Drake og Leto fóru í Ég hef aldrei hjá Ellen: Hafa öll sængað hjá aðdáendum sínum

Rapparinn Drake og leikarinn Jared Leto voru báðir gestir í spjallþætti Ellen á dögunum og léku þeir báðir á alls oddi.

Ellen fékk þá með sér í leik sem eflaust margir kannast við, leikur sem kallast Ég hef aldrei. Oftast er þetta drykkjuleikur sem snýst um það að einn spyr spurningar sem byrjar á „Ég hef aldrei“ og þeir sem hafa í raun gert það sem spurt er um þurfa að taka sopa.

Í ljós kom að Ellen, Drake og Leto höfðu öll farið heim með aðdáenda eftir að hafa komið fram og skemmt fólki.

Hér að neðan má sjá þetta skemmtilega atvik á myndbandi.