Umfjöllun og viðtöl: Valur - Stjarnan 2-1 | Valur opnaði toppbaráttuna upp á gátt Guðmundur Marinó Ingvarsson á Valsvellinum skrifar 31. ágúst 2016 21:45 Dóra María Lárusdóttir er í lykilhlutverki í liði Vals. vísir/hanna Valur lagði Stjörnuna 2-1 í toppslag Pepsi-deildar kvenna í fótbolta í kvöld á heimavelli. Laufey Björnsdóttir tryggði sigurinn í uppbótartíma. Donna Kay Henry kom Stjörnunni yfir strax á fjórðu mínútu eftir vel útfærða skyndisókn. Valur sem hafði sótt fram að marki Stjörnunnar gaf eftir næstu tíu mínúturnar en síðasta hálftímann í fyrri hálfleik sótti Valur án afláts og lék á löngum köflum virkilega góðan fótbolta. Yfirburðir Vals skiluðu verðskulduðu jöfnunarmarki á 34. mínútu þegar Vesna Elísa Smiljkovic skallaði í markið af stuttu færi. Valur hefði með smá heppni getað náð forystunni fyrir hálfleik en varð að sætta sig við jafna stöðu 1-1 í hálfleiknum. Seinni hálfleikur var eins rólegur fyrsta hálftímann og fyrri hálfleikurinn hafði verið fjörugur. Það var ekki fyrr en síðasta stundarfjórðunginn að leikurinn opnaðist og virtist Stjarnan líklegri til að skora sigurmarkið en Sandra Sigurðardóttir var öryggið uppmálað í marki Vals og varði það sem að marki kom. Pála Marie Einarsdóttir varnarmaður Vals fékk að líta rauða spjaldið mínútur fyrir lok venjulegs leiktíma. Við það fundu Valskonur auka orku og sóttu án afláts í uppbótartíma. Margrét Lára Viðarsdóttir skaut yfir úr vítaspyrnu en Valur brotnaði ekki við það heldur hélt áfram og á þriðju mínútu uppbótartíma náði Laufey Björnsdóttir að tryggja Val mikilvægan sigur. Stjarnan hefði getað farið langt með að tryggja sér Íslandsmeistaratitilinn með sigri og hefði stig fleytt liðinu langt. Þrátt fyrir tapið er Stjarnan enn í bílstjórasætinu en liðið hefur ekkert svigrúm fyrir mistök lengur. Valur lyfti sér upp í annað sæti deildarinnar, liðið er fjórum stigum á eftir Stjörnunni og með stigi meira en Breiðablik sem á leik til góða á morgun gegn Fylki. Breiðablik á eftir að mæta bæði Val og Stjörnunni og því getur allt gerst enn í baráttunni um titilinn. Ólafur Tryggvi: Getur ekki verið sætara en þetta„Þetta var ótrúlegt. Mér fannst leikurinn yfir höfuð gríðarlega góður hjá mínu liði,“ sagði glaðbeittur Ólafur Tryggvi Brynjólfsson þjálfari Vals. „Mér fannst við yfirspila þær á köflum. Létum boltann ganga og notuðum breiddina mjög vel. Við hleyptum þeim í smá eltingaleik. „Það var smá ströggl í byrjun, fyrstu tíu. Eftir að við komumst upp úr því var bara ein leið,“ sagði Ólafur sem fannst mikið til þess koma hvernig lið hans brást við eftir að hafa misst Pálu Marie Einarsdóttur útaf með rautt spjald rétt fyrir leikslok. „Það er þvílíkur karakter í þessu liði. Við erum einum færri staðan 1-1 og við klúðrum vítaspyrnu og samt höldum við áfram og skorum 2-1. Þetta getur ekki verið sætara en þetta. „Það gerist mjög oft og yfirleitt að þegar menn lenda manni færri þá finna þeir þetta extra. Það gerðum við í kvöld. „Við fengum meira að segja færi á milli vítisins og marksins. Þetta var ótrúlegt. „Það eina sem þær fengu var úr aukaspyrnunni sem Sandra varði stórkostlega,“ sagði Ólafur. Stjarnan skoraði snemma í leiknum og það getur oft reynst liðum erfitt að vinna úr þeirri stöðu gegn toppliðinu líkt og Valur fékk að kynnast í fyrri leik liðanna sem Stjarnan vann 3-0. „Við lögðum leikinn upp með að þora að spila fótbolta og spila okkar fótbolta. Það skemmtilega er að við koðnuðum ekki niður. Eins og í fyrri leiknum á móti þeim þá fengum við á okkur mark og duttum aðeins neðar. „Núna héldum við áfram og sýndum alvöru karakter. Þetta er búinn að vera stígandinn í okkar liði í allt sumar. Við finnum hverja aðra og fáum meira sjálfstraust.“ Harpa: Spiluðum arfa lélegan fótbolta„Það er alltaf svekkjandi að tapa, sérstaklega eins og við gerum í kvöld í lokin á leiknum,“ sagði Harpa Þorsteinsdóttir framherji Stjörnunnar sem fékk úr óvenju litlu að moða í kvöld. „Mér fannst við spila arfa lélegan fótbolta. Við náðum okkur engan vegin á strik. Við vorum hræddar við að spila okkar bolta. Við vorum í einhverjum reitarbolta sem við erum ekki vanar að vera í. Við vorum ekki nógu ákveðnar fram á við.“ Stjarnan hefði farið langt með að tryggja sér Íslandsmeistaratitilinn með sigir í kvöld en Harpa vildi ekki meina að það hafi truflað lið Stjörnunnar. „Við erum alveg nógu stórt lið til að höndla svona pressu. Við höfum gert það í gegnum tíðina. Ég held að þetta hafi verið meira að við vorum að spila gegn hörku sterku liði á erfiðum útivelli. „Þetta er það góð deild að maður þarf að hafa virkilega mikið fyrir þessum stigum gegn toppliðunum, sérstaklega á útivelli,“ sagði Harpa. Stjarnan komst snemma yfir en Harpa tók samt undir það að Valur yfirspilaði Stjörnuna í fyrri hálfleik. „Já í rauninni. Við náðum ekki upp okkar spili, hver svo sem ástæðan fyrir því er, og vorum hreinlega heppnar að vera ekki undir þegar við fórum inn í hálfleik. Þrátt fyrir tapið er Stjarnan enn með örlög sín í sumar í eigin höndum og dugir liðinu 10 stig í fjórum síðustu umferðunum til að tryggja sér titilinn. „Við gerum okkur fyllilega grein fyrir því að þetta var ekki úrslitaleikur um Íslandsmeistaratitil. Þetta er langhlaup og við erum enn í lykilstöðu,“ sagði Harpa. Pepsi Max-deild kvenna Mest lesið Aðeins tveir af fimm keppendum Íslands mæta á Setningarhátíð ÓL Sport Banna Verstappen að hanga í tölvunni langt fram eftir nóttu Formúla 1 „Þurfa að nálgast hann eins og Arsenal nálgaðist Haaland“ Fótbolti Aðsúgur að Gumma Torfa og bjórinn á þrotum Fótbolti Gummi Ben um bekk KR og skilaboð þjálfarans: Það eru krakkar þarna Íslenski boltinn „Ég held að stuðningsmenn okkar séu stressaðir“ Fótbolti „Það var ekki planið hjá okkur“ Fótbolti „Frammistaðan veitir von fyrir seinni leikinn“ Fótbolti Uppgjörið: Valur - St. Mirren 0-0 | Tíu Valsmenn héldu út Fótbolti Njarðvíkingar hægðu á Þrótturum Fótbolti Fleiri fréttir „Eðlilegt að leikmenn séu uppgefnir“ „Ég held að þetta hafi verið óður til ræstingafólksins“ Uppgjörið: Tindastóll - Valur 1-4 | Meistararnir sigu fram úr í seinni hálfleik Uppgjörið: Keflavík - Þór/KA 0-1 | Norðankonur unnu suður með sjó „Bara galið að við fengum ekkert út úr þessum leik“ Uppgjörið: FH - Stjarnan 1-2 | Andrea Mist hetja Garðbæinga Framkvæmdastjóri Rey Cup: Landsliðskonur hjálpa við að lokka stórliðin „Erum andandi ofan í hálsmálið á þeim“ „Þegar mamma er glöð, þá eru allir glaðir“ Reynsluboltinn Rasmus í Gróttu Stúkan: Þarf HK að fara erlendis í leit að markverði? Áslaug Munda ekki meira með Blikum í sumar Stjarnan fyllir í skarð Cosme „Ég held að það hafi verið vel hugsað um þær á þessum tíma“ Stúkan: Hallgrímur Mar dæmir sjálfur og Erlendur dómari reimar skó Gummi Ben um bekk KR og skilaboð þjálfarans: Það eru krakkar þarna Áfall og tímabilinu lokið hjá Arnari: „Fæ engu breytt úr þessu“ Sjáðu mörkin: Sonur FH-goðsagnar skoraði á móti FH og dramatík í lokin Uppgjör og viðtöl: FH - ÍA 1-1 | Evrópubaráttan óbreytt eftir dramatík í Kaplakrika Bestu mörkin um hina óþreytandi Selmu Dögg: „Eins og hún sé að leysa tvær stöður“ Heimir hefur aldrei tapað á móti Skagamönnum sem þjálfari FH Vildu rautt á tæklingu Sharts: „Þetta er hættulegt“ Covid-faraldur fyrir vestan: „Maður hélt að þetta væri liðin tíð“ KR með versta árangurinn í Bestu deildinni frá 16. apríl Mörkin úr Bestu: Blikar röðuðu inn hjá KR og var hann kominn inn hjá Emil? Fundaði með mörgum en féllst á boð frænda síns og samdi við KR Sýður á Elmari: „Þetta er súrrealískt“ Uppgjörið: Breiðablik - KR 4-2 | Vesældarlegir Vesturbæingar Uppgjörið: Stjarnan-Fylkir 2-0 | Stjarnan með fyrsta sigurinn í mánuð Uppgjörið: Fylkir 4 - Tindastóll 1 | Fyrsti sigur Fylkis síðan á vordögum Sjá meira
Valur lagði Stjörnuna 2-1 í toppslag Pepsi-deildar kvenna í fótbolta í kvöld á heimavelli. Laufey Björnsdóttir tryggði sigurinn í uppbótartíma. Donna Kay Henry kom Stjörnunni yfir strax á fjórðu mínútu eftir vel útfærða skyndisókn. Valur sem hafði sótt fram að marki Stjörnunnar gaf eftir næstu tíu mínúturnar en síðasta hálftímann í fyrri hálfleik sótti Valur án afláts og lék á löngum köflum virkilega góðan fótbolta. Yfirburðir Vals skiluðu verðskulduðu jöfnunarmarki á 34. mínútu þegar Vesna Elísa Smiljkovic skallaði í markið af stuttu færi. Valur hefði með smá heppni getað náð forystunni fyrir hálfleik en varð að sætta sig við jafna stöðu 1-1 í hálfleiknum. Seinni hálfleikur var eins rólegur fyrsta hálftímann og fyrri hálfleikurinn hafði verið fjörugur. Það var ekki fyrr en síðasta stundarfjórðunginn að leikurinn opnaðist og virtist Stjarnan líklegri til að skora sigurmarkið en Sandra Sigurðardóttir var öryggið uppmálað í marki Vals og varði það sem að marki kom. Pála Marie Einarsdóttir varnarmaður Vals fékk að líta rauða spjaldið mínútur fyrir lok venjulegs leiktíma. Við það fundu Valskonur auka orku og sóttu án afláts í uppbótartíma. Margrét Lára Viðarsdóttir skaut yfir úr vítaspyrnu en Valur brotnaði ekki við það heldur hélt áfram og á þriðju mínútu uppbótartíma náði Laufey Björnsdóttir að tryggja Val mikilvægan sigur. Stjarnan hefði getað farið langt með að tryggja sér Íslandsmeistaratitilinn með sigri og hefði stig fleytt liðinu langt. Þrátt fyrir tapið er Stjarnan enn í bílstjórasætinu en liðið hefur ekkert svigrúm fyrir mistök lengur. Valur lyfti sér upp í annað sæti deildarinnar, liðið er fjórum stigum á eftir Stjörnunni og með stigi meira en Breiðablik sem á leik til góða á morgun gegn Fylki. Breiðablik á eftir að mæta bæði Val og Stjörnunni og því getur allt gerst enn í baráttunni um titilinn. Ólafur Tryggvi: Getur ekki verið sætara en þetta„Þetta var ótrúlegt. Mér fannst leikurinn yfir höfuð gríðarlega góður hjá mínu liði,“ sagði glaðbeittur Ólafur Tryggvi Brynjólfsson þjálfari Vals. „Mér fannst við yfirspila þær á köflum. Létum boltann ganga og notuðum breiddina mjög vel. Við hleyptum þeim í smá eltingaleik. „Það var smá ströggl í byrjun, fyrstu tíu. Eftir að við komumst upp úr því var bara ein leið,“ sagði Ólafur sem fannst mikið til þess koma hvernig lið hans brást við eftir að hafa misst Pálu Marie Einarsdóttur útaf með rautt spjald rétt fyrir leikslok. „Það er þvílíkur karakter í þessu liði. Við erum einum færri staðan 1-1 og við klúðrum vítaspyrnu og samt höldum við áfram og skorum 2-1. Þetta getur ekki verið sætara en þetta. „Það gerist mjög oft og yfirleitt að þegar menn lenda manni færri þá finna þeir þetta extra. Það gerðum við í kvöld. „Við fengum meira að segja færi á milli vítisins og marksins. Þetta var ótrúlegt. „Það eina sem þær fengu var úr aukaspyrnunni sem Sandra varði stórkostlega,“ sagði Ólafur. Stjarnan skoraði snemma í leiknum og það getur oft reynst liðum erfitt að vinna úr þeirri stöðu gegn toppliðinu líkt og Valur fékk að kynnast í fyrri leik liðanna sem Stjarnan vann 3-0. „Við lögðum leikinn upp með að þora að spila fótbolta og spila okkar fótbolta. Það skemmtilega er að við koðnuðum ekki niður. Eins og í fyrri leiknum á móti þeim þá fengum við á okkur mark og duttum aðeins neðar. „Núna héldum við áfram og sýndum alvöru karakter. Þetta er búinn að vera stígandinn í okkar liði í allt sumar. Við finnum hverja aðra og fáum meira sjálfstraust.“ Harpa: Spiluðum arfa lélegan fótbolta„Það er alltaf svekkjandi að tapa, sérstaklega eins og við gerum í kvöld í lokin á leiknum,“ sagði Harpa Þorsteinsdóttir framherji Stjörnunnar sem fékk úr óvenju litlu að moða í kvöld. „Mér fannst við spila arfa lélegan fótbolta. Við náðum okkur engan vegin á strik. Við vorum hræddar við að spila okkar bolta. Við vorum í einhverjum reitarbolta sem við erum ekki vanar að vera í. Við vorum ekki nógu ákveðnar fram á við.“ Stjarnan hefði farið langt með að tryggja sér Íslandsmeistaratitilinn með sigir í kvöld en Harpa vildi ekki meina að það hafi truflað lið Stjörnunnar. „Við erum alveg nógu stórt lið til að höndla svona pressu. Við höfum gert það í gegnum tíðina. Ég held að þetta hafi verið meira að við vorum að spila gegn hörku sterku liði á erfiðum útivelli. „Þetta er það góð deild að maður þarf að hafa virkilega mikið fyrir þessum stigum gegn toppliðunum, sérstaklega á útivelli,“ sagði Harpa. Stjarnan komst snemma yfir en Harpa tók samt undir það að Valur yfirspilaði Stjörnuna í fyrri hálfleik. „Já í rauninni. Við náðum ekki upp okkar spili, hver svo sem ástæðan fyrir því er, og vorum hreinlega heppnar að vera ekki undir þegar við fórum inn í hálfleik. Þrátt fyrir tapið er Stjarnan enn með örlög sín í sumar í eigin höndum og dugir liðinu 10 stig í fjórum síðustu umferðunum til að tryggja sér titilinn. „Við gerum okkur fyllilega grein fyrir því að þetta var ekki úrslitaleikur um Íslandsmeistaratitil. Þetta er langhlaup og við erum enn í lykilstöðu,“ sagði Harpa.
Pepsi Max-deild kvenna Mest lesið Aðeins tveir af fimm keppendum Íslands mæta á Setningarhátíð ÓL Sport Banna Verstappen að hanga í tölvunni langt fram eftir nóttu Formúla 1 „Þurfa að nálgast hann eins og Arsenal nálgaðist Haaland“ Fótbolti Aðsúgur að Gumma Torfa og bjórinn á þrotum Fótbolti Gummi Ben um bekk KR og skilaboð þjálfarans: Það eru krakkar þarna Íslenski boltinn „Ég held að stuðningsmenn okkar séu stressaðir“ Fótbolti „Það var ekki planið hjá okkur“ Fótbolti „Frammistaðan veitir von fyrir seinni leikinn“ Fótbolti Uppgjörið: Valur - St. Mirren 0-0 | Tíu Valsmenn héldu út Fótbolti Njarðvíkingar hægðu á Þrótturum Fótbolti Fleiri fréttir „Eðlilegt að leikmenn séu uppgefnir“ „Ég held að þetta hafi verið óður til ræstingafólksins“ Uppgjörið: Tindastóll - Valur 1-4 | Meistararnir sigu fram úr í seinni hálfleik Uppgjörið: Keflavík - Þór/KA 0-1 | Norðankonur unnu suður með sjó „Bara galið að við fengum ekkert út úr þessum leik“ Uppgjörið: FH - Stjarnan 1-2 | Andrea Mist hetja Garðbæinga Framkvæmdastjóri Rey Cup: Landsliðskonur hjálpa við að lokka stórliðin „Erum andandi ofan í hálsmálið á þeim“ „Þegar mamma er glöð, þá eru allir glaðir“ Reynsluboltinn Rasmus í Gróttu Stúkan: Þarf HK að fara erlendis í leit að markverði? Áslaug Munda ekki meira með Blikum í sumar Stjarnan fyllir í skarð Cosme „Ég held að það hafi verið vel hugsað um þær á þessum tíma“ Stúkan: Hallgrímur Mar dæmir sjálfur og Erlendur dómari reimar skó Gummi Ben um bekk KR og skilaboð þjálfarans: Það eru krakkar þarna Áfall og tímabilinu lokið hjá Arnari: „Fæ engu breytt úr þessu“ Sjáðu mörkin: Sonur FH-goðsagnar skoraði á móti FH og dramatík í lokin Uppgjör og viðtöl: FH - ÍA 1-1 | Evrópubaráttan óbreytt eftir dramatík í Kaplakrika Bestu mörkin um hina óþreytandi Selmu Dögg: „Eins og hún sé að leysa tvær stöður“ Heimir hefur aldrei tapað á móti Skagamönnum sem þjálfari FH Vildu rautt á tæklingu Sharts: „Þetta er hættulegt“ Covid-faraldur fyrir vestan: „Maður hélt að þetta væri liðin tíð“ KR með versta árangurinn í Bestu deildinni frá 16. apríl Mörkin úr Bestu: Blikar röðuðu inn hjá KR og var hann kominn inn hjá Emil? Fundaði með mörgum en féllst á boð frænda síns og samdi við KR Sýður á Elmari: „Þetta er súrrealískt“ Uppgjörið: Breiðablik - KR 4-2 | Vesældarlegir Vesturbæingar Uppgjörið: Stjarnan-Fylkir 2-0 | Stjarnan með fyrsta sigurinn í mánuð Uppgjörið: Fylkir 4 - Tindastóll 1 | Fyrsti sigur Fylkis síðan á vordögum Sjá meira