Rafmagnsbílar brátt undanþegnir vegatollum í Þýskalandi Finnur Thorlacius skrifar 20. apríl 2016 14:33 BMW i3 rafmagnsbíll hlaðinn. Þrátt fyrir að margar Evrópuþjóðir hafi undanþegið hina ýmsu skatta á rafmagnsbílum eða veitt peningalegan stuðning til kaupenda þeirra, hefur Þýskaland ekki slíkt hið sama. Fyrir þýska þinginu liggur nú frumvarp sem undanskilur vegatolla á rafmagnsbílum og á það að örva kaup á slíkum bílum. Samkvæmt lögunum verða bílarnir undanþegnir þessum sköttum í 10 ár frá kaupum. Þetta frumvarp er liður í að fjölga rafmagnsbílum á þýskum vegum úr aðeins 30.000 bílum í 1 milljón árið 2020. Það markmið mun líklega ekki nást, enda hafa þýsk yfirvöld verið afar sein að koma fram með örvun á rafmagnsbílakaupum og því eftirbátur margra annarra ríkja. Í frumvarpinu er einnig kveðið á um mikla fjölgun hleðslustöðva fyrir rafmagnsbíl í Þýskalandi. Einnig er þar að finna markmið um að a.m.k. 20% af bílaflota í eigu ríkisins verði rafmagnsbílar og það strax í byrjun næsta árs. Þó svo að frumvarpið nú geri ekki ráð fyrir endurgreiðslu frá ríkinu til viðbótar skattleysinu þá má vel vera að það endi einnig svo í lögunum sem sett verða og kemur það í ljós seint í þessum mánuði. Lagasetningin er rökstudd með því að eina leiðin til að viðhalda þeim mikilvæga bílaiðnaði Þýskalands, sem nú veltir 52.170 milljörðum króna á ári, sé að koma til móts við rafmagnsbílakaupendur í fyrstu og með því örva bílaframleiðendur til smíði slíkra bíla og gera þá samkeppnishæfari fyrir vikið. Mest lesið Kom að heimilinu í ljósum logum Innlent Rafbílaeigendur með sínar leiðir til að svindla Innlent „Algjörlega ósammála“ samráðherra sínum Innlent Starfsemi skert í tíu leik- eða grunnskólum í Reykjavík í vetur Innlent „Ekki sést á þessari öld“ Veður Reykjanesbær endurgeldur greiðann og býður frítt í sund Innlent Reykur í hrauni ekki eldgos Innlent Á harðahlaupum í handjárnum Innlent Stærra svæði aldrei orðið heitavatnslaust Innlent Rúmlega 20 slasaðir eftir eld í parísarhjóli Erlent
Þrátt fyrir að margar Evrópuþjóðir hafi undanþegið hina ýmsu skatta á rafmagnsbílum eða veitt peningalegan stuðning til kaupenda þeirra, hefur Þýskaland ekki slíkt hið sama. Fyrir þýska þinginu liggur nú frumvarp sem undanskilur vegatolla á rafmagnsbílum og á það að örva kaup á slíkum bílum. Samkvæmt lögunum verða bílarnir undanþegnir þessum sköttum í 10 ár frá kaupum. Þetta frumvarp er liður í að fjölga rafmagnsbílum á þýskum vegum úr aðeins 30.000 bílum í 1 milljón árið 2020. Það markmið mun líklega ekki nást, enda hafa þýsk yfirvöld verið afar sein að koma fram með örvun á rafmagnsbílakaupum og því eftirbátur margra annarra ríkja. Í frumvarpinu er einnig kveðið á um mikla fjölgun hleðslustöðva fyrir rafmagnsbíl í Þýskalandi. Einnig er þar að finna markmið um að a.m.k. 20% af bílaflota í eigu ríkisins verði rafmagnsbílar og það strax í byrjun næsta árs. Þó svo að frumvarpið nú geri ekki ráð fyrir endurgreiðslu frá ríkinu til viðbótar skattleysinu þá má vel vera að það endi einnig svo í lögunum sem sett verða og kemur það í ljós seint í þessum mánuði. Lagasetningin er rökstudd með því að eina leiðin til að viðhalda þeim mikilvæga bílaiðnaði Þýskalands, sem nú veltir 52.170 milljörðum króna á ári, sé að koma til móts við rafmagnsbílakaupendur í fyrstu og með því örva bílaframleiðendur til smíði slíkra bíla og gera þá samkeppnishæfari fyrir vikið.
Mest lesið Kom að heimilinu í ljósum logum Innlent Rafbílaeigendur með sínar leiðir til að svindla Innlent „Algjörlega ósammála“ samráðherra sínum Innlent Starfsemi skert í tíu leik- eða grunnskólum í Reykjavík í vetur Innlent „Ekki sést á þessari öld“ Veður Reykjanesbær endurgeldur greiðann og býður frítt í sund Innlent Reykur í hrauni ekki eldgos Innlent Á harðahlaupum í handjárnum Innlent Stærra svæði aldrei orðið heitavatnslaust Innlent Rúmlega 20 slasaðir eftir eld í parísarhjóli Erlent