Dagbókarskrifin urðu að handriti Gyða Lóa Ólafsdóttir skrifar 11. júlí 2016 09:00 Eydís Eir Björnsdóttir er leikstjóri og handritshöfundur stuttmyndarinnar Islandia. Vísir/Eyþór Framleiðslufyrirtækið arCus Films hlaut á dögunum tveggja milljóna króna styrk úr Jafnréttissjóði til framleiðslu á stuttmyndinni Islandia sem skrifuð og leikstýrt er af Eydísi Eir Björnsdóttur. Að arCus Films koma þau Marzibil Sæmundardóttir, sem stofnaði fyrirtækið og Svava Lóa Stefánsdóttir og Ársæll Níelsson sem eru nýir meðeigendur fyrirtækisins og munu framleiða myndina ásamt Carolinu Salas en Marzibil verður aðstoðarleikstjóri myndarinnar. Aðalhlutverk myndarinnar verður í höndum leikkonunnar góðkunnu Ágústu Evu Erlendsdóttur og er Eydís ánægð með aðalleikkonuna. „Hún er einstök leikkona, einlæg og sterkur karakter. Ég hef fylgst með henni og það er eitthvað sem ég tengi við.“ Ágústa er eini íslenski leikari myndarinnar sem að mestu leyti verður tekin upp á Segovia á Spáni. Eydís segir það koma til þar sem myndin sé samstarf milli Spánar, Danmerkur og Íslands og þau hafi ekki fundið það umhverfi sem þau leituðu að hér á landi. Myndin hlaut einnig ríflega fjórar milljónir í styrk frá Evrópu unga fólksins og umsókn hefur einnig verið send til Kvikmyndasjóðs. Eydís vill sem minnst gefa upp um efni myndarinnar en hún er byggð á sönnum atburðum og reynslu leikstjóra. Og fjallar myndin um unga konu sem lendir í hremmingum erlendis. Eydís segir það þó ekki alltaf hafa staðið til að skrifa handrit myndarinnar, það hafi hálfpartinn komið til óvart. „Ég hélt dagbók og var búin að skrifa mikið í hana. Það var þörf til þess að koma þessu frá mér,“ segir Eydís og bætir við að fyrir sig sé það ákveðin þerapía að skrifa sig út úr hlutunum. „Ég hef skrifað mikið og er með mörg handrit sem ég hef skrifað og svo er þessi þörf til þess að tjá sig á myndrænan hátt.“ Það er nóg um að vera hjá arCus Films en þau munu einnig framleiða verkefni í samstarfi við leikhópinn Ratatam og fékk það verkefni einnig styrk frá Jafnréttissjóði en það er byggt á hugmyndum Eydísar. Um er að ræða örmyndir sem dreift verður á samfélagsmiðla með jöfnu millibili og munu fjalla á hnitmiðaðan og listrænan hátt um jafnréttismál. Leikhópurinn hefur unnið að því að setja upp leikverk sem frumsýnt verður í haust en hópurinn hefur undanfarna mánuði rannsakað líkamlegt og andlegt ofbeldi innan veggja heimilisins. Leikhópinn skipa Halldóra Rut Baldursdóttir, Guðrún Bjarnadóttir, Hildur Magnúsdóttir, Laufey Elíasdóttir, Guðmundur Ingi Þorvaldsson. ArCus Films ásamt fleiri listamönnum úr hópnum vinna nú að því að setja upp skapandi vinnurými úti á Granda. Vonir standa til að bæði verkefnin verði frumsýnd á næsta ári. Bíó og sjónvarp Mest lesið Hart barist á hundruð milljóna jólamarkaði Lífið Gáfu tóndæmi af Barfly í beinni Tónlist Sergio Mendes höfundur Mas Que Nada látinn Tónlist „Vináttan sem þú hélst að væri harðari en grjót reyndist byggð á sandi“ Lífið Hvetja fleiri til að láta mála vegglistaverk Lífið Fékk typpamyndir og áreiti þegar þeir héldu að hann væri stelpa Lífið Fréttatía vikunnar: Pólitík, glæpir og barnalán Lífið Tólf fermetra smáhúsið innréttað og tilbúið Lífið „Fullkomið frá upphafi til enda, svo ekki sé minna sagt“ Lífið Fresta ákvörðun um þátttöku í Eurovision Lífið Fleiri fréttir Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Framleiðslufyrirtækið arCus Films hlaut á dögunum tveggja milljóna króna styrk úr Jafnréttissjóði til framleiðslu á stuttmyndinni Islandia sem skrifuð og leikstýrt er af Eydísi Eir Björnsdóttur. Að arCus Films koma þau Marzibil Sæmundardóttir, sem stofnaði fyrirtækið og Svava Lóa Stefánsdóttir og Ársæll Níelsson sem eru nýir meðeigendur fyrirtækisins og munu framleiða myndina ásamt Carolinu Salas en Marzibil verður aðstoðarleikstjóri myndarinnar. Aðalhlutverk myndarinnar verður í höndum leikkonunnar góðkunnu Ágústu Evu Erlendsdóttur og er Eydís ánægð með aðalleikkonuna. „Hún er einstök leikkona, einlæg og sterkur karakter. Ég hef fylgst með henni og það er eitthvað sem ég tengi við.“ Ágústa er eini íslenski leikari myndarinnar sem að mestu leyti verður tekin upp á Segovia á Spáni. Eydís segir það koma til þar sem myndin sé samstarf milli Spánar, Danmerkur og Íslands og þau hafi ekki fundið það umhverfi sem þau leituðu að hér á landi. Myndin hlaut einnig ríflega fjórar milljónir í styrk frá Evrópu unga fólksins og umsókn hefur einnig verið send til Kvikmyndasjóðs. Eydís vill sem minnst gefa upp um efni myndarinnar en hún er byggð á sönnum atburðum og reynslu leikstjóra. Og fjallar myndin um unga konu sem lendir í hremmingum erlendis. Eydís segir það þó ekki alltaf hafa staðið til að skrifa handrit myndarinnar, það hafi hálfpartinn komið til óvart. „Ég hélt dagbók og var búin að skrifa mikið í hana. Það var þörf til þess að koma þessu frá mér,“ segir Eydís og bætir við að fyrir sig sé það ákveðin þerapía að skrifa sig út úr hlutunum. „Ég hef skrifað mikið og er með mörg handrit sem ég hef skrifað og svo er þessi þörf til þess að tjá sig á myndrænan hátt.“ Það er nóg um að vera hjá arCus Films en þau munu einnig framleiða verkefni í samstarfi við leikhópinn Ratatam og fékk það verkefni einnig styrk frá Jafnréttissjóði en það er byggt á hugmyndum Eydísar. Um er að ræða örmyndir sem dreift verður á samfélagsmiðla með jöfnu millibili og munu fjalla á hnitmiðaðan og listrænan hátt um jafnréttismál. Leikhópurinn hefur unnið að því að setja upp leikverk sem frumsýnt verður í haust en hópurinn hefur undanfarna mánuði rannsakað líkamlegt og andlegt ofbeldi innan veggja heimilisins. Leikhópinn skipa Halldóra Rut Baldursdóttir, Guðrún Bjarnadóttir, Hildur Magnúsdóttir, Laufey Elíasdóttir, Guðmundur Ingi Þorvaldsson. ArCus Films ásamt fleiri listamönnum úr hópnum vinna nú að því að setja upp skapandi vinnurými úti á Granda. Vonir standa til að bæði verkefnin verði frumsýnd á næsta ári.
Bíó og sjónvarp Mest lesið Hart barist á hundruð milljóna jólamarkaði Lífið Gáfu tóndæmi af Barfly í beinni Tónlist Sergio Mendes höfundur Mas Que Nada látinn Tónlist „Vináttan sem þú hélst að væri harðari en grjót reyndist byggð á sandi“ Lífið Hvetja fleiri til að láta mála vegglistaverk Lífið Fékk typpamyndir og áreiti þegar þeir héldu að hann væri stelpa Lífið Fréttatía vikunnar: Pólitík, glæpir og barnalán Lífið Tólf fermetra smáhúsið innréttað og tilbúið Lífið „Fullkomið frá upphafi til enda, svo ekki sé minna sagt“ Lífið Fresta ákvörðun um þátttöku í Eurovision Lífið Fleiri fréttir Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira