Umfjöllun og viðtöl: Haukar - Grótta 36-28 | Haukar deildarmeistarar Guðmundur Marinó Ingvarsson skrifar 14. mars 2016 21:30 Vísir/Vilhelm Haukar tryggðu sér deildarmeistaratitilinn í handbolta með öruggum sigri á Gróttu 36-28 á heimavelli sínum í 24. umferð Olís deildar karla í kvöld. Haukar voru 19-10 yfir í hálfleik. Eins og tölurnar gefa til kynna voru yfirburðir Hauka miklir í leiknum. Liðið var einfaldlega betra á öllum sviðum leiksins og gerði út um leikinn í fyrri hálfleik. Haukar gátu skorað nánast að vild allan leikinn og náði mest 12 marka forystu en Grótta gerði sitt besta til að bjarga andlitinu í lokin og minnkaði muninn í átta mörk. Það eru enn þrjár umferðir eftir af deildarkeppninni en Haukar búnir að tryggja sér titilinn þar sem liðið er sex stigum á undan Val og með betri árangur úr innbyrðis viðureignum. Grótta er í sjötta sæti deildarinnar en er öruggt með sæti í deildinni að ári þar sem ÍR náði ekki að vinna Aftureldingu í kvöld. Breiddin er mikil í liði Hauka og dreifðist markaskor mikið á leikmenn liðsins. Alls skoruðu tíu leikmenn liðsins en enginn meira en línumaðurinn Heimir Óli Heimisson sem skoraði sex mörk. Finnur Ingi Stefánsson var atkvæðamestur hjá Gróttu en Styrmir Sigurðsson og Vilhjálmur Geir Hauksson áttu góða spretti í seinni hálfleik. Gunnar Magnússon: Ætlum að taka næsta titil líka„Við einbeittum okkur bara á að vinna þennan leik og koma til baka eftir dapran leik síðast,“ sagði Gunnar Magnússon þjálfari Hauka sem vísaði þar til jafnteflisins gegn FH í síðustu umferð. „Það er frábært að vera búinn að klára þetta þegar þrjár umferðir eru eftir. Það er stórkostlegt,“ sagði þjálfari deildarmeistaranna. „Við vorum miklu betri. Við mættum klárir og slátruðum þessu í fyrri hálfleik. Seinni hálfleikur var bara formsatriði. „Þegar við lendum í mótlæti og eigum lélega leiki þá mætum við alltaf tvíefldir til leiks og það einkennir góð lið. Það hefur einkennt okkur í vetur,“ sagði Gunnar sem hafði engar áhyggjur af því þó varnarleikur Hauka í seinni hálfleik hafi ekki verið eins góður og í þeim fyrri. „Mannskepnan er þeim eiginleikum gædd að þegar þú færð tækifæri til að slaka á þá slakar þú á. Það er ekkert óeðlilegt. „Forskotið var gott og menn gerðu það sem þurfti,“ sagði Gunnar sem fagnaði því að hafa fullkomnað þrennuna í íslenskum handbolta. „Persónulega er ég mjög ánægður. Ég varð Íslandsmeistari fyrir tveimur árum, bikarmeistari í fyrri og ég átti þennan eftir. Nú er ég búinn að ná þeim öllum og þá er að byrja upp á nýtt. „Það er einn titill eftir í vetur. Við ætlum okkur hann. Nú er að halda dampi og koma inn í úrslitakeppnina á góðri siglingu.“ Gunnar reiknar með að geta leyft þeim leikmönnum sem þurfa að gera að sárum sínum fyrir úrslitakeppnina að fá betri tíma til þess þó liðið muni ekkert gefa eftir í síðustu umferðum deildarkeppninnar. „Það eru nokkrir gamli þreyttir sem þurfa smá meðhöndlun og pásu. En við þurfum að halda dampi og klára mars af krafti. „Við höfum spilað frábærlega. Þessi titill er ávísun á að tímabilið hafi verið gott. Við höfum verið jafnastir og bestir í deildinni í vetur. „Við vitum að það telur ekki í úrslitakeppninni. Þá kemur ný keppni og Haukar hafa brennt sig á því að hafa klárað deildina en ekki úrslitakeppnina. Við ætlum að nýta okkur þá reynslu og undirbúa okkur vel fyrir aprílmánuð og taka næsta titil líka. Matthías Árni: Fáum kannski páskafrí sem veitir ekki afVarnarjaxlinn Matthías Árni Ingimarsson fyrirliði Hauka hafði ekkert hugsað út í það að Haukar gætu orðið deildarmeistarar í kvöld fyrr en hann fékk að heyra fréttirnar eftir sigurinn á Gróttu í kvöld. „Ég vissi ekki af þessu fyrr en þetta var tilkynnt hérna í kerfinu. Ég hafði ekki hugmynd um að þetta gæti gerst,“ sagði Matthías. „Við ætluðum bara að svara fyrir FH-leikinn og bæta fyrir það sem fór úrskeiðis í honum. Mér fannst við gera það mjög vel, bæði í vörn og sókn. „Við náðum að rótera liðinu mjög vel líka sem er alltaf frábært,“ sagði Matthías. Matthías var að vonum ánægður með leik Hauka í kvöld og þá ekki síst fyrri hálfleikinn þegar Haukar gerðu út um leikinn. „Við hefðum getað verið með enn betra forskot í hálfleik en við vorum með gott forskot og bættum við sem var mjög gott. „Við munum halda áfram á sömu braut þó menn fái kannski páskafrí sem veitir ekki af,“ sagði Matthías aðspurður hvort hann byggist við að fá einhverja hvíld í síðustu leikjum deildarkeppninnar. „Það er aðeins minna álag en var fyrir jólin en menn eru enn aðeins að jafna sig eftir það. Það tekur tíma. „Við vitum sjálfir að það er gott að koma á góðu skriði inn í úrslitakeppnina. Við sáum það í fyrra og höfum séð lið eins og HK og Fram gera það á síðustu árum,“ sagði fyrirliði Hauka að lokum. Gunnar Andrésson: Áttum ekki möguleika„Við vorum að spila við hrikalega gott lið í fyrri hálfleik sem yfirspilaði okkur,“ sagði Gunnar Andrésson þjálfari Gróttu. „Við áttum lítil svör við þeirra leik. Þeir keyrðu á okkur þegar við vorum að reyna að skipta einum, til tveimur á milli varnar og sóknar. Þeir nýttu sér það. „Það sem við gerðum líka rangt að var að fara á þeirra hraða. Við hefðum þurft að stjórna hraðanum til að eiga möguleika í þennan leik. Við réðum ekkert við þennan hraða og leikurinn var nánast búinn í hálfleik. „Mér fannst við vera að spila við ótrúlega sterkt Haukalið í kvöld og við áttum ekki möguleika,“ sagði Gunnar. Olís-deild karla Mest lesið Fékk rautt spjald fyrir að pissa Fótbolti Vill eignast lið í hverri heimsálfu Fótbolti Hafþór Júlíus annar sterkasti maður jarðar: Setti tvö heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Bronshetja Svía í bann fyrir mótmælin Sport Segir Sterling hafa brugðist liðsfélögum sínum Enski boltinn Dagur Árni í liði mótsins á EM Handbolti Níræð tugþrautarkona með 35 heimsmet Sport Vonbrigði í fyrsta leik Mbappé á Spáni Fótbolti Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira
Haukar tryggðu sér deildarmeistaratitilinn í handbolta með öruggum sigri á Gróttu 36-28 á heimavelli sínum í 24. umferð Olís deildar karla í kvöld. Haukar voru 19-10 yfir í hálfleik. Eins og tölurnar gefa til kynna voru yfirburðir Hauka miklir í leiknum. Liðið var einfaldlega betra á öllum sviðum leiksins og gerði út um leikinn í fyrri hálfleik. Haukar gátu skorað nánast að vild allan leikinn og náði mest 12 marka forystu en Grótta gerði sitt besta til að bjarga andlitinu í lokin og minnkaði muninn í átta mörk. Það eru enn þrjár umferðir eftir af deildarkeppninni en Haukar búnir að tryggja sér titilinn þar sem liðið er sex stigum á undan Val og með betri árangur úr innbyrðis viðureignum. Grótta er í sjötta sæti deildarinnar en er öruggt með sæti í deildinni að ári þar sem ÍR náði ekki að vinna Aftureldingu í kvöld. Breiddin er mikil í liði Hauka og dreifðist markaskor mikið á leikmenn liðsins. Alls skoruðu tíu leikmenn liðsins en enginn meira en línumaðurinn Heimir Óli Heimisson sem skoraði sex mörk. Finnur Ingi Stefánsson var atkvæðamestur hjá Gróttu en Styrmir Sigurðsson og Vilhjálmur Geir Hauksson áttu góða spretti í seinni hálfleik. Gunnar Magnússon: Ætlum að taka næsta titil líka„Við einbeittum okkur bara á að vinna þennan leik og koma til baka eftir dapran leik síðast,“ sagði Gunnar Magnússon þjálfari Hauka sem vísaði þar til jafnteflisins gegn FH í síðustu umferð. „Það er frábært að vera búinn að klára þetta þegar þrjár umferðir eru eftir. Það er stórkostlegt,“ sagði þjálfari deildarmeistaranna. „Við vorum miklu betri. Við mættum klárir og slátruðum þessu í fyrri hálfleik. Seinni hálfleikur var bara formsatriði. „Þegar við lendum í mótlæti og eigum lélega leiki þá mætum við alltaf tvíefldir til leiks og það einkennir góð lið. Það hefur einkennt okkur í vetur,“ sagði Gunnar sem hafði engar áhyggjur af því þó varnarleikur Hauka í seinni hálfleik hafi ekki verið eins góður og í þeim fyrri. „Mannskepnan er þeim eiginleikum gædd að þegar þú færð tækifæri til að slaka á þá slakar þú á. Það er ekkert óeðlilegt. „Forskotið var gott og menn gerðu það sem þurfti,“ sagði Gunnar sem fagnaði því að hafa fullkomnað þrennuna í íslenskum handbolta. „Persónulega er ég mjög ánægður. Ég varð Íslandsmeistari fyrir tveimur árum, bikarmeistari í fyrri og ég átti þennan eftir. Nú er ég búinn að ná þeim öllum og þá er að byrja upp á nýtt. „Það er einn titill eftir í vetur. Við ætlum okkur hann. Nú er að halda dampi og koma inn í úrslitakeppnina á góðri siglingu.“ Gunnar reiknar með að geta leyft þeim leikmönnum sem þurfa að gera að sárum sínum fyrir úrslitakeppnina að fá betri tíma til þess þó liðið muni ekkert gefa eftir í síðustu umferðum deildarkeppninnar. „Það eru nokkrir gamli þreyttir sem þurfa smá meðhöndlun og pásu. En við þurfum að halda dampi og klára mars af krafti. „Við höfum spilað frábærlega. Þessi titill er ávísun á að tímabilið hafi verið gott. Við höfum verið jafnastir og bestir í deildinni í vetur. „Við vitum að það telur ekki í úrslitakeppninni. Þá kemur ný keppni og Haukar hafa brennt sig á því að hafa klárað deildina en ekki úrslitakeppnina. Við ætlum að nýta okkur þá reynslu og undirbúa okkur vel fyrir aprílmánuð og taka næsta titil líka. Matthías Árni: Fáum kannski páskafrí sem veitir ekki afVarnarjaxlinn Matthías Árni Ingimarsson fyrirliði Hauka hafði ekkert hugsað út í það að Haukar gætu orðið deildarmeistarar í kvöld fyrr en hann fékk að heyra fréttirnar eftir sigurinn á Gróttu í kvöld. „Ég vissi ekki af þessu fyrr en þetta var tilkynnt hérna í kerfinu. Ég hafði ekki hugmynd um að þetta gæti gerst,“ sagði Matthías. „Við ætluðum bara að svara fyrir FH-leikinn og bæta fyrir það sem fór úrskeiðis í honum. Mér fannst við gera það mjög vel, bæði í vörn og sókn. „Við náðum að rótera liðinu mjög vel líka sem er alltaf frábært,“ sagði Matthías. Matthías var að vonum ánægður með leik Hauka í kvöld og þá ekki síst fyrri hálfleikinn þegar Haukar gerðu út um leikinn. „Við hefðum getað verið með enn betra forskot í hálfleik en við vorum með gott forskot og bættum við sem var mjög gott. „Við munum halda áfram á sömu braut þó menn fái kannski páskafrí sem veitir ekki af,“ sagði Matthías aðspurður hvort hann byggist við að fá einhverja hvíld í síðustu leikjum deildarkeppninnar. „Það er aðeins minna álag en var fyrir jólin en menn eru enn aðeins að jafna sig eftir það. Það tekur tíma. „Við vitum sjálfir að það er gott að koma á góðu skriði inn í úrslitakeppnina. Við sáum það í fyrra og höfum séð lið eins og HK og Fram gera það á síðustu árum,“ sagði fyrirliði Hauka að lokum. Gunnar Andrésson: Áttum ekki möguleika„Við vorum að spila við hrikalega gott lið í fyrri hálfleik sem yfirspilaði okkur,“ sagði Gunnar Andrésson þjálfari Gróttu. „Við áttum lítil svör við þeirra leik. Þeir keyrðu á okkur þegar við vorum að reyna að skipta einum, til tveimur á milli varnar og sóknar. Þeir nýttu sér það. „Það sem við gerðum líka rangt að var að fara á þeirra hraða. Við hefðum þurft að stjórna hraðanum til að eiga möguleika í þennan leik. Við réðum ekkert við þennan hraða og leikurinn var nánast búinn í hálfleik. „Mér fannst við vera að spila við ótrúlega sterkt Haukalið í kvöld og við áttum ekki möguleika,“ sagði Gunnar.
Olís-deild karla Mest lesið Fékk rautt spjald fyrir að pissa Fótbolti Vill eignast lið í hverri heimsálfu Fótbolti Hafþór Júlíus annar sterkasti maður jarðar: Setti tvö heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Bronshetja Svía í bann fyrir mótmælin Sport Segir Sterling hafa brugðist liðsfélögum sínum Enski boltinn Dagur Árni í liði mótsins á EM Handbolti Níræð tugþrautarkona með 35 heimsmet Sport Vonbrigði í fyrsta leik Mbappé á Spáni Fótbolti Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira