Þegar fræga fólkið eyðileggur ferilinn: Morð, líkamsárásir og barnaklám

Fræga fólkið í heiminum á það til að misstíga sig eins og annað fólk en þeirra mistök vekja mun meiri athygli en þegar sótsvörtum almúganum verður á í messunni vekur það minni athygli.

Sumir einfaldlega skemma fyrir sér og á einu augabragði er ferill þeirra búinn. Stjörnurnar eiga einnig til að vera uppvís að stórhættulegum og glæpsamlegum hlutum og ratar það ávallt í heimspressuna.

Á síðunni Viral Thread er búið að taka saman atvik hjá mörgum stjörnum sem hreinlega hafa endað þeirra feril og komið þeim í vanda. Hér að neðan má sjá nokkur dæmi um slíkt en á síðunni má lesa yfirferðina í heild sinni.

1. OJ Simpson

Árið 1995 var hann sýknaður um morðið á fyrrverandi eiginkonu sinni sem var myrt árið 1994. Eftir mikið fjölmiðlafár í kringum réttarhöldin náði OJ sér aldrei aftur á strik. Árið 2007 var hann síðan handtekinn í Las Vegas fyrir vopnað rán og fékk 33 ára fangelsisdóm árið eftir.

2. Aaron Hernandez

Aaron Hernandez var dæmdur fyrir morð en hann var einn besti leikmaðurinn í NFL-deildinni vestanhafs og lék með New England Patriots. Hann situr nú inni og fékk lífstíðarfangelsi.

3. Mark Salling

Mark fór með hlutverk Noah Puckerman í vinsælu stjónvarpsþáttunum Glee en hann var handtekinn á síðasta ári fyrir varðveislu á barnaklámi. Hundruð ljósmynda fundust í tölvunni hans. 

4. Lance Armstrong

Lance Armstrong er einn allra sigursælasti hjólreiðakappi sögunnar en hann féll á lyfjaprófi og eftir það kom í ljós mikill spilling innan hjólareiðaheimsins þar sem Armstrong hafði leikið á kerfið. Hann græddi mörg hundruð milljónir á sínum ferli og var hann fordæmdur um allan heim eftir að í ljós kom um svindlið. 

5. Tiger Woods

Tiger Woods var á toppi ferils síns sem einhver allra besti kylfingur sögunnar. Á sínum tíma komu fram margar konur sem viðurkenndu að hafa verið í ástarsambandi við Woods og meðal annars var ein af þeim þekkt klámstjarna. Fyrrverandi eiginkona hans, Elin Nordegren, sótti fljótlega um skilnað en þau voru gift á árunum 2004-2010. Í kjölfarið missti hann auglýsingasamninga við nokkur fyrirtæki og aldrei náð sér á strik sem kylfingur eftir atburðarrásina. 

6. Ray Rice

Ray Rice var nýbúinn að skrifa undir nýjan samning við Baltimore Ravens uppá 40 milljónir Bandaríkjadollara þegar sást til hann leggja hendur á unnustu sína í lyftu. Hann hefur ekki leikið í NFL-deildinni síðan.