Umfjöllun og viðtöl: Grótta - Akureyri 30-30 | Jafnt á Nesinu Ingvi Þór Sæmundsson skrifar 17. mars 2016 21:15 Aron Dagur Pálsson, leikmaður Gróttu. vísir/vilhelm Grótta og Akureyri skildu jöfn, 30-30, í 25. umferð Olís-deildar karla í handbolta í kvöld. Eftir jafnar upphafsmínútur náði Grótta undirtökunum og leiddi nær allan leikinn. Heimamenn náðu mest fimm marka forystu, 20-15, í upphafi seinni hálfleiks en gestirnir að norðan gáfust ekki upp, komu sér inn í leikinn og náðu að tryggja sér annað stigið. Það var fátt um varnir í fyrri hálfleik sem sést á því að alls voru 33 mörk skoruð. Skotnýting liðanna var einnig frábær; 75% hjá Gróttu og 71% hjá Akureyri. Viggó Kristjánsson var mjög grimmur í fyrri hálfleik og skoraði fimm mörk fyrir Gróttu en hjá Akureyri bar mest á tveimur mönnum; Bergvini Þór Gíslasyni sem skoraði sex mörk og Halldóri Loga Árnasyni sem skoraði fjögur mörk úr jafn mörgum skotum af línunni. Leikurinn var mjög jafn framan af en um miðbik fyrri hálfleiks fóru Akureyringar að tapa boltanum í tíma og ótíma og fengu fyrir vikið hraðaupphlaup í bakið. Varnarleikur Gróttu skánaði eftir að þeir bökkuðu niður í 6-0 vörn og heimamenn náðu góðum tökum á leiknum þrátt fyrir litla markvörslu. Hreiðar Levý Guðmundsson átti heldur ekki sinn besta dag í marki Akureyrar en honum var vorkunn að standa fyrir aftan mígleka vörn Norðanmanna. Grótta náði mest fjögurra marka forskoti í fyrri hálfleik en þremur mörkum munaði á liðunum, 18-15, þegar þau gengu til búningsherbergja. Heimamenn byrjuðu seinni hálfleikinn betur og eftir mörk frá Viggó og Finni Inga Stefánssyni var munurinn orðinn fimm mörk, 20-15. Akureyringar voru lengi í gang í seinni hálfleik en héldu sér inni í leiknum með góðum sóknarleik þar sem Sigþór Árni Heimisson fór fremstur í flokki. Sigþór átti ekkert sérstakan fyrri hálfleik en hann blómstraði í þeim seinni þar sem hann skoraði sjö af átta mörkum sínum. Framlag Sigþórs var sérstaklega mikilvægt þar sem Bergvin var ekki jafn áberandi í seinni hálfleik og hann var í þeim fyrri. Þá gekk gestunum bölvanlega að opna hornin fyrir sína öflugu hornamenn, Kristján Orra Jóhannsson og Heiðar Þór Aðalsteinsson, en þeir skoruðu aðeins eitt mark úr opnum leik í kvöld. Sigþór dró Akureyringa aftur inn í leikinn en það gekk ekkert að jafna metin fyrr en Tomas Olason kom í markið um miðjan seinni hálfleik. Tomas varði fimm skot (45%) á lokakaflanum og hefði að ósekju mátt koma fyrr inn á. Halldór Logi jafnaði metin í 24-24 en Grótta svaraði með þremur mörkum og náði frumkvæðinu á nýjan leik. Seltirningar voru í kjörstöðu til að tryggja sér sigurinn, tveimur mörkum yfir (30-28) þegar tvær mínútur voru eftir. En Norðanmenn sýndu styrk og Ingimundur Ingimundarson jafnaði metin í 30-30 eftir að hafa stolið boltanum glæsilega. Grótta fékk annan möguleika til að tryggja sér sigurinn þegar Róbert Sigurðarson fékk tveggja mínútna brottvísun á lokamínútunni. En Aron Dagur Pálsson kastaði þeim möguleika á glæ þegar hann átti skelfilega línusendingu. Akureyri fékk lokasóknina sem var ekki nógu vel útfærð og því sættust liðin á skiptan hlut. Lokatölur 30-30. Viggó var markahæstur í liði Gróttu með níu mörk en Finnur kom næstur með sex. Hjá Akureyri var Sigþór markahæstur með átta mörk en Bergvin og Halldór Logi komu næstir með sjö og sex mörk.Gunnar: Vorum í dauðafæri til að klára leikinn Gunnar Andrésson, þjálfari Gróttu, var ósáttur að fá ekki bæði stigin gegn Akureyri í kvöld. "Ég er ansi svekktur, mér fannst þetta vera tapað stig. Við erum fimm mörkum yfir og með alla stjórn á leiknum en við spiluðum það einhvern veginn frá okkur," sagði Gunnar eftir leik. Grótta fékk upplagt tækifæri til að tryggja sér sigurinn, einum fleiri og með boltann á lokamínútunni. En lokasóknin fór illa, Aron Dagur Pálsson átti slaka línusendingu og boltinn tapaðist. "Við erum í dauðafæri til að klára leikinn, einum fleiri, en þá kom hörmungar línusending. Það var ekki nógu góð ákvörðun og ég held að Aron viti alveg af því. Þeir áttu lokasóknina og hefðu getað stolið þessu," sagði Gunnar sem var ekki nógu sáttur við vörn og markvörslu hjá Seltirningum í kvöld en þeir söknuðu varnarjaxlsins Þráins Orra Jónssonar. "Við skoruðum 30 mörk og sóknarleikurinn var ekki vandamálið. Það var varnarleikurinn, við fengum of mörg klaufamörk á okkur. Við töluðum um það fyrir leikinn en leystum það ekki. Svo fengum við ekki markvörslu eins og við höfum fengið að undanförnu," sagði þjálfarinn. Grótta hefur aðeins fengið tvö stig úr síðustu fjórum leikjum sínum, eða eftir bikarúrslitaleikinn gegn Val. Finnst Gunnari eins og sínir menn séu að bíða eftir úrslitakeppninni sem er handan við hornið? "Ég hreinlega veit það ekki. Ég spurði mig reyndar þessarar spurningar í klefanum fyrir leikinn því mér fannst andrúmsloftið frekar rólegt," sagði Gunnar. "Við höfum ekkert efni á því. Við erum í dauðafæri til að koma okkur ofar í deildinni og það er eitthvað að ef við ætlum ekki að nýta það tækifæri."Sverre: Vorum í mótvindi allan leikinn Sverre Jakobsson, þjálfari Akureyrar, var nokkuð sáttur með stigið sem hans menn fengu á Nesinu í kvöld. "Þetta er unnið stig. Við komum auðvitað hingað til að vinna og taka bæði stigin en miðað við hvernig leikurinn þróaðist vorum við í mótvindi allan tímann," sagði Sverre. "Við náðum ekki að klukka þá í vörninni í fyrri hálfleik en spiluðum mjög góðan sóknarleik sem hefur verið okkar vandamál í nokkurn tíma. Við héldum fókus út leikinn og það er jákvætt að skora 30 mörk gegn tveimur mismunandi varnarafbrigðum. "Vörnin kom í seinni hálfleik en þetta var rosalega erfitt. Við vorum alltaf að synda á móti straumnum en ég er gríðarlega ánægður með liðið að koma alltaf til baka." Tomas Olason átti góða innkomu í mark Akureyrar en hefði Sverre átt að setja hann fyrr inn á? "Það eru alltaf þessar helvítis ákvarðanir sem maður þarf að taka. Alltaf þegar við ætluðum að taka Hreiðar út af tók hann eitt og eitt skot og hélt sér á lífi," sagði Sverre. "En svo kom að því að við þurftum að prófa eitthvað nýtt. Tomas er flottur, þeir eru báðir flottir, og þetta er lúxusvandamál." Akureyri á þrjá leiki eftir og getur enn náð heimavallarrétti í úrslitakeppninni. "Möguleikinn er til staðar en við verðum bara að taka einn leik fyrir í einu. Við höfum gert það í allan vetur," sagði Sverre að lokum. Olís-deild karla Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti KR kærir og segir KSÍ mismuna félögum Íslenski boltinn „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Frakkar rétt sluppu inn í átta liða úrslitin Sjá meira
Grótta og Akureyri skildu jöfn, 30-30, í 25. umferð Olís-deildar karla í handbolta í kvöld. Eftir jafnar upphafsmínútur náði Grótta undirtökunum og leiddi nær allan leikinn. Heimamenn náðu mest fimm marka forystu, 20-15, í upphafi seinni hálfleiks en gestirnir að norðan gáfust ekki upp, komu sér inn í leikinn og náðu að tryggja sér annað stigið. Það var fátt um varnir í fyrri hálfleik sem sést á því að alls voru 33 mörk skoruð. Skotnýting liðanna var einnig frábær; 75% hjá Gróttu og 71% hjá Akureyri. Viggó Kristjánsson var mjög grimmur í fyrri hálfleik og skoraði fimm mörk fyrir Gróttu en hjá Akureyri bar mest á tveimur mönnum; Bergvini Þór Gíslasyni sem skoraði sex mörk og Halldóri Loga Árnasyni sem skoraði fjögur mörk úr jafn mörgum skotum af línunni. Leikurinn var mjög jafn framan af en um miðbik fyrri hálfleiks fóru Akureyringar að tapa boltanum í tíma og ótíma og fengu fyrir vikið hraðaupphlaup í bakið. Varnarleikur Gróttu skánaði eftir að þeir bökkuðu niður í 6-0 vörn og heimamenn náðu góðum tökum á leiknum þrátt fyrir litla markvörslu. Hreiðar Levý Guðmundsson átti heldur ekki sinn besta dag í marki Akureyrar en honum var vorkunn að standa fyrir aftan mígleka vörn Norðanmanna. Grótta náði mest fjögurra marka forskoti í fyrri hálfleik en þremur mörkum munaði á liðunum, 18-15, þegar þau gengu til búningsherbergja. Heimamenn byrjuðu seinni hálfleikinn betur og eftir mörk frá Viggó og Finni Inga Stefánssyni var munurinn orðinn fimm mörk, 20-15. Akureyringar voru lengi í gang í seinni hálfleik en héldu sér inni í leiknum með góðum sóknarleik þar sem Sigþór Árni Heimisson fór fremstur í flokki. Sigþór átti ekkert sérstakan fyrri hálfleik en hann blómstraði í þeim seinni þar sem hann skoraði sjö af átta mörkum sínum. Framlag Sigþórs var sérstaklega mikilvægt þar sem Bergvin var ekki jafn áberandi í seinni hálfleik og hann var í þeim fyrri. Þá gekk gestunum bölvanlega að opna hornin fyrir sína öflugu hornamenn, Kristján Orra Jóhannsson og Heiðar Þór Aðalsteinsson, en þeir skoruðu aðeins eitt mark úr opnum leik í kvöld. Sigþór dró Akureyringa aftur inn í leikinn en það gekk ekkert að jafna metin fyrr en Tomas Olason kom í markið um miðjan seinni hálfleik. Tomas varði fimm skot (45%) á lokakaflanum og hefði að ósekju mátt koma fyrr inn á. Halldór Logi jafnaði metin í 24-24 en Grótta svaraði með þremur mörkum og náði frumkvæðinu á nýjan leik. Seltirningar voru í kjörstöðu til að tryggja sér sigurinn, tveimur mörkum yfir (30-28) þegar tvær mínútur voru eftir. En Norðanmenn sýndu styrk og Ingimundur Ingimundarson jafnaði metin í 30-30 eftir að hafa stolið boltanum glæsilega. Grótta fékk annan möguleika til að tryggja sér sigurinn þegar Róbert Sigurðarson fékk tveggja mínútna brottvísun á lokamínútunni. En Aron Dagur Pálsson kastaði þeim möguleika á glæ þegar hann átti skelfilega línusendingu. Akureyri fékk lokasóknina sem var ekki nógu vel útfærð og því sættust liðin á skiptan hlut. Lokatölur 30-30. Viggó var markahæstur í liði Gróttu með níu mörk en Finnur kom næstur með sex. Hjá Akureyri var Sigþór markahæstur með átta mörk en Bergvin og Halldór Logi komu næstir með sjö og sex mörk.Gunnar: Vorum í dauðafæri til að klára leikinn Gunnar Andrésson, þjálfari Gróttu, var ósáttur að fá ekki bæði stigin gegn Akureyri í kvöld. "Ég er ansi svekktur, mér fannst þetta vera tapað stig. Við erum fimm mörkum yfir og með alla stjórn á leiknum en við spiluðum það einhvern veginn frá okkur," sagði Gunnar eftir leik. Grótta fékk upplagt tækifæri til að tryggja sér sigurinn, einum fleiri og með boltann á lokamínútunni. En lokasóknin fór illa, Aron Dagur Pálsson átti slaka línusendingu og boltinn tapaðist. "Við erum í dauðafæri til að klára leikinn, einum fleiri, en þá kom hörmungar línusending. Það var ekki nógu góð ákvörðun og ég held að Aron viti alveg af því. Þeir áttu lokasóknina og hefðu getað stolið þessu," sagði Gunnar sem var ekki nógu sáttur við vörn og markvörslu hjá Seltirningum í kvöld en þeir söknuðu varnarjaxlsins Þráins Orra Jónssonar. "Við skoruðum 30 mörk og sóknarleikurinn var ekki vandamálið. Það var varnarleikurinn, við fengum of mörg klaufamörk á okkur. Við töluðum um það fyrir leikinn en leystum það ekki. Svo fengum við ekki markvörslu eins og við höfum fengið að undanförnu," sagði þjálfarinn. Grótta hefur aðeins fengið tvö stig úr síðustu fjórum leikjum sínum, eða eftir bikarúrslitaleikinn gegn Val. Finnst Gunnari eins og sínir menn séu að bíða eftir úrslitakeppninni sem er handan við hornið? "Ég hreinlega veit það ekki. Ég spurði mig reyndar þessarar spurningar í klefanum fyrir leikinn því mér fannst andrúmsloftið frekar rólegt," sagði Gunnar. "Við höfum ekkert efni á því. Við erum í dauðafæri til að koma okkur ofar í deildinni og það er eitthvað að ef við ætlum ekki að nýta það tækifæri."Sverre: Vorum í mótvindi allan leikinn Sverre Jakobsson, þjálfari Akureyrar, var nokkuð sáttur með stigið sem hans menn fengu á Nesinu í kvöld. "Þetta er unnið stig. Við komum auðvitað hingað til að vinna og taka bæði stigin en miðað við hvernig leikurinn þróaðist vorum við í mótvindi allan tímann," sagði Sverre. "Við náðum ekki að klukka þá í vörninni í fyrri hálfleik en spiluðum mjög góðan sóknarleik sem hefur verið okkar vandamál í nokkurn tíma. Við héldum fókus út leikinn og það er jákvætt að skora 30 mörk gegn tveimur mismunandi varnarafbrigðum. "Vörnin kom í seinni hálfleik en þetta var rosalega erfitt. Við vorum alltaf að synda á móti straumnum en ég er gríðarlega ánægður með liðið að koma alltaf til baka." Tomas Olason átti góða innkomu í mark Akureyrar en hefði Sverre átt að setja hann fyrr inn á? "Það eru alltaf þessar helvítis ákvarðanir sem maður þarf að taka. Alltaf þegar við ætluðum að taka Hreiðar út af tók hann eitt og eitt skot og hélt sér á lífi," sagði Sverre. "En svo kom að því að við þurftum að prófa eitthvað nýtt. Tomas er flottur, þeir eru báðir flottir, og þetta er lúxusvandamál." Akureyri á þrjá leiki eftir og getur enn náð heimavallarrétti í úrslitakeppninni. "Möguleikinn er til staðar en við verðum bara að taka einn leik fyrir í einu. Við höfum gert það í allan vetur," sagði Sverre að lokum.
Olís-deild karla Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti KR kærir og segir KSÍ mismuna félögum Íslenski boltinn „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Dagur og Króatía úr leik á Ólympíuleikunum í París Gidsel getur klárað einstaka markakóngsþrennu á þessum leikum Frakkar rétt sluppu inn í átta liða úrslitin Sjá meira