Umfjöllun og viðtöl: KR - Höttur 87-78 | KR-ingar númeri of sterkir fyrir spræka Hattarmenn Kristinn Páll Teitsson í DHL-höllinni skrifar 4. febrúar 2016 22:00 Ægir Þór Steinarsson, leikmaður KR. vísir/anton brink KR-ingar voru einfaldlega númeri of sterkir fyrir annars spræka Hattarmenn í 87-78 sigri í DHL-höllinni í kvöld en botnlið deildarinnar leiddi allan fyrri hálfleik leiksins. Höttur byrjaði leikinn af krafti og leiddi í hálfleik með fjórum stigum en góður þriðji leikhluti KR-inga gerði útslagið fyrir Íslandsmeistarana. Áttu eflaust fæstir von á öðru en að leikmenn Hattar yrðu einfaldlega fallbyssufóður fyrir Íslandsmeistarana í KR en KR-ingar unnu fyrri leik liðanna með 35 stiga mun á Egilsstöðum. Áttu leikmenn Hattar í miklum vandræðum með allar sóknaraðgerðir í þeim leik og lauk leiknum 85-50 en leikplan liðsins var mun betra í fyrri hálfleik í kvöld. Gestirnir frá Egilsstöðum byrjuðu leikinn betur og voru einfaldlega skrefinu á undan frá fyrstu mínútu. Náði Höttur þegar mest var sjö stiga forskoti KR-ingar sem voru slakir í fyrsta leikhluta náðu að minnka muninn niður í eitt stig fyrir lok fyrsta leikhluta. Það sama var upp á teningunum í öðrum leikhluta. KR-ingar virtust einfaldlega ekki komast upp úr öðrum gír. Á sama tíma voru lykilleikmenn Hattar, Tobin Carberry og Mirko Stefán Virjevic að leika lausum hala í sóknarleiknum. Hattarmenn voru með forskotið lengst af í öðrum leikhluta og voru KR-ingar alltaf að eltast við spræka leikmenn Hattar sem tóku nokkuð óvænt fjögurra stiga forskot inn í hálfleikinn, 41-37. KR-ingar sýndu loksins sitt rétta andlit í þriðja leikhluta og voru ekki lengi að ná forskotinu. Sóknarleikur liðsins fór á flug og fóru þriggja stiga skot liðsins að detta á sama tíma og liðið herti skrúfurnar í varnarleiknum. Töpuðu Hattarmenn 7 boltum í þriðja leikhluta eftir að hafa aðeins tapað fjórum í fyrri hálfleik og nýttu KR-ingar sér það til hins ítrasta. Hittu KR-ingar úr sex þriggja stiga skotum með stuttu millibili og náðu 13 stiga forskoti fyrir lokaleikhlutann. Leikmenn Hattar voru hinsvegar ekkert á því að gefast upp í fjórða leikhluta og náðu að minnka muninn niður í sex stig um miðbik leikhlutans en þá virtust orkubirgðir liðsins einfaldlega vera á þrotum. Tobin Carberry gerði allt sitt besta til þess að halda liðinu inn í leiknum með 33 stig en aðrir leikmenn liðsins náðu ekki að styðja við bakið á honum á lokamínútum leiksins. Lauk leiknum með níu stiga sigri KR-inga sem geta andað léttar eftir að hafa sloppið með sigur í leik sem flestir töldu að yrði skyldusigur fyrir tvöfalda Íslandsmeistara. Brynjar Þór Björnsson fór fyrir liði KR með 24 stig en Craion bætti við 21 stigi eftir að hafa átt erfitt uppdráttar í upphafi leiksins. Í liði gestanna var það Carberry sem stóð upp úr með 33 stig og ellefu fráköst en Mirko náði sér ekki á strik í seinni hálfleik eftir frábæran fyrri hálfleik. Finnur: Komum allt of slakir til leiks„Maður á að þurfa að svitna fyrir sigrinum og við gerðum það ekki framan af. Við tökum stigunum tveimur fagnandi gegn mjög öflugu liði Hattar í dag,“ sagði Finnur Freyr Stefánsson, þjálfari KR, að leikslokum. Finnur segir að leikmenn liðsins hafi einfaldlega vanmetið andstæðing kvöldsins. „Þetta var bara einfaldlega vanmat. Við höfum verið að spila á móti liðum ofar í töflunni og síðan mætum við neðsta liðinu. Við komum allt of slakir til leiks og ég viðurkenni það alveg gegn liði sem má ekki vanmeta. Þótt þeir séu búnir að tapa þessum leikjum hafa þeir yfirleitt verið inn í leikjunum fram að lokaflautinu. Þeir gripu okkur með buxurnar niðri í fyrri hálfleik.“ Þrátt fyrir að hafa verið óvænt fjórum stigum undir í hálfleik sagðist Finnur ekki hafa tekið hárblásara-meðferðina á leikmennina í hálfleik. „Grunnatriði íþrótta er að leggja sig fram í hverjum leik og það fór því miður úrskeiðis í fyrri hálfleik. Við fórum einfaldlega yfir hlutina og það sem við þyrftum að kippa í lag í seinni hálfleiknum,“ sagði Finnur sem hrósaði mótherjum kvöldsins. „Hattarmenn spiluðu vel í kvöld og við lentum í stökustu vandræðum með Toby. Þegar okkur tókst svo að loka á Mirko steig Hreinn upp með stórar körfur.“ Hattarmenn hafa náð að standa í andstæðingum sínum í allan vetur en hafa aðeins náð að vinna einn leik. „Maður vorkennir eiginlega Hattarliðinu því þeir hafa spilað vel í mörgum leikjum en ekki fengið nægilega mörg stig. Ég vona að þeir haldi þessu áfram og þá fara stigin að koma,“ sagði Finnur að lokum. Viðar: Hefði verið auðvelt að brotna og tapa með 20-30 stigum„Það er alltaf jafn svekkjandi að tapa en ég er ánægður með frammistöðuna í dag. Ég held að við séum að gera rétta hluti,“ sagði Viðar Örn Hafsteinsson, þjálfari Hattar, brattur að leikslokum í kvöld. „Það er spennandi að koma hingað og mæta ríkjandi meisturunum og mér fannst við vera að gera vel. Þeir þrýstu okkur úr því sem við vorum að gera í þriðja leikhluta en við héldum áfram að berjast og gerðum sömu hlutina og við höfðum talað um fyrir leik,“ sagði Viðar sem hrósaði viðhorfi liðsins eftir áhlaup KR-inga í þriðja leikhluta. „Það hefði verið auðvelt fyrir botnliðið að brotna og tapa með 20 eða 30 stigum þegar þeir fóru á skrið en við kláruðum þetta vel og gerðum þetta að leik aftur í fjórða leikhluta.“ Viðar tók undir að leikplanið hefði gengið vel í upphafi leiks. „Þetta var það sem ég lagði upp með en við erum ekki að ná að vinna leiki. Við þurfum að fara að klára leiki og safna stigum en við höfum verið að gera mun betur eftir áramót,“ sagði Viðar sem viðurkenndi að verkefnið hefði verið erfitt. „Það er ekkert að því að segja það að KR er með mun betra lið en Höttur en við náðum að gera leik úr þessu. Við tökum þetta og setjum í reynslubankann, ég er ánægður með margt hjá strákunum,“ sagði Viðar og bætti við: „Við höfum verið að vinna í hugarfarinu og við erum að reyna að auka hraðann í leik okkar í þann gæðaflokk sem krafist er í úrvalsdeildinni. Við erum með nokkra leikmenn sem fólk þekkir ekki en eru að koma og standa sig vel inn á vellinum og það er hægt að byggja á þessu. Brynjar Þór: Vorum eins og lítil blóm í fyrri hálfleik„Þetta var mjög erfiður leikur, við vorum kraftlausir og litlir í okkur í fyrri hálfleik. Við vorum full viðkvæmir, eiginlega eins og lítil blóm en við stigum upp í seinni hálfleik,“ sagði Brynjar Þór Björnsson, leikmaður KR, aðspurður hvað hefði farið úrskeiðis í upphafi leiksins í kvöld. „Við gerðum nóg í þriðja leikhluta til þess að klára þennan leik en í fjórða leikhluti fórum við aftur í sama far sem var ekki nægilega gott.“ Brynjar tók undir orð þjálfarans að KR-ingar hefðu eflaust vanmetið leikmenn Hattar. „Ég var sjálfur full rólegur fyrir leikinn og ætlaði að njóta þess að spila en það fór á hina leiðina. Við vorum of flatir og vorum ekki tilbúnir til þess að hafa gaman af þessu,“ sagði Brynjar og bætti við: „Það var smá vanmat, við bjuggumst við sigri í þessum leik. Það má ekki vanmeta neitt lið í þessari deild sem betur fer. Vanmat kemur í bakið á liðum en okkur tókst að hafa þetta.“ Brynjar sagði að andrúmsloftið hefði verið rólegt í hálfleik þrátt fyrir að vera óvænt undir. „Finnur var rólegur. Hann skyldi það vel hvað hefði farið úrskeiðis. Við erum búnir að vera í erfiðri törn í janúar gegn toppliðunum í deildinni og í bikar og hann skyldi að menn hefðu komið aðeins rólegri inn í þennan leik. Hann vissi að ef við myndum stíga upp myndi þetta ganga upp.“Tweets by @VisirKarfa2 Dominos-deild karla Mest lesið Schumacher sást meðal fólks í fyrsta sinn í ellefu ár Formúla 1 Hætti við að hætta og samdi við Barcelona Fótbolti Aþena með tuttugu stiga sigur í nýliðaslagnum Fótbolti „Þetta var ekki fallegt en við tökum tvö stigin“ Körfubolti Salah setti met í sigri Liverpool Fótbolti Haukar og HK sættust á stig eftir æsispennandi leik Handbolti Óvænt tap meistaranna og fimm marka fjör hjá Juventus Fótbolti Ofurvaramaðurinn með ótrúlegt mark til að tryggja Aston Villa sigur Fótbolti Þúsund Walesverjar í Dalnum og Åge kallar eftir hjálp Fótbolti Ekki ánægður með stöðu Hákons Rafns Fótbolti Fleiri fréttir „Þetta var ekki fallegt en við tökum tvö stigin“ Uppgjörið: Stjarnan - Keflavík 71-64 | Baráttuglaðar Stjörnustúlkur lögðu Íslandsmeistarana Ljónagryfjan kvödd: „Hérna var sagan skrifuð“ GAZið: „Ætla að reyna aðeins meira á mig“ Haukar og Valur byrja Bónus deildina á sigrum „Okkur fannst það skylda að klára með sigri“ Uppgjörið: Njarðvík - Grindavík 60-54 | Kvöddu Ljónagryfjuna með sigri Ljónagryfjan kvödd í kvöld Sævar og Stefán misstu andlitið í beinni: „Það leið næstum yfir mig“ Dikembe Mutombo látinn Enginn „heimsendir“ verði Keflavík ekki Íslandsmeistari Teitur valdi besta Íslendinginn í Bónus deildinni Taka inn nýjan mann eftir stutt stopp Franck í Þorlákshöfn Tryggvi með tíu í fyrsta leik Valsmenn neituðu að veita viðtöl „Mátti þetta ekki í Þýskalandi“ Martin magnaður í fyrsta sigrinum „Einhver náttúrulegasta þrenna sem ég hef séð“ Uppgjörið: Valur - Keflavík 88-98 | Öruggt hjá Keflavík og Finnur rekinn úr húsi Uppgjörið: Keflavík - Þór Ak. 82-86 | Þór skellti meisturunum Knicks og Timberwolves opna leikmannamarkaðinn með látum Ísold eltir annan draum: „Erfiðasta ákvörðun sem ég hef þurft að taka í lífinu“ Tryggvi Snær í riðlakeppni Evrópubikarsins Pavel: „Ég var brjálaður vísindamaður“ Meisturunum spáð sigri í Bónus deildunum Svona var kynningarfundurinn fyrir fyrir Bónus-deildirnar Álftanes lét Frakkann fara og samdi við Okeke Pavel nýr liðsmaður Bónus Körfuboltakvölds Helena verður á skjánum í vetur Derrick Rose leggur skóna á hilluna Sjá meira
KR-ingar voru einfaldlega númeri of sterkir fyrir annars spræka Hattarmenn í 87-78 sigri í DHL-höllinni í kvöld en botnlið deildarinnar leiddi allan fyrri hálfleik leiksins. Höttur byrjaði leikinn af krafti og leiddi í hálfleik með fjórum stigum en góður þriðji leikhluti KR-inga gerði útslagið fyrir Íslandsmeistarana. Áttu eflaust fæstir von á öðru en að leikmenn Hattar yrðu einfaldlega fallbyssufóður fyrir Íslandsmeistarana í KR en KR-ingar unnu fyrri leik liðanna með 35 stiga mun á Egilsstöðum. Áttu leikmenn Hattar í miklum vandræðum með allar sóknaraðgerðir í þeim leik og lauk leiknum 85-50 en leikplan liðsins var mun betra í fyrri hálfleik í kvöld. Gestirnir frá Egilsstöðum byrjuðu leikinn betur og voru einfaldlega skrefinu á undan frá fyrstu mínútu. Náði Höttur þegar mest var sjö stiga forskoti KR-ingar sem voru slakir í fyrsta leikhluta náðu að minnka muninn niður í eitt stig fyrir lok fyrsta leikhluta. Það sama var upp á teningunum í öðrum leikhluta. KR-ingar virtust einfaldlega ekki komast upp úr öðrum gír. Á sama tíma voru lykilleikmenn Hattar, Tobin Carberry og Mirko Stefán Virjevic að leika lausum hala í sóknarleiknum. Hattarmenn voru með forskotið lengst af í öðrum leikhluta og voru KR-ingar alltaf að eltast við spræka leikmenn Hattar sem tóku nokkuð óvænt fjögurra stiga forskot inn í hálfleikinn, 41-37. KR-ingar sýndu loksins sitt rétta andlit í þriðja leikhluta og voru ekki lengi að ná forskotinu. Sóknarleikur liðsins fór á flug og fóru þriggja stiga skot liðsins að detta á sama tíma og liðið herti skrúfurnar í varnarleiknum. Töpuðu Hattarmenn 7 boltum í þriðja leikhluta eftir að hafa aðeins tapað fjórum í fyrri hálfleik og nýttu KR-ingar sér það til hins ítrasta. Hittu KR-ingar úr sex þriggja stiga skotum með stuttu millibili og náðu 13 stiga forskoti fyrir lokaleikhlutann. Leikmenn Hattar voru hinsvegar ekkert á því að gefast upp í fjórða leikhluta og náðu að minnka muninn niður í sex stig um miðbik leikhlutans en þá virtust orkubirgðir liðsins einfaldlega vera á þrotum. Tobin Carberry gerði allt sitt besta til þess að halda liðinu inn í leiknum með 33 stig en aðrir leikmenn liðsins náðu ekki að styðja við bakið á honum á lokamínútum leiksins. Lauk leiknum með níu stiga sigri KR-inga sem geta andað léttar eftir að hafa sloppið með sigur í leik sem flestir töldu að yrði skyldusigur fyrir tvöfalda Íslandsmeistara. Brynjar Þór Björnsson fór fyrir liði KR með 24 stig en Craion bætti við 21 stigi eftir að hafa átt erfitt uppdráttar í upphafi leiksins. Í liði gestanna var það Carberry sem stóð upp úr með 33 stig og ellefu fráköst en Mirko náði sér ekki á strik í seinni hálfleik eftir frábæran fyrri hálfleik. Finnur: Komum allt of slakir til leiks„Maður á að þurfa að svitna fyrir sigrinum og við gerðum það ekki framan af. Við tökum stigunum tveimur fagnandi gegn mjög öflugu liði Hattar í dag,“ sagði Finnur Freyr Stefánsson, þjálfari KR, að leikslokum. Finnur segir að leikmenn liðsins hafi einfaldlega vanmetið andstæðing kvöldsins. „Þetta var bara einfaldlega vanmat. Við höfum verið að spila á móti liðum ofar í töflunni og síðan mætum við neðsta liðinu. Við komum allt of slakir til leiks og ég viðurkenni það alveg gegn liði sem má ekki vanmeta. Þótt þeir séu búnir að tapa þessum leikjum hafa þeir yfirleitt verið inn í leikjunum fram að lokaflautinu. Þeir gripu okkur með buxurnar niðri í fyrri hálfleik.“ Þrátt fyrir að hafa verið óvænt fjórum stigum undir í hálfleik sagðist Finnur ekki hafa tekið hárblásara-meðferðina á leikmennina í hálfleik. „Grunnatriði íþrótta er að leggja sig fram í hverjum leik og það fór því miður úrskeiðis í fyrri hálfleik. Við fórum einfaldlega yfir hlutina og það sem við þyrftum að kippa í lag í seinni hálfleiknum,“ sagði Finnur sem hrósaði mótherjum kvöldsins. „Hattarmenn spiluðu vel í kvöld og við lentum í stökustu vandræðum með Toby. Þegar okkur tókst svo að loka á Mirko steig Hreinn upp með stórar körfur.“ Hattarmenn hafa náð að standa í andstæðingum sínum í allan vetur en hafa aðeins náð að vinna einn leik. „Maður vorkennir eiginlega Hattarliðinu því þeir hafa spilað vel í mörgum leikjum en ekki fengið nægilega mörg stig. Ég vona að þeir haldi þessu áfram og þá fara stigin að koma,“ sagði Finnur að lokum. Viðar: Hefði verið auðvelt að brotna og tapa með 20-30 stigum„Það er alltaf jafn svekkjandi að tapa en ég er ánægður með frammistöðuna í dag. Ég held að við séum að gera rétta hluti,“ sagði Viðar Örn Hafsteinsson, þjálfari Hattar, brattur að leikslokum í kvöld. „Það er spennandi að koma hingað og mæta ríkjandi meisturunum og mér fannst við vera að gera vel. Þeir þrýstu okkur úr því sem við vorum að gera í þriðja leikhluta en við héldum áfram að berjast og gerðum sömu hlutina og við höfðum talað um fyrir leik,“ sagði Viðar sem hrósaði viðhorfi liðsins eftir áhlaup KR-inga í þriðja leikhluta. „Það hefði verið auðvelt fyrir botnliðið að brotna og tapa með 20 eða 30 stigum þegar þeir fóru á skrið en við kláruðum þetta vel og gerðum þetta að leik aftur í fjórða leikhluta.“ Viðar tók undir að leikplanið hefði gengið vel í upphafi leiks. „Þetta var það sem ég lagði upp með en við erum ekki að ná að vinna leiki. Við þurfum að fara að klára leiki og safna stigum en við höfum verið að gera mun betur eftir áramót,“ sagði Viðar sem viðurkenndi að verkefnið hefði verið erfitt. „Það er ekkert að því að segja það að KR er með mun betra lið en Höttur en við náðum að gera leik úr þessu. Við tökum þetta og setjum í reynslubankann, ég er ánægður með margt hjá strákunum,“ sagði Viðar og bætti við: „Við höfum verið að vinna í hugarfarinu og við erum að reyna að auka hraðann í leik okkar í þann gæðaflokk sem krafist er í úrvalsdeildinni. Við erum með nokkra leikmenn sem fólk þekkir ekki en eru að koma og standa sig vel inn á vellinum og það er hægt að byggja á þessu. Brynjar Þór: Vorum eins og lítil blóm í fyrri hálfleik„Þetta var mjög erfiður leikur, við vorum kraftlausir og litlir í okkur í fyrri hálfleik. Við vorum full viðkvæmir, eiginlega eins og lítil blóm en við stigum upp í seinni hálfleik,“ sagði Brynjar Þór Björnsson, leikmaður KR, aðspurður hvað hefði farið úrskeiðis í upphafi leiksins í kvöld. „Við gerðum nóg í þriðja leikhluta til þess að klára þennan leik en í fjórða leikhluti fórum við aftur í sama far sem var ekki nægilega gott.“ Brynjar tók undir orð þjálfarans að KR-ingar hefðu eflaust vanmetið leikmenn Hattar. „Ég var sjálfur full rólegur fyrir leikinn og ætlaði að njóta þess að spila en það fór á hina leiðina. Við vorum of flatir og vorum ekki tilbúnir til þess að hafa gaman af þessu,“ sagði Brynjar og bætti við: „Það var smá vanmat, við bjuggumst við sigri í þessum leik. Það má ekki vanmeta neitt lið í þessari deild sem betur fer. Vanmat kemur í bakið á liðum en okkur tókst að hafa þetta.“ Brynjar sagði að andrúmsloftið hefði verið rólegt í hálfleik þrátt fyrir að vera óvænt undir. „Finnur var rólegur. Hann skyldi það vel hvað hefði farið úrskeiðis. Við erum búnir að vera í erfiðri törn í janúar gegn toppliðunum í deildinni og í bikar og hann skyldi að menn hefðu komið aðeins rólegri inn í þennan leik. Hann vissi að ef við myndum stíga upp myndi þetta ganga upp.“Tweets by @VisirKarfa2
Dominos-deild karla Mest lesið Schumacher sást meðal fólks í fyrsta sinn í ellefu ár Formúla 1 Hætti við að hætta og samdi við Barcelona Fótbolti Aþena með tuttugu stiga sigur í nýliðaslagnum Fótbolti „Þetta var ekki fallegt en við tökum tvö stigin“ Körfubolti Salah setti met í sigri Liverpool Fótbolti Haukar og HK sættust á stig eftir æsispennandi leik Handbolti Óvænt tap meistaranna og fimm marka fjör hjá Juventus Fótbolti Ofurvaramaðurinn með ótrúlegt mark til að tryggja Aston Villa sigur Fótbolti Þúsund Walesverjar í Dalnum og Åge kallar eftir hjálp Fótbolti Ekki ánægður með stöðu Hákons Rafns Fótbolti Fleiri fréttir „Þetta var ekki fallegt en við tökum tvö stigin“ Uppgjörið: Stjarnan - Keflavík 71-64 | Baráttuglaðar Stjörnustúlkur lögðu Íslandsmeistarana Ljónagryfjan kvödd: „Hérna var sagan skrifuð“ GAZið: „Ætla að reyna aðeins meira á mig“ Haukar og Valur byrja Bónus deildina á sigrum „Okkur fannst það skylda að klára með sigri“ Uppgjörið: Njarðvík - Grindavík 60-54 | Kvöddu Ljónagryfjuna með sigri Ljónagryfjan kvödd í kvöld Sævar og Stefán misstu andlitið í beinni: „Það leið næstum yfir mig“ Dikembe Mutombo látinn Enginn „heimsendir“ verði Keflavík ekki Íslandsmeistari Teitur valdi besta Íslendinginn í Bónus deildinni Taka inn nýjan mann eftir stutt stopp Franck í Þorlákshöfn Tryggvi með tíu í fyrsta leik Valsmenn neituðu að veita viðtöl „Mátti þetta ekki í Þýskalandi“ Martin magnaður í fyrsta sigrinum „Einhver náttúrulegasta þrenna sem ég hef séð“ Uppgjörið: Valur - Keflavík 88-98 | Öruggt hjá Keflavík og Finnur rekinn úr húsi Uppgjörið: Keflavík - Þór Ak. 82-86 | Þór skellti meisturunum Knicks og Timberwolves opna leikmannamarkaðinn með látum Ísold eltir annan draum: „Erfiðasta ákvörðun sem ég hef þurft að taka í lífinu“ Tryggvi Snær í riðlakeppni Evrópubikarsins Pavel: „Ég var brjálaður vísindamaður“ Meisturunum spáð sigri í Bónus deildunum Svona var kynningarfundurinn fyrir fyrir Bónus-deildirnar Álftanes lét Frakkann fara og samdi við Okeke Pavel nýr liðsmaður Bónus Körfuboltakvölds Helena verður á skjánum í vetur Derrick Rose leggur skóna á hilluna Sjá meira