Nýtir sér dulúðina Kjartan Guðmundsson skrifar 14. október 2016 13:30 Þórhallur Sævarsson leikstýrir The Hidden, sinni fyrstu mynd í fullri lengd. „Það er nú svoleiðis með þennan kvikmyndabransa að maður þorir varla að segja að neitt sé pottþétt fyrr en myndin er komin í bíó, en þetta lítur mjög vel út og við stefnum að því að hefja tökur um mitt næsta sumar,“ segir Þórhallur Sævarsson leikstjóri. Þórhallur hefur gert það gott sem auglýsingaleikstjóri síðasta rúma áratuginn og starfað víða um heim, meðal annars í Bandaríkjunum, Bretlandi og Danmörku og er nú með annan fótinn í Mílanó á Ítalíu, en vinnur hörðum höndum að undirbúningi sinnar fyrstu myndar í fullri lengd. Sú nefnist The Hidden og er hrollvekja sem byggir á atburðum sem áttu sér stað á hálendi Íslands fyrir nokkrum árum, þegar hópur erlendra jarðfræðinga kom hingað í rannsóknarferð og varð vitni að ýmsum óútskýranlegum hlutum.Framleiðendur The Hidden eru frá íslensku framleiðslufyrirtækjunum True North og Mystery og hinu breska Iron Box Films og er vinna við leikaraval þegar hafin í London og Los Angeles. Myndin verður á ensku, en stærstur hluti hennar tekinn upp á Íslandi. Þórhallur segist spenntur fyrir því að gera sína fyrstu kvikmynd og ekki síst að nýta sér stórfenglegt landslagið og dulúðuga stemninguna á hálendi Íslands. „Ég hef gengið lengi með þessa hugmynd í maganum. Það eru svo spennandi hughrif sem maður verður fyrir þegar maður er staddur uppi á hálendi og fer kannski að horfa í kringum sig seint um kvöld. Þá byrjar maður að hugsa um ýmsar þjóðsögur, huldufólk og náttúruvætti og það getur orðið mjög yfirþyrmandi mjög hratt. Það er jafnvel mögulegt að fá innilokunarkennd í sjálfu víðáttubrjálæðinu, sem er alveg einstakt.“ Leikstjórinn fékk gamlan kunningja sinn úr Menntaskólanum við Hamrahlíð, rithöfundinn Óttar M. Norðfjörð, til að semja handrit The Hidden. „Þórhallur bauð mér í kaffi fyrir þremur árum og sagði mér þessa sögu sem mér leist strax vel á,“ segir Óttar, sem hefur sent frá sér skáldsögur og ljóðabækur en The Hidden er hans fyrsta kvikmyndahandrit sem kemst á framleiðslustig. „Það er gaman að sjá hvað fólk sýnir verkefninu mikinn áhuga, bæði heima og erlendis, og ég er alveg drulluspenntur fyrir þessu,“ segir Óttar. Bíó og sjónvarp Mest lesið Mammaðín er tilraun til að sporna gegn hræðilegri þróun Tónlist Arna Ýr uppljóstrar um kostnað brúðkaupsins Lífið Allt í keng: „Líkurnar aukast þegar flugan er í vatninu“ Lífið „Þetta er ekki jafn svakalegt og maður ímyndar sér.“ Lífið Eintóm gleði á Bræðslunni Lífið Björk með besta atriði í sögu Ólympíuleikanna Tónlist Tónlistarmaður selur eina glæsilegustu eign Hafnarfjarðar Lífið Segir lúsmýið ekki biðja um of mikið Tónlist Nýtur lífsins áhyggjulaus í áhrifavaldaferð í Króatíu Tónlist Ógleymanleg gleðivíma að koma út Tónlist Fleiri fréttir Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira
„Það er nú svoleiðis með þennan kvikmyndabransa að maður þorir varla að segja að neitt sé pottþétt fyrr en myndin er komin í bíó, en þetta lítur mjög vel út og við stefnum að því að hefja tökur um mitt næsta sumar,“ segir Þórhallur Sævarsson leikstjóri. Þórhallur hefur gert það gott sem auglýsingaleikstjóri síðasta rúma áratuginn og starfað víða um heim, meðal annars í Bandaríkjunum, Bretlandi og Danmörku og er nú með annan fótinn í Mílanó á Ítalíu, en vinnur hörðum höndum að undirbúningi sinnar fyrstu myndar í fullri lengd. Sú nefnist The Hidden og er hrollvekja sem byggir á atburðum sem áttu sér stað á hálendi Íslands fyrir nokkrum árum, þegar hópur erlendra jarðfræðinga kom hingað í rannsóknarferð og varð vitni að ýmsum óútskýranlegum hlutum.Framleiðendur The Hidden eru frá íslensku framleiðslufyrirtækjunum True North og Mystery og hinu breska Iron Box Films og er vinna við leikaraval þegar hafin í London og Los Angeles. Myndin verður á ensku, en stærstur hluti hennar tekinn upp á Íslandi. Þórhallur segist spenntur fyrir því að gera sína fyrstu kvikmynd og ekki síst að nýta sér stórfenglegt landslagið og dulúðuga stemninguna á hálendi Íslands. „Ég hef gengið lengi með þessa hugmynd í maganum. Það eru svo spennandi hughrif sem maður verður fyrir þegar maður er staddur uppi á hálendi og fer kannski að horfa í kringum sig seint um kvöld. Þá byrjar maður að hugsa um ýmsar þjóðsögur, huldufólk og náttúruvætti og það getur orðið mjög yfirþyrmandi mjög hratt. Það er jafnvel mögulegt að fá innilokunarkennd í sjálfu víðáttubrjálæðinu, sem er alveg einstakt.“ Leikstjórinn fékk gamlan kunningja sinn úr Menntaskólanum við Hamrahlíð, rithöfundinn Óttar M. Norðfjörð, til að semja handrit The Hidden. „Þórhallur bauð mér í kaffi fyrir þremur árum og sagði mér þessa sögu sem mér leist strax vel á,“ segir Óttar, sem hefur sent frá sér skáldsögur og ljóðabækur en The Hidden er hans fyrsta kvikmyndahandrit sem kemst á framleiðslustig. „Það er gaman að sjá hvað fólk sýnir verkefninu mikinn áhuga, bæði heima og erlendis, og ég er alveg drulluspenntur fyrir þessu,“ segir Óttar.
Bíó og sjónvarp Mest lesið Mammaðín er tilraun til að sporna gegn hræðilegri þróun Tónlist Arna Ýr uppljóstrar um kostnað brúðkaupsins Lífið Allt í keng: „Líkurnar aukast þegar flugan er í vatninu“ Lífið „Þetta er ekki jafn svakalegt og maður ímyndar sér.“ Lífið Eintóm gleði á Bræðslunni Lífið Björk með besta atriði í sögu Ólympíuleikanna Tónlist Tónlistarmaður selur eina glæsilegustu eign Hafnarfjarðar Lífið Segir lúsmýið ekki biðja um of mikið Tónlist Nýtur lífsins áhyggjulaus í áhrifavaldaferð í Króatíu Tónlist Ógleymanleg gleðivíma að koma út Tónlist Fleiri fréttir Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira