Umfjöllun og viðtöl: Fram - ÍR 22-24 | Von ÍR-inga lifir Guðmundur Marinó Ingvarsson í Framhúsinu skrifar 10. mars 2016 21:45 vísir/ernir ÍR lagði Fram 24-22 í 23. umferð Olís deildar karla í handbolta á útivelli í kvöld. ÍR var 12-11 yfir í hálfleik. ÍR er í erfiðri stöðu í deildinni. Liðið er í fallsæti og þegar fjórar umferðir eru eftir er liðið fjórum stigum á eftir næsta liði og með lakari árangur innbyrðis sem þýðir að liðið þarf að vinna þrjá af fjórum síðustu leikjum sínum og treysta á að Akureyri eða FH nái ekki í meira en eitt stig til viðbótar. Þrátt fyrir að staðan sé erfið eru leikmenn ÍR staðráðnir í að leggja allt í sölurnar og það var greinilegt í kvöld. Liðið lagði allt í leikinn og lét vel finna fyrir sér bæði í vörn og sókn. ÍR var yfir nánast allan leikinn en Fram var aldrei langt undan. Fram jafnaði þegar fjórar mínútur voru eftir og tóku sig upp óþægilegar minningar hjá ÍR sem hefur tapað mörgum leikjum á lokasprettinum í vetur. Fram á í töluverðum vandræðum þessa dagana og virtist liðið skorta þor til fylgja eftir góðum kafla og gekk ÍR því á lagið í lokin og tryggði sér mikilvægan sigur. Fram hefur ekki unnið síðan liðið lagði ÍR í desember og aðeins náð í eitt stig á árinu. Lítið sjálfstraust virðist vera í liðinu og var varnleikur liðsins slakur í kvöld. Mikið þarf til að Fram sogist niður í fallbaráttu en ÍR hefur nú unnið tvo leiki í röð en liðið þarf að ljúka tímabilinu eins og það byrjaði það með að vinna fjóra síðustu leiki sína. Þá á liðið raunhæfan möguleika á að halda sæti sínu í deildinni en til þess að það gerist þarf liðið að leika af sama krafti í öllum leikjum og það gerði í kvöld. Varnarlega var ÍR-liðið öflugt. Jón Heiðar Gunnarsson og Aron Örn Ægisson fóru fyrir vörninni en baráttan og krafturinn í Aroni smitast mikið út í liðið. Aron er gríðarlega kraftmikill og lætur mikið til sín taka og er leikmaður sem fæstir hafa gaman af að mæta. Ingi Rafn Róbertsson var öflugur í sókninni ásamt Jóni Heiðari og Jóni Kristni Björgvinssyni sem nýtti færi sín mjög vel í hægra horninu í fjarveru Bjarna Fritzsonar. Stefán Darri Þórsson var öflugur í sókninni hjá Fram þó hann væri mistækur á köflum en varnarlega hefur Fram yfirleitt spilað betur en í kvöld. Jón Heiðar: Þurfum að leggja allt í þessa leiki„Við erum komnir í bikarkeppni og það er allt undir í hverjum leik þannig að það hentar okkur ágætlega,“ sagði Jón Heiðar Gunnarsson varnartröll og línumaður ÍR sem lét mikið til sín taka í kvöld. „Við erum mikið bikarlið. Það hentar okkur ágætlega að vera undir mikilli pressu og taka einn leik í einu.“ ÍR er nú búið að vinna tvo leiki í röð en það dugar skammt og þarf liðið að halda áfram á þessari braut síðustu fjórar umferðirnar. „Þetta er gamla klisjan um einn leik í einu. Við getum ekki stjórnað úrslitunum í öðrum leikjum. Þau hafa ekki verið okkur í vil og við þurfum að stjórna því sem við getum stjórnað og klárað þessa leiki. Ef við gerum það þá gæti þetta sloppið fyrir horn. „Það er allt annar bragur á liðinu núna heldur en fyrir nokkrum leikjum. Við höfum unnið mikið í okkar málum bæði í vörn og sókn. Við spilum agaðari sóknarleik og missum færri bolta. Við spilum þéttari vörn og það skilar þessum stigum núna. „Við þurfum að halda áfram á þessari braut og leggja allt í þessa leiki,“ sagði Jón Heiðar. ÍR lék á löngum stundum með sjö leikmenn í sókn. Markvörður skipti við annan línumann og skilaði það að ÍR hélt boltanum betur, fór síður í allt of snögg skot sem liðið gerði svo mikið fyrr á leiktíðinni og lék mun agaðari sóknarleik. Það skilaði sér í betri færum heilt yfir. „Sóknarleikurinn er búinn að vera hausverkurinn í vetur og við höfum gert allt of mikið af tæknifeilum. Þetta er fyrirkomulag sem hentar okkur mjög vel þegar lið leika hina svokölluðu ÍBV vörn, framliggjandi. Þetta hefur gefið góða raun gegn ÍBV og þessum liðum sem eru að herma eftir ÍBV. „Svo vil ég líka þakka Frömurum fyrir upphitunartónlistina. Hann kveikti gjörsamlega í okkur. Frábær rokktónlist frá níunda áratugnum sem gerði bara leikinn. Það var ekki hægt annað en að vera peppaður eftir þessa svaðalegu veislu í upphitun,“ sagði Jón Heiðar léttur. Guðlaugur: Óþolandi að tapa„Við erum ekki góðir í leiknum en sýnum tennurnar öðru hvoru,“ sagði Guðlaugur Arnarsson þjálfari Fram eftir tapið í kvöld. „Við skorum bara 22 mörk en samt fannst mér við allt í lagi sóknarlega. Við opnum þá þokkalega og erum að fá nokkuð auðveld færi en varnarlega þá erum við í miklum vandræðum og markvarslan léleg. „Ég er gríðarlega ósáttur við þá varnarvinnu sem við leggjum í þennan leik,“ sagði Guðlaugur en Fram náði aldrei upp sömu baráttu og einkenndi ÍR í þessum leik. „ÍR-ingar voru með mikinn kraft og skipulag. Einfalt skipulag sem leysti okkur. Við leystum ekki einfalda hluti eins og að klára maður á mann varnarlega. „Við töpuðum ítrekað maður á mann og svo látum við svæfa okkur og missum hendurnar niður í 6-0 vörninni og þá skjóta þeir yfir okkur.“ Fram vann síðast sigur í deildinni 10. desember. Síðan þá hefur liðið nú leikið sex leiki og aðeins náð í eitt stig. Guðlaugur segir það ekki vera komið á sálina hjá sínum mönnum. „Auðvitað eru menn fúlir. Það er óþolandi að tapa. Þetta er að verða pínu brekka. Við höfum tapað mörgum leikjum og bara náð í eitt stig eftir jólin. Við höfum staðið í þessari brekku áður. Verið í taphrinu og náð að snúa því við. „Strákarnir sýna baráttu og karakter á hverri æfingu og þennan vilja sem þarf að vera til staðar til að vinna leikina en við þurfum að þora að sýna það í leikjunum. Við þurfum að hætta að vera hræddir við að tapa leikjunum.“ Ólafur Ægir Ólafsson lék ekki með Fram í kvöld og er óttast að hann sé kviðslitinn. Það gat Guðlaugur þó ekki staðfest við blaðamann Vísis. „Hann meiddist illa í Vestmannaeyjum og það er mögulegt kviðslit. Nárinn er slæmur og hann er frá í einhvern tíma. Olís-deild karla Mest lesið Fékk rautt spjald fyrir að pissa Fótbolti Vill eignast lið í hverri heimsálfu Fótbolti Hafþór Júlíus annar sterkasti maður jarðar: Setti tvö heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Bronshetja Svía í bann fyrir mótmælin Sport Segir Sterling hafa brugðist liðsfélögum sínum Enski boltinn Dagur Árni í liði mótsins á EM Handbolti Níræð tugþrautarkona með 35 heimsmet Sport Vonbrigði í fyrsta leik Mbappé á Spáni Fótbolti Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira
ÍR lagði Fram 24-22 í 23. umferð Olís deildar karla í handbolta á útivelli í kvöld. ÍR var 12-11 yfir í hálfleik. ÍR er í erfiðri stöðu í deildinni. Liðið er í fallsæti og þegar fjórar umferðir eru eftir er liðið fjórum stigum á eftir næsta liði og með lakari árangur innbyrðis sem þýðir að liðið þarf að vinna þrjá af fjórum síðustu leikjum sínum og treysta á að Akureyri eða FH nái ekki í meira en eitt stig til viðbótar. Þrátt fyrir að staðan sé erfið eru leikmenn ÍR staðráðnir í að leggja allt í sölurnar og það var greinilegt í kvöld. Liðið lagði allt í leikinn og lét vel finna fyrir sér bæði í vörn og sókn. ÍR var yfir nánast allan leikinn en Fram var aldrei langt undan. Fram jafnaði þegar fjórar mínútur voru eftir og tóku sig upp óþægilegar minningar hjá ÍR sem hefur tapað mörgum leikjum á lokasprettinum í vetur. Fram á í töluverðum vandræðum þessa dagana og virtist liðið skorta þor til fylgja eftir góðum kafla og gekk ÍR því á lagið í lokin og tryggði sér mikilvægan sigur. Fram hefur ekki unnið síðan liðið lagði ÍR í desember og aðeins náð í eitt stig á árinu. Lítið sjálfstraust virðist vera í liðinu og var varnleikur liðsins slakur í kvöld. Mikið þarf til að Fram sogist niður í fallbaráttu en ÍR hefur nú unnið tvo leiki í röð en liðið þarf að ljúka tímabilinu eins og það byrjaði það með að vinna fjóra síðustu leiki sína. Þá á liðið raunhæfan möguleika á að halda sæti sínu í deildinni en til þess að það gerist þarf liðið að leika af sama krafti í öllum leikjum og það gerði í kvöld. Varnarlega var ÍR-liðið öflugt. Jón Heiðar Gunnarsson og Aron Örn Ægisson fóru fyrir vörninni en baráttan og krafturinn í Aroni smitast mikið út í liðið. Aron er gríðarlega kraftmikill og lætur mikið til sín taka og er leikmaður sem fæstir hafa gaman af að mæta. Ingi Rafn Róbertsson var öflugur í sókninni ásamt Jóni Heiðari og Jóni Kristni Björgvinssyni sem nýtti færi sín mjög vel í hægra horninu í fjarveru Bjarna Fritzsonar. Stefán Darri Þórsson var öflugur í sókninni hjá Fram þó hann væri mistækur á köflum en varnarlega hefur Fram yfirleitt spilað betur en í kvöld. Jón Heiðar: Þurfum að leggja allt í þessa leiki„Við erum komnir í bikarkeppni og það er allt undir í hverjum leik þannig að það hentar okkur ágætlega,“ sagði Jón Heiðar Gunnarsson varnartröll og línumaður ÍR sem lét mikið til sín taka í kvöld. „Við erum mikið bikarlið. Það hentar okkur ágætlega að vera undir mikilli pressu og taka einn leik í einu.“ ÍR er nú búið að vinna tvo leiki í röð en það dugar skammt og þarf liðið að halda áfram á þessari braut síðustu fjórar umferðirnar. „Þetta er gamla klisjan um einn leik í einu. Við getum ekki stjórnað úrslitunum í öðrum leikjum. Þau hafa ekki verið okkur í vil og við þurfum að stjórna því sem við getum stjórnað og klárað þessa leiki. Ef við gerum það þá gæti þetta sloppið fyrir horn. „Það er allt annar bragur á liðinu núna heldur en fyrir nokkrum leikjum. Við höfum unnið mikið í okkar málum bæði í vörn og sókn. Við spilum agaðari sóknarleik og missum færri bolta. Við spilum þéttari vörn og það skilar þessum stigum núna. „Við þurfum að halda áfram á þessari braut og leggja allt í þessa leiki,“ sagði Jón Heiðar. ÍR lék á löngum stundum með sjö leikmenn í sókn. Markvörður skipti við annan línumann og skilaði það að ÍR hélt boltanum betur, fór síður í allt of snögg skot sem liðið gerði svo mikið fyrr á leiktíðinni og lék mun agaðari sóknarleik. Það skilaði sér í betri færum heilt yfir. „Sóknarleikurinn er búinn að vera hausverkurinn í vetur og við höfum gert allt of mikið af tæknifeilum. Þetta er fyrirkomulag sem hentar okkur mjög vel þegar lið leika hina svokölluðu ÍBV vörn, framliggjandi. Þetta hefur gefið góða raun gegn ÍBV og þessum liðum sem eru að herma eftir ÍBV. „Svo vil ég líka þakka Frömurum fyrir upphitunartónlistina. Hann kveikti gjörsamlega í okkur. Frábær rokktónlist frá níunda áratugnum sem gerði bara leikinn. Það var ekki hægt annað en að vera peppaður eftir þessa svaðalegu veislu í upphitun,“ sagði Jón Heiðar léttur. Guðlaugur: Óþolandi að tapa„Við erum ekki góðir í leiknum en sýnum tennurnar öðru hvoru,“ sagði Guðlaugur Arnarsson þjálfari Fram eftir tapið í kvöld. „Við skorum bara 22 mörk en samt fannst mér við allt í lagi sóknarlega. Við opnum þá þokkalega og erum að fá nokkuð auðveld færi en varnarlega þá erum við í miklum vandræðum og markvarslan léleg. „Ég er gríðarlega ósáttur við þá varnarvinnu sem við leggjum í þennan leik,“ sagði Guðlaugur en Fram náði aldrei upp sömu baráttu og einkenndi ÍR í þessum leik. „ÍR-ingar voru með mikinn kraft og skipulag. Einfalt skipulag sem leysti okkur. Við leystum ekki einfalda hluti eins og að klára maður á mann varnarlega. „Við töpuðum ítrekað maður á mann og svo látum við svæfa okkur og missum hendurnar niður í 6-0 vörninni og þá skjóta þeir yfir okkur.“ Fram vann síðast sigur í deildinni 10. desember. Síðan þá hefur liðið nú leikið sex leiki og aðeins náð í eitt stig. Guðlaugur segir það ekki vera komið á sálina hjá sínum mönnum. „Auðvitað eru menn fúlir. Það er óþolandi að tapa. Þetta er að verða pínu brekka. Við höfum tapað mörgum leikjum og bara náð í eitt stig eftir jólin. Við höfum staðið í þessari brekku áður. Verið í taphrinu og náð að snúa því við. „Strákarnir sýna baráttu og karakter á hverri æfingu og þennan vilja sem þarf að vera til staðar til að vinna leikina en við þurfum að þora að sýna það í leikjunum. Við þurfum að hætta að vera hræddir við að tapa leikjunum.“ Ólafur Ægir Ólafsson lék ekki með Fram í kvöld og er óttast að hann sé kviðslitinn. Það gat Guðlaugur þó ekki staðfest við blaðamann Vísis. „Hann meiddist illa í Vestmannaeyjum og það er mögulegt kviðslit. Nárinn er slæmur og hann er frá í einhvern tíma.
Olís-deild karla Mest lesið Fékk rautt spjald fyrir að pissa Fótbolti Vill eignast lið í hverri heimsálfu Fótbolti Hafþór Júlíus annar sterkasti maður jarðar: Setti tvö heimsmet Sport Söngurinn um Haaland kom í bakið á honum: „Fyndinn náungi“ Enski boltinn Rúnar Páll skýtur á KR: Svona vinna „snillingarnir í Vesturbænum“ Íslenski boltinn Bronshetja Svía í bann fyrir mótmælin Sport Segir Sterling hafa brugðist liðsfélögum sínum Enski boltinn Dagur Árni í liði mótsins á EM Handbolti Níræð tugþrautarkona með 35 heimsmet Sport Vonbrigði í fyrsta leik Mbappé á Spáni Fótbolti Fleiri fréttir Dagur Árni í liði mótsins á EM Ungu strákarnir okkar grátlega nálægt bronsi Stelpurnar unnu Gíneu en spila um Forsetabikarinn Gull, silfur og brúðkaup Stórt tap í undanúrslitum gegn Dönum Íslendingar í undanúrslit á EM Bóna bíla til að eiga fyrir Evrópukeppni Tekur fimmtánda tímabilið með FH Stór skellur í fyrsta leik á HM í Kína Tap gegn Spáni en Ísland gæti enn spilað um verðlaun „Ætti að læsa þann inni sem fann upp á þessu kerfi“ Óttast um framtíð handboltans á Ólympíuleikunum Íslenski Daninn náði slemmunni „Nú færðu loksins tíma til að gera það sem þú hefur mest gaman af“ Rústuðu Þjóðverjum í úrslitaleiknum Enn og aftur unnu Spánverjar brons Tíundu gullverðlaun Þóris sem þjálfara Noregs Handboltaparið bæði í úrslitum á Ólympíuleikunum Fyrstu verðlaun Dana í tuttugu ár Hetjulegur endasprettur dugði Slóvenum skammt Alfreð stýrði Þýskalandi í úrslitaleik Ólympíuleikanna Hver er þessi þýski Petersson sem skaut Frakkana í kaf? Þórir með norska liðið í úrslitaleik Ólympíuleikanna Frakkar í úrslit eftir dramatík Norðmenn úr leik og Slóvenar í undanúrslit í fyrsta sinn Heimsmeistararnir áfram í undanúrslit eftir spennutrylli gegn Svíum Þjóðverjar í undanúrslit eftir ótrúlega dramatík Spánverjar í undanúrslit eftir mikla spennu og framlengingu Norsku stelpunar hans Þóris flugu í undanúrslit Frakkar og Danir í undanúrslit Sjá meira