Ásta Guðrún Helgadóttir þingmaður og oddviti Pírata í Reykjavíkurkjördæmi suður situr fyrir svörum í beinni útsendingu í Kosningaspjalli Vísis í dag en þátturinn er hluti af ítarlegri umfjöllun fréttastofu 365 fyrir komandi þingkosningar sem fara fram þann 29. október næstkomandi.
Þátturinn hefst klukkan 13:30 og verður í beinni útsendingu á Facebook-síðu Vísis sem og á vefnum. Áhorfendum Vísis gefst tækifæri á að spyrja frambjóðendur allra flokka sem bjóða fram í kosningunum út í þeirra helstu stefnumál og málefni.
Á meðan á útsendingu stendur geta lesendur og áhorfendur sent inn spurningar með því að setja inn athugasemdir við beinu útsendinguna á Facebook. Fyrir útsendingu er einnig hægt að senda spurningar í gegnum tölvupóst á netfangið sunnakristin@365.is og hvetjum við að sjálfsögðu alla til að nýta tækifærið til að spyrja frambjóðanda Pírata spjörunum úr.
Kosningaspjall Vísis verður í beinni útsendingu virka daga fram að kosningum. Dregið var um í hvaða röð fulltrúar flokkanna koma í þáttinn en á morgun mætir Ragnar Þór Ingólfsson oddviti Dögunar í Suðvesturkjördæmi.
Dagskrána fram að kosningum má svo sjá hér að neðan:
12. október: Píratar
13. október: Dögun
14. október: Samfylkingin
17. október: Vinstri græn
19. október: Björt framtíð
20. október: Viðreisn
21. október: Flokkur fólksins
24. október: Húmanistar
25. október: Framsóknarflokkurinn
26. október: Sjálfstæðisflokkurinn
Oddviti Pírata í Reykjavík suður situr fyrir svörum í beinni útsendingu
Tengdar fréttir
Kosningaspjall Vísis: „Ég er kommúnisti en þetta er ekki kommúnistaflokkur“
Vésteinn Valgarðsson, oddviti Alþýðufylkingarinnar í Reykjavíkurkjördæmi norður, segir hluta af markmiðum flokksins að koma málstað hans til fólksins.
Fullyrðir að Íslenska þjóðfylkingin verði stærsti flokkur landsins ef aðrir flokkar hlusta ekki
"Við erum enginn rasistaflokkur.“
