Umfjöllun, viðtöl og einkunnir: Víkingur R. - Breiðablik 3-1 | Óttar Magnús sökkti Blikum Ingvi Þór Sæmundsson skrifar 8. ágúst 2016 22:00 vísir/eyþór Óttar Magnús Karlsson skoraði þrennu þegar Víkingur R. lyfti sér upp í 5. sæti Pepsi-deildarinnar með 3-1 sigri á Breiðabliki. Blikar byrjuðu leikinn vel og komust yfir á 8. mínútu þegar Árni Vilhjálmsson rak smiðshöggið á frábæra skyndisókn. Svo tóku Víkingar leikinn einfaldlega yfir og voru mun sterkari aðilinn það sem eftir lifði leiks. Óttar jafnaði metin með skalla af stuttu færi fjórum mínútum fyrir hálfleik og hann bætti svo tveimur mörkum við í seinni hálfleik. Bæði mörkin komu eftir að Damir Muminovic fékk að líta sitt annað gula spjald og þar með rautt á 65. mínútu. Blikar eru áfram í 4. sæti en nú munar aðeins tveimur stigum á þeim og Víkingum.Af hverju vann Víkingur? Fyrri hálfleikurinn var vel spilaður af beggja hálfu. Víkingar voru sterkari aðilinn en Blikar minntu alltaf á sig með beittum skyndisóknum eins og þeirri sem þeir skoruðu úr. Þrátt fyrir að lenda undir treystu Víkingar skipulaginu og héldu áfram að gera það sem lagt var upp með. Spilið gekk frábærlega, var sannfærandi og öruggt, og það skilaði loks marki á 41. mínútu þegar Óttar skoraði sitt fyrsta mark. Í seinni hálfleik voru heimamenn svo miklu sterkari aðilinn og hreinlega hlupu yfir Blikaliðið sem átti fá svör. Gestirnir vörðust þó ágætlega þangað til Damir fékk rauða spjaldið. Þá opnaðist pláss í vörninni sem Óttar nýtti til að skora seinni tvö mörkin sín.Þessir stóðu upp úr Augljóslega Óttar Magnús sem skoraði fullkomna þrennu, með hægri, vinstri og skalla. Strákurinn hefur slegið í gegn í sumar og Víkingar virðast ekki þurfa að hafa áhyggjur af brotthvarfi Gary Martin miðað við frammistöðu Óttars í kvöld. Hann var þó ekki sá eini sem spilaði vel hjá heimamönnum. Vladimir Tufegdzic var síógnandi og fiskaði þrjú gul spjöld á leikmenn Breiðabliks, þar af bæði spjöldin á Damir. Ívar Örn Jónsson var líka magnaður í vinstri bakverðinum þótt spyrnur hans í föstum leikatriðum hafi oft verið betri. Hjá Blikum var Árni sá eini sem sýndi lit allan tímann. Hann skoraði gott mark og hélt áfram að reyna allt til loka, þrátt fyrir takmarkaða þjónustu.Hvað gekk illa? Leikur Blika í seinni hálfleik var ekki góður og það vantaði allan slagkraft í liðið. Gestirnir hættu að ógna í skyndisóknum og á tímabili komust þeir varla út úr eigin vítateig. Varnarleikurinn hélt þó þangað til Damir var rekinn af velli fyrir heimskulega tæklingu. Víkingar nýttu sér svo liðsmuninn til hins ítrasta. Eftir annað mark Óttars voru Blikar aldrei líklegir til að jafna og þeir fengu svo þriðja markið í andlitið átta mínútum fyrir leikslok.Hvað gerist næst? Víkingar eru komnir í hörku baráttu um Evrópusæti en þeir mæta Val á útivelli í næstu umferð. Blikar eru áfram fimm stigum á eftir toppliði FH en þeir virðast ekki hafa það sem til þarf til að taka þátt í toppbaráttunni af alvöru. Breiðablik mætir Þrótti á heimavelli í næstu umferð.Milos: Besti leikur liðsins undir minni stjórn Milos Milojevic, þjálfari Víkings, svaraði því játandi þegar hann var spurður hvort leikurinn í kvöld hafi verið sá besti hjá liðinu undir hans stjórn. „Ég myndi segja það. Spilalega séð vorum við góðir allan tímann. Við fengum reyndar á okkur svolítið barnalegt mark en fyrir utan það var þetta besti leikur okkar, allavega hingað til,“ sagði Milos eftir leik. „Þetta var skemmtilegur leikur og Blikar eiga hrós skilið, þeir komu hingað og vildu spila fótbolta. Þetta voru tvö lið sem vildu spila fótbolta og það er skemmtilegt,“ sagði Milos. Damir Muminovic fékk að líta rauða spjaldið 25 mínútum fyrir leikslok og Milos segir að það hafi hjálpað til. „Það hjálpaði að sjálfsögðu, þá fengum við aðeins meira svæði. Blikaliðið hefur spilað frábæra vörn síðan Arnar Grétarsson tók við því. Þetta er mjög gott lið og ég er hrifinn af spilamennsku þess. Það er ekki sjálfgefið að opna þá vinstri hægri,“ sagði Milos. Hann var að sjálfsögðu ánægður með framlag Óttars Magnúsar Karlssonar sem skoraði öll þrjú mörk Víkinga í leiknum. „Hann er á réttri leið. Hann skoraði fullkomna þrennu í dag, með hægri, vinstri og skalla. En ég vil líka hrósa hinum sem unnu frábæra vinnu og liðið spilaði sinn besta fótbolta í dag,“ sagði Milos að endingu.Arnar: Þeir vildu þetta miklu meira Arnar Grétarsson, þjálfari Breiðabliks, var hundsvekktur með frammistöðu sinna manna í seinni hálfleiknum gegn Víkingum í kvöld. „Mér fannst spila ágætlega í fyrri hálfleik. Þetta var jafn leikur og bæði lið fengu færi. En svo gerðist eitthvað í seinni hálfleik sem ég hef engar skýringar á. Við mættum ekki til leiks í seinni hálfleik og þeir voru yfir á öllum vígstöðvum,“ sagði Arnar í leikslok. „Þeir voru grimmari, vildu þetta miklu meira og það var eins og þeir væru að keppa að einhverju. Ég er gríðarlega ósáttur við spilamennskuna og þetta var gullið tækifæri sem fór forgörðum,“ sagði Arnar en bæði FH og Stjörnunni mistókst að vinna í kvöld. „Ég er hálf orðlaus, við vorum undir á öllum sviðum. Það er bara þannig. Þetta er svekkjandi í ljósi þess að við erum búnir að tapa fimm stigum á stuttum tíma og það eru fimm stig í toppinn,“ sagði þjálfarinn. Blikar eru áfram fimm stigum á eftir toppliði FH. En telur Arnar að hans menn séu enn með í toppbaráttunni? „Ég held við ættum ekkert að hugsa um það. Við ættum bara að hugsa um næsta leik og fara að vinna leiki. Allt þetta tal um að gera eitthvað fer greinilega illa í menn,“ sagði Arnar sem vildi lítið tjá sig um rauða spjaldið sem Damir Muminovic fékk 25 mínútum fyrir leikslok.Óttar Magnús: Er framherji að upplagi Óttar Magnús Karlsson, hetja Víkinga gegn Breiðabliki, var merkilega rólegur eftir leikinn í kvöld, þrátt fyrir að vera nýbúinn að skora þrennu gegn sterku liði Blika. „Við vorum ekki alveg á tánum í upphafi leiks en það er frábært að vinna þennan leik og ná þremur stigum,“ sagði Óttar. „Þetta gekk nokkuð vel. Ég er kominn í ryþma, farinn að byrja leiki og það er gaman þegar vel gengur,“ bætti þessi efnilegi leikmaður við. Óttar spilaði sem fremsti maður í leiknum í kvöld. Hann segist kunna vel við sig í því hlutverki. „Þetta er mjög fínt. Ég hef verið frammi undanfarin ár og er framherji að upplagi. En ég get leyst báðar kantstöðurnar,“ sagði Óttar sem segist ekki finna fyrir pressu að taka við hlutverki Garys Martin hjá Víkingi, en Englendingurinn er farinn á láni til Lilleström. „Alls ekki, þetta er bara tilhlökkun. Ég er bara spenntur að hjálpa liðinu að ná í fleiri stig,“ sagði Óttar hógvær að lokum. Pepsi Max-deild karla Mest lesið Var með skýrar reglur um eiginkonur bræðranna Sport Uppgjörið: Njarðvík - Álftanes 89-95 | Álftnesingar sóttu sigur í stemningslítinn Stapaskóla Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Faðir Arnars og Bjarka fékk nóg og hótaði að berja George Kirby Íslenski boltinn Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Körfubolti Tiger hringdi í Trump til að segja honum frá sambandinu Golf Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Fleiri fréttir Skoruðu þrjú af fjórum mörkum leiksins en töpuðu samt FH-ingar sækja sér miðvörð til sænska liðsins AIK Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Besta-spáin 2025: Máttur fjöldans Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Jón Guðni Fjóluson leggur skóna á hilluna Eyjamenn sækja Pólverja í rammann Gylfa aftur spáð titlinum en spáin röng síðan 2020 Vilja VAR á Íslandi og finnst Gylfi langbestur Félögin spá Víkingum titlinum Svona var kynningarfundur Bestu deildar karla „Hann virðist bara ekkert vera þannig þjálfari“ Besta-spáin 2025: Litað út fyrir Var kóngurinn 1995 en „algjörlega á botninum“ 1997 „Meðvituð um að þetta er samfélagslegt vandamál“ Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ „Stærsta í þessu er ef Rúnar Már nær að spila meira“ Besta-spáin 2025: Vindur í Skagaseglin Heimsóttu Hásteinsvöll: „Það eru ekkert allir sáttir við þetta“ Vel vopnaðir tökumenn: „Djöfull er þetta góður klútur“ „Maður er pínu hræddur fyrir þeirra hönd“ Besta-spáin 2025: Að finna sér nýjan samastað í tilverunni „Gerðum gott úr þessu“ Uppgjörið: Breiðablik - KA 3-1 | Breiðablik er meistari meistaranna Herra Víkingur kvaddur: „Rosalega gott tækifæri til að hætta“ Sjá meira
Óttar Magnús Karlsson skoraði þrennu þegar Víkingur R. lyfti sér upp í 5. sæti Pepsi-deildarinnar með 3-1 sigri á Breiðabliki. Blikar byrjuðu leikinn vel og komust yfir á 8. mínútu þegar Árni Vilhjálmsson rak smiðshöggið á frábæra skyndisókn. Svo tóku Víkingar leikinn einfaldlega yfir og voru mun sterkari aðilinn það sem eftir lifði leiks. Óttar jafnaði metin með skalla af stuttu færi fjórum mínútum fyrir hálfleik og hann bætti svo tveimur mörkum við í seinni hálfleik. Bæði mörkin komu eftir að Damir Muminovic fékk að líta sitt annað gula spjald og þar með rautt á 65. mínútu. Blikar eru áfram í 4. sæti en nú munar aðeins tveimur stigum á þeim og Víkingum.Af hverju vann Víkingur? Fyrri hálfleikurinn var vel spilaður af beggja hálfu. Víkingar voru sterkari aðilinn en Blikar minntu alltaf á sig með beittum skyndisóknum eins og þeirri sem þeir skoruðu úr. Þrátt fyrir að lenda undir treystu Víkingar skipulaginu og héldu áfram að gera það sem lagt var upp með. Spilið gekk frábærlega, var sannfærandi og öruggt, og það skilaði loks marki á 41. mínútu þegar Óttar skoraði sitt fyrsta mark. Í seinni hálfleik voru heimamenn svo miklu sterkari aðilinn og hreinlega hlupu yfir Blikaliðið sem átti fá svör. Gestirnir vörðust þó ágætlega þangað til Damir fékk rauða spjaldið. Þá opnaðist pláss í vörninni sem Óttar nýtti til að skora seinni tvö mörkin sín.Þessir stóðu upp úr Augljóslega Óttar Magnús sem skoraði fullkomna þrennu, með hægri, vinstri og skalla. Strákurinn hefur slegið í gegn í sumar og Víkingar virðast ekki þurfa að hafa áhyggjur af brotthvarfi Gary Martin miðað við frammistöðu Óttars í kvöld. Hann var þó ekki sá eini sem spilaði vel hjá heimamönnum. Vladimir Tufegdzic var síógnandi og fiskaði þrjú gul spjöld á leikmenn Breiðabliks, þar af bæði spjöldin á Damir. Ívar Örn Jónsson var líka magnaður í vinstri bakverðinum þótt spyrnur hans í föstum leikatriðum hafi oft verið betri. Hjá Blikum var Árni sá eini sem sýndi lit allan tímann. Hann skoraði gott mark og hélt áfram að reyna allt til loka, þrátt fyrir takmarkaða þjónustu.Hvað gekk illa? Leikur Blika í seinni hálfleik var ekki góður og það vantaði allan slagkraft í liðið. Gestirnir hættu að ógna í skyndisóknum og á tímabili komust þeir varla út úr eigin vítateig. Varnarleikurinn hélt þó þangað til Damir var rekinn af velli fyrir heimskulega tæklingu. Víkingar nýttu sér svo liðsmuninn til hins ítrasta. Eftir annað mark Óttars voru Blikar aldrei líklegir til að jafna og þeir fengu svo þriðja markið í andlitið átta mínútum fyrir leikslok.Hvað gerist næst? Víkingar eru komnir í hörku baráttu um Evrópusæti en þeir mæta Val á útivelli í næstu umferð. Blikar eru áfram fimm stigum á eftir toppliði FH en þeir virðast ekki hafa það sem til þarf til að taka þátt í toppbaráttunni af alvöru. Breiðablik mætir Þrótti á heimavelli í næstu umferð.Milos: Besti leikur liðsins undir minni stjórn Milos Milojevic, þjálfari Víkings, svaraði því játandi þegar hann var spurður hvort leikurinn í kvöld hafi verið sá besti hjá liðinu undir hans stjórn. „Ég myndi segja það. Spilalega séð vorum við góðir allan tímann. Við fengum reyndar á okkur svolítið barnalegt mark en fyrir utan það var þetta besti leikur okkar, allavega hingað til,“ sagði Milos eftir leik. „Þetta var skemmtilegur leikur og Blikar eiga hrós skilið, þeir komu hingað og vildu spila fótbolta. Þetta voru tvö lið sem vildu spila fótbolta og það er skemmtilegt,“ sagði Milos. Damir Muminovic fékk að líta rauða spjaldið 25 mínútum fyrir leikslok og Milos segir að það hafi hjálpað til. „Það hjálpaði að sjálfsögðu, þá fengum við aðeins meira svæði. Blikaliðið hefur spilað frábæra vörn síðan Arnar Grétarsson tók við því. Þetta er mjög gott lið og ég er hrifinn af spilamennsku þess. Það er ekki sjálfgefið að opna þá vinstri hægri,“ sagði Milos. Hann var að sjálfsögðu ánægður með framlag Óttars Magnúsar Karlssonar sem skoraði öll þrjú mörk Víkinga í leiknum. „Hann er á réttri leið. Hann skoraði fullkomna þrennu í dag, með hægri, vinstri og skalla. En ég vil líka hrósa hinum sem unnu frábæra vinnu og liðið spilaði sinn besta fótbolta í dag,“ sagði Milos að endingu.Arnar: Þeir vildu þetta miklu meira Arnar Grétarsson, þjálfari Breiðabliks, var hundsvekktur með frammistöðu sinna manna í seinni hálfleiknum gegn Víkingum í kvöld. „Mér fannst spila ágætlega í fyrri hálfleik. Þetta var jafn leikur og bæði lið fengu færi. En svo gerðist eitthvað í seinni hálfleik sem ég hef engar skýringar á. Við mættum ekki til leiks í seinni hálfleik og þeir voru yfir á öllum vígstöðvum,“ sagði Arnar í leikslok. „Þeir voru grimmari, vildu þetta miklu meira og það var eins og þeir væru að keppa að einhverju. Ég er gríðarlega ósáttur við spilamennskuna og þetta var gullið tækifæri sem fór forgörðum,“ sagði Arnar en bæði FH og Stjörnunni mistókst að vinna í kvöld. „Ég er hálf orðlaus, við vorum undir á öllum sviðum. Það er bara þannig. Þetta er svekkjandi í ljósi þess að við erum búnir að tapa fimm stigum á stuttum tíma og það eru fimm stig í toppinn,“ sagði þjálfarinn. Blikar eru áfram fimm stigum á eftir toppliði FH. En telur Arnar að hans menn séu enn með í toppbaráttunni? „Ég held við ættum ekkert að hugsa um það. Við ættum bara að hugsa um næsta leik og fara að vinna leiki. Allt þetta tal um að gera eitthvað fer greinilega illa í menn,“ sagði Arnar sem vildi lítið tjá sig um rauða spjaldið sem Damir Muminovic fékk 25 mínútum fyrir leikslok.Óttar Magnús: Er framherji að upplagi Óttar Magnús Karlsson, hetja Víkinga gegn Breiðabliki, var merkilega rólegur eftir leikinn í kvöld, þrátt fyrir að vera nýbúinn að skora þrennu gegn sterku liði Blika. „Við vorum ekki alveg á tánum í upphafi leiks en það er frábært að vinna þennan leik og ná þremur stigum,“ sagði Óttar. „Þetta gekk nokkuð vel. Ég er kominn í ryþma, farinn að byrja leiki og það er gaman þegar vel gengur,“ bætti þessi efnilegi leikmaður við. Óttar spilaði sem fremsti maður í leiknum í kvöld. Hann segist kunna vel við sig í því hlutverki. „Þetta er mjög fínt. Ég hef verið frammi undanfarin ár og er framherji að upplagi. En ég get leyst báðar kantstöðurnar,“ sagði Óttar sem segist ekki finna fyrir pressu að taka við hlutverki Garys Martin hjá Víkingi, en Englendingurinn er farinn á láni til Lilleström. „Alls ekki, þetta er bara tilhlökkun. Ég er bara spenntur að hjálpa liðinu að ná í fleiri stig,“ sagði Óttar hógvær að lokum.
Pepsi Max-deild karla Mest lesið Var með skýrar reglur um eiginkonur bræðranna Sport Uppgjörið: Njarðvík - Álftanes 89-95 | Álftnesingar sóttu sigur í stemningslítinn Stapaskóla Körfubolti Fyrsti svarti dómarinn í ensku úrvalsdeildinni lærir að ganga á ný Enski boltinn Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Faðir Arnars og Bjarka fékk nóg og hótaði að berja George Kirby Íslenski boltinn Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Körfubolti Tiger hringdi í Trump til að segja honum frá sambandinu Golf Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Fleiri fréttir Skoruðu þrjú af fjórum mörkum leiksins en töpuðu samt FH-ingar sækja sér miðvörð til sænska liðsins AIK Vilja að líkamlegi þátturinn dansi í takt við þann taktíska og tæknilega Ærandi þögn þegar Elías Ingi lenti í lyftu með Skagamönnum „Allir í Vesturbænum eru spenntir en maður hefur séð meiri gæði í einum hópi“ Besta-spáin 2025: Máttur fjöldans Faðir Arnars og Bjarka fékk nóg og hótaði að berja George Kirby „Hefur aldrei verið vandamál fyrir mig“ Jón Guðni Fjóluson leggur skóna á hilluna Eyjamenn sækja Pólverja í rammann Gylfa aftur spáð titlinum en spáin röng síðan 2020 Vilja VAR á Íslandi og finnst Gylfi langbestur Félögin spá Víkingum titlinum Svona var kynningarfundur Bestu deildar karla „Hann virðist bara ekkert vera þannig þjálfari“ Besta-spáin 2025: Litað út fyrir Var kóngurinn 1995 en „algjörlega á botninum“ 1997 „Meðvituð um að þetta er samfélagslegt vandamál“ Stúkan fær liðsstyrk í þremur kanónum Besta auglýsing Fram: Rúnar kann öll vafasömu trixin „Var meira fyrir að borða nutella úr krukkunni og spila tölvuleiki“ „Stærsta í þessu er ef Rúnar Már nær að spila meira“ Besta-spáin 2025: Vindur í Skagaseglin Heimsóttu Hásteinsvöll: „Það eru ekkert allir sáttir við þetta“ Vel vopnaðir tökumenn: „Djöfull er þetta góður klútur“ „Maður er pínu hræddur fyrir þeirra hönd“ Besta-spáin 2025: Að finna sér nýjan samastað í tilverunni „Gerðum gott úr þessu“ Uppgjörið: Breiðablik - KA 3-1 | Breiðablik er meistari meistaranna Herra Víkingur kvaddur: „Rosalega gott tækifæri til að hætta“ Sjá meira
Uppgjörið: Njarðvík - Álftanes 89-95 | Álftnesingar sóttu sigur í stemningslítinn Stapaskóla Körfubolti
Uppgjörið: Njarðvík - Álftanes 89-95 | Álftnesingar sóttu sigur í stemningslítinn Stapaskóla Körfubolti