Hrávöruverð á olíu hefur hækkað það sem af er degi og mælist nú það hæsta á árinu. Framundan er fundur hjá helstu hagsmunaaðilum í olíuiðnaðinum á sunnudaginn. Þar verður meðal annars rædd sú hugmynd að setja framleiðsluþak á olíu.
Brent hráolía hækkaði um 1,4 prósent í morgun og nam 43,53 dollurum. Þetta er veruleg hækkun frá því að hafa verið nálægt og undir þrjátíu dollurum í febrúar.
West Texas Intermediate hráolía hækkaði um eitt prósent og nam 40,8 dollurum segir í frétt Reuters um málið.
Olíuverð hefur lækkað verulega á síðastliðnu ári. Hrávöruverð á olíu nam yfir hundrað dollurum árið 2014.
Haukar
FH
