Gylfi Þór Sigurðsson var á skotskónum með Swansea City í ensku úrvalsdeildinni í gær og nú er hægt að sjá það mark og öll hin í samantektarmyndbandi hér inn á Vísi.
Mark Gylfa var af glæsilegri gerðinni en það dugði þó ekki velska liðinu til sigurs. Arsenal skoraði þrjú mörk og hélt sigurgöngu sinni áfram.
Alls fóru fram sjö leikir í ensku úrvalsdeildinni í gær og í þeim voru skoruð 22 mörk eða yfir þrjú mörk að meðaltali í leik.
Það voru skoruð fimm mörk í leik Gylfa og félaga á móti Arsenal en mörkin urðu alls sjö í stórsigri Bournemouth á Hull.
Joe Allen skoraði tvö fyrir Stoke og það var dramatík þegar topplið Manchester City tapaði stigum í öðrum leiknum í röð.
Í spilaranum hér fyrir ofan má sjá öll mörkin sem voru skoruð í leikjum gærdagsins þegar enska úrvalsdeildin fór af stað á ný eftir landsleikjahlé.
Glæsimark Gylfa og öll hin mörkin í enska í gær | Myndband
Tengdar fréttir
Gylfi: Bárum of mikla virðingu fyrir Arsenal
Gylfi Þór Sigurðsson segir að leikmenn Swansea hafi borið of mikla virðingu fyrir liði Arsenal í leik liðanna í ensku úrvalsdeildinni í gær.
Gylfi skoraði í tapi gegn Arsenal | Sjáðu mörkin
Gylfi Þór Sigurðsson skoraði glæsilegt mark fyrir Swansea þegar liðið mætti Arsenal á Emirates-vellinum í Lundúnum í dag.
