Alfreð Finnbogason, landsliðsmaður í fótbolta, er genginn í raðir þýska 1. deildar liðsins FC Augsburg, en þetta kemur fram á heimasíðu liðsins. Alfreð kemur til þýska liðsins frá Olympiacos í Grikklandi þaðan sem hann var í láni frá spænska liðinu Real Sociedad.
Sociedad keypti Alfreð fyrir sjö og hálfa milljón evra sumarið 2014 eftir að hann varð markahæsti leikmaður hollensku úrvalsdeildarinnar, en Alfreð náði sér aldrei á strik á Spáni.
Hjá Olympiacos hefur Alfreð heldur ekki fengið mikið að spila, en hann varð samt annar Íslendingurinn til að skora í Meistaradeildinni þegar hann tryggði Olympiacos útivallarsigur í Meistaradeildinni gegn Arsenal. Það var jafnframt fyrsti sigur gríska liðsins á enskri grundu.
Alfreð byrjaði aðeins tvo leiki fyrir Olympiacos í deildinni og kom inn af bekknum fimm sinnum, en hann var ekki í leikmannahópnum í janúarmánuði og tilkynnti félaginu að hann vildi fara. Olympiacos sagði því upp lánsamningi hans.
Augsburg fær Alfreð Finnbogason á láni frá spænska félaginu út tímabilið en liðið er á mikilli uppleið eftir að hafa rokkað á milli 2. og 3. deildar í Þýskalandi um árabil.
Augsburg komst upp í 1. deildina 2011 og eftir að vera í fallbaráttu fyrstu tvö tímabili hafnaði liðið í áttunda sæti 2014 og í fimmta sæti í fyrra. Þar með náði liðið í fyrsta sinn í Evrópusæti. Það er sem stendur í tólfta sæti þýsku 1. deildarinnar. Liðið byrjaði tímabilið illa en er nú ósigrað í síðustu sjö leikjum í deildinni; unnið fjóra leiki og gert þrjú jafntefli.
365 fékk um áramótin sýningarréttinn á þýska boltanum og verður því hægt að sjá Alfreð í beinni útsendingu reglulega. Um næstu helgi mætir liðið Ingolstadt á útivelli en aðra helgi er komið að stórleik gegn Þýskalandsmeisturum Bayern München.
Augsburg er sjötta lið Alfreðs í sex löndum í atvinnumennsku. Eftir að hann varð bikar- og Íslandsmeistari með Breiðabliki hefur Alfreð spilað með Lokeren í Belgíu, Helsingborg í Svíþjóð, Heerenveen í Hollandi, Real Sociedad á Spáni og nú síðast Olympiacos í Grikklandi.
Alfreð lánaður til Augsburg
Tengdar fréttir
„Fáránleg ákvörðun að setja framherja sem skorar sigurmark á bekkinn“
Alfreð Finnbogason og félagar í Olympiakos mæta Bayern München á hinum magnaða Allianz-leikvangi í München. Alfreð er ósáttur við hversu lítið hann hefur fengið að spila.
UEFA.com segir líklegt að Alfreð taki byrjunarliðssætið af Jóni Daða
Íslenska karlalandsliðið í fótbolta fær mikla athygli á næstu dögum enda allar helstu knattspyrnuþjóðir Evrópu farnar að telja niður fyrir EM-dráttinn á laugardaginn.
Alfreð farinn frá Olympiakos | Hafnaði tilboði úr MLS-deildinni
Spænska blaðið AS greinir frá því í dag að grísku meistararnir hafi komist að samkomulagi um að rifta lánssamningi við Alfreð Finnbogason en hann hefur neitað tilboði frá liði í MLS-deildinni.
Alfreð ónotaður varamaður í áttunda sinn
Alfreð Finnbogason kom ekki við sögu þegar Olympiacos vann sinn fjórtánda sigur í röð í grísku úrvalsdeildinni í fótbolta í dag.
Alfreð sagður of dýr fyrir Celtic
Landsliðsframherjinn enn og aftur til umfjöllunar í skoskum miðlum.
Alfreð nú orðaður við Augsburg
Gæti farið frá Grikklandi strax í janúar ef marka má fréttir grískra miðla.
Alfreð skoraði þegar hann fékk loksins tækifæri
Alfreð Finnbogason fékk loksins tækifæri í byrjunarliði Olympiakos í dag og skoraði eittt af mörkum liðsins í 4-3 sigri.
„Stundum spurt mig hvers vegna ég sé að þessu“
Alfreð Finnbogason hefur upplifað rosalega góða tíma og alls ekki svo góða á fimm árum í atvinnmennsku. Þrátt fyrir að spila lítið með landsliðinu finnst honum hann vera hluti af hópnum.
Alfreð um landsliðið: Var búinn að kalla eftir tækifærum
"Ég held að ég hafi ekki gert neitt slæmt í þessum landsleikjum,“ segir Alfreð Finnbogason um nýafstaðna landsleikjatörn Íslands.
