Hver sá sem er haldinn forvitni á erindi Gunnþóra Gunnarsdóttir skrifar 27. október 2016 10:45 Guðný hefur haldið utan um margar hátíðir á Íslandi og sefur ekki alltaf mikið þegar þær eru að bresta á en segir það ekkert gera til. Vísir/Stefán „Þetta er hátíð sem gefur fólki tækifæri til að kynnast, læra hvert af öðru og upplifa eitthvað nýtt, svona rannsakandi hátíð,“ segir Guðný Guðmundsdóttir um alþjóðlegu listahátíðina Cycle. Hátíðin stendur í dag og þrjá næstu daga og samanstendur af sýningu í Gerðarsafni og fjölmörgum tónleikum og gjörningum í öðrum listhúsum Kópavogs. Um eitt hundrað íslenskir og alþjóðlegir listamenn taka þátt, auk þess sem nemendum Listaháskólans gefst kostur á að taka þátt í vinnustofum og fyrirlestraröðum. Yfirskriftin er Þá.Kammerkór Suðurlands kemur fram í Gerðarsafni 29. október klukkan 14.Skyldi erlenda listafólkið koma með verkin tilbúin að utan eða hefur það dvalið hér við sköpun um tíma? „Ætli við höfum ekki verið með svona tíu manns hér í að minnsta kosti viku við að búa til ný verk? Margir koma líka með verk annars staðar að sem eru fullgerð,“ segir Guðný, sem sjálf kemur frá Berlín beinlínis til að halda utan um hátíðina sem listrænn stjórnandi með Tinnu Þorsteinsdóttur tónlistarkonu. Þetta er annað árið sem Cycle er haldin. „Það er augljós áhugi fyrir hendi, enda er Cycle afsprengi vissrar umræðu um þverfagleika í listum sem átt hefur sér stað seinustu 15 til 20 árin,“ segir Guðný. En er ekki erfitt að setja svona hátíð upp þannig að ólík atriðin falli hvert að öðru? „Jú, Eva Wilson er sýningarstjóri í Gerðarsafni í samstarfi við okkur Tinnu. Hún er fagmaður sem kemur með nýja sýn inn í okkar mengi á Íslandi.“100% Other Fibres eftir Heather Phillipson í Gerðarsafni. Verkið tengir saman skjái og organdi hljóðumhverfi en yfir talar rödd sem segir sögu af hundi.Guðný segir svona hátíðir geta leitt af sér aðra viðburði og verið góð landkynning. „Gjörningaklúbburinn fór til Berlínar og nokkrir íslenskir listamenn tóku þátt í stórri sýningu í Moskvu í framhaldi af Cycle í fyrra,“ bendir hún á. Spurð hvort hún óttist ekki að almenningi finnist hátíðin of framandi svarar hún: „Það finnst mér óþarfa aðgreining. Hver sá sem er haldinn forvitni á erindi. Stærsta skrefið er að opna hugann fyrir nýjungum. Frítt er á alla viðburði svo það þarf ekki að vera stór ákvörðun að mæta.“Greinin birtist fyrst í Fréttablaðinu 27. október 2016. Menning Mest lesið Heitustu hinsegin pör landsins Lífið Byrjaði í smábrotum en vatt svo upp á sig Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Ekki búið spil Lífið Randy er litríkasti gaurinn í hinni geggjuðu Pittsburgh Lífið Hefur gefið út tvö hundruð lög á fimm mánuðum Lífið „Klæddu þig eftir veðri, ekki verði“ Tíska og hönnun Sjáðu myndirnar frá Ungfrú Ísland Lífið Harðfisk-, laxa- og beikonís á Ísdeginum í Hveragerði Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira
„Þetta er hátíð sem gefur fólki tækifæri til að kynnast, læra hvert af öðru og upplifa eitthvað nýtt, svona rannsakandi hátíð,“ segir Guðný Guðmundsdóttir um alþjóðlegu listahátíðina Cycle. Hátíðin stendur í dag og þrjá næstu daga og samanstendur af sýningu í Gerðarsafni og fjölmörgum tónleikum og gjörningum í öðrum listhúsum Kópavogs. Um eitt hundrað íslenskir og alþjóðlegir listamenn taka þátt, auk þess sem nemendum Listaháskólans gefst kostur á að taka þátt í vinnustofum og fyrirlestraröðum. Yfirskriftin er Þá.Kammerkór Suðurlands kemur fram í Gerðarsafni 29. október klukkan 14.Skyldi erlenda listafólkið koma með verkin tilbúin að utan eða hefur það dvalið hér við sköpun um tíma? „Ætli við höfum ekki verið með svona tíu manns hér í að minnsta kosti viku við að búa til ný verk? Margir koma líka með verk annars staðar að sem eru fullgerð,“ segir Guðný, sem sjálf kemur frá Berlín beinlínis til að halda utan um hátíðina sem listrænn stjórnandi með Tinnu Þorsteinsdóttur tónlistarkonu. Þetta er annað árið sem Cycle er haldin. „Það er augljós áhugi fyrir hendi, enda er Cycle afsprengi vissrar umræðu um þverfagleika í listum sem átt hefur sér stað seinustu 15 til 20 árin,“ segir Guðný. En er ekki erfitt að setja svona hátíð upp þannig að ólík atriðin falli hvert að öðru? „Jú, Eva Wilson er sýningarstjóri í Gerðarsafni í samstarfi við okkur Tinnu. Hún er fagmaður sem kemur með nýja sýn inn í okkar mengi á Íslandi.“100% Other Fibres eftir Heather Phillipson í Gerðarsafni. Verkið tengir saman skjái og organdi hljóðumhverfi en yfir talar rödd sem segir sögu af hundi.Guðný segir svona hátíðir geta leitt af sér aðra viðburði og verið góð landkynning. „Gjörningaklúbburinn fór til Berlínar og nokkrir íslenskir listamenn tóku þátt í stórri sýningu í Moskvu í framhaldi af Cycle í fyrra,“ bendir hún á. Spurð hvort hún óttist ekki að almenningi finnist hátíðin of framandi svarar hún: „Það finnst mér óþarfa aðgreining. Hver sá sem er haldinn forvitni á erindi. Stærsta skrefið er að opna hugann fyrir nýjungum. Frítt er á alla viðburði svo það þarf ekki að vera stór ákvörðun að mæta.“Greinin birtist fyrst í Fréttablaðinu 27. október 2016.
Menning Mest lesið Heitustu hinsegin pör landsins Lífið Byrjaði í smábrotum en vatt svo upp á sig Lífið Dóttir Snæfríðar og Högna komin með nafn Lífið Fréttatía vikunnar: Vindmyllur, tannlæknar og fegurðardrottningar Lífið Ekki búið spil Lífið Randy er litríkasti gaurinn í hinni geggjuðu Pittsburgh Lífið Hefur gefið út tvö hundruð lög á fimm mánuðum Lífið „Klæddu þig eftir veðri, ekki verði“ Tíska og hönnun Sjáðu myndirnar frá Ungfrú Ísland Lífið Harðfisk-, laxa- og beikonís á Ísdeginum í Hveragerði Lífið Fleiri fréttir Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Allt á fullri ferð á Húsavík um helgina Guðrún Jóhanna nýr skólastjóri Söngskólans Umræða um feðraveldi og karlrembu skekur djassbransann Útlit fyrir bíólausa Akureyri Komið að endalokum eftir 25 ár Kanónur með listræna þrennu á Flateyri „Leiðin verður að vera óviss svo vel sé“ „Ég lofa miklu blóði“ Gera grín að bransanum með „virtustu verðlaunum heims“ Fjöldamet á stærstu listasýningu í sögu Hornafjarðar Sjá meira