfir einni mynd Torfi vinnur að því að koma Minecraft á hvíta tjaldið Fögnuðu væntanlegri komu Eftirmála á sjónvarpsskjáinn Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira
„Ferlið var rússíbani, aðalleikarinn minn slasaðist illa í tökum og við vorum útataðir í kalki og leðju mestallan tímann. En þetta var spennandi og áhugavert ferli og erum við mjög ánægð með útkomuna og hlökkum til að senda Vetrarbræður út í heiminn,“ segir Hlynur Pálmason, leikstjóri og handritshöfundur, spurður út í kvikmyndina Vetrarbræður sem væntanleg er í kvikmyndahús snemma næsta árs. Á bak við myndina er sterkt og samheldið teymi sem einnig hefur unnið saman að fyrri myndum Hlyns. Myndin er framleidd af Julie Waltersdorph Hansen hjá Masterplan Pictures í Danmörku í meðframleiðslu með Antoni Mána Svanssyni fyrir Join Motion Pictures á Íslandi. Kvikmyndin Vetrarbræður er fyrsta mynd Hlyns í fullri lengd og er hún öll tekin upp í verkamannabyggð á köldum vetri með dönskum leikurum. Tökum er lokið og er stefnt á að klára eftirvinnsluna í haust svo mögulegt sé að frumsýna seint á árinu eða snemma á næsta ári. Meðal leikara í myndinni er stórleikarinn Lars Mikkelsen en hann er þekktur fyrir hlutverk sitt í hinum geysivinsælu þáttaröðum House of Cards og Borgen.Hlynur útskrifaðist frá Danska kvikmyndaskólanum árið 2013.„Vetrarbræður gerist í einangraðri verkamannabyggð á köldum vetri, myndin segir frá bræðrunum Emil og Johan og þeirra venjum og við verðum vitni að því er ofbeldisfullar deilur brjótast út milli bræðranna og annarrar fjölskyldu á vinnustaðnum. Fókusinn er á yngri bróðurnum, Emil, og þörf hans fyrir að vera elskaður og þráður,“ segir Hlynur. Þrátt fyrir að Hlynur hafi ekki verið áberandi á Íslandi upp á síðkastið er hann talinn vera einn efnilegasti ungi leikstjórinn í Danmörku en hann útskrifaðist frá Danska kvikmyndaskólanum árið 2013. Útskriftarverkefni hans var stuttmyndin Málarinn, með Ingvari E. Sigurðssyni í aðalhlutverki. Myndin hlaut einróma lof og var til að mynda valin besta stuttmyndin á RIFF sem og besta danska stuttmyndin á alþjóðlegri kvikmyndahátíð í Óðinsvéum en þannig komst hún í forval fyrir Óskarsverðlaunin. Þá hefur stuttmynd Hlyns, Sjö bátar, einnig vakið mikla athygli og hlotið nokkrar alþjóðlegar viðurkenningar síðan hún var heimsfrumsýnd á hinni virtu alþjóðlegu kvikmyndahátíð TIFF í Toronto. Fram undan er nóg um að vera hjá Hlyni en hann er meðal annars að fara af stað með nýja íslenska mynd sem hann kemur til með að taka alfarið upp á Íslandi með íslenskum leikurum. „Næsta verkefni okkar er íslensk kvikmynd í fullri lengd sem heitir Hvítur, hvítur dagur en það verður nútíma „mystery thriller“. Því miður get ég ekki sagt meira á þessum tímapunkti,“ segir Hlynur spenntur fyrir komandi tímum.
Bíó og sjónvarp Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist Bar fyrir sig að hafa eitt sinn verið í strákabandi Lífið „Ég myndi aldrei fara í samband með einhverjum fávita“ Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir Lá beinast við að gera mynd um Laugavegshlaupið Lýsir augnablikinu þegar hann náði Örnu á sitt band Man ekki eftir öðru eins: Aldrei séð jafn marga falla í yfirlið yfir einni mynd Torfi vinnur að því að koma Minecraft á hvíta tjaldið Fögnuðu væntanlegri komu Eftirmála á sjónvarpsskjáinn Super Happy Forever hlaut Gullna lundann Fagnaðarfundir þegar Bong Joon-Ho hitti Dag Kára Óhappamynd Alec Baldwin brátt frumsýnd Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Sjá meira